|
لو طلبت منك إحداهن أن تريها صورة (زوجك أو أحد محارمك)ماهي ردة فعلك اتجاهها
سيلام حبوبااات ’ كيفكوووون ؟
إن شاء الله بخيـراات يااارب نخش للموضووع دوغري :d لو وحدة من صديقاتك أو بنات عمك أو خالك أو حريمهم أوي حد من البنوتات أنك ترويها صورة زوجك هل ستطيعينها ؟ أو ستعتبرينها لقافة وتعدي على حوق الغير ؟؟؟؟ وهل اللي طلبت منك فرق بين ردة فعلك بين اللي تمون واللي ماتمون؟؟؟؟ أنتظرررركم : 12 أتمنى مايحذف الموضوع لأن لي مآرب منه وكلام بيني وبين وحدة من قرباتي شوكرن لكم كل أبوووكم (h)(h) (f) :p |
اكيد اذا طلب احد من وانا مابدي ابقول لا ماقدر وذا هي من النوع اللي اعرفه تمون ماراح اقول لقافه وذا كانت ماتمون ابقول وش عنده ولا يعتبر من تعدي على حقوق الغير لانه طلبت ماراحت افتحت الجوال بدون اذن وبالاخير انا اللي احكم بدون زعل هي وجهت نظر
|
أبداً مالها حق تطلب كذا،، هذي وسيعة وجه ، واللي توريها أوسع وجه منها،، تقبلي مروري،، |
والله اذا اعرفه قوه وامون وتمون علي اختي بنت خالتي وانا ارتاح له اكيد عادي اوريه
اما غيررررهـــ لا مستحيل |
عادي جداً يا آلبي رأس مالها صورة :d |
والله إذاهي أطلبت تشوف الصور لالالاوألف لا وش اللقافه أولاه...ياكثر الشروفــــــــــــــــــــــــــــــــــين هالأيام.
|
امممم عادي عندي اذا طبعاً قووه رسميه معه بستغرب من طلبه |
لا والله ما أوريه لو هو زين عطتن عين ولو هو شين تطنزت بوه بقوله ما معي لوه وصوره وشتبين بوه تشوفينه سواء غريبه او تمون علي ... |
والله اللي قريبه مني اوريه اللي تمون
لكن وحده ما امون عليه وقالت ورني اقول تلااااااااايطي تحياتي |
على حسب الشخص فيه ناس امون عليهم ويمونون علي وفيه ناس اعوذ بالله منهم همهم اللقافه بس الله يعطيك العااافيه |
|
لا طبعا:i121
سوى قريبة او بعيدة تبي تشوفة تطلع للشارع تشوفة:d |
اقتباس:
وأنا مع متفائلة (h) |
وه يازين اعيالي كلهم حاطتهم بصوره جماعيه مع ابوهم ببوكي وجوالي حاطه ابوي ورجلي والثيم بنتي عادي هم رجاجيل يالله لك الحمد .. |
عادي مافيها شي اذا صار لشي مجال وخصوصا اذا وحده تقرب لي يعني ان ماشافته معي بتشوفه بالشارع,,, ,,, |
قريبه لي اكيد عادي
اما وحده مااعرفها والا ماارتاح لها ولا بيني وبينها علاقه قويه سوى رسميات لا ووالف لا لاني اعتبرها قلت ادب انها تتطلب |
ياليت حاطه ما التصويت على حسب الشخص :)
ابصراحه عادي بس على حسب الي طالبه الصوره |
راس ماله صوره وبعدين محد بيطلب يشوف صوره زوجك او احد محارمك الا وحده تمون عليك
صورت زوجي ثيم بجوالي وبمحفظتي وبيتي بكل زاويه صورته يعني عاادي احس |
اقتباس:
.. ألاحظ تفاوت بالردود ... ويظهر لي أن هناك اختلاف بالآاراء بين المتزوجات والبنوتات ... عموما لا أجد أفضل من أن أقول : (( و قد رُوِيَ أيضًا أن النبي صلى الله عليه وسلم سأل فاطمة بنته: ما خير ما للمرأة؟ فقالت: ألا ترى الرجال, ولا يراها الرجال فضمها وقال: ذرية بعضها من بعض أقرها على ذلك .. )) و مابين القوسين نسخته من موقع الشيخ ابن جبرين رحمه الله .. |
