بريدة ستي

بريدة ستي (http://www.buraydahcity.net/vb/index.php)
-   ســاحـة مــفــتــوحـــة (http://www.buraydahcity.net/vb/forumdisplay.php?f=2)
-   -   عاجل .. بدأت الأمطار والعواصف الآن في الرياض اليوم الثلااثاء 20/5 (http://www.buraydahcity.net/vb/showthread.php?t=203101)

مدحت شوقي بريده 04-05-2010 03:20 PM
عاجل .. بدأت الأمطار والعواصف الآن في الرياض اليوم الثلااثاء 20/5
 



اليوم الثلاثاء 20/5/1431
ونحن الآن على مشارف وادي حنيفة جنوب الرياض ..

بدأـ الآن الأمطار تتساقط ..

مع اصوت الرعد .. ونور البرق .. وعواصف ورياح متوسطة السرعة ..


مع بداية تراكم السحاب ..

اللهم سلم سلم ..



سي يو ..

صديقه الجوري 04-05-2010 03:24 PM
ياررب تحفظهم...
انا لله وانا اليه راجعوون...

بنت الشماسية 04-05-2010 03:25 PM


حنا شرق الرياض .. والأوضاع الحمدلله تمام

الله يستر

..

أتعبني طموحي 04-05-2010 03:28 PM
..


في شمآل الرياض ..
والجو مشمس وهاديء..


الله يحفظنا ويستر علينا يآآآرب ..



..

راقيه باخلاقي 04-05-2010 03:28 PM
الله يجعله صيبا نافعا
اللهم سقيا رحمه لاسقيا هدم ولاعذاب ولاغرق

مدحت شوقي بريده 04-05-2010 03:29 PM
واصلكم الخير ياأهل شرق الرياض ..

لأن السحاب جنوبي غربي .. متجه للشمال والشرق ..

ولموا اللساتك ..



سي يو ..

.Total ransom eyes 04-05-2010 03:29 PM
انا بوسط الريــاض اللحيـن والجوء عــادي ...

ajmn 04-05-2010 03:35 PM
شمال بريدة . . الغيوم بدت تتلبد . . ..

الله يغيثنا . .

مدحت شوقي بريده 04-05-2010 03:36 PM





المطر بداء يتوقف .. والغيوم بدأت تنقشع .. شيئاً فشيئاً ..
وجت الغيوم البيضاء هذي .. مادري وش تسمونه ..

ووقع على الكيبورد ذباب .. وهذي قاعدن اناظره ..
قربت لوه .. انحاش .. احسن ..


خلوكم هنا ..

ونوافيكم بالاخبار ..


سي يو ..

بنت الشماسية 04-05-2010 03:37 PM
كأني سمعت صوت رعد .. مادري صدق ولا أذاني توسوس لي :eek5

يارب رحمتك وعفوك ياأرحم الراحمين

..

البيضة 04-05-2010 03:38 PM
سبحان الله

طموح مشرق 04-05-2010 03:42 PM
ربي ألطف بنا واللهم أجعلها أمطار نافعة تعم بنفعها أرجاء البلاد..

مدحت شوقي بريده 04-05-2010 03:45 PM
الساعة هاللحين الـــ2.40 ظهراً ..

الجو مشمس ..


سبحان الله هل هي سحب صيف ..

ولكن يظهر في الجنوب سحاب متراكم .. هل يفرقه الهواء بإذن الله ..
أما يأتي ويأتي الخير معه ..


خلوكم هنا .. وسأعلمكم باللي يصير ..

وترى راعي الكورلا اللي بالوادي راح ..


سي يو ..

أبونوافـ 04-05-2010 03:45 PM


.

الآن أمطار متوسطة على جنوب شرقي الرياض مصحوبة بزخات من البَرَد


اللهم سقيا رحمة لا سقيا عذاب ولا هدم ولا غرق

اللهم حوالينا ولا علينا

اللهم على بطون الأودية ومنابت الشجر




.

أبونوافـ 04-05-2010 03:46 PM


.

