|
طلب من نشاما بريده للمساعده
السلام عليكم ورحمة الله وبركاته ,,,
طلبي منكم الله لا يهينكم رقم تلفون ورشة النمير في بريده في الشارع التجاري ,,, واللي يقدر يجيب رقم السمكري حياتي (( الله من زين الاسم )) أكن له ممنووووون وشاكر,, أنا من سكان الرياض وابودي موتري للورشه هذي يمدحون تعديلهم بدون الرش ,, واخاف اوديه بسطحه وخمسمية ريال وفي النهاية تصير زحمه ولا مهوب فاضي ولا مسافر ,,,, واللي يعرف شغل الورشه يقول لي رايه فيها تسوا العنوه ولا لا ,,, والله يجزاكم عني الف خير ولكم صادق دعواتي,, |
يااخي انا اعرف سمكري زين مره مره مره
اللي هي ورشةالدسم انا بشيك على الموضوع الصباح ان شاء الله واذا مااحد افادك ابشر انا اروح واجيبلك رقم العمير او رقم ( حياتك ) ولا يهمك |
الله يبيض وجهك ويرحم والديك ويرزقك الفردوس الاعلى,,,
انا ما بي سمكري يرش بويه ابي اعدل بدون رش ,,,وهذا يمدحونه مره هو وابو فهد اللي في عنيزه بس ابو فهد الله يرزقه ويبارك له زحمه وعيا اجيب له الموتر,,, |
خلاص ابشر بكرا ان شاء الله من الصباح
بروح وان شاء الله اذا حصلتها بجيبلك رقم الورشة او رقم العامل مع صورتة اي اوامر وتوصل سالم ان شاءالله |
ههههههه ليتك تجيب الcv للعامل مع الصوره ,,,,
الله يعافيك وتراي انتظرك على احر من الجمر ,,, |
هندي اسمه حياتي :d ياحياة الشقى :oo |
. سمو الذوق عز الله انه اسم على مسمى . ماشاء وش هالاخلاق . عز الله ان اميمتك جابت رجل . الله يحفظكم .. |
اقتباس:
تسلم اخوي Leader.20 وهذا من طيب اصلك وعقبال مانشوفك مشرف ان شاء الله والناس للناس والكل بالله (فديت راسك كاسك ) ترجع سالم ان شاء الله |
اخوي وش تبي ببريدة
انت برياض شف الصناعيه عندكم احسن شي الحين انا اذا بغيت ازين كسرتي من عندكم برياض بصناعيه |
التركي حياتي بطرااان ..:41 ورفيقه عمر احسن منه ..:41
لكن انتبه منهم استغلاليين بالاسعار ..:confused: لكنهم نصوحين .. وشغلهم طيب .. حياتي دهان بس .. عمر هو السمكري .. كان عندي الرقم ومسحته .. لانه سبب لي مشاكل كثيره .. تخيل يتصل عليك ومكتوب حياتي وزوجتك تشوف الاسم ..:p الحقيقة سبب لي هالمشكلة بالضبط وسويت له دليت ع طول .. ولا أقتنعت المدام حتى سمعة صوت هالدب بالمكبر ..:d بدور لك الرقم واحطه لك هنآآآ .. تحياتي لك ..(f) |
والله اسمه كشخه هالعامل اغدين اسرقه منه :d والله ما قصرت يا سمو الذوق مهيب غريبه هالنخوه من امثالك:41 |
هههههههههه اما اسمه نكته ,,,
اخوي الوسام تمدح شغله بالتعديل بدون بويه ولا ؟؟ حزين من الدنيا << تراها تكتب زي كذا بدون همزه (( موب شغلي صح؟؟)) يخوي الورش اللي عندنا ما يحبون يشتغلون بدون بويه لأنها تاخذ وقت طويل وهم ليهم زحمه عشان كذا ما يشتغلونها في الغالب ,, ولقيت واحد يشتغلها في الرياض في النسيم بس اسمه يروع ولا بغيته اسمه سرقان ,,, فالصدق قلت اروح للرومانسي حياتي ولا اروح للسروق سرقان مدري زرفان ,,, لا والضحكه ان فيه واحد في المزاحميه يعدل بدون بويه وشغله زين المضحك ان اسمه غبي هو بعد اسمه هرداس مدري مرداس,,, فأظن ان المبدعين في تعديل السيارات نشأ ذالك الإبداع من شعورهم بالنقص الحاصل بسبب اسماءهم الغريبه ...<< حلو التعبير هاه؟ |
|
اقتباس:
شكراعلى الرد جزاك الله خير |
اقتباس:
الله يعينك .. شوف عمر يعدل بس لازم تصير حوله وحواليه .. حياتي دهان خذها مني مو سمكري .. أنصحك بتركي ( عمر ) ..:41 شوكت بنفس الورشة توه متعلم ولا ادري عنه ..! ماقصر الشقردي سمو الذوق جابلك الرقم .. اتصل وضبط امورك .. بالتوفيق أخوي ..(f) |
سمو الذوق وسمو الاخلاق وسمو الخير جزاك الله الف الف خير ورحم الله والديك ورزقك من واسع فضله اللهم ااامين,,,,
ما اقدر اجازيك اكثر من الدعاء لك ,,اعجز عن تعبيري عن شكرك ,,, الوسام الله يعافيك على حرصك ,,, انا ابي اي رقم حتى لو البقاله اللي جنبهم ابي اشوف هم بيشتغلون لي ولالا,, |
هلا اخوي
ابد هذي الساعه المباركة وماسويت شي وهذي ارقامهم وعلى فكره سالت اكثر من ورشه ماافي شفط الا عند هذا ومشككين بعد فيه انا شفت شغلهم وسالته عن الشفط قال وش سيارتك ابد انت قبل تسوي شي وتتعب حرصهم على الشغل الزين وجد ابد اي وقت تحتاج شي انت امر وان شاء الله اذا قدرنا مو باخلين |
| الساعة الآن +4: 03:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.