بريدة ستي

بريدة ستي (http://www.buraydahcity.net/vb/index.php)
-   ســاحـة مــفــتــوحـــة (http://www.buraydahcity.net/vb/forumdisplay.php?f=2)
-   -   متاااابعة الأجواء اليوم الأربعاء 21/5 في الرياض .. سي يو .. (http://www.buraydahcity.net/vb/showthread.php?t=203229)

مدحت شوقي بريده 05-05-2010 10:35 AM
متاااابعة الأجواء اليوم الأربعاء 21/5 في الرياض .. سي يو ..
 


السلام عليكم ..


أسعد الله صباحكم ..
صباحكم ياأهل الرياض .. نسمة وسحابة ومزنة <<((== هذا فصل مدرسة بنات بالنسيم ..


الساعة الآن تشير الى الــ9,00 صباحــاً ..

وفيها نبداء معكم تقريرنا عن أجواء الرياض لهذا اليوم الاربعاء 21/ مانيب قاعدن اكتب التاريخ
شوفوه عندكم فوق ..


وسنوافيكم بالأخبار اولاً بأول .. وخصوصاً من على ضفاف وادي حنيفة ..

ولكن الأجواء ولله الحمد مستقرة .. السماء صافية والهواء ساكن ..
والشمس مشرقة ..


والدليل ان الوضع سكون وهدوء .. اليوم اشوف البساسة تناقز فوق الجدران ..

وعبدالرحمن السليمان يغسل سيارته .. انا مادري وشوله يغسله وهي خربانه ..

و جارتنا ام عبدالله تبي تغسل الحوش .. لأني اسمعه تقول لشغالتهم ( مدي اللي يافاطمة ) ..
وماأظن انه فاطمة بنتهم .. لأن بنتهم فاطمة خابره معرسة هاليومين ..
ورايحتن مع رجله للدمام ..

ياويلي ياهالفاطمة .. زعلتن على اهله وراهم يسمون الشغالة فاطمة ..
كل البيت يسمون الشغالة فاطمة .. الا هي .. تسميه ( فاتم ) ..

مير اعرست وافتكوا منه .. وحنا افتكينا بعد .. زاد يادافع البلى كل يوم هوشة على هالاسم .. وه بس ..

( ادري ان كل واحد يقول .. عساي مانيب جار لكم ) ..


المهم إن كل الأمور تدل على ان الجو صحوا ..

وسنوافيكم بالتقرير إرباً إربا ..


سي يو ..

إبراهيم اليوسف 05-05-2010 10:38 AM
كفو والله يا إربا إربا

كيف السيارات المتعطلة جرأ <<<< متعوب على جرأ
اللي خلفها السيل وتعطلت

مدحت شوقي بريده 05-05-2010 11:14 AM


الساعة الآن الـ 10,00 صباحاً ..

ونحن هنا على ضفاف وادي حنيفة ..

بدأت تشكيلات من السحب تأتي من الجنوب الغربي للرياض ..
وبدأت الشمس تغيب تارة وتظهرة تارة أخرى ..

تارة <<((== هذا ( التغ ) ينادي اخته سارة ..

مع سكون غريب للهواء ورطوبة واضحة .. ونتوقع شدة ( اللثق ) جراء هذة الرطوبة ..

اللثق <<((== هذا بزر يقول اللصق ..

ومازلنا معكم .. من وادي حنيفة قلب الحدث ..



سي يو ..

الباحث عنك 05-05-2010 11:25 AM
الله يستر عليهم

الـعـابـر 05-05-2010 12:23 PM
انا مدري هالموضوع لذكر حالة الاجواء
او
لشرح وتوضيح بعض العبارات
على كلاً شكراً إلك اخي محدت شقوي << يعني مدحت شوقي

ابوعبووود 05-05-2010 12:24 PM
البلى اما جاك زلزال وشلون تكمل تقاريرك يا اربا اربا

مدحت شوقي بريده 05-05-2010 12:52 PM
الساعة الــ11,50 ظهراً ..


السماء صافية .. والسحب متفرقة ..
والشمس بازغة .. كالخدراء في عذرها ..


