|
والله احرج المسكين واحرجنا
يااخوان البارح كنا معزومين علي زواج ابن احد الأقارب في قصر الأفراح المهم يوم قلطنا علي العشا قلط علي الطاوله الي جنبنا واحد ولد شباب بين من شكله انه مو من المعازيم وشكل مظهره من احد القري القريبه المهم الرجال بدا ياكل تحس من اكله انه له يومين ماذاق شي ويجي واحد معنا علي الطاوله ويمتحنه بتجديع الكلام مثل ( هذا ماشاف العيشه ’ هذا شكله من الي يدورون علي العروس ) والمشكله انه رجال كبير وعليه الشرهه وعند نفسه انه قاعد ينكت وانا اطالع الولد يوم انه استحا ونزل راسه ونزل شماغه وطلع وشكله ماغسل الصراحه كسر خاطري !! بعدين وش استفاد هاالشخص من هاالكلام وكذلك الخير واجد والله بعض المفاطيح ماعليها احد مردها للزباله . يااخوان الواحد يدور المحتاج يتصدق عليه مويمنعه عن شي مو من حلاله حسبناالله ونعم الوكيل ..
|
سد الله نفسه وكسر خاطره كما كسر خاطر هذا المسكين
اقسم انني تألمت واحسست بضيق شديد حسب الله على كل من يحاول الاساءه للاخرين دون ذنب منهم |
يحووول والله حرام عليه..
طيب وش يبي بالرجل ....خله بكيفه ياكل ومتى ماشبع يروح وليه هو على راسه ...((أستغفر الله)) صراحه بعض الناس فعايلهم مثل وجيههم<<تجيب الهم |
:( اللحين هاللي مايستحي ليش يحرج هالمسكين :mad:
مايخاف من الله يبلاه بالفقر والحاجة . |
اقتباس:
|
ماوضع العشاء الا ليؤكل تصرف قليل أدب كان خلى هالمسيكين يتهنأ بعيشته وينبسط بعض الناس يبلش بغيره وينسى نفسه الله لايبلانا |
اخوي ملف اسمحلي اقولك انك انت مشارك في هذا الذنب لأنك تشوف اللي ما يخاف الله يتكلم على الضعيف ومسكت اقل شي انصحه الله يهديك بس |
اقتباس:
|
حرآم عليه
لكن الدنيا دواره يوم من الأيام راح يصير بمكانه |
انا بسأل الأعضاء
من تخاطبون ! تخاطبون انسان مادرى عنكم ! وبعض الأعضاء يبحث على شي علشان ينزل موضوع فية ! وبعدين ماتجي بالعقل انسان يأكل ويجي احد يهزئة ! |
ترى فيه ناس كبارين بااعمارهم وعقولهم لك عليه شوي والعكس،،،
كان مسكته على جنب وفهمته!!! الاشكال هذي يبيله دروس خصوصيه بالاخلاق حرام يترك كذا على عماه .. ــــــــــــــــــــــــــــــــــــــ |
اقتباس:
|
نفسوه رديه هالرجل ولابوه خير لاهوب مالك ولاحلالك وش عليه منوه وشكله مثل ماقلت انت اياقلوه فاكهة المجلس ومالقى الا هالضعيف بس ليتك جادعن عليه كلمتين قبل تقوم عالشان يعرف يضحك بالخلق نوبتن ثانيه يااااربي ان كانوه محتاج هالشاب وحادتوه الدنيا انك ياربي تفتح لوه ابواب رزقك وتغنيه وتعفوه
|
لاحول ولاقوه الا بالله
الى متى؟؟؟!! |
اقتباس:
|
والله من الصدز الواجد
اجل احرجه لاحول لله |
ماتعود على الضيوف والكرم
|
كان قمت وسفلت بوه قدام العالم .. |
لو تقدرون تروحون تطيبون خاطر هالمسيكين تلقونه ضاق صدره وتعقد وهذا شيء طبيعي خصوصاً انه منحينه بموقف شين محد وده يكون محتاج !
ويجي هذا ويكمل عليه حسبنا الله وكفى كيف يفكرون بعض الناس ؟ حسابه عند ربنا وكما تدين تدان. |
المفروض منك أنك رديت على هذا المتسلط بلسانه
حتى يرتاح المسكين . |
ياحوووووول واللله يكسر الخاطر ويمكن من جد ماشاف العيشه ولكن هذا مايبرر إنه يسد له نفسه
|
أنت الغلطان ليش ماقلت للرجال هذا أسكت مالك دخل خله يأخذ راحته أنت دافع شي من جيبك غشان تصير درس له ومايتلفظ على خلق الله..........
|
التنكيت قد يجرح مشاعر انسان لا يستطيع الاعتذار معالجة هذا الجرح .
