|
ماهو حقك على الزوجه من مهرها وهل المهر الذي دفعته اوفى بالغرض
السلام عليكم ورحمة الله وبركاته ..
بصراحه مارئيته وبحثت عنه وجدة النتيجه ان المهر المدفوع لزوجه في غير محله فرش لبيت اهلها واخوانها ماتقصر معهم وانا الزوج كم لبسه وطقمين ذهب وكم شنطه وبعد شهر من الزواج تبي السوق طيب انا دفعت 35 الف ريال مهر واعتقد انها كافيه ووافيه وش دخلني بأهلك واخوانك ولاشفت جهازها تحلف وتقسم انه ماكلف 15 الف ريال وانت دافع 35 الف او 40 لا وجهازها مايملا عينك وشوي تقل شحاذه....؟ -سؤالي لشباب المتزوجين هل جهاز زوجتك مقتنع فيه وتحس ان المهر كفى ووفى والا تحس ان المهر راح وضاع على غير فايده ؟ -وكذالك البنات المقبلات على الزواج بهالعطله المهر صحيح انه لك بس مو لحالك معك شريك فيه وهو زوجك اللي دفع هالمهر يبيك تتسنعين فيه وتتزيينين له مو يضيع على غير فايده وكذالك لامانع من ابدى وجهة نضركن في الموضوع ...؟ |
لا تحرجنـــــــــا:p
|
اقتباس:
انا عن نفسي غير راضي على جهاز زوجتي ومهرها وزعته على ابوها واهلها هدايا وجوالات وبالاخير ابي السوق طيب وانا وش بقالي انا معرس ابستانس مو اكد على اهلها وخوانها .. ارجو التفاعل المهر حق مين ويصرف لمين |
اول مرة اسمع ان المهر يتوزع على الابو ولا الاخوان !!
المهر كامل حق للمراءة فقط لاغير تسوي اللي تبي فيه .. ومااعتقد انك تشاركها الحق في المهر انت دفعته صداق لها مو عملية بيع !!! يعني انت مالك حق تقول انا وين حقي من المهر اللي دفعته !! زوجتك عندك بالبيت لها احتياجات اذا تقدر تلبيها جوزيت خيرا اذا ماتقدر قل مااقدر وبس اما حكاية وين حقي من المهر !!! والله عيب !!ِ |
اذا نويت علمتك بالاسعار هع هع
|
بالنسبة للمهر فهو حق للزوجة , ولها الحق بالتصرف فيه كما تشاء , إن ارادت إعطاء والدها او والدتها أو اخوتها من المهر , أو حتى لو أرادت ان تعطي زوجها من المهر فهذا من حقها بما أنه برضاها ..
بإختصار ,, ليس لأي احد ان يأخذ شيء من المهر من دون رضاها .. لكن بالنسبة لما تقصده وإن فهمه الغير بشكل خاطىء , فانا اوافقك فيه , فالواجب على الزوجة ان تفكر بعقلانية في كيفيه صرف هذا المهر , ويجب عليها ان تفكر في زوجها ( وأنا مايغثني الا اللي تطق فستان بالالاف عشان ساعتين والزوج ماراح يشوف هالفستان ) وانا انصح كل شاب يرغب بالزواج أن ياخذ معه 20 الف ريال فقط , فإن قبلوا وإلا يشوف غيرهم .. البنات مالين البيوت :41 |
بصراحة انا ماشفت اللي انت شايف انا اشوف ان الاهل يزيدون المهر ماياخذون منه ,, تقبل مروري ,,, |
مهرها لها
لو تبي تحرقه المهر مب لأجل انهم يجهزونها لك بهالفلوس المهر تأخذه هي وتتصرف فيه حيث تشاء |
اقتباس:
صحيح كلامك ، وخاصة إذا كانت القاعة على أهل البنت ولا أعتقد إن فيه بنت الآن توزع مهرها لأن كل شيء صار غالي مو زي أول |
يارجال الدنيا صارت غاليه الحين وكلن بلشن بروحه، البنت زين إن قدرت تشتري أغراضه الخاصه.