وهبوب هواء عليل .. قلل من الرطوبة ..


بدأت اصوات الضفادع تظهر .. وهذا يدل على ان جريان المياه خف كثيراً ..

وللعلم .. زيادة اصوات الضفادع .. اما ان تكون من هدوء جريان المياه او من كثرتها ..

فإذا كان جريان المياه في المعدل الطبيعي فإن الضفادع تمارس حياته الطبيعة .. وتسرح وتمرح ..


واذا اشتدت المياه تزداد اصوات الضفادع ..
لأن كل ( ضفدعة ) تويق مع الباب وتنادي عياله اللي حول الماء ..
وتقول لهم ( هلموا هلموا ) ادخلوا لاتغرقون فرقعين جدي ..

وهنا تختلط اصوات الضفدعات مع بعضهن البعض ..
وكل ضفدع مايدري ايهن امه اللي تصوت لوه .. وبأي حفرة ..
لأنهن كلهن يتشابهن ..

فتبداء الضفادع تصيح وتنادي امهاتهن .. وينك يمه وينك يمه ..

فتزداد اصوات الضفادع اكثر وأكثر .. ويختلط الحابل بالنابل .. وتغدي الدنيا زيطة ..



أما الآن فالأصوات خفيفة .. وأظنه اصوت مرح ولهو من الضفادع ..



وسنوافيكم بالمزيد ..



سي يو ..

وحيد الخلان 05-05-2010 01:08 PM
والله الشغلة مش بطالة يامدحت :113:

الجادي المدوف 05-05-2010 01:49 PM
أين تقع بوادي حنيفة نجي لمك :113:
ترانا حولك :113:

مدحت شوقي بريده 05-05-2010 01:52 PM
اقتباس:
المشاركة الأساسية كتبها سواق تريلهـ ! (المشاركة 2204776)
أين تقع بوادي حنيفة نجي لمك :113:
ترانا حولك :113:



سواق تريلة ..

هلا بيك يالبي ..
اطلع مع الشفاء على الوادي .. واذا وصلت الوادي خذ يمين وامسك الوادي ..
قبل ماتاصل طريق فتح مكة .. شفن انا على اليسار متكي ..
والمارية .. سروال السباحة الأصفر معلقه على الآنتل ..
تعرف يالبي اذا لبسته اغدي تقول نص موزه ..

:d


سي يو ..

الجادي المدوف 05-05-2010 01:58 PM
^^
هههههههههههههه
انتبه لعمرك يا أبا إبراهيم ،
يقولون إنهم لقوا 2 من عيال المطلق مايتين ،
وواحد ولد المشاري نجا !!

مدحت شوقي بريده 05-05-2010 02:33 PM


الساعة الــ1,30 ظهراً ..


الأجواء مشمسة .. والسحب مازالت متفرقة ..
والرياح غير نشطة ..
اتوقع ان سرعته 1,5 عقدة بالساعة يعني تدبي دبيان ..


وزالت الرطوبة ..

والفرصة مهيئة الى انه ماهنا شي ..


ومازلنا بمتابعة دقيقة معكم ..

من ضفاف وادي حنيفة ..
مراسلكم مدحت سحابة وقق ..



سي يو ..

مدحت شوقي بريده 05-05-2010 02:56 PM


ابراهيم اليوسف ..

يابعدي انت اللي يسمعك يقول اني راعي سطحة ..
ماهنا الا راعي الكورلا .. وابشرك طلع امس ..

حييت مرحبا ..





الباحث عنك ..

آمين يالبي ..
والله يستر عى الجميع ..











من الجماعة ..

يابعدي انت ..
هذا موضوع للفائدة العامة .. وتابع يالبي يمكن تلقط لك معلومة عن الكيمياء ..
مثل ليه الكفرات ماتمسك فرامل بالمطر ..

تمتع معنا بالاخبار والفائدة ..





ابو عبود ..

يابعدي انت .. حنا البارح جانا امطار بسرعة 20 نقطة بالدقيقة على مقياس رختر ..
ومشكور يابعدي .. على تواجدك ..