أمطار متوسطة على جنوب شرقي الرياض مصحوبة بزخات من البَرَد


اللهم سقيا رحمة لا سقيا عذاب ولا هدم ولا غرق

اللهم حوالينا ولا علينا

اللهم على بطون الأودية ومنابت الشجر




.

راقيه باخلاقي 04-05-2010 03:48 PM
هذا سحاب الصيف بسرعة يتكون وبسرعة يتلاشى ويتفرق سبحان الله
واهم شيء الذباب مشارك بالتغطية !!

على طريق الأمل 04-05-2010 03:49 PM
الــــــــلــــــــه يستــــــــر

سعداف 04-05-2010 03:50 PM

محد شاف كورلا متعطلة ؟ :d

أبونوافـ 04-05-2010 03:52 PM
اقتباس:
المشاركة الأساسية كتبها راقيه باخلاقي (المشاركة 2202803)
هذا سحاب الصيف بسرعة يتكون وبسرعة يتلاشى ويتفرق سبحان الله
واهم شيء الذباب مشارك بالتغطية !!
واللي أمس جت مهب سحابة صيف؟؟:rolleyes:















يقول الشاعر :

سحابة صيف عن قليل تقشّعُ








.

الصباخ 04-05-2010 03:53 PM
هههههههه ياخي أحس كأننا بقارة مهب بمدينة، حنا بشمال الرياض الشمس طالعه ومشرقه والغيوم طبيعيه والحمدلله الوضع هدوء ولا فيه أي مشاكل واسمع زقزقه العصافير :d.

أبونوافـ 04-05-2010 03:54 PM
اقتباس:
المشاركة الأساسية كتبها terabayte (المشاركة 2202811)

محد شاف كورلا متعطلة ؟ :d
أنا شفته بس أنتله ماعليه سروال سباحه : 12
































أمزح ما شفت شي

بنت الشماسية 04-05-2010 03:59 PM

شرق الرياض ~

غيمت علينا شوي وأمطرت تنقيط خفيف .. وألحين الجو صحو .. الحمدلله

..

مدحت شوقي بريده 04-05-2010 04:02 PM
اقتباس:
هههههههه ياخي أحس كأننا بقارة
وانتم كذلك .. الله الله بالحليب ..
ههههههههههههههههههههه





الساعة الآن الثالثة عصراً ..

الوضع مطمئن .. السماء صافية ..


ولكن سحابة الجنوب الغربي احس انه قادمة .. وتحمل بإذن الله الخير ..


سي يو ..

الصباخ 04-05-2010 04:13 PM
هههههههههههههههه أيوه ياحسن كراني، وش صار على الأجواء؟
:d

مدحت شوقي بريده 04-05-2010 04:24 PM


الآن ومع آذان العصر ..


وصلت تلك السحابة الجنوبية الغربية ..

فتوارت الشمس خلفها ..
واصبح الجو مغيماً .. واحتمال سقوط الأمطار وارد ..
فالسحابة واضح أنها محملة بالأمطار .. بإذن الله ..


فليحفظكم الرب جميعاً ..


وانا ابطلع اصلي ..
واذا شفت شي ابعلمكم ..
وهذاي ادور نعالي ..

لقيت وحدة عند الباب ..
والثانية .. الثانية ..

ايه هذاي اشوفه .. بآخر السيب .. شكله كانت على واحدن ماشاء الله راعي طاعة ..
زاد اول ماأذن راحت عند الباب ..
اما هالقريبة هنا شكل راعية الأول داشر .. ماعنده نية اتحرك ..
<<((== هاللحين وراه ماأتحرك انت ..راحت الصلاة وانت تهمق ..


سي يو ..

أبونادرالأجتماعي20 04-05-2010 04:41 PM

اللهم لطفك الكريم بأهلنا وإخواننا ياحي ياقيوم ,,

مخفي 04-05-2010 04:42 PM
الصباخ
المشاركات: 10,999


:d

بنت الشماسية 04-05-2010 04:48 PM
الجـو خطيــر حلووو خوووقااااق .. الله يتمم علينا

تحلف انه بيذن المغرب على هالجو البديع .. الله يذكرك بالخير ياماليزيا (h)

..