شلون عاد أنت تقول إنه توزعه على إخوانه وأهله :d، عاد لا وزعت وش يبي يبقى له بعد التوزيع؟؟ |
عساك ماتكلفت أجل 35 ألف ريال :confused: وتبيها تشتري كل شيء ؟؟ كيف الحال أقول .. * حقك على زوجتك تشتري لك ساعة هدية وأحمد ربك تراه مجاملة . * لعلمك الأهل الله يخليهم يغطون نقص فلوسكم لذا أدعوا لهم . . |
اخي احمد ربك انت دافع 35 الف وعندنا 70 الف والقصر عليه والطقاقات والعشاء ذبايح 10 وحاشي والبوفيه والبخور والشبكه وشهر العسل وسيارة لبوها ولا يشتكون ابد
اما جهازها قليل او كثير عيب عليك تفكر بمبلغ طلع من جيبك لوحدة بتعيش معك الحياة الله لايفرقكم والرجال كريم يكون اهم شي يسعد زوجته لنها اذا سعدتها بتشغل صوبعها 10 شمع على قولت المصاريه واخيرا الله يرزقك ويوفقك معها ابتسم الحياة فيها اشياء كثيرة تستحق الاهتمام اكثر من مبلغ راح |
35 وش بتسوي هالوقت انا كان مهري 45 والله طار وبعدين الحين الاسعار غاليه والذهب ناااااار يعني الطقمين اللي شرتهم مرتك اتوقع انهم ب15الف اذا كانو ثقال والكم لبسه اتوقع بملاه اذا كانت ماركه لان اكيد عروس وبتكشخ ثمن كل هذا حقه ومالك فيه حق صح انه المفروض يكفيه ع الاقل لسنه بعد الزواج بس لوطلبت فهمها وترى عيب الرجال يسال مرته وش سسوت بالمهر تعطي ابوها تعطي اخوانه تحرقه تحطه بالبنك هي حررره!!
|
امركم غريب كلكم ناقشتو الموضوع من دون ماتفهمونه الرجال قصده وين حقي من التكشخ واللبس والقصد انها تشتري لها لبس وغيره حتى ماتقعد اللبسه عليه اسبوع فهمتو قصده زين وهذا الواقع اللي حاصل الان البنت تفسفس مهرها فسفسه وتتجهز بشي بسيط ولاجت عند زوجها شهرين بالكثير وتبي السوق والا الرجال ماقصد انه تشتريله من مهرها لا لكنه يبي يشوف البنت تحفه تملى عينه وباليوم تلبس اكثر من لبسه تقبلو مروري
|
موكل البنات سوا
انا ابوي زاد على مهري الزواج كان منه الله يطول بعمره واللي اعرفهم المهر يروح لتجهيزها وساعات مايغطي |
الحين الــ 50 ماتسوي شي عاد وشلون 35 تبي تسلف لحد ماتقول الليله العيد,,, 50 ويالله يالله تمشي الحال وتغطي مع الهدايا اللي تجي العروس,,, |
بالعكس الأهل يزيدون مهر البنت وعساه تقدر تكمل أغراضه الدنيا غاليه ومع الزيادات عليه تتزوج وهي ماكملت كل شيء لاتحسب ال35 او ال40 كثيره وتشاوف انه تملأ البيت أغراض عساه تكفيه وماتطلب منك زياده |
اقتباس:
اعتقد ان الفطرة الطبيعية للمراءة انها تلبس وتتكشخ وتبدل الملابس ! ولا اعتقد ان في عروس ما تتلبس وتصير تحفة وتحاول ترضي زوجها !! وتلبس باليوم اكثر من لبس ... لا توصي حريص بس الله يصبرها على سنوات مديدة وقرون عديدة وهي تشوف زوجها بالزي المنزلي :dالرسمي للرجل السعودي السروال والفانيلة! اعتقد ان كاتب الموضوع واضح كلامه هو منقهر من ان زوجته عطت اخوانه ويرى ان له حق في هالمهر ! اما من جهة المفترض انها ماتلعب بالفلوس وتضيعهم هو صح المفترض بس ياكثر المفترض والمفترض والمفترض بس الواقع غييير .. ولو كل مفترض صار واقع كان حنا بعالم افلاطوني .. لكن المفترض والواقع ان المهر حق للزوجة والزوج ماله اي حق فيه |