وللبقوق ردية ..





سي يو ..

الـدعساوي 05-05-2010 03:02 PM
كفو كفو , تفاصيلا اكثر من رآآئعة
تنسيييييييييييييييم الى دليم يآآشيخ :d

الصمت الهادئ 05-05-2010 03:28 PM
جزاك الله خيرا

ياليت يامدحت تسأل هل فيه تعويض للسيارات الي غرقت لأنها أصبحت تالفة وأصلاحها يكلف الكثير

لأن سيارت خالي مطلوب عليه لأصلاحها 30 الف

مدحت شوقي بريده 05-05-2010 03:30 PM
الساعة الـ2,30 ظهراً ..


مازالت السماء صافية ..
ولاتوجد أي ( بوادر ) لتشكيل السحب ..
( بوادر ) .. <<((== بوادر .. هذي جمع بودر .. والبودر هو الروج حق جدتي موضي ..



ودرجة الحرارة ليست عالية ..
والرطوبة زالت تماماً ..


والأجواء حالياً مستقرة ..

وابو يحي دخل المكرفون وصك المدرسة ودخل يتغدى ..
علشان يطلع يأذن العصر ..


ومازلنا معكم حبة حبة ..
فتابعونا ..




سي يو ..

الجادي المدوف 05-05-2010 03:42 PM
عزيزي مدحت ..
مريت قبل قليل على الوادي ولا لقيت سروال أصفر :113:
وشو موترك ؟ وما بعد تتبخر من الحرارة ؟!!

سليمان علي الجبلي 05-05-2010 03:53 PM
هذي الاحوال الجوية على بعض مدن المملكة
اضغط هنا لتحريك الصورة


درجات الحرارة المئوية
أهم الظواهر الجوية أعلى نسبة رطوبة الصغرى العظمى المدينة
تبوك
صحو

الباحة
امطار رعدية

عرعر
صحو

سكاكا
صحو

جازان
غائم جزئي

نجران
أتربة أو غبار

الطائف
رعد

ينبع
أتربة أو غبار


مكة المكرمة
غائم جزئي

المدينة المنورة
عوالق

الرياض
عوالق

الدمام
غائم جزئي

جدة
صحو

أبها
امطار رعدية

حائل
غائم جزئي

بريدة
غائم جزئي

صمت النار 05-05-2010 04:41 PM
ماتلاحظ ازعجتنا انت ووادي حنيفة

لايكون كل يوم بتكتب متابعة يومية :091:

عنز بدو وطاحت بمريس :027:

مدحت شوقي بريده 05-05-2010 06:42 PM
السسسسسسسسسسسسسسلام عليكم ..

انا اليوم انكسرت رقبتي .. من قبل الظهر .. وانا مانزلت رقبتي ..
ماغير اناظر بالسماء .. تقول احد ( يجرن ) مع خشمي على فوق ..
( يجرن ) <<((== هذا كويتي يشوف حريم يقرن ..


الساااااااااااعة الــ5,30 عصراً ..

الأجواء جميلة وربيعية ..
سماء صافيه ..
هواء عليل ..
رطوبة ماكو ..



بالنسبة للأخت لوكيشن ..<<((== والله ويولف له اسم ..

قولي له اتركي عنك القصيم .. <<((== الأخ يحسبه بمنتديات عرعر مايدري ان كل اللي هنا قصمان ..


انا اقول هالأيام اتركي عنك القصيم .. وتوجهي لوادي حنيفة ..
حيث المتعة ووالوناسة .. والكورلا المتعطلة ..
<<((== كورلا .. هذا فلبيني يقول غورلا .. <<((== غورلا هذا سوداني يقول كورلا .. <<((== والله النشبة


القصيم لاحقين عليه ..

بس وادي حنيفة متى يمشي ..
بعدين وادي حنيفة وخاصة العصر .. رووووعة ..

خصوصاً من جهة الشفاء عااااااااااااااد انواع الوناسة ..

كشتة وبجنبك حواطى .. والله انه انواع الفلااااااااااااااااااات ..

