|
زوجتي من الكشك للبيت
زوجتي دخلت بإسعاف مستشفى الولادة الساعة عشر ليلا ورقدت الثالثة الفجر والساعة وحدة ونص الظهر ولدت
واستمرت في الكشك لين الساعة عشر بالليل وطلعتها للبيت على مسؤوليتي وهذي ماهيب مشكلة كثر مهزلة تعامل الفلبينيات والأجنبيات عموما القذرات والإهمال من جميع النواحي ونقول إن شاء الله قرب افتتاح المستشفى الجديد وتنحل مشكلة الزحمة لكن يجب انه يوضع حد للعاملات الأجنبيات بالكشك أو بالمستشفى عموما ( والكلام عن زوجتي ) وكنت قبل بصراحة أمدح المستشفى لكن بعد ما سمعت هالكلام تغيرت نظرتي 180درجة وألف تحية للعاملات السعوديات في المستشفى من دكتورات أو ممرضات أو غيرها لتعاملهن الراقي مع أخواتهن السعوديات وفعلا مثل ما يقولون الشيبان ( ما يحك جلدك مثل ظفرك ) ونطالب إدارة المستشفى بالنظر في هالموضوع لأن مو كل الناس قادرين على الحبيب أو الوطني |
أولاً : الحمد لله على سلامة زوجتك ثانياً :الكثير يعاني مثل هالتصرف في المستشفيات((( الحكومية))) تصرف ولا مبالاة في المرضى وغالبا عند النساء :i121:i121 الله يصلح الأمور.. |
بهالوقت ماينفعك الا قروشك والا الحكوميات ماوراهم الا الدجة
|
الحمدلله عَ سلامة المدام والله الله بطلاعة حلوة :d |
اقتباس:
والله يسلمك |
الحمد لله على السلامه أولا ..
ثانيا: يقولون نرفزة المرأة وقت الولادة سبب لسرعة الولادة الطبيعية حيث تكثر التقلصات !! يعني ربما ينرفزن المرأة حتى تخلص سريع .. الأمر الثالث : هي مرة كل سنتين على الأقل لذلك تحملّوا ياجماعة وربكم يفرجها .. وأخيراً : الله يصلح لك نيتك وذريتك..آآمين. |
ماجاها ضرب منهن!!
والسعوديات لايحطن عطورات يشبن علينا الالم !! |
حمد الله ع سلامة المدام ..
والله يجعل ما رزقكم قرة عين لكما . ـــ صورة مع التحية .. لمن مانع أن تعمل بناتنا داخل الصروح الطبية ...!! |
الحمد لله على سلامة المدام...
ولا سلم العود الحال تعود ... |
الحمد لله على السلامة ومبرووووك ما جاكم ويتربى بعزكم اهم شي العقيقة متى ؟ |
الحمد لله ع سلامه المدام ومبروك ماجاكم :: |
أولا الحمدلله على سلامة زوجتك
ومبروك ما جاكم الله يجعله عطاء صالح وثانيا : الصراحة غريبة أختي والدة قبل كم يوم بمستشفى الولادة وتقول الممرضات السعوديات ما همهن الا السواليف والضحك مع بعض وهن كثيرات مهب وحدة.. وتقول توي طالعة من الكشك واتطلبهن يلبسن ولدي ويرفضن ويقولن أنتي قومي لبسيه .. وتقول ناديت العاملة أبغاها تساعدني شوي ..وهاوشنها وقالن ياويلك لو تلمسينها ورجعن للسواليف والضحك مرة ثانية ... طيب وش فايدة الممرضة اذا صارت ماتخدم المريضة .. لكن يمكن زوجتك وفقت بوحدة تخاف الله |
الحمد لله ع السلامه
ثانيا وشلون المولود ثالثا 8 حريم يرقدن بغرفه وحده رابعا البحرين جاهم مليار لبناء مستشفى متكامل وحنا كل محافظات وقرى القصيم تجي لمستشفى الولاده الي ببريده |
اقتباس:
|
معاك حق فيه تصرفات ماتخطر على البال بالمستشفى كنت منومه فيه وربي الممرضات صبوماء حار على رجلين الطفل توه مولود ياعمري رحمته ,, من جد هبال وتساهل > الله يخلف
والحمدلله على سلامة زوجتك ويتربى بعزكم ,, |
فعلا الهنديات والفلبينيات تعاملهن زفت
وياسلام على السعوديات كانهن خوات لي |
يا رجال من يوم دخلنا السعوديات وهي صايره مهزلها مابعده مهزله
اسمع هذا ماحصلي زوجتي ولدت با المستشفى وهي بعز او جاعه الطلق الدكتوره قالت لا السعوديات الممرضات يحولونها من سرير الى سرير المهم كل واحده تقول لا الثانيه كولي .... انتي ماتشيلين زين وانتي فيك ... جلسن تقريبا عشر دقايق لما جت الدكتوره وفكتهن والمره تصارخ وبدل ماتولد طبيعي ولدوها عمليه حسبي الله ونعم الوكيل بس |
صدق ،،
أمي كذا ولدت وجننوها |
الحدلله على السلامه.....واسعوديات الصراحه مااقتنع بشغلهم .. قبل فتره .رحت اخذ ابره مسكن للقولون واعوذبالله ماخذته وانا اصدق يتخوبلن ويتشاورن ومادخلت الابره بسرعه ووه بس واناامانب واثقه واقول عسي ماتسير شي غلط "انعدمت الثقه" من كثر ماتشاورن...
|
اقتباس:
|
اقتباس:
والعقيقة الحقيقة انها إذا رخصت الغنم |
الحمدالله على السلامة
|
حمد الله ع سلامة المدام ..
والله يجعل ما رزقكم قرة عين لكما |
مشااااء الله يتربى بعزك وعز المدام
الف مبروك انا بالنسبه لى ماقد سمعت ان احد يمدح مستشفى الولاده ببريده من زمان وهاذى طريقتهم بالتعامل مع المريضات كاننا حيوانات عند هالممرضات الوحده بطلق وحالته حاله وكل شوى داخله عليه وحده تهاوش عليها مادرى ليه المره الثانيه ان شاء الله قبل ماتفكرون تجيبون الثانى ابدء جمع بمستشفى اهلى والله المستعان |
اقتباس:
|
بالعكس الممرضات السعوديااات قمه بالتعامل لدرجة وحده منهن يوم اشتد الطلق وقفت فوق راسي ومسكت ايدي وتقرا علي
وكل ماصرخت جت ركض علي والفلبينيه نفسسس شيييينه اله يكثر السعوديات بسسسس |
|
طبعا بالنسبة للممرضات السعوديات أنا أمدح تعاملهن مع المريضات وطبعا فيه منهم من هي العكس
لكن ما لنا إلا نقول الله يعدلهم أو يبدلهم |
اقتباس:
|
مهما كان الحكومي افضل
من تجربه قريبتي ولدت بالوفا وتعب البيبي وحولها هي وضناها للولااد يعني بس خساير والعمده على تسهيل الحي القيوم |
| الساعة الآن +4: 06:53 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.