والله انا الي اكلتها
طلبو مني مهر فوق الــ 50 ورحت لمساعده الشباب على الزواج قالو لازم يكون المهر تحت الـ 50 الف قلت لهم انا المهر فوق الخمسين قالو للاسف ماتنطبق عليك الشروط :eek5 |
والله اللي اشوفه انا الاهل يزودون اضعاف المهر ,, واذا اعطت اهلها فهو كرم منها خاصه اللي تعب معها بتجهيز وهذا من عاداتنا ,بنسبه لي ,, مدري عن الناس ’’ والحين 40 الف ماتسوي شي كلش غاااااااالي ,,, زيد المهر وابشر ... |
:oo والله البلاء
بزوجتك ماعندها تنسيق وذوق حتى ماعرفت تختار؟؟؟؟؟؟؟ مستكثر 35الف ياخي منذو بضع سنوات ماكفت خمسين والوالد ماقصر وزاد عليهن الله يخلف علينا وعليك الله المستعااااااااااان بس,,,,,,,,, |
اقتباس:
والله ناس غريبه كييف يطلبون:confused:...انا اذكر يرجعون شوي من المهر اختي مهرها سبعين ألف..راح الوالد رجع عشرين:d يقول كثيير واكيد الرجل محتاجهن الله يوفقهم ويوفق جميع المتزوجين وغير المتزوجين |
اقتباس:
أنعم و أكرم بمن يفعل مثل هذا ، و ينظر مثل هذه النظرة .. و البركة تأتي من هنا .. فلا مهر قليل يُستهان به ، ولا كثير لا يُقدر عليه .. |
اقتباس:
بس خليه يسئلني ابوها ويقول متى عرس اقوله بعد سنتين تراك طالب 60 صعب اجمعهم لو 40 كان العرس قريب بس صراحه ابوها رفض يفن ( ييقول المهر ) لكن اخواني اجبروها وقالو حنا راضين ؛<< وهقوني اخواني :( |
اقتباس:
الحين زواجك بعد سنتين والشبكة مشتريها وخالص ؟؟ ليه ماحكيتوا بالمهر من كل الطرفين ! حرام يطلب مهر وقدره كذا على امكانيات شاب راتبه كذا !! المفروض يكون فيه ازدواجية لدى الآباء الذين يحددون المهر , بين التحديد وراتب الشاب .. ولابد من التييسير في كل الحالات .. اللهم وفق شباب المسلمين ويسر لهم أمرهم ,, |
اقتباس:
أجل سيارة لأبوها :d طيب مايكملون خيرهم ويبنون له بيت . الله يعين بس على هالبهارات , والله إن كثرتها تحمي الكبد . .. |
تـرا سالفه المهر , ناس عن ناس تطلب , انا اعرف لكم عاائله ياخذون مهر 30 الف والرجال ماعليه قاااصر , واعرف لكم بعد عاائله يجي الرجال ياخذها من بيتها بدون عرس ولا ازعااج , احنا اللي ياشبـاب لما نشوف هالقلق والازعاج , والله بعض اللحين ادخل محلات تجااريه , واشوف كم سعر الثـلاجه , الثلاجه بروحها ربع المهر قيمتها 2000 ريـال , لا غير المطبخ كاامل بـ 5 ولا بـ 10 , غير الاثاث اللي بالصاله بس يمكن يجي سعره 5 الي 7 , لا وبعد غرفه النـوم اقل شي تلقاء بـ 10 اذا كان حلو , والبيت اللي تبي تستئجره كم سعره واللي يعين اللي يبي يتزوجون وياخذون بيت , اما اللي يبي يسكن عنده اهله هذا يبي يقدم مهر 40 او 50 , الله يعيــن ع الدنيــا كل ماكبرنا يجينا هم اكثر ومادري هالاهم يروح منا بعدين ولا لا ... |