وتفرج عليهم وهم يسولفون .. تقول كل شوي يبي يتهاوشون ..


سعيدان وطاعون .. تعال فيذا ..
يابنت الحلال قايل ميدك اصبري خلينا نشوف ذولي اللي يسبحون ..
وش عليك من ذولي .. تعال فيذا ( إنا ) طالعين ( إنا ) وإياك ..

بعدين انتي تعالي شيل ( ذيلي ) وذبيهم فيذاك .. ( ذيلي ) ( تحس انهم كاشتين مع بساسة ) ..



عااااد انتم قصمان .. يبي يقوم اخوك يقول ( ذولي ) وش هالبنات اللي يسبحن ..
ويبي يروح ينصحهن ..
همن يتفرج وأثرهم عيال هالحوطى يطافشون ..


وأمك تدور اللي تقول ( ذيلي ) تبي تشوف هالذيل وشو ..
وترجع ماشافات شي ..



لأنهم بالأخير مايقولون هذولا .. او .. هذولي ..
نداء الجمع للمذكر ( ذولي ) ونداء الجمع المؤتث ( ذيلي ) ..


والله انهم ونااااسة وجيرتهم تنشرا بالدراهم ..


روحوا لاتفوتكم مناظر الوادي ..
ولاحقين على القصيم ..




سي يو ..

مدحت شوقي بريده 05-05-2010 06:58 PM
الساهة الآن الــ6,00 مساءً ..

هناك سحب متراكمة قادمة من الجنوب الغربي .. غطت الشمس ..
مع بداية سرعة في الرياح ..


وإحمرار نوعاً ما في السماء من ناحية الغرب مما يشير الى أن هناك إحتمال ( عج ) ..

الفرصة مهيئة لهطول أمطااااااااااااار بإذن الله ..




سي يو ..

الجادي المدوف 05-05-2010 07:04 PM
^^

واحدن بالطوقي الآن يقول عندنا رعود وبروق !

بنت الشماسية 05-05-2010 07:10 PM
عدتُ والعود زكريا << تحلف مربوطة بالموضوع

..

شرق الرياض ~

الأجواء غيوووم ملبّدة في السماء وتمشي بسرعة 25 كيلو متر بالساعة << تراي قايسته على سرعة سواقنا ذذ

..

تصدقون ان السحب تمشي مسرعة اللهم اجعل فيها خيراً ياربي

..

طالب طب 05-05-2010 07:16 PM
اقتباس:
المشاركة الأساسية كتبها مدحت شوقي بريده (المشاركة 2204716)
الساعة الــ11,50 ظهراً ..


السماء صافية .. والسحب متفرقة ..
والشمس بازغة .. كالخدراء في عذرها ..


وهبوب هواء عليل .. قلل من الرطوبة ..


بدأت اصوات الضفادع تظهر .. وهذا يدل على ان جريان المياه خف كثيراً ..

وللعلم .. زيادة اصوات الضفادع .. اما ان تكون من هدوء جريان المياه او من كثرتها ..

فإذا كان جريان المياه في المعدل الطبيعي فإن الضفادع تمارس حياته الطبيعة .. وتسرح وتمرح ..


واذا اشتدت المياه تزداد اصوات الضفادع ..
لأن كل ( ضفدعة ) تويق مع الباب وتنادي عياله اللي حول الماء ..
وتقول لهم ( هلموا هلموا ) ادخلوا لاتغرقون فرقعين جدي ..

وهنا تختلط اصوات الضفدعات مع بعضهن البعض ..
وكل ضفدع مايدري ايهن امه اللي تصوت لوه .. وبأي حفرة ..
لأنهن كلهن يتشابهن ..

فتبداء الضفادع تصيح وتنادي امهاتهن .. وينك يمه وينك يمه ..

فتزداد اصوات الضفادع اكثر وأكثر .. ويختلط الحابل بالنابل .. وتغدي الدنيا زيطة ..



أما الآن فالأصوات خفيفة .. وأظنه اصوت مرح ولهو من الضفادع ..



وسنوافيكم بالمزيد ..