الأمــــورة 04-05-2010 04:51 PM
اللهم رحمتك نرجو ..
اللهم حولينا ولا علينا

مدحت شوقي بريده 04-05-2010 04:58 PM
انا جيت ..


اول شي .. المؤذن ابو يحي بغى يدبج الأمام ..
يقولوه .. ترى اليوم المغرب نبي نجمع مع العشاء اذا كان الجو مثل امس ..
امس قلت لا مانجمع بلشنا بالأمطار ..


قال ابو السالم ..
يابن الحلال الله يجعله أمطار خير ماتعوقنا عن الصلاة ولاتصير مثل أمس ..


قال الإمام خلااااااااص اذا صار مثل امس جمعنا ..

وانا ادربي دميجتي بينهم تقول بنقالي ..
واقول اغديهم يشاورنن بس مايخالف مايخالف عادي عادي ..



نعود الى الأجواء ..



مازالت الغيوم تتراكم ..
ولكن دون برق او رعد او رياح ..

ولكن الغيوم مهيئة لهطول امطار ..


والله يجعلها خير وبركة ..



سي يو ..

نونه 04-05-2010 05:43 PM
الوضع عندنا مستتب << شرق الرياض ..

امطرت بداآآيه العصر قليلاً ثم توقفت .. :)

بس الجو مغيم كأنه بيأذن المغرب مع اننا العصر ضض ..

لكن الهوآآآآء خطير ..

الكبس مشتغل من أول العصر << غلطان الأخ يحسب انه صدق بالليل :d




مدحت شوقي بريده 04-05-2010 05:56 PM
الساااااعة الآن الــ 4,45 عصراً ..

هبوب رياح خفيفية وباردة ..
مع تلبد السماء بالغيوم ..

وهطول امطار خفيفة ..

( شكلكم تقولون .. انت لك جو لحالك بالرياض .. مانشوف الي تشوف )
وانا اقولكم مكاني .. على ضفاف وادي حنيفة ..


الجو ممتع على ضفاف الوادي .. ورحم يدفع وأرض تبلع ..
سيارات تكب من هالعالم .. والجلسات مليانه ..


وبإنتظار المزيد .. <<((== ياجحة هم اللي يقولون لك بإنتظار المزيد .. انت تقول ابشرو بالمزيد ..


ومازلنا معكم ..




سي يو ..

ليمتد 04-05-2010 06:01 PM
وبإنتظار المزيد

طش ورش 04-05-2010 06:01 PM
الشباب الي يسمعون اغاني ولاهين وياخرون الصلاة عن وقتة ويتسكعون بشوارع ومغازل بالاسواق وركض ورا هالموضة الله يهديهم ويخافون من الله ويتوبون توبة نصوحة الله يحفظ الدين والبلاد من كل مكروة

نبض القصيم 04-05-2010 06:03 PM


والله ياخوى مدحت شوقى بريدة تصلح مراسل انتبة لاياخذنونك السى ان ان

ههههههههههه

وننتضر مزيدك...............

m.a.s.i_1 04-05-2010 06:16 PM
الجو بالشرق غيييييييييييييييييييييم وهواء خفيف

اللهم ارزقنا مثل بردية امس
ياطعمه
ياكريم اغثنا

بنت الشماسية 04-05-2010 06:18 PM

شرق الرياض ~

السماء تمطر ألحين .. الجو غائم .. يارب تمم علينا الأجواء ..

..

مدحت شوقي بريده 04-05-2010 06:19 PM



الساعة الآن الـــ5,15 مساءاً ..


اشتد المطر قليلاً .. وسمع دوي الرعود في السماء ونور االبرق بداء سطوعه ..


وابو جيراننا شافن وانا ادخل وأطلع ..
ومسكن .. وقالي تحريهم يجمعون المغرب مع العشاء ..

قلت لوه اسئل المؤذن ابو يحي .. انا وش يدرين ..

