تقويم الاسنان
 

السلام عليكم
ابي احسن مستوصف لتقويم الاسنان ببريده واذ كان احد مجربه ياليت يفيدني لاني ابحط تقويم ماني عارفه ايش احسن
ويعطيكم العافيه

هلابك
فيه مستشفى العجاجي أنا مسوية فيه تقويم عند الدكتورة راكيل أندريس ممتازة توي راجعة شاده التقويم

كم سويت التقويم وكم المده

سويته ب7500سنتين ونص بس بالتقسيط كل شهر أدفع300

فيه مستشفى الأسرة بنات عمي مركبات تقويم فيه حلو أسعارهم التركيب ب7000التقسيط350بالشهر
أتمنى أني أفدتك

هلا وغلا ..
انا بعد مركبة الحين عند العجاجي لي سنتين ..
صراحه شغله حلو وايدهـ خفيفهـ ..
الدكتورة راكيل اندريس ..
وركبته بوقت تخفيض كان سعرهـ 5500 ..

لا الاسرهـ وععع يقولون وصخييين ..

يعطيكم العافيه يارب

السلام عليكم ..

أنا ودي أركب ايش رايكم بالرواد لو سمحتو ؟

من يقول ان الاسرة وسخ انا مركبه عنده تقويم يهبل ونظاااااافه
وترتيب ....

ماشاء الله ياكثرهم اللي مركبين
هع هع هع

الاسره زين الصارحه

وين موقعه الاسرة الله يوفقك ؟
وايش اسم الدكتور ؟ وكم سعره حاليا ً الله يجزاكم الجنة ...

تعرفين مطعم الديره اللي بحي المصيبيح اللى حول الساده ابد جدار المطعم والعياده مع بعض

الصارحه اسم الدكتوره معرفه بس شغله ممتاز

نسية السعر الحين مسوين تخفيظات 7500 ريالا


يعني اول شي تسوينه تسوين اشاعة اسنان 300 ريالا عنده وثاني لزم تصلحين السوسه ولزم يكون في خلع الاسنان الارنبيه الى قدام اربعه لزم خلع

بعدين يركبون التقويم تدفعين 2000 ريالا
وبعدين كل شهر 300 ريالا

شكرا جزيلا لك أبو ولع ..

وفيت وكفيت *

.

لالالالالالالالالالا احذررررري قسسسم بالله جربت الأسرة ..


بركب تقويم عندهم .. وبدت هي بالضرس
والله العظيــم حلفت ماأطب عليهم غيررر ماطبيت ..
بتخلع ضرسي .. وقسم بالله شووي وتكسر فكي ..

وحلفت ماأكمـل

وتشوفين دخلت دكتورة تسـأل عن مدري إيش ( أداة تبع الأسنـان )
وقالوا ماندري .. وبدت تصارخ كييف ماتدرون .. ومدررري إيش
وبدن يتهاااوشن عنــدي .. قسم بالله تخيلي شكلي فاجه هالخشه ومتوووحشه
وبعدين زاادن علي .. وخلتن وهي تشتغل بي تدور حدى قراشيعهم عساهم للطحـآل :(

صرآحة وتروووون بشكـل .. ماعندهم أي مرآعـآة ..

ولا تخيلي قمة الفووووووضــــــــــــى .. اللي ينتظرن برآ ..من قلة الأدب يدخلن
ويقولن : هـاه خلصتوووا ..؟

وأنا ماأبي أحد يدخـل .. شكل محتاااس .. وشايله الطرحة ..يعني مرره يفشل ..
وماهمهم ..دخلوهن بيعطنه كرت ومدري إيش ..

وبعد ماخلعت ضرسي لي ثلاثة أيام قسم بالله يووجعن فكي عقبهن ..
لأن قلعهن قسم بالله يطيررررر العقــل .. يسحبنه تقل يسحبن وش بس

والله أنهن وهن يشتغلن بي مسكت فكي خفت ينتقـلع هو الثـآني :113:

ولا بعـد .. دخلت دكتورة قالت : ليييش تستخدمون هذا ؟؟..هذا وصخ وماعقم ومدري إيش
تشوفين قسم بالله اطلعـــــــــــــت عيوووني ..



نصييييييييييييييييييييحة : روووحـي للروآد .. الي باارده .. ونفس الأسعـآر ..
وشغلهـم يهبببببببببببببببببببببببببببل .. كل صديقاتي مركباااات عنــده ..

نصيحتي لك روحي للعجاجي
أنا مركبه عندهم
الدكتوره مره طيبه
طيبه بقوة وباردة
ماتعصب

مشكورين كل اللي ردوا
احد سمع عنكم عن المدار لطب الاسنان

الله يجزاك خير وهج الدعوة صحيح أنا سمعت كثير يمدحون الرواد ...

طيب ماتدرين كم أسعار الرواد ...