سي يو ..
هههههههههههههههههههههه
هههههههههههههههههههههه
:113:




وش صار على أبو يحيى , بيجمعون اليوم المغرب ولا لا :113:

ح ـنايـا الـ ق ـلب 05-05-2010 07:54 PM
.


الْحَمْدُلِلَّه الَاجْوَاء مُسْتَقَرَّه

لَكِن قَبْل الْمَغْرِب بْشْوِي اصْفَرَّت الْسَّمَاء !
وَاللَّه يَسْتُر مَايَكُوْن عِج !


وَادِي حَنِيْفَه بِالأَمْس الْاجْوَاء فِيْه رَائِعَه
وَايَضُا فِي ظَهَرَة لَبَن وَحُرَيمِلا !



.

مدحت شوقي بريده 05-05-2010 08:24 PM


الساعة الـ7.20 مساءً ..

الأجواء مستقرة في جنوب الرياض وعلى ضفاف وادي حنيفة ..
مع وجود سحب متفرقة ..


ووردنا اتصالات من الأخوة اللي ماسكين طريق القصيم ..

يقولون اقضبوا البيوت ..
لأن واجهتهم سحابة ممطرة ومصحوبة بالبرد مع سرعة في الرياح ..
يعني اللي طالعين .. يرجعون لبيوتهم ..
يكفي من الصبح وهم يسعسقون .. ييزي ارجعوا علشان مانبلش بكم ..
<<((== تحلف انه العريف ركن مناحي بالدفاع المدني ..


ومن المحتمل ان تصل هذة السحابة الى الرياض بعد ساعة تقريباً ..



ومازلنا معكم متواصلين ..




سي يو ..

أبو ريّـان 05-05-2010 08:26 PM
ماشاء الله مع الحدث قلبًا وقالبًا ..
مدحت,,,, إلا أبسألك حسن كراني , كاشتن معك ..؟

بنت الشماسية 05-05-2010 08:30 PM
شرق الرياض ~

أمطــرت مطررر يهبل .. وبرق ..

..

صديق زوجي توه ماسك خط القصيم اتصل عليه يقول جتنا عاصفة توحش الله يستر ..

اللهم سلم سلم

..

loquacious 05-05-2010 08:36 PM
جانا مطر (h)

مدحت شوقي بريده 05-05-2010 08:39 PM
نحن في جنوب ااالرياض وعلى مشارف وادي حنيفة ..

مازال الوضع كما هو عليه .. وعلى المتضرر اللجواء الى القضاء ..


ابو ريان ..

ياحبيله حسن كراني .. هو ونظراته المربعة ..

ماعمره قال يبي يجي مطر الا متنا حر وذبحنا العج ..

واذا قال باتسر عج وغبار .. ولمنا قشنا وكشتنا ويطلع احسن جو مطر وفلة حجاج ..


يالله ابروح اشوف نسبة الرطوبة حول الوادي كم وصلت ..



سي يو ..

بنت الشماسية 05-05-2010 08:42 PM
شرق الرياض ~

هوااااااء بااااارد .. وبرق << أخوي يقول جا هذاك اللي لونه أبيض ذذ

المطر وقف حالياً ..

..

loquacious 05-05-2010 08:45 PM
ياليت توافينا بالصور يامراسلنا بالوادي ..


مراسلتنا بنت الشماسية وينك بالضبط :113:

الصباخ 05-05-2010 08:46 PM
مدحت كراني الأجواء عندنا بالشمال برررررررد وهواء وفيه رشة مطر وأتوقع والله أعلم فيه خير جاي إن شاء الله، والعصر كنت أشوف غيمه جايه من الجنوب.

والله اللي يشوف هالكلام يقول ذولا بقارة مهب بمدينة وحده :113:.

مدحت شوقي بريده 05-05-2010 08:47 PM
لوكيسشنستشن <<((== اغديه يصير صح الاسم ..
بنت الشماسية ..


استمروا في المتابعة ..
××××××××



شكراً لكم وتابعونا بالمزيد ..



سي يو ..