همن قال .. الا وش عندك كل شوي تطلع بسرعة وتناظر السماء همن تدخل بسرعة ..

قلت اطلع اشوف السماء والسحب والغيوم ..

قال وراه ماتويق مع دريشك وخلااااااااااااااااااص ..
تدرون عااااااااااااد والله انه صااااااااادق .. توي ادري اني عنبة ماعندك احد:d ..


اللي يشوفن يقول ساكن بمنور ..



ومازالنا متابعين معكم ..




سي يو ..

فــــــــادي 04-05-2010 06:23 PM
ههههههههههههه


حلو مراسلنا مدحتووووه :)

بانتظار المزيد بس انتبه لروحك لا يجيك شيء الله يستر بس :)

بنت الشماسية 04-05-2010 06:25 PM
شرق الرياض ~

بدأت ترعد وتبرق .. وتمطر << ازداد المطر عن قبل قليل ..

ربي نسألك خيراً

loquacious 04-05-2010 06:27 PM
الآن أمطــــــار على على شمال شرق الرياض متوسطه وهادئة
وصوت رعد , كأن الأمطار تزداد شيئاً فشيئاً .. اللهم سلم سلم ..

مدحت شوقي بريده 04-05-2010 06:31 PM


الآن الساعة الــ 5,30 عصراً ..


بدأت الغيوم تتفرق قليلاً .. وخفة العتمة نوعاً ما ..
العتمة <<((== احس انه عطسة مهيب كلمة ..


وكمية المطر مازالت .. <<((== وش يدريك تقول قاعدن يعدهن هالكلاااااااااك ..

وتوقفت الرعود والبروق ..

ومال الجو الى الصحو قليلاً ..



سي يو ..

بنت الشماسية 04-05-2010 06:32 PM



^^

راح منكم وجا لنا ..

ألحين تبرق وترعد عندنا وتمطر ..

يارب بارك فيما أعطيتنا

..

نـــــــــــــــواف 04-05-2010 06:34 PM
- الدفاع المدني : وفاة شخصين وفقدان واحد وإصابة 155 بجروح نتيجة أمطار يوم أمس في الرياض

بنت الشماسية 04-05-2010 06:40 PM
ألحين خفت الأمطار والسماء ملبّدة بالغيوم

..

مراسل من الشرق ومراسل من الجنوب نبي من الشمال وين الصباخ ؟ ونبي من الغرب

<< متحمسة .. فرحين بالأمطار ذذ

..

نـــــــــــــــواف 04-05-2010 06:42 PM
الأمطار تهطل بغزارة في غرب وجنوب الرياض

مدحت شوقي بريده 04-05-2010 06:44 PM
الآن الساعة الــ 5,40 عصراً .. <<((== والله ياهو حاشرهم ماخلاهم ينفسون ..


بدأت الشمس بالظهور من جهة الغرب ..
وبدأت السحاب تتلاشى ..

ولا يوجد سحب قادمة ..



اخوي نوااااف ..
اللي يتكلم عنه الدفاع المدني هذولا امس غرقوا بوادي حنيفة ..
طاحت سيارتهم جيب بالوادي .. اثنيين لقو جثثهم .. وواحد مازال البحث جاري عنه ..



سي يو ..

بنت الشماسية 04-05-2010 06:44 PM



كفو نــواف ..

ايه نبي أكشن هي مرة بالسنة أو بالسنتين نفرح بمثل هالأمطار .. يالله من فضلك

..

أتعبني طموحي 04-05-2010 06:44 PM
..

من الشمآل ..

قبل عشر دقائق من الآن رشت أمطار خفيفة
أمّا الآن انقطع المطر و بدأت الغيوم بالإنقشاع ..


<< حمآس واضح جداً تقل أول مره يجينا مطر < - - ايه أول مرة ذذ

..

بنت الشماسية 04-05-2010 06:48 PM

أتعبني (f)

ياحبي لك .. كفو يالحماس .. اللهم زد وبارك ذذ

..

شرق الرياض ~

غيوم ..

