|
معاناة سكان حي النقع الشرقي بمدينة بريدة
بسم الله الرحمن الرحيم
السلام عليكم ورحمة الله وبركاته اوجه شكواي لذوي الاختصاص في مدينة بريده وخاصة وزارة الصحه وامانة مدينة بريده نحن سكان حي النقع الشرقي هذا الحي يفتقد للكثير من الخدمات والاهتمام بل انه منسي انا سكنت الحي منذ اشهر وكنت سابقا خارج منطقة القصيم في الحقيقه صدمت من الواقع السئ لهذا الحي والادهى والأمر عندما توجهت للمركز الصحي الجديد كان هذا المركز خالي من الطبيبات الاطبيبه واحده فقط وكان يغالبها النوم صرفت لي الدواء من غير كشف ولا اهتمام كذلك لايوجدموظفة استفبال ولاصيدليه تصرف الدواء للمرضى كان المركز خالي ارجو الاهتمام والاشراف على المراكز الصحيه انا لي عدة مطالب لابد ان تكون موجوده في حي يسكنه بشر... 1/انارة الحي بشكل كامل فعندما يأتي الليل يكون الحي موحش 2/هدم البيوت المهجوره فشكلها غير حضاري 3/ازالة الاشجار والنباتات المنتشره بالحي فهي اصبحت ليست ذات اهميه وشكلها كانك في غابات افريقيا لاأعلم ماذا يوجد بها 4/الاهتمام بتخطيط الطرق داخل الحي 5/الاهتمام بتوفير الخدمات داخل الحي ورفع جودتها فالخدمات الموجوده حاليا رديئه باختصار الحي يحتاج الى لفته من المسوؤلين اتمنى ان يصل صوتي وأكون قد ساهمت ولو باشئ القليل لتطوير هذا الحي والسلام عليكم ورحمة الله وبركاته للأمانه منقول من المصدر |
الله يعينكم وانا اخوك . المطالب كثيره . واللي ينفذ . ما عندك احد . اولاه لو امسك الامانه سنه بس . :113: كان اخلي بريده احسن من ماليزيا :d |
اللي صرفت الدواء شكله عامله من العاملات وبتمشيكـ ..
ــــــــــــــــــــــــــــــــــــــــــــــ |
اقتباس:
|
آلله يعينكم .. صدقني لو تقام دراسه للأحياء .. في بريده لكلف ذالك نصف ميزانية الدوله من القهررررررررررررررررررررررررررررر اخ بس لو يحسون بمعاناة كل حي .. :( |
صحيح
كلام سليم وصحيح بس وين الي يسمع او يشوف قضيتك
ياللهول يااااااااااااااااااااااناس ردو على متطلبات الاهالي:(:(:( |
والله يالغاالي النقع الشرقي والنقع الغربي هم الي دمرو خدماتهم بأنفسهم صدقني والله انهم شرانيين على كل شي نااس همهم بس تخريب وذا على كل شي والله اولله يالغاالي اني اقول الصدق ويمكن يجي احد وضم صوته لان صراحه تحلف انك مو في بريده اذ دخلت الاحياء هذي واذا انت مو مصدق بس ادخل دخل دااخل الحاره وخلهم يعرفون انك مو منهاا والله انهم يوذونك وذا غير طبيعي وبالنسبه للخدمات صراحه مايستاهلون والله انهم يخربون كل شي حتى الحفريات الي يسونها الصرف الصحي يرمون الصبات وسط الحفر ويكسرون المواصير الجديده يعني بالله عليك كيف تبي الخدمات ترتقي عندهم مادام لهم سواابق كثييييييره في التخرييب مو بس هذي والله لو اتكلم من هنا الين بكره ماخلصت |
^ ^ ^ مسجّل ع شان تقول هالكلام وين معّرفك الاصلي ؟ |
صاااادق والله
