جدتي موضي .. في يوم الجداااااااااااااات .. سي يو ..
 

السلام عليكم ..


أهلا بكم أعضاء بريدة ستي ..
اهلا بكم في ليلكم ونهاركم ..


صباح سعيد و مبارك ..
ومساء سعد و نور ..
( هذا مهوب ترحيب هذا جدول ورديات حراس أمن ) ..




في هذة الأيام القلاقل وفي نهاية العام الدراسي تشهد مدارس البنات موجة إحتفالات
عديدة .. ومن ضمن هذة الإحتفالات حفلة وفاء ورد الجميل حفلة الجدات ..
أمهات الأمس أمهات الماضي الجميل وعبق الرعيل الأول الطاهر ..

ومن ضمن هالجدات جدتي موضي اللي صايرتن هالأيام وكأنه من مفتشات إدارة التعليم ..
كل يوم مدرعمة لمدرسة وذلك بسبب كثرة ذره

*************

دخلت على جدتي موضي وهي جالسة بالحوش تتجهز لحفل الجدات ..
عدتها وعتادها ديرمان وقلم كحل والكريم الأبيض اللي إذا نزل عليه السكر أكلته ..
ومشط أسود عليه باقي شعره
وقاعدتن تآخذ بأيده الكريم وتلطس بشعره وتمشطه ..



وفجاءة إذ بجدي سليمان يدخل علينا وهو شايلن سطلين كوسه وقرعه وسطل تمر ..
وشاف المدام موضي وهي تتجهز ..


عاد هو خابر أن هالكريم والمشط الأسود مايطلعن الا بالمناسبات الكبيرة
ودكم تشوفون شعر جدتي موضي إذا ماكدته ( مشطته ) ..
يادافع البلى شوشة طايرة تقول شريط كاسيت منفل على راسه ..

فقال له هاه وين تبين تسرحين لوه يالعمه قاعدتن تتميلحين ياديانا حداد ..



قالت جدتي موضي ..
عاد دوك منهوا هاللي يتطنز وائل كفوري ..

شف عااااااااااد أنا هالايام مانيب فاضية لك انا مشغولة إلى راسي بحفلات الجدات ..
امس بمدرسة رحاب بنت اللولو واليوم ابروح لمدرسة منيرة بنت مها ..
وباتسر مدرسة رسيل ورهف بنات مريم والاسبوع الجاي رغد ورند بنات حصة ..
وابروح افرح بنياتي ..



قال جدي سليمان أها بس اقضبي ارضتس وخلي عنتس الخرابيط وخوذي هالكوسة والقرعة ..
نبي غدانا مرقوق اليوم ..


قالت جدتي موضي .. هين بس أنت مهوب صيدك الغدا أنت نغر منا لان ماعندكم إلا مجلس الأباء ويخب عليكم بعد ..


( عاااااااااااااااد انا تدخلت ابلطف الجو .. قلت يمه وش صار امس بالحفل .. )


قالت .. ياوليدي وش زين حفلهم .. ونشيدهم .. حتى قهوتهم ( حاليه ) .. ( مقهوينه كابتشينو ) ..


بس بوه هاك الوحدة ماغير تلاحق بهالمدرسات ابلشتهن ابلاااااااااش ..
أنتي من يقالكم .. أنتي معرسه .. طيب عندتس أخت ما أعرست ..


وماحوم تسبدي إلا هاك المعلمة اللي لابستن موف ماغير تحوف بهاك ( المرتين )
الله أعلم إنهن من حمولته ماغير تلفز حدرهن ..
وحنا مادري وراه مايحط لنا لاعاد إننا مثلهن معزومات ..
يوم سألت اللي جنبي عنهن .. قالت لي هذولي من مكتب الاشراف ..
وشو مكتب الاشراف .. هو مثل مكتب الاستقدام ..



والا عاااااااااد هاك المرة اللي تدور بناته .. كل ماجت عنده معلمة .. قالت له ..
اقول يابنيتي .. ماشفتي بناتي نوره ونوال بنات لطيفة العبدالعزيز ..
وكل المعلمات يقولن له .. ياخاله وش اسم ابوهن .. لازم اسم الأب ..

ويوم علمتهن اسم ابوهن .. طلعن بمدرسة ثانية ياويلي ..

***************

حقيقة أن هذا الإحتفال ليس بمستغرب على ( الأنثى ) ..
التي عودتنا دائما على إنتزاع البسمة من مواطن الحزن وزرع الورود في حقول الشوك ..

فقد أعدن البسمة والفرح لشفاه طالما ( مطختنا ) صغارا ..
فهذا اليوم أشعرهن بأهميتهن وبوجودهن وبكيانهن .. وأنهن مازلنا في اعيوننا وقلوبنا ..




سؤلي :
متى نهتم بالأجداد ونضع لهم يوم للإحتفال بهم ..
من أجلهم ومن اجل أحفادهم ومن اجل مجتمعنا ..