بريــــaـــده 04-05-2010 06:48 PM
مابه مدارس يعني ماراحو ولا تحسبونن من الرياض ولا ببدتائي انا دكتور

أم العيون السود 04-05-2010 06:49 PM
قبل قليل رشت عندنا في شرق الرياض بالنسيم بتحديد والسحابه السوداء عنا جنوب
اللهم سقيا رحمه لا سقيا عذاب

صدى البرحه 04-05-2010 06:52 PM
ياخوان افتحو قناة الاخباريه السعوديه فيه الرياض مباشر شرق وغرب وجنوب وشمال حاليا الرياض مابه شي

بنت الشماسية 04-05-2010 06:54 PM


^
ايه حالياً وقف المطر .. بس السماء غيوووم

..

loquacious 04-05-2010 06:55 PM
احنا من أمس مافيه تي في
الدش قالب :113:

مدحت شوقي بريده 04-05-2010 07:01 PM



السااااااعة الــ 6,00 مساءً ..

على ضفاف وادي حنيفة ..

توقف المطر نهائياً .. وتشكل السحب البيضاء .. اللي الى هاللحين مادري وش تسمونهن ..

ومفاتيحي طاحن بالماء والطين .. وهاللحين قاعدن اغسلهن ..
الله يستر اخاف عقب ماينظفن مايعرفهن الكيلون همن مايفتح لهن ..



ومازلنا معكم ..



سي يو ..

loquacious 04-05-2010 07:17 PM
الآن أمطار قوية ..
تقوى بعيدن تخف بعدين ترجع ص1

خفوق الروح 04-05-2010 07:24 PM




صار القسم أخبار الرياض مو ساحه مفتوحه !! :113:
..
سين سؤال فرحين انكم من الرياض ؟ :09::113:
الحين الناس غرقه وبعضهم ماتوا وانتم امطار قويه رياح خفيفه... الخ

مااقول الا الله يخلف بس ولا بعد متزوجين !! :113:

loquacious 04-05-2010 07:28 PM
^^^

لا تقطعين رزقي ياخفوق أنا ما تزوجت (فيس مستحي)

وعلى فكره الحين الجو رذاذ أمطار .. الميكروفون مع صاحب الوادي << أخاف الوادي جرفه هو ومفاتيحه :113:

مدحت شوقي بريده 04-05-2010 07:30 PM


وراه الرد رقم 58 فاضي .. مابوه شي ..


الساعة الـ6,25 مساءً

ابو يحي قاعدن يأذن المغرب .. وصوته متغير ..
منقهر ان مافيه جمع ..

لأنه قايلن للأمام ترى اليوم المغرب نبي نجمع مع العشاء ..


وهاهوا الآن يئذن ..

ومازال يئذن ..



اها .. نسينا الأجواء ..

الأجواء مستقرة .. مع اني الاحظ تشكيلات جديدة من السحب قادمة من الجنوب الغربي ..
ولكنها ماهي مثل سحب العصر ..


واللهم اجعلها سقيا رحمة ..



سي يو ..

الداهيه 04-05-2010 07:33 PM
أخى مدحت هل تسمعوني ....!!!

ماهى أخبار ... حي المنفوحة ... مدرى شارع الحجاز ؟؟؟

لأن : خويي هناك ... وأدق علية ومقفل الجوال ...

وافنا بالمزيد ...

طن طن ... المايك لك أخى مدحت ..

خفوق الروح 04-05-2010 07:34 PM
اقتباس:
المشاركة الأساسية كتبها loquacious~~ (المشاركة 2203222)
^^^

لا تقطعين رزقي ياخفوق أنا ما تزوجت (فيس مستحي)
ههههههههه :113: ياحبيلتس بعد !