مدحت شوقي بريده 05-05-2010 08:50 PM
الصباخ .. انت الى هاللحين انت واللي معك بقارات ..
يارب ياكريم تخلي هاللي بقارات ( يدرون حليب ) ..


حبيب البي ..
السحابة اللي كانت جاية من الجنوب تفرقت ..

والآن السحاب جاي من الشمال من عندكم ..


لوكسيتشينتسشنشيتن <<((== يارب يصير صح ..

التصوير الآن صعب .. لأن الكميرة مع اخوي وهو كاشت ..
وكميرة الجوال ماتصور زين بالظلام ..



سي يو ..

loquacious 05-05-2010 08:52 PM
الآن هواء قوي قوي قوي مع مطر ..

*خفايا الروح* 05-05-2010 08:56 PM
يقولون بوه عاصفه رميله جايتن للشمال شرق الرياض صككوا درايشكم عجاج ودجاج
وانخلت العليا طايحتن له يومين مدري ثلاثة ايام وكراج صديق ابونا طار مع المطر والهوا :eek5(h)
نسيت بعد بوه هوا زمهرير الواحد لاقعد عند الدريشه حتى و هي مصكوكه تقلقلن سنونوه من الجمده

أتعبني طموحي 05-05-2010 09:15 PM
..


من الشمآل |
هواء بآرد قووووي من دون أمطار والسحب متفرقة ..

بنت الشماسية , loquacious وش رايكم نشتغل بالأحوال الجوية نصلح ترى ذذ


..

نونه 05-05-2010 09:23 PM
هلا بكم

ماقمت الا متأخره اليوم ذذ وفاتتني متابعة الأجواء معكم ..

توقف المطر ،، ورذاذ خفيف متواصل .. :41

ياآآآآآرب تمطر مطرة سنعه بس مو مثل يوم الأثنين

الجوووووووووووووووووووو يذب الروح .."

بنت الشماسيه اهم شي اخوك هذآ الأبيض وش يقصد السحاب ههههههههههههههههههههه اضحك الله سنه ..

إلا تدرين اليوم راودتني نفسي البس هدية فالجامعه بس قلت لا خليه يشوفها علي أحسن ضض

نونه 05-05-2010 10:17 PM
صور ت لكم الجو عندي ختيرررررررررر= خطير


<< طبعاً التصوير ليلي لاتقولون اني مصورته العصر

http://img105.herosh.com/2010/05/05/937976004.jpg


http://img104.herosh.com/2010/05/05/667486629.jpg



http://img102.herosh.com/2010/05/05/2494932.jpg



<<< وش راآآآآيكم لا أحد يقول غايره من بنت الشماسيه امس :cool:

مدحت شوقي بريده 06-05-2010 12:13 AM
للجميع كل الشكر والتحايا ..


ومازلنا ننتظر المزيد من المتابعة ..




الساعة الــ 11.00 ليلاً ..

وصلنا أن حي النظيم يغرق الآن ..
حيث أن المنازل دخلتها الأمطار ..
وتم إغلاق الانفاق القريبة ..

ومطار الملك خالد الدولي اعلن رسمياً تعليق رحلاته ..



ونحن هنا في جنوب الرياض وعلى مشارف وادي حنيفة ..

بدأت الرعد والبرق .. مع امطار خفيفة ومتفرقة ..


ولعل الأخوان في الشرق والشمال يفيدوننا .. بماعندهم ..

خصوصاً وأن الرياح شماليه شرقية ..



ومازلنا معكم ..



سي يو ..

أتعبني طموحي 06-05-2010 12:18 AM
..

الشمآل |

أمطآآر قوية ورياح ورعود ..

اللهم اجعلها سقيا رحمة لاسقيا عذآب ..



..

مدحت شوقي بريده 06-05-2010 12:20 AM


للأخوة أهل الرياض ..


البرق نازل جداً .. لأن السحب نازلة ..

وضرر البرق يكون اكثر عند نزوله او نزول السحب ..

ننصح بتوخي الحذر .. في هذة الأجواء ..
وعدم الخروج للأماكن المفتوحة ..
( توخي ) <<((== يع هذا واحد يبي يتفل ..




