[poem="type=1 title="ليه الزعل ؟" font="bold large 'simplified arabic', arial, helvetica, sans-serif""]ليه الزعل يالغاليه نور هالكون = زعلك كدّر خاطري يا غناتي

تدرين لا منّك زعلتي وش آكون = مثل المره من دون لبس وعباتي

في وسط سوقٍ ما به اللي يصلّون = ما طبّه المذّن واقام الصلاتي

اطيبهم السكّير ومحشش ودون = اللي قضى دنياه سبّ وشماتي

بس اتلفّت ترقب اللي يمرّون = علّ وعسى تلقى كريم الصفاتي !

ترفع يدينه للولي منزل النون = ترجيه بدموعه وصدق عبراتي

تقول يا ربي لعلّك لي تصون ! = او انك تعجّل بلحظة وفاتي !

وان لاح للفرحه بروقٍ مع مزون = منهو يوصف حالته بالحياتي ؟

مثلي الا أسمعتني كلمه بهون ! = لا قلت لي ارضيتني لا تحاتي [/poem]

:f:َََقصيــدة جميلةومعبرةُُُُ:f:
شكراً لابداعكـ