اقتباس:
المشاركة الأساسية كتبها مدحت شوقي بريده (المشاركة 2203227)

وراه الرد رقم 58 فاضي .. مابوه شي ..
يااشين اللي يتجاهلون ! :113:

الصمت الهادئ 04-05-2010 07:39 PM
ماشاء الله عليك يا مدحت شوقي بريدة انت بالوادي والامعنا بالمنتدى:confused:

حفظك الله من كل مكروه:d

مدحت شوقي بريده 04-05-2010 07:41 PM

الساعة الــ 6,35

بدأت الأمطار تتساقط خفيفاً .. على ضفاف وادي حنيفة ..
<<((== ياحظك يابو يحي تبي تجمع ..


ونوافيكم بالأخبار بعد الصلاة ..


سي يو ..

نونه 04-05-2010 07:45 PM
غيوووووووووم سودآآآآء قادمه بإتجاهنا ..

شرق الرياض ~

<< انا وبنت الشماسيه تقل موكلنا مدحت ع الحماآآآس .. ضض
حتى امي تقول وش عندك تطلعين للحوش ثم ترجعين على اللاب .. "

الله يستر من الغيوووم السود .. اللهم اجعلها امطار رحمه ..

خفوق الروح 04-05-2010 07:53 PM



الأن الأجواء على مدينة بريده معتدله

وحان وقت أذان المغرب :113:



....

حللونـا : 12

ياحبيلتس يانا 04-05-2010 07:55 PM
وادي حنيفه يدهر من قبل البارح ليت من شافوه مامعكم لوه صوره

أبونوافـ 04-05-2010 07:59 PM
:eek5:eek5:eek5

ماجمعنا بين الصلاتين المغرب والعشاء
مثل أمس:eek5:eek5:eek5





.

الصباخ 04-05-2010 08:01 PM
مدحت كراني شلون طال عمرك تنصحن أجي حولكم؟ عندي عزيمه ومراوي أجي أو ما أجي؟
هل الطرق سالكه؟ << أحس إنك أبوشراره على هالسؤال :113:.

الجو عندنا بشمال قارة الرياض يستهبل مره مطر ومره مافيه مطر، ومره شمس ومره صحو ومره مدري وش سالفته عموماً آخر الوقت كان الجو خياااال تذكرت شسمه (h).
الله يذكر أيامك يابوفهد.
:rolleyes:









اقتباس:
المشاركة الأساسية كتبها مخفي (المشاركة 2202920)
الصباخ
المشاركات: 10,999


:d
11,000
:d

بنت الشماسية 04-05-2010 08:07 PM

السماء غيووووم .. اللهم اجعل فيها الخير يارب

نونة >> أنت بالحوش وأنا مع الدريشة << عجزة تنزل للحوش ذذ

..

بعد شوي بلزخ صورة فيذا للغيوم بإذن الله , انتظرونا

..

مدحت عطنا صور للوادي ,

..

ياحبيلتس يانا 04-05-2010 08:15 PM
خلاص شفت الصور بموضوع ثاني لنفس المراسل<< ايقالهم رايحين يصورونه لتس

الجآآآزي 04-05-2010 08:16 PM
تكفووون يااهل الرياض جاوبوني الله يجزاكم خير عشان امي ترتااح

اخوووي من امس ماندري عنه ندق عليه مره يقول الجوال مغلق ومره خطأ الاتصال

هل الشبكه متعطله ؟؟

أبونوافـ 04-05-2010 08:17 PM
اقتباس:
المشاركة الأساسية كتبها ياحبيلتس يانا (المشاركة 2203275)
وادي حنيفه يدهر من قبل البارح ليت من شافوه مامعكم لوه صوره
دوتس هالصور المنقولة والمصورة هذا الصباح الباكر


صورة من جهة وادي حنيفة بالقرب من مخرج ابن فريان
http://farm5.static.flickr.com/4057/...667c9064_o.jpg



ياسلااااااااااااااااااااااااااااااااام
http://farm5.static.flickr.com/4023/...b0227783_o.jpg








منظر يشرح الصدر >> الحمد لك يارب




دخلت الوادي ويوجد أخوة يرجعون لأن السيل يقطع الشارع
http://farm5.static.flickr.com/4029/...c3ab342a_o.jpg