اقتباس:
لا اختي مثل هذا موجود وقد يكون قليل في وقتنا الحالي ,, لكنه فعلاً قد حصل أذكر أحدهم يحكي لي عن زواجه من الزوجة الثانية وأنه دفع مهر وقدره ودفع لوالدتها ووالدها ..!! تعجبت وقلت : حشااا شكلك خسرت ودفعت اللي قدامك واللي وراك فقال : بالعكس هذا الزواج ربحت منه , فبسببه إشتريت ارض :d قلت : صار الموضوع تجارة مو زواج وشلون شريت أرض فقال : من خلال ماجمعته من العانيات , فهذا قدم لي مبلغ وقدره وهذا مبلغ وقدره ووووالخ |
صرف المهر وقيمته حسب وضع البنت
يعني لو بيتها مستقل و اثاثه كامل وكل شي مجهز بس تشتري اشياء خاصه لها يكفيها 35الف بس اذا كانت بتسكن عند اهله لازم تشتري اشياء ثانيه مثل الغساله والمكواة وغيرهن اتوقع يادووووب يكفيها 50 الف خاصه انه كل شي غالي واشيائنا يالبنات كثيره وماتخلص |
اقتباس:
وإلا المفروض أول ماطلبوا منك هالمبلغ , كان رديت على ابوها وقلت : آآآسف , وإلتفت على أخوانك وقلت مشينا :41 صدقني بعدها إذا هم فعلاً شارين رجال , راح يتصلون عليك ويقولون تعااااال وراضين بشروطك ومثل هالموقف حصل للبعض |
اقتباس:
وليه تكون اشيئكم كثيره وتطلبون مبلغ قيمته 35 الف ..!؟ بعض البنـات يكفيها 10 او 15 , والباقي يكون ل اهلها , ليه انتم مخلوقين من بلده وهي من بلده ثانيه ماتبي طلباات مثلكم ؟ ولا لازم اغراااضي كلها تكون مااركه وعليها اسم , كل شي فوق الـ 500 ريـال لو كان شي مايسوا .. |
اقتباس:
هههههههههه شكيت ان السالفه هنووود مكه اللي يبيعون الساعات اذا رفضو ينزلون بالسعر رحنا عشان يقول خلاص ماما ونررجع.... أجل التفت على اخوانك وقل مشينا!!!! أصلا الرجال مايتصرف كذا من أساسه واللي يتصرف كذا بداله مليووون... |
أتعجـــــــــب من كثرة الحديث حول هذا الموضووووع... المقتـــــدر يدفع 50 وكثر المولى أمثاله وغيــــر المقتدر يدفع مايقدره المولى عليـــــه كلمات لن تقدم ولن تأخر ... وأهم شي التووووووفيـــــــــــــــــــق... |
قال صلى الله عليه وسلم : ( أقلهن مهراً أكثرهن بركة )
|
الله يرحم الحال حتى المهر متحسفين فيه
ايييييييييييييييييييييييييييييييييييييييييه راحو الرجال الطيبه |
المشكله الحين مهب بالمهر، المشكله بالسكن والتأثيث والزواج وما بعد الزواج.
لكن الله سبحانه وتعالى يبي ييسره لكل عبادة. |
اقتباس:
طيب لو زوج أختك معطي خمسين تتوقعين يرجع أبوك عشرين ؟؟ هو رجعهن لأن نسيبكم دفع أكثر من الناس , فالعادة جرت على دفع خمسين بس , وقليل اللي يزيد عليها سوا ستين أو سبعين أو ثمانين إلـخ . لذا اللي يعتبر مسوي إنجاز هو اللي يرجع من الخمسين ألف ثلاثين ويبقي لبنته عشرين ثم يعطيها هو من ماله الخاص . أما يرجع من السبعين عشرين ويبقى خمسين أكيد ذي مايبيلها لأن اللي بقى يعتبر مساوي لمهور غيرها من الفتيات فلاغرابة . يعني مثلاً أنا لو يدفع خطيب بنتي ميتين ألف والله لاأرجع مية :113: .. |