سي يو ..

الششه 06-05-2010 12:22 AM
ننتظر آخر الأخبار يامدحت
سي يو

مدحت شوقي بريده 06-05-2010 12:28 AM

الساعة 11.25 ليلاً ..

الآن وحصرياً ..

جيراننا وصلت بنتهم فاطمة من الدمام هي ورجله .. احلى معاريس ..
وتشوف سيارتهم تقول طشت غسيل .. ماتشوف السيارة من رغوة الصابون ..

حاطين فيري .. ومع المطر طلعت الرغوة ..


وهذي ام جيراننا تهوش علي عياله لايدخلون البيت بنعالهم ..

واستانست يوم شافت بنته ( فطيمة ) .. ونست الهوش ..
( الهوش ) <<((== هذا افغاني يقول الحوش ..



والأجواء كما هي عليه ..


وسنوافيكم بالمزيد ..



سي يو ..

loquacious 06-05-2010 12:30 AM
بروووووق ورعوووووووووووووووووووود وأمطاااااااااااااااااااااااااااااااااار


اللهم اجعلها أمطار خير وبركة (h)

لا تنسون تدعون بوقت نزول الأمطار , ترا الدعوه محل استجابة

اللهم ارحمنا , اللهم ارحمنا , اللهم ارحمنا

يامدحت ابعد عن الوادي الحين يفيض ويجرفك

مُـــزن 06-05-2010 12:31 AM
.

الشرق..
برق ورعد وأمطار..


.

نـــــــــــــــواف 06-05-2010 12:36 AM
حاليآ امطار غزيرة على شرق الرياض

!!..Wolf 06-05-2010 12:37 AM
في تمام الساعه 11:35 مساءاً
امطار قووويه مع رعد وبرق على شرق الرياااض:41
والله يستر علينا وعليكم..,,!!
:bad
(h)(h)

أبونوافـ 06-05-2010 12:39 AM
.


سبحان من سبّح الرعد بحمده والملائكة من خيفته


رعد قوي
وأمطارغزيرة
الشرق الأدنى الرياض
يعني مهب الشرق البعيد:d


جعلها الله سقيا رحمة






.

أبونوافـ 06-05-2010 12:45 AM
الأمطار الغزيرة
على الشمال
والشرق


تشمل النسيم والسلي وخشم العان
والدفاع المدني يحذر من عواصف رعدية - بمشيئة الله - في الساعات القادمة


كما في الإخبارية
12 إلا ربع




.




.

أبونوافـ 06-05-2010 12:50 AM
عاجل

شلل الحركة المرورية
في بعض الأنفاق
بسبب تجمع المياه








.

مدحت شوقي بريده 06-05-2010 12:58 AM
الساعة الــ12.00 ليلاً ..


مازلنا على ضفاف وادي حنيفة ..


نشوف البرق ونسمع الرعد .. ولاشفنا شي ..

الوادي سكون وهدوء ..

لكن الله يجيب الخير ..



سي يو ..

أبونوافـ 06-05-2010 01:01 AM


منقول للفائدة:

كان رسول الله صلى الله عليه وسلم يقول :
عند نزول المطر :
" اللهم‏‎ ‎صيباً نافعاً "
وبعد نزوله :
" مُطرنا بفضل الله ورحمته "
وعند شدة الأمطار والخوف منها* :
اللهم
حوالينا لا علينا، اللهم على الآكام والظراب وبطون الأودية، ومنابت الشجر.

وعند هبوب الريح* :
«
اللهم إني أسألك خيرها وخير ما فيها ، وخير ما أرسلت به ، ‏وأعوذ‎ ‎بك من شرها ،
وشر ما فيها ، وشر ما أرسلت به »
وعند سماع الرعد* :
اللهم لا تقتلنا بغضبك، ولا تهلكنا بعذابك، وعافنا قبل ذلك

وعن عبدالله بن الزبير - رضي الله عنهما -كان ‏ ‏إذا سمع الرعد ترك الحديث وقال
سبحان الذي يسبح الرعد بحمده والملائكة من خيفته ثم يقول إن هذا لوعيد لأهل الأرض شديد .