الرياجيل معزمين على الرجوع
وقررت أنا المضي قدما
وعليهم عليهمhttp://www.amman-dj.com/vb/images/icons/do7k3.gif
http://farm5.static.flickr.com/4036/...a1a800ff_o.jpg



راعي الهايلوكس راااااااايق من جد يصوّر مويتره
http://farm5.static.flickr.com/4067/...19bbacae_o.jpg







لفت نظري هالحجر على قاعدة ماصورة
http://farm5.static.flickr.com/4004/...2003018f_o.jpg


انظر إليها أوضح هنا
الله يجزاه خير اللي نبّه الناس على وجود ماصورة مرتكزة
http://farm5.static.flickr.com/4054/...5701fec3_o.jpg


وبدأ التصوير الاحترافي
لابد من اختيار الزوايا والتحكم بالزووم صح
خرير الماء يخليني مبسووووووووووووووووووووط
http://farm5.static.flickr.com/4044/...ff6508a1_o.jpg







نزول فريق تصوير ؟؟؟؟
http://farm5.static.flickr.com/4039/...7262362b_o.jpg

أبونوافـ 04-05-2010 08:22 PM
اقتباس:
المشاركة الأساسية كتبها الجآآآزي (المشاركة 2203314)
تكفووون يااهل الرياض جاوبوني الله يجزاكم خير عشان امي ترتااح
اخوووي من امس ماندري عنه ندق عليه مره يقول الجوال مغلق ومره خطأ الاتصال
هل الشبكه متعطله ؟؟

الله يحفظ أخوك
الشبكة عندي ولا أروع:)

أغديه نيم





و كما في الإخبارية أمطار متوسطة وإلا ثانوي << غطيت عليك يامدوحي:d




.

.

الشمس المقمره 04-05-2010 08:25 PM
انا بوسط الريــاض اللحيـن والجوء عــادي

ياحبيلتس يانا 04-05-2010 08:28 PM
يعطيك العافيه ياأبو نواف تصوير ولاأرووع....(f). اشوا بوه مناوب لمراسلنا ...

ياحبيلتس يانا 04-05-2010 08:29 PM
شآآكره ومقدره

مدحت شوقي بريده 04-05-2010 08:29 PM
اقتباس:
المشاركة الأساسية كتبها خفوق الروح (المشاركة 2203267)



الأن الأجواء على مدينة بريده معتدله

وحان وقت أذان المغرب :113:



....

حللونـا : 12


مايحتاج تحليل ..


لأن الردود ماهيب جد ..

أبونوافـ 04-05-2010 08:34 PM
اقتباس:
المشاركة الأساسية كتبها ياحبيلتس يانا (المشاركة 2203333)
يعطيك العافيه ياأبو نواف تصوير ولاأرووع....(f). اشوا بوه مناوب لمراسلنا ...
الله يعافيك

المناوب أحسن من المنوب عنوه :d


أمزح لا تزعل يامدوحي










تراي منب امزح صادزززز : 12

.

نونه 04-05-2010 09:05 PM
بنت الشماسيه صدق انك عجازه اجل مع الشباك << بس ماعليه دامك تشوفين الجو زين

>> انا فرشت بالحوش وجبت القهوه الجو مايتفوت وجلسنا
نتقهوى ،، بس فيه شي غريب من جلست وانا بس أتحكحك ماادري
شكلها عيون اهل القصيم ..

" من البواعيض "<< هههههههههه يمديك ع الجمع وين امي عن تقول يبي لك اعادة
بناء باللغه العريبه ..

الجوووووووووو روعه .." :f:

loquacious 04-05-2010 09:14 PM
اقتباس:
المشاركة الأساسية كتبها الجآآآزي (المشاركة 2203314)
تكفووون يااهل الرياض جاوبوني الله يجزاكم خير عشان امي ترتااح

اخوووي من امس ماندري عنه ندق عليه مره يقول الجوال مغلق ومره خطأ الاتصال

هل الشبكه متعطله ؟؟

ياحياتي إنتي وأمك , الشبكه ماشيه عندنا , مش متعطله ..
موبايلي واس تي سي كلها جربتها مافيها مشاكل ..
حبيبتي تفائلي بالخير إن شاء الله مافيه إلا العافية , يمكن مقفل جواله نايم تعبان من الدوام ..
مايشوف شر , وطمنينا ..