:d :d موضوعك قميل اوي اوي طبعاً ماراح اناقش معك موضوع المهر لاننا منتهين منه هو حق للزوجه وتتصرف فيه مثل ماتبي (h) لكن اللي ابتكلم عنه يا شاب ويافتاة قبل خطوة الزواج هل انت مؤهل وقادر على مواجهة الحياة الزوجيه ؟؟؟ انت رجل فعلاً ولا من جنبه :confused: لا تزعلون علي ياشباب لكن والله شفنا ناس والله ماتوكله على عنز كيف على امراه بعضهم يقدمون على الزواج عشان بس يحمل مسمى ( متزوج ) ولا لو تساله عن ابسط حقوق الزوجه و و و مايعرفش :confused: ثم تبدا المشاكل والخلافات بينهم وبدل من ان يكون الزواج رحمه وموده يكون هم وشقى المهم المهر المتعارف عليه لايقل عن 30 الف ويكون للزوجه بس فديت قلبه زوجة المستقبل :p وووووبس ... |
اقتباس:
تصدقين لما اخوي اتصل عليه وسئله عن المهر قال تسااااهيل تساااهيل وخرطي امحق تساهيل اصلن لو كلمته وقلت له نزل من المهر يبي ينزل لكن لازم الواحد تكون عنده عزه نفس << مو كلامه :eek5 |
اقتباس:
لكن مهايط ولا حتى فتح فمه اصلن هو قايل لأخواني انتم فنو لكن رفضو يالله اهم شيء الشقه خلصت وساكن فيها لي شهر والباقي كل شيء يهون إن شاءالله |
اخبر اهل البنت يزيدون بالمهر مب ياخذون منه
|
يااخزياه يابنات وراكم تفهمون الموضوع غلط ....هو ماهو يقول ورى ماغبت لي من المهر ياويلي والمين الله يصلحكم............((((( هو قصده تكون مجهزه نفسه باشياء تخصه من ملابس وغيره )))) وفعلا كلامك صح غلط امه بعد الزواج تطلب السوق وش دعوى وهي توه مجهزه المفروض من سنه وورا السوق...........الله يعينك ويسخر لك...
|
أنا على خبري المهر 50 وعساه يكفي بعد!!
وجايين تتكلمون عن 30 و35 لا ومستكثرينها ومانين فيها بعد!! لا والنكته مدري كيف تفكرون بصراحة! جايتكم وحدة من العضوات مطيره عيونها على طلب زيادة المهر من أهل زوجتك قالت إيش قالت: أنا أبوي رجع عشرين من المهر لزوجي!! وأنتم ماشالله تقاطرت سعابيلكم على هالأبوا الي رجع عشرين من المهر للزوج!ولسان حالكم يقول ماشالله عليه كفو والله هذولا الناس الي يستاهلون يناسبون مو الي عندنا! سبحان الله كنكم تجاهلتوا ان الزوج ((الكريم)) عطاهم 70 مو 30 يعني أكثر من النصف؟! غير أننا ماندري عن حال البنت وأهلها مادياً يمكن مقتدرين ومو بحاجة! صحيح هو كرم من الأب لكن مافيه وجه مقارنه أصلاً بين الحالتين! وبعدين الكريم يستاهل الإحترام ويستاهل يرجعله نصف المهر إذا محتاجه!! والكريم مايتحسف على قرشين طلعو من جيبه! كيف اذا كان مهر من حق الزوجة ومالك حق تبخص وتتحسف فيه؟! وسبحان الله دايماً الكريم كريم في كل شي,, والبخيل بخيل بكل شي,, |
^^^^^^^^ :41:41:41:41 |
هذا أنتم يالرجال لاجا طاري المهر بديتوا تولولون وتجيبون الأحاديث والمراجل والعادات ولا الواحد لابغى يطلع موتر يطق له جيب من احسن مايكون هذا غير الخرابيط اللي تحط للموتر ..
|
مشاركة ثانية ..
