|
ياحظ من عنده عجوز وشايب
يــــــا حظ من عنده عجوزٍ وشايب****وإلا حدى الاثنين يا ســــــعد عينه وجودهم يجلـــــى النكد و الصعايب****و يـــا حظ من يدرك حدى والدينه ابوٍ كبير و له علومِ طــــــــــــرايب****و كل المـــــراجل حازها في يمينه و أمٍ إلى شافه تهـــــــون المصاعب****تسعـــــــــــــد ببره لو يقبل جبينه ترفع يدينه للولي بالمطــــــــــــالب****و ترجي ولي العرش يسعد سنينه أقدامها تحتـــه جنـــــــــــانٍ رطايب****و أبوك عزه في توالــــــي سنينه و بيتٍ بدون كبار مثل الخـــــــرايب****و اللي فقـــــــدهم قولوا الله يعينه نــــــور البيوت و يجمعون الحبايب****وكل السلــــــــوم الطيبة جامعينه فيهم لقسوات الليـــــــــــالي غلايب****مروضيـــــــن الوقت ومطوعينه اخضــــع لهم و إنذل إن كنت راغب****في جنــــــــــــــةٍ يا علنا ساكنينه و ازرع و تجنــــي لكل شيٍ عقايب****وكلٍ يبــــــــــي ياخذ على قد دينه و احــــذر تقول أجيب واحد يراقب****و يخــــــــدم أبوي وراتبه دافعينه وأمـــــك تقول الخادمة له تواضب****بغريفـــــــــــةٍ بالحوش ومكرمينه لعيونـــــنا كم جت لهم من متاعب****ووقتٍ شحيـــــح وليلهم ساهرينه و مهما نسوي لأجلهم فهو واجــب****شيءٍ قليـــــــــل وحقهم هاضمينه اغنـــــــم زمانك قبل جمع الكسايب****يا سعــــــــــد منهو بر في والدينه راقت لي |
صح لسانك
اللهم ارحمهم واعفو عنهم ياكريم |
جزاك الله خير يارب يسعدك
|
:d:dوالله ..اذا الشايب والعجوز ..وسيعن صدره ..وراعي سوالف تفتح النفس ..ودك به
|
الله يسعدك كلهم خير وبركه تحملونا واحنا صغار نتحملهم في كبرهم
|
صح لسانك
|
ياحظ من عنده عجوز وشايب
والله انك صادق مير مااقول الاالله يرحمهم |
صح لسانك ورزقك برهما في الدنيا والآخرة ورحم الله والدينا ووالديكم ويديم الصحة والعافية على الأحياء منهم واش خليت محبة وشفقة حنان عطـــاء حكمـــــة تجربة براءة تضحية أنس مصدر اطمئنان مصدر رزق تفائل وصبر كل هذا وأكثر تنعم به بوجود والديك فاحرص على اغتنام فرصة وجودهما قربك ، واكتسب ما تستطيع منهما ، وبارك الله لهم بك ، وبارك الله لك بهم،، شكراً لك ،،، |
الله يسعدكم ووالديكم دنيا واخره مشكورين
|
في هذي صدقت لكن مشكله ابوانا في شبابهم فلم نتذوق ذلكــ يبيلنا وقت خخخ ناويه عليهم يشيبون لا الله يعطيهم الصحه والعافيه ابيات رائعه وقليله في حقهم بصراحه وشكرا |
ياحبي للشيبان والعجايز
وخاصة الكيف والقهاوي معهم بس على فكرة اللي عنده شغل احلم يخلص شغلك لانك راح تكون مسنتر قبالتهم |
الله يسعدكم ويخليهم الكم مشكورين
|
لأنهم جمال البيت ، اللهم ارحم موتانا وموتى المسلمين
قصيدة ذاق مرارة الفقد أين هم الذين يرمون أبائهم وأمهاتهم ! |
الله يسعدك يارب
|
صح لسآآنك ..آنا عندي جدتي وش حليله توسع الصدر الله يطول لي بعمره
وجديدآتكم والمسلمين آجمعين :) تقبل مروري \\قصيميه سنعه :d |
الله يكتب لكم الاجر يارب وويسعدكم ووالديكم مشكورين
|
صـــــــــــــح لسانك...
|
صــح لسآنك وبدنـــك
صآدق وربي .. دمت مبدعـــ .... |
| الساعة الآن +4: 06:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.