وخاصه الاشجار الي امام محطه ادريس والله ماشوف الي جاي من الفايزيه ورايح لمخطط الرمال الاشجار تغطي على السيارات وياما صار حوادث هناك وكلها بسبب الاشجار الكثيفه هل تعلم .. ؟ قبل فتره تم تغيير اسم حي النقع الشرقي إلى حي الزهور حتى بعد وضعو لوحه امام مدخل الحي مكتوب حي الزهوووور فجاه مامر على حينا الجديد 3 ايام ولا حتى بعد تهنينا بأسم حينا الجديد :d إلا شالو الوحه وحطوها بحي ثاني ورجعو لنا اسم حينا القديم :i121 حي النقع الغربيه تم تغير اسمه وصار اسمه حي الربيع بجهه اليمين واليسار ضموه لحي الرفيعه اما حنا حينا بقى مثل ماهو هو :eek5 صراحه عندنا شارع العام حق النقع الشرقي الاناره زفت بزفت ماتشوف شيء من زمان ماغيرو الاناره بس يا اخوي هل تعلم ان حينا افضل حي ببريده من حيث الموقع كل الخدمات قريبه ولله الحمد مثال حينا يتميز بـ كل الخدمات الحكوميه قريبه عندنا مثال عندك المحكمه قريبه لو واحد يبي شاهد انت قريب كلها 4 دقايق وانت عنده :d وعندك سوق الداخلي قريب الي بشمال بعيد عليه والي بصفراء برضو بعيد عليه والي بالفايزيه بعيد عليه اما حنا ولله الحمد قريب وعندك مسشتفى التخصصي 5 دقايق وحنا عنده ولله الحمد وعندك طريق الرياض قريب |
انا لدى معاناه مثلك تماما .....ولكنها ليست الخدمات فقط........انها كل شيىء......حتى العقيده
اتبع الرابط:http://www.islamway.com/Basateen/niger/pages/maasat.php |
اللهم اهدي شباب المسلمين
ياناس كفاية رجوع للخلف ماعاد نتحمل العالم يحضكون علينا من تخلفنا مانبغي ندخل ونخوض في كل شي يصير منا على النت ادعو للشباب والمعلمين (( التربية والتعليم)) تأديب وتهذيب مو عنصرية وفزعات . |
اقتباس:
اخوي شكلك انت متأثرفي المحقق كونان لكن انا حبيت اوضح لك شي انا اتابع الاخبار لكن الي ارغمني اني اسجل هو موضوع اخونا الغاالي وشكرا |
اقتباس:
|
اللــــه يعينكــــــم
|
اصل هو حي جيزانية وبدوا مرة مافيهم امل يتطوروا لو يشتغلوا فيها سنة كامله راح ترجع زي ماهي لان هم تكسير وتخريب
|
بريدة لطالبون بشي
من مسك الامانه السلطان وهي مدحدره موب شفته حاط مكبس الزبايل بالموطاء يأخي لو يحطون واحد من بريدة اصل وفصل قسم بالله ان تطلع بريدة افضل مدينه بس وين الي يسمع حده للمطبات والطرق |
اقتباس:
وشفيهم البدو ؟؟ ماهم بشر هم يا عنصريه احترمي نفسك ولا تتدخلين بشيء مالا يعينك الله يعين الملاقيف |
الله يعننا كلنا
|
السلام عليكم.................
اولا- اسمحو لي وليعذرني من رد من الاعضاء ان أصف مرسى الاحلام والمسماه بشمعه خير >>> وبكل صراحه بالـــــــــــــــــتـــــــــــــــــــخـــــــــ ـــــلــــــــــف الناس تطورو واحنا للان بدوي - حضري- جيزاني-حجازي ..........الخ يعني انت ياشمعه الخير >>> شمعه منزها وضامنه نفسك غير الناس وخاصه الي ذكرتيهم وبعدين الموضوع مبين من عنوانه الردود الجانبيه مالها داعي وغير كذا انتم عارفين كل سكان النقع علشان تحكمو عليهم؟؟؟ والا السالفه تنفيس أحقاد وبس ؟؟؟؟؟؟ الى متى التعصب وخاصه بالقصيم للأسف؟؟؟؟؟؟؟؟؟ |
الله يعينكم
والله |
انا مادري ليه الحين تتستروون على الاحياء مثل هاذي لييش يعني الواحد مافيه امل يعترف بالحق ابد ليش الرياء وليش حنا ازين نااس الى متى وانتم تكذبون كذبه وتصدقونهاا عيشوو حياه سهله لا تعرف الخداع ولا الكذب عيشو حياه خااليه من الحسد وخااليه من الحقد وخااليه من الظن السئ |
| الساعة الآن +4: 01:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.