..

مدحت شوقي بريده 04-05-2010 09:26 PM


الساعة الان الــ8,20 ليلا ..

ومازالت الشمس متوارية خلف السحب ..
<<((== والله متوارية خلف هالملاس اللي يبي يتوسط جبهك ..
يالوح هاللحين حنا العشاء وش جاب الشمس ..



وسنوافيكم بالاخبار والمستجدات ..

فتابعونا هنا ..


ابو نواف ,,

مشكور يابعدي على هاللقطات ..



سي يو ..

السفـــير 04-05-2010 10:39 PM
يالله نشووف نهايك يا مدحت حنيفه انت والأخبآآر ..

ميرر على طاري مدحت ترااو معطي الطلااب الطلاب إجازه بكرى ..


..
ابونوااف ما قصرت على الصوور ..

ورود المساء 05-05-2010 12:50 AM
لاحول ولاقوة الابالله .... الله يرحمنا برحمته...

بنت الشماسية 05-05-2010 12:59 AM

شرق الرياض ~

أمطار خفيفة وغيوم ملبّدة ..

..

تفضلوا الصور مثل ماوعدتّكم ..

الأولى /


http://store0.up-00.com/May10/ulP06687.jpg

وهذي الثانية /




http://store0.up-00.com/May10/V7x06687.jpg

..

شكراً للجميع

ياحبيلتس يانا 05-05-2010 01:45 AM
يسلمو

العاصف 05-05-2010 01:54 AM
أقول نم بس وخل عنك الأحوال الجوية .. ياباشا ..!

أبو شهـــــد 05-05-2010 03:24 AM
اقتباس:
ولكن الغيوم مهيئة لهطول امطار ..
ططاااااااااااااط قل للزعاق يفتح الخط لمدحت ههههههه

أبو شهـــــد 05-05-2010 03:28 AM
اقتباس:
تكفووون يااهل الرياض جاوبوني الله يجزاكم خير عشان امي ترتااح

اخوووي من امس ماندري عنه ندق عليه مره يقول الجوال مغلق ومره خطأ الاتصال

هل الشبكه متعطله ؟؟

الشبكة تمااام التمااام ..
والأوضاع تماااام التمااام ..

صحيح أن المطر كثير الحمد لله .. وصار فيه أصابات لكن الحمد لله أغلب الأصابات بالحديد
ولا بالأوادم ماسمعنا عن أية حوادث ..

تلقون أخوكم بالطوقي ولا بالشوكي بها الشعبان مكييف وأنتم معتلقين ..
حطو بطيخ صيفي وأرتاحوا .. ولا هوب ميت قبل يومه .. <=== يوحش الموت .. صح .. أجل أتقوا الله ..

أبو شهـــــد 05-05-2010 03:32 AM
http://farm5.static.flickr.com/4060/...90afc6bb_o.jpg

لا تنسى القيمة ..


مليااااااااااااااااااااااااار .. على حصى وشجر برسور مادري شسمه ..
:09:

مدحت شوقي بريده 05-05-2010 10:18 AM
شكراً لكل من مر هنا .. من مشارك او معقب ..

والشكر للمراسلين والمراسلات الأحياء منهم والأموات ..

كل التحايا لكم .. وكل التحايا خيالة .. <<((== والله وتهج بوه ..


ونعدكم بتقرير عن اليوم الأربعاء 21 / 5 1431


سي يو ..

روحاااء 05-05-2010 02:28 PM
احنا الجوووو صحووووو

<< مراسلتكم من مكة

الغـــــــلا 06-05-2010 12:20 AM
ينـــقل لنسمات بريـــه :)
فهو أنسب له ..


الساعة الآن +4: 10:23 AM.

Powered by vBulletin® Version 3.8.6
Copyright ©2000 - 2025, Jelsoft Enterprises Ltd.