|
×××××××
والمفروض انت ماتسكت .. ترد عليه لأن الساكت عن الحق شيطان آخرس .. عجبي من امرك .. تتركة .. وتتكلم عنه بالمنتديات ..؟؟؟! لماذاا لاتواجه هذا الشخص وتنتقده على فعلته ..؟؟ حسبنا والله ونعم الوكيل .. |
عالمي
الوسام شاكر مروركم اخواني الأفاضل وكذلك مداخلات الجميع اقدر تفاعلكم وهذا من طيب معدنكم وحسن تر بيتكم لا كن والله مانزلت الموضوع إلا لأني اريد ان اكفر عن تعاجزي برد الظالم عن ظلمه وكل واحد يحط نفسه مكاني ساعتها راح يكون مثلي وينشل لسانه من الموقف لا كن نسأل الله لذلك الشاب وامثاله ان يغنيهم الله من فظله .. |
مسكين والله عسى هاللي احرجه يذووق نفس اللي حصل
|
يا ويله من الله ...
|
اذا هوو محتاج الله يرزقه من واسع فضله ويغنيه عن الناس.. واذا علتووه ماتعلم كيف ياكل بأدب اتوقع بيكون لوه درس ويتسنع.. وبالنسبه للي علق على الشخص قدام ملى يرى ويسمع الله يفكووه من دعوه تجيه من هاللي فشلووه قدام العالم ..
|
حسبي الله ونعم الوكيل |
حرآم عليه لكن الدنيا دواره يوم من الأيام راح يصير بمكانه |
يلتي عندك كان اقوم على الشايب اخليه ميسوى ريالا
والله حرام فيه ناس داجين يكسرون الخاطر الله يرزقه ان شاء الله |
.. مااااله داااعي ,,, وانا لو مكاان الولد ذذ والله ماقووم الا اخر وااحد عناد لهتسلب ذا << وشيبيبه الشاايب .. مادري وش يحسونبه بعض الناس ؟ >> .. |
حبيت اخبركم يااخوان باالي حصل اتصلت بوالد المعرس وهو رجل فاضل ومحب للخير ومشهود له بذلك وشرحت له مابدر من ذلك البذيء ففجع وتغير لون وجهه وقال انا اعرفه انه لئيم ولا كن ليس لهذه الدرجه فأخذ جواله من احد الحاظرين واتصل عليه وسمعه كلام عمر امه ماسمعه واقسم باالله ان تكرر منك ماحصل ماتحضر اي منا سبه لأي فرد باالعائله ولأطردك مثل الكلب قدام الناس وقال لي لو تعرف ذلك الشاب او احد يعرفه راح تاصله ظيافته مني وين مايكون وله مني هديه مع الظيافه 3000 الاف ريال وقلت وانا كذلك مني كثرها واقسم باالله اني جاد بكلامي لارياء او سمعه بس لو شفته عرفته . لا كن الله يغنيه من واسع فظله
|
اقتباس:
وهل سترد كرامتهـ وعزتهـ بالمال ؟؟ أخي الفاضل / ربما لا ليس ربما بل بالتأكيد ترك في ذلك الرجل إنكسارا كبيرا بداخله .. بالطبع لم يدخل من دون دعوه الا لحاجته الشديده .. والله موقف محزن جدا ومبكي .. هل يأمن ذلك الرجل من أن يغير الله من حالا لحال ويصبح هو في محل هذا الرجل .. أليس الله بقادر ؟ وأما عن تصرفك يا حفظك الله ربما لأنه في بعض المواقف لا نتملك حسن الفعل ولا يلقى اللوم عليك .. فلا تعاتب نفسك كثيرا ولكن في المره القادمه حاول أن تكون أكثر إنصافا لهؤلاء ولا يهمك منصب أو مكانة أحد .. وأسأل الله أن يرزق ذلك الشاب من أوسع أبوابه ..ويجعل الجنة مثواه ووالديه ويثيبه .. وأن يهدي الله ذلك الأحمق أو أن يكسر قلبه مثل ما كسر قلب ذلك المسكين .. وجزاك الله خيرا ربما أصلحت أنت الكثير بطرحك للموقف ليتنبه الجميع .. أختكم / ورد |
الله يرفع قدره ان شاءالله يارب وترزقه وتصير ان شاءالله درس لخويك يتعلم منه ويازين الاخلاق الله يارب تحلينا به وشكرا لك |
حسبي الله ونعم الوكيل
|
الله يهديه قسم غثن
هي على التربية مب على العمر |
حرام عليه تســـيـّـتـــذا ..~
القنــ ميمو ـاصة ..<<عيني بعينك هآ البلد عرووس الشمال حاايل ,, |
لاحولا ولاقوة الابالله شي يقهـــررر
قسم لكــن الله يــرزق المسكيــن |
| الساعة الآن +4: 08:02 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.