وفق الله الجميع ...

والله يالاسره انه يهبل بس تكون نوره انا عنده بس رااحت للفرع الثاني اللي بالفايزيه

هو موب زين للي عند الدكتوره ايرما كوميا هذي ابدا ماهب زينه حولون له عشان نوره رااحت بس ماعجبتن

تبين شغل مزبوووط وحلو
روحي لم صحة الاسره بحي الفايزيه
مزبووووووطه مره وشغله مررتب ويده خفيفه
انصحك فيه

افضل مستوصف يركب تقويم مستوصف بريده بس المشكله عندهم دايم زحمه .وفيه مستوصف اجمل ابتسامه رخيص وشغلهم زين .وبعدين اذا بغيتي تركبين تقويم ركبي التقويم الشفاف .وكلها سنه وانتي فاكته وبعدين يركبون لك تقويم متحرك .

يعطيكم العافيه يارب
بالنسبه للاسره رحت لمهم حسيت انهم وصخين وخفت صراحه وقالتلي لازم اقلع لك ضرسين على الاقل قلتله لا وتركتهم
اما الرواد دقيت عليهم ردت علي موظفه الاستقبال قالت الدكتوره مسافره تجي بعد اسبوع تقريبا
وانا ودي ابدا من الحين علشان التقويم ياخذ وقت
اخوي وشلون التقويم الشفاف مافهمت عليك هل هو نفس السعر التقويم العادي ولا

أنا أنصحك بالعجاجي أنا سويت عندهم
الله يعينك،،،

الرواد زين وسعرة ممتاز ..

اقول شرايك امول نتواعد ناخذ نفس الموعد ..ههههههههههه:d

صادقه أموله انا وياهـ كلنا بالعجاجي مرتبين وانواع النظام ..
تحطين بطاقتك حقت الموعد وتدخلك بعد شوي على الدكتورة ..>> والدكتورة عسسسسسل ما عمره حمقت او شي مثل غيرهـ اعوذ بالله من تدخلين لين تطلعين هواااش>> انا لي سنتين مركبه الحين .. بالعكس حبيبه مرررهـ ..

اما الجمان >> انا سأله دكتورة الاسنان حقة الحشوات وغيرهـ تقول >> ما فيه دكتورة بس دكتور واحد يقاله المحيميد >> سعودي وخزياهـ :p وبالرياض ما يجي الا الخميس انواع الزحمه ..

مستوصف بريده >> يقهرووووون غالين على غير سنع تخيلي وصل سعرهم 14000 مدري على ايش اختي مسويته عندهم قبل ما يصير غالي عادي جدا نفس شغل المستوصفات الثانيه .. بس اغتروا يوم شافوا الناس عليهم >> شهرهـ بس ..


الاسرهـ >> ياكثر الي راحو لهم واولهم بنت خالتي >> العائله الكريمه كلهم مركبين خخخخخخخخ
>> بنت خالتي راحت وهجت عنهم تقول قررررررررف وشغلهم عفس ..

فيه مستوصف الطب الحديث >> سمعت احد يمدح شغلهم واسعارهم نفس المستوصفات الثانيه من 7000 الى 8500 .. هذا السعر المعقول ..


الرواد >> صديقتي تقريبا له 3 سنين فاكه تقويمه اذكر سألته ابي اركب عندهم قالت مركبين لي 9000 ..
احس انهم غويلين شوي :d ..

أقول سحابه ،،،
خلاص الوعد بالمستشفى الشهر الجاي
هع هع <<يتواعدن بمستشفى

ههههههههههههههههههههههههههههههههههه ..
خلاص بس انا موعدي قريب بعد اسبوع .. شلووووووون ؟؟ خخخخخخخخخ >> وحدهـ صدقت ..

أنا موعدي بعد شهر الثلاثاء اللي راح موعدي،،،
خسارة
صدقت عاد وشوله متعبين أرواحنا نطلع لمكان وخلاص بس حواطى

اازين مستوصف ببريده انا امجربهن """""""""""
الاول مستوصف اجمل ابتسامه
والثاني مستوصف بريده

سبـــحان الله

العجاجي سمعه فقططط
المدار جناان

ابغى اسألكم
بعد اذن صاحبة الموضوع ..
انا ودي اسوي تقويم
فيه فلجتين بس بأسناني فوق وتحت ..
تتوقعون كم السعر ؟؟؟

بسسمه ريفاان ..يقوولوون مرره حلووو
بس انا مااستخدمممته

بسمتي او الاحسان ..

انا صراحه اخذه موعد عند المركزي ويجي الموعد بعد ثلاث سنين <<<كيف الحال خخخخخخخخخخخ بموت وانا انتظرهم

المستوصفات اللي جربتهم شغل بس بدون تقويم المستقبل نادين بليبل والرواد مياده يهببببببببببببببلن