والسلام عليكم ..

سي يو .. : 12

.

ليش الشرف أني أكون ثاني المعلقين والرادين والمعقبين على موضوعك
( طيب أخلص علينا )

تصدق جدك موضي بدت تدخل قلبي عـــاد (h).

لكن ضيقت صدري وراح تخطيطي يوم جبت طاري جدك سليمان :bad

ان شا الله قرب يتحقق مناك
جزاك الله خير

دائمــاً أحتفالات الجدات والشعبيات تُقام بالدور
ونــادراً ماتُقام بالمدارس

شكرا لكم ..!!

قصصك قليله ولكن شيقة والي مزينها جدتنا موضي اول مااشوف اسمك ادخل علطول

الله لايحرمنا من قلمك وجدتك موضي

أقول اهجد ياولد :d
والله فطستن من الضحك
:090::090::090::090::090::090::090::090:

صحيح يستااهلن الجدات بس على قولك تبي تبلش ببنات بناته وبنات عياله
وهي يالله يالله تركب السيارة ,,

بس ودي أسألك ,,
وش عرّف أبوك سليمان وامك موضي بوائل وديانا :09:
الله من السرسرهـ بهالشيبان :113:


تشكراآتي (f)

ـــههههههههــــ
:07::07::07:

ههههههههههههههه

ياحليل جدتك موووووضي

اجل فلته بالحوش بالديرمان والكريم

وجدك شكله نغر منه هعهعهعهع

الله يخليه لكم

السامي البريداوي ..

تسلم يابعد معاليق شدوق جدتي موضي ..
والشرف لي بتفضلك بالتعقيب ..


اجل تحب جدتي موضي ..
اشوف قلبك خضر .. وصايرن هواوي يالبي ..



ترى جدي سليمان .. يقول اللي يبي يآخذ هالعجوز ويفكن منه ..
ابعطيه صالح ولدي هدية معه ..
وصالح دب و ( مامن تكانه ) يعني مهبول ومتعافي ..



السامي الببريداوي ..

ممتن لحضورك هنا يابعدي ..



سي يو ..

به حفل الامهات

هذه إلماحة جميلة جدا ً منك يا أبو إبراهيم
لكي نأخذ بعين الإعتبار الإهتمام بكـ أيها الكهل الكبييييييير ..


و المفترض المنتدى يضع قسم لأجدادنا من الأعضاء المخضرمين أمثالك و أمثال ( جدو ) حفيد عقيل ..




هههههههههههه
منور يا سي مدحت ، و أمطخ لي جدك ..
و إذا شفته تكد شعره ساعده و أحكر له الشقوهـ تراااااااك حريف ..


في أمان ، الله
أبو فـــــــجر

اخي مدحت مجمع الامير سلطان نظم حفل للأجداد ......مأذكر أسمه.....

خـــــــــــــــــلاص000 نسوي قطيه في المنتدى ونحط حفــــــــــــــــــــــل الامهات في فندق موفنبيك0000 00وقل لجدك موضي 00 وقله تعزم كل حريم الحاره000وسلملي عليه كثيرالسلام000

00ملاحضه000وراه ماعمرك جبت سيرت امك000وش العقوق 000

أسلوب جميل ..

جزاكم الله خيرا ورفع الله قدركم ..

ورد

لليان ..


ان شاالله يارب ..
عااااااااااااد اتخيل الشيبان بحفل الأجداد ..


يجمعونهم من حوش المدرسة ..


صافين حدر النخل ..
هذي برحية .. مالك لو يابو صالح .. هذي سكرية امه برحية ..
بس وراهم مالقحوا هالنخل .. الله من زين الدبرة بهالمدرسين:d ..



والشايب الثاني مقاول .. قاعدن عند السور .. ويكلم شايب ثاني ..
هالسور متشطب شكلهم مليصينه العصر:d ..



والثالث .. يمر بين هالسيارات ويطقطق بأصابعه على الكبوت والبيبان ..
شريطي سيارات ..



وهالمدرسين ياويلي ماغير يطاردونهم بهالحوشة .. ينتهي الوقت وهم مادخلوا ..



وأخيراً شكراً لكي على مرورك الكريم ..



سي يو ..

اما ديانا حداد و وائل كفوري هذي بلحالها قووووووووووووووووويه:090::090::090::073:

اما هالجد خطيرمسكت والا عاد جدتك موضي هذي بلحالها ونااااااااااااااااااااااااااسه

موضوووووووووووعك كالعاده اكثر من رائع ننتظر جديدك ســـــــــــــــــــي يو:41

نجدية ..

باالعكس في السنوات الأخيرة صارت المدارس تقيم احتفال للجداااااااااات ..


وشكراً لكي على مرورك الكرررررررريم ..



سي يو ..

يامدحت والله جميل مقتنع بنظريك.