مالهـ داعيـ تشوفـ صور لالزوجيـ ولا لأبويــ اللهــ يخليهــ .. مشكوورهــ .. |
احسه عادي ..بالمسن حاطه صورته..كل من اضفته شافته
همن عاد |
لو طلبت مني احس ان به ادب يمكن اوريه على حسب اذا هي ماتقصر معاي بصور اهله بس المشكله الي تفتح الجوال او البوك من دون اذن وتطالع وتعلق بعد على اشكالهم هذي ودي اتوطا ببطنه
والي دايم تحرص على الصور لازم تبي تشوف خوذي حذرك منه لأن العين والنفس مع هالأشكال الشفايه تطيح وجهه عندك عشان صوره |
ماعمره حصلي هالموقف ولااتوقع انه بيحصل فلذلك ماادري وش تكون ردة فعلي .... لكن اتوقع اني ابتضايق لأني الآن اتضايق اذا وحده ورتني صورة اخوها او زوجها ... ,, تقبلي مروري ,,, |
عآدي جداً ... م1
|
اقتباس:
نفس اللي بقوله , سبحان الله تقل خوات أنا وأياك :113: أكره اللي تورين صور أخوانها أو زوجها أو ماشابههم . يعني وش بقول قسم إحراج وكيف بتكون وجهة نظري ( ماشاء الله يهبل وإلا تبارك الله مزيون ) :d مرة زميلة فتحت اللاب ونادتن شوفي خوالي :oo صحيح إنهم مزايين بعنف وبلشت وش أعلق :confused: إن أسكت قالت ماوده تمدح وإن مدحت شينة بحقي تخيلي أمدح رجال قسم شينة قووة . جلست أفكر وش أرد وراح بالي عن الصور هي ماغير تفتح وتسكر وأنا متورطة , يوم وصلت لأخر صورة صاروا في مخيم وشكل الصورة يوحي أن مابداخلها أمراء فخمة جداً والحضور مماليح فقلت في نفسي أهاا فرصتي , سألته هذي صورة من ؟ قالت خوالي , قلت ياحليلهم والله إني أحسب الصورة لأل سعود الخيمة شيء , وجلست ساعة أمدح المكان :d ومنين شارين خيمتهم :113: ووين هذا المكشات هع , ؛ راعية الموضوع إذا وحدة طلبت صورة زوجي وهي ماتمون فتأكدي ياحلالي أنه بتقارن لذا إن صار مزيون بوريه علشان تنغث خخخ وإذا العكس فأصرفه وأقول ماعندي صورة له , زوجي يرى حرمة التصوير هه . والله ماقد فتحت بوك أو جوال أي وحدة من خواتي علشان ماأشوف الصورة فكيف أطلب من وحدة بعيدة ياهي صعبة جداً .. |
اللي تطلب ياحبيله ذي بقمة الاخلاق
البلا اللي تاخذ الجوال وتطلع الصور وتمقل وتقرب الصوره بعد <<<صايره معي ودي اكفخه |
بـالله وش هالتخلف
عــآآدي مافيهـــا شي خليه تشوفه وبعدين واذ خايفه يعطونك عين اقري وردك والحمدالله وشكر |
مـاله اي داعي .. واللي تطلب صورة خاصه اذا كانت بنت ماتزوجت اعتبره قليلة حيا حتى لو كانت تموون عيب عليه .. 0 0 |
يعني وش بتستفيد الوحده اذا شافت زوج فلانه وعلانه ....بجاحه بجاحه
وما أوريه لاألي امون عليه ولا غيره ؟؟؟عيب عيب أنتم ماتقرون :::: (وقل للمؤمنات يغضضن من أبصارهن ...) والباب اللي يجيك منه ريح (ألطسه بجدار) وأستـــــــــــــــــــــــــــــريح اللقافه جــــــــــــــــــــــــــــــراد يآكل الأخضر واليابس...... |
اقتباس:
لأني ما فهمت ! |
عادي جدا |
لاوالله مو عادي,,,,,,,,,,,,,,,,,,,,,,,واختي حنين الاخوة ردك اكثرمن رائع...الله يجزاك خير
|
.