أشوفكم قمت تمدحون اللي رجع بعض المهر .. طيب عمركم سمعتم وحده طلبت الطلاق وتطلقت ولاأخذوا منها المهر >> ولا اللحين صار من حقه ولاتتنازل عن فلوسك وهذا الشرع .. |
الرجل السنع والشهم مايطلب ولا يحدد المهر
وهذي تعتبر قلة حياء ياخي لاجاكم خاطب لبنتكم..تقوله كلمتين بس المهر اللي تقدر عليه ادفعه سواء 80 الف او 20 الف |
شاب تزوج قبل عامين شاورني كم أعطيهم مهر ؟ والمشكلة إن الشاب أموره ماهي قوية . والمشكلة إني أنا الي خاطب له والعائلة أعرفهم:pإحراج فقلت له أعطهم35الف مهر . قال : لا أبعطيهم 30 . أعطاهم ثلاثين وعرفت من أخو الفتاة أن الثلاثين الف صار بها بركة عظيمة وكفت برغم من غلاء الأسعار حتى بعد أخذو إستراحة جميلة وحطو عشاء . |
اشكركم لتفاعلكم ولكن القليل منكم فهم ماقصدته في هذا الموضوع انا لم ولن احاسب زوجتي عن مافعلته في مهرها وهو حق لها ولكن اين صرفته اين حقي عليها الا يحق لي انا ارها بمنتهى الروعه انا ماقصدة حقي من المهر ابيها تشتريلي لبس واغراض خاصه فيني انا لا ، ولكن ماقصدته هو اين حقي من لبسها هي بحيث لاتكون بحاجه الى السوق خلال السنه الاولى الا لحاجه ضروريه مابيها تصرف المهر في غير محله وبعد شهر او شهرين من الزواج تبي السوق هذا ماقصدته اشكركم لتفاعلكم ومشاركاتكم الرائعه
|
قد يكـــــون ردي خــــــارج عن الموضوع نوعاً ما ولكن ماأريد قووووله: نعيش زمــــــان ليس فيه للرجــــــــولة جدوى..... عجز اللفظ أن يعبـــــر عنـــــــي ...... فسكووتي هو اللســــــان الفصيح. |
اقتباس:
أجل تقعد سنة ماتبي السوق يدفعون من هنا ويطلعونه من هنا .. طيب ممكن ماتروح للسوق تكون مكتفية بس تمشي له مصروف :d |
اقتباس:
|
.. اما جهازها قليل او كثير !! عيب عليك تفكر بمبلغ طلع من جيبك !! لوحدة بتعيش معك الحياة وأقترح عليك تغير التوقيع لأن الاسم + الموضوع + التوقيع .. يدل على شخصية بخييييلة .. معجبة بنفسها .. تنتقد من حولها ..!! وبعدين سؤال هل انت مؤهل وقادر على مواجهة الحياة الزوجيه ؟؟؟ هل انت رجل فعلاً ؟؟ ولا من جنبه ؟؟ الله يجمع شملكم على خير .. |
يااخي انت وينك عن غلا اسوق الحين كلشي غالي ومافيه شي رخيص الله يهديك 35 وش يسون الحين لا صارة بتئسس نفسها من الاول وترى مو بس تشتري فيهم لبس ولزومات الزواج لالا فيه اشياء خصه البنت تسويها وبعدين انت تدري ان اسوق الحين الجزمات واصلات الخمس ميه والذهب الطقم الخفيف يصك له 10الف وبعدين كل هذا مو مهم المهم انك تعيش مع زوجتك ابسعاده والاهم التوفيك ولا تناظر لمبلغ دفعته لشريكة حياتك لن ارجل من صفاته الكرم (h)(h)
|
اقتباس:
زمن تتلاطم فيه الفتن هُن محل الفخر والشرف وكثرتُهن تزيد الأهل سعادةً وحُبورا. عودة على الموضوع: أشكرك أخي ياحبيلي وياسعدك فيني على الموضوع وأقول من الخطأ أن يتصورالزوج بعد أن يضع المهر عند زوجته زوجةً عاد كُل ما دفعه إليها على مايعنيه من لباس ومُشاركـةٍ في التأثيث وغيره. وكلامُك صحيح من ناحية وجوب النظرة الإتزانية وحق الزوج ينبغي فعلاً أن يكون في محل الإهتمام، وحديث سلمان الفارسي المشهور عندما زار ابو الدرداء -رضي الله عنهم- فوجد أُم الدرداء متبذلة (أي تاركةً لباس الزينة) أنكر ذلك لأنها مُتزوجة وهي في بيت زوجها، ثُم يا إخوتي وأخواتي إذا أصبح لدينا مُشكلة لماذ يسعى كُل طرف إلى تبرئة ساحته وقذف الكُرة في ملعب الآخر وأنه لا يجب عليه شيء وهو ينتظر الحل من الطرف الآخر. |
" أقلهن مهورا اكثرهن بركة "
|
يارجال الدنيا صارت غاليه الحين وكلن بلشن بروحه، البنت زين إن قدرت تشتري أغراضه الخاصه.