وللتذكير
أقــول :

أنه حين نزول المطر لا تنسوا الدعاء لأنه مجاب عند نزول المطر، ففي حديث سهل بن سعد قال
قال رسول الله عليه وسلم

ثنتان ما تردان الدعاء عند النداء وتحت المطر,,
(صحيح الجامع).
البعض
عند قوة المطر وخاف الضرر قد يدعي بأن يوقفه الله وهذا لا يصح،
بل عليه أن يدعى بأن يكون في الأودية ومنابت الشجر
فكما في
حديث أنس رضي الله عنه
أن رجلاً دخل المسجد فقال:
يا رسول الله هلكت الأموال وانقطعت السبل فادع الله يمسكها عنا،
قال: فرفع رسول
الله يديه ثم قال اللهم حوالينا ولا علينا، اللهم على الآكام والضراب وبطون الأودية
ومنابت الشجر فانقطعت وخرجنا نمشي في الشمس
(رواه مسلم).
فـــائــدة :
*يستحب
أن يصيب المطر شيئاً من البدن والمتاع ففي حديث أنس رضي الله عنه قال:
أصابنا ونحن مع رسول الله صلى الله عليه وسلم مطر فحسر
رسول الله صلى الله عليه وسلم ثوبه حتى أصابه المطر
فقلنا يا رسول الله لم صنعت هذا؟ قال:
لأنه حديث عهد بربه تعالى
- رواه مسلم - .







.

عزف الجنون 06-05-2010 01:42 AM
اقتباس:
المشاركة الأساسية كتبها مدحت شوقي بريده (المشاركة 2205816)
الساعة الــ12.00 ليلاً ..




مازلنا على ضفاف وادي حنيفة ..


نشوف البرق ونسمع الرعد .. ولاشفنا شي ..

الوادي سكون وهدوء ..

لكن الله يجيب الخير ..




سي يو ..



أنصَحك تبعد عن الوادي أخوي مدحت ..
فيه رياح قويّة امحمّله بِاللي تبي بالشمال واوصَلت الآن لِلشرق ..

طريقها لِك بالجنوب ..

يا لِيت تنتِبه .. الله يحفظك ..



.

مدحت شوقي بريده 06-05-2010 02:04 AM


الساعة الان الــ 1,00 صباحاً من بكرا الخميس 22/5


الأجواء مستقرة .. وانقشعت الغيوم والسماء صافية هنا على ضفاف وادي حنيفة ..

ولاتوجد أي احتمالات لوصول اي رياح ..

عزف الجنون شكراً لكي .. والوادي مازال السكون يدب في ارجائه ..
مع هواء عليل ..

وشبة الضوء هنا ورائحة السمر يحلو بها السمر ..

والله يستر ..



سي يو ..

السفـــير 06-05-2010 02:50 AM
ماشاء الله يا الزعااق انى هـ الأياام ..

شكل اهلك طاردينك ورايح كاشت عند وادي حنيف بفرشك

ومشغلناا كل شوي جايب ساالفه ..

إلا وش صاار على الكورلا ؟؟


مخرج ..

والله الضاهر بعد التحشيش الي قبل شوي ضربت فيوزااتك ..

ما تَهَاب 06-05-2010 05:01 AM


الان و مع صلاة الفجر أمطار قوية جدًا شرق الرياض ..

اللهم اجعلها أمطار خير وبركة ..

نـــــــــــــــواف 06-05-2010 05:46 AM
عاجل امطار شرق الرياض

نونه 06-05-2010 06:29 AM
الآن 5:27 الفجر
امطاآآآآآآآآآآآر ورعد وبرق على الشرق ..

أبو شهـــــد 06-05-2010 12:57 PM
يا كثر اللي بالرياض ..
سهاهاهاها ..

:113: ..


الساعة الآن +4: 12:42 AM.

Powered by vBulletin® Version 3.8.6
Copyright ©2000 - 2025, Jelsoft Enterprises Ltd.