. . آلآمر إيَزَيْ لـ أبعد حد :d مابهْ شي :cool: (f) . . |
|
| وعليكم السلآم ورحمة الله وبركآته ,,
.. |
فيه ردود قويه صراحه ضحكت عليهن قديمات مرة يعني اذا ماوريتيه ماراح تشوفه و اللي ماتشوفه بالصورة بتشوفه باي مكان
انا عادي جدا راس ماله صورة لاتودي ولاتجيب |
8 ياحلوة ياجديدة :d فيه فرق بين انها تشوفهم سواءً ع الطبيعة أو بصورة وبين إنها تطلب صورهم ! طلبها بحد ذاته ماأستسيغه .. |
مممممم بالنسبه لي عاااااااااااااااااااااااااادي اوريهم لاني افتخر فيه |
وحده بلشه بس تسال ودها تفتش جوالي وانا توي متزوجه
المهم قلتي لها جوالي مافيه بلوتوث والصور اللي فيه شخصيه المهم مره اختي اخذت جوالي ويوم خلصت قالت للبنت هذي وصليه (تقصد توصله لي ) الاخت اخذت الجوال وبدت تفتش بالقوه انا ضاع وجهي فشلت من قله حياءه وعجزت اقول عطين اياه بعض الناس تبلش تبي تشوف الصوره وهذولا وراهم شي ام اللي تمون ومقربه لي عادي |
اقتباس:
لية عجزتي هو مو جوالك وشي خاص فيك صحيح الموقف محرج بس من حقك تعارضين انا مرة وحدة قاعدة تفتش شنطتي ولا قلت شي مشيتها قلت مرة وماراح تتكرر الا المرة اخذت على الوضع فتحتة مرة ثانية وبكل ادب قلت معليش فيها شي خاص ومع الايام فتحتة للمرة الثالثة بس هالمرة شديت شوي وعقبها مالمستة اقاله اخذت بخاطرها قلت ليتة من زمان :d |
ماجربت الموقف
لكن لااااااااااااااااااا خاصه زوجي اما اخواني عاااادي قوووه <<الغيره تذبح وهو ماجاء الزوج هههه |
عآدي فيهآ شيء ~ تبي تنط عليه عاد هي بالصورة ~ صورة ماراحت ولا جت ~ وحدة من زميلاتي أول ما تزوجت جت تبي تطلع >< البنات كبعن عباياتهن وراه يبي يشوفن زوجه خخخ عاد هي إقاله مااستانست , تسوي نفسه عندي إنه متضايقه من تصرفهن ..وتروح بكرى تجيب لي صورته توريني إياها ;) ~ |
اذانا امون علية وهي تمون علي اوكية اوريها اما غيرها طبعا لا وبشدة الاني اذا وريتها بتصير عادي بتمون
عادي علي الي اكبر من الصورة |
اقتباس:
عادي وش فيها لاطلبت مصيرة رجل بالشارع يدوج كلن يشوفوه وي ابقولك ورين اخوانك وهونت وثرك اسم على مسمى تخوفين :d |
اولا ولله الحمد ماانقل معي صور
ولو طلب من احد مثل ماقلتي اقوله عييييييييييييييييييييييييييييييييييييييييييييييييي ييييييييييييييييييييب |
اقتباس:
اقتباس:
اقتباس:
:eek: :eek: :eek: وواااااوووو الله لايبلان بناس بجيحين .... |
هههههههههههههه اعطيها الجوال كله وش فيهآآآ ,,, لايكون قصدك غيره تحومون كبدي هع
|
عادي خليها تشوفه
|
انا لسى ماتزوجت
بس لو صار هالموقف..على حسب الي قدامي الي تمون علي وماتغبي عني شي بوريها بس الي مابيني وبينها علاقه او كانت رسميه معي وبعد ماتوري احد صورته زوجها بقول لا مابي اوريك |
اقتباس:
بآقي فيـه نآس تفكر بـ العين ومدري وش :rolleyes: :):):) عــــآدي طيب وآذآ شآفتـه ؟ ترا ولد هو مب بنت :eek::rolleyes: |
اذا طلبت صوره زوجي ابقول يلا طسي اما اذا كان اخووووي ابقووول اشبعي منه هع هع هع
|
هو عادي ..