(وش قولك) |
الله عليك يابو سياااااااااف تفهمها وهي طايره هو قصده مب المهر قصده مب انا دافع وكذا وتجين بلبس واحد تحوم تسبدي وتقعد تجهز عندي تجهز ببيته وتجي هذا القصد وافهمو ياقصمان يامنتقدين >>>>> ايقاله لاس فيقاسي
|
اقتباس:
قل على الاقل : زين الله يوفق الجميع انا استأذن ومثل هالكلام لانك جاي تخطب مب جاي تشتري سيارة :d |
اقتباس:
ياسلام عليك يعجبونن الناس الفاهمين هذا الرد السنع معقوله ماحد فهمن او فهم لو شي بسيط اللي قال عني ردي واللي قال مو رجال واللي قالت غير توقيعك يعني اكثر الردود ضدي واكثرهم مافهم الموضوع الا القليل منهم وانا كل قصدي شووووووووووووووووفووووه بهالرد السنع واشكر الجميع لتفاعلهم واهتمامهم والله ولي التوفيق |
اقتباس:
ياشين اللي معه شهاده ليلي اقرا الموضوع وافهم فقط بعدين رد انا ماهمن المهر كله ولا ابي منه شي ولافكرة فيه بس السنع ابي الاتزان ووووووووووووووووووووووووووووو افهمو تراكم طلعتو روحي |
بهالوقت القروش مابه بركه
اذا كانت القاعه وهي من القاعات اللي مهنا زود بـ12 الف والطقاقات بـ 4 آلاف والعشاء مايقل عن الـ9 آلاف وطقمين ذهب موب من كبرهن مع كم خاتم واساوره بـ10 آلاف وقضن الـ 35 ألف يعني الملابس والشناط والجزم والمفارش وقشلة البيت والعطورات والمكياج وباقي الاغراض من وين؟؟ أكيد من الأهل (الله لايخلينا ) |
اقتباس:
لاكن تعليقي على الموضوع ولا نخرج عن صلب الموضوع , هو : صحيح من حقك ان تلبس لك أفضل اللبس , وتتزين لا كن سنه ماتخرج احس انها كثيره شوي ست شهور معقوله إلا إذا كان مهرك 50000 ألف ريال ,,, طبعاً الاشياء الضروريه فالضروره لها أحكام ... |
أقول الله يهديك متكلف 35ألف لا كثيره صدق وين ودتهن زوجتك؟؟؟؟؟
ههههههههههههاي ضحكت يوم شفت المهر 35ألف هذي بس طقم ذهب صدق لاقالوا شر البليه مايضحك...... |
الواحد لاجاء يرد
يفهم الموضوع ويقراءه مو يقراء رد اللي قبله ويرد مثله صاحب الموضوع كان قصده عن اللي مهره يروح لاهله وهو يقول انه قالت كل اغراضي ب15الف يعني قصده وين باقي الفلوس المهر من حق الزوجه صح بس المفروض اهله ماياخذون من مهرها واذا كان الابو متيسره حالته يزودها مو ياخذ منها الله يخلي لي ابوي ارجوا قراءه الموضوع اولا لانه هو ماقال ان الفتاة المفروض تاخذ مهر35 والمساله مو مساله بيع وشراء عشان نقول لازم المهر يكون عالي المسأله مساله رجل الرجل الزين اللحين يشرى شراء قل الرجال اللي بهم صفات الرجوله من دين واخلاق ووظيفه |
انا اول مره اسمع ان المهر يتوزع بالعكس الاهل يزودونه
وبعدين انا اخبر البنت اول ما تبدا تتجهز تشتري لبس البيت كامل ثم تشتري لبس طلعات وكماليات وغيره باللي يبقى من المهر ولبس البيت اقل شي يكلفه 15 الف ريال يعني بالله كيف بتوزع 35 الف على لبس بيت وطلعات ومكياج وشنط وجزم(اكرمكم الله) وكماليات للبيت ولها ولا ننسى الذهب وتكاليف زواج يعني ادفع على سنع واطلب لبس وتكشخ على سنع |
| الساعة الآن +4: 07:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.