لكن !! اعتبره لقافه .. :( وفيه فرق كبير بين اللي امون عليه واللي ما امون عليه .. :) :) |
مافيه شي اسمه تمون والا ماتمون هذي خصوصيات..
اقتباس:
|
أتجاهل سؤالها بالبداية ,,, وإذا ابتلت تحن فوق راسي أقول بصريح العبارة وش عندك؟
|
امممممممممممممممممممممممممممممممممممم
واللــه أقوله مـا أقدر يالغــاليـه علشـــان أذا كـانت شـروفه أعلمه أنـه عيـــب وإذا كـــانت واللـــه ينخـــاف منـــه برضوا أعيي عليـــه اللــه يكفيـــنا شـر كــل مـن بـه شـر الـــحــريــم يــوحشـن واللـه |
عادي جداً > شين مثلي والله لو هو يشبه النبي يوسف صح يمكن أرفض "الغيرة بهالزمن ماله مكان"
شغالات و اسواق و روحات و جيات كلن يشوفه ... انسي الغيرة و نااامي قريرة العين |
إذا أعرست أعلمتس :d |
ماله داعي الطلب بصرآحه !
في ظنك ماقصدها من الطلب ! شرآفة وإلا بتشوف هو وسيم وإلا عادي ! بكل الوسائل أرى إن الطلب بايخ جدآ وللأسف في هالوقت راح الحياء صار عادي ان المرأة تطلب تشوف صورة رجل !!! خير للمرأة أن لاترى الرجال ولايروها !! |
وآنتن آلصآدقآت فيه آحد وآآآآآآآآآآآآآآآآآآآآآآو مآيسآل ولآشي>>ون سآل آحد سآل آحد يمووون بس تحدتس تفتح البوك عندتس، ولآتروح مآتدرين آنه رآآآحت، ولآتجيب طآآآريه آبددد، قسم بآ الله عقليآت مدري وش خآيفآت عليه:i121:i121!!!!!!!! |
ههههههههههههـ عااادي رااس مالهـ صوورهـ ..
|
ههههههههههههههههه عاااادي جداااا جداااا على قوولتهم راس ماله صوره,,,
اذا ماشااافته بصوره تشوووفه بالشااارع.. اخليله تستاانس تمقل رجلي...وش عليه احمق |
انا عن نفسي عاااااااااااااااااااادي كلن يشوفه
وش فيها؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
عودة :113: يظل طلبه للصورة بجاحة وخصوصاً إذا كان أمام الجميع .. |
بنات لاتستدلون بالآيات على كيفكم .. المقصود بالآية النظر بشهوة ولو كان المنع عام لفرض الحجاب على الرجال ..
|
صديقتي المقربة طلبت صورة خطيبي
بس طلبت أرسلها لها وسائط طبعا تضايقت ورفضت طلبها يعني لو الصورة بجوالي وهي عندي عادي تشوفها أو مثلا ببوكي أوك مو مشكلة لكن أنا أرسلها لها وسااااائط صعبه جدا وإلا كل إخواني صورهم في محفظتي مع باباتي وحتى المحروس بحط صورته معاهم أما إني أرسل لها الصورة لجوالها مستحيل أما أختي وعماتو وخالتو عااااااااااااااااااااااااااتي جدا |
القريبة من القلب تطلب الروح واعطيها .. لكن البعيدة ماقد قابلت وحدة بجيحة .. بس اتوقع برفض ..مو لاني ماابي اوريها .. لا لانه تتعدى حدوده بطلب ماله داعي .. |
*
اللهم لك الحمد .. ترى صورة .. بتشوفه وبس ..! أين الخلل ..؟! رجل .. مب عورة ولا شيء .. |
هع والله إنكم حركات
والله أنا على حسب الشخص إذا أنا أمون عليه ويمون علي عادي أما وحده جايه مادري منين أقوله:وأنتي طيبه |
أصلا إذاهي قريبه لي أختي أو خالتي أو بنت خالتي أكيد بتصير شايفته بس الغريبه هي ماشافته
طبعا ماودي تشوفه همن إذا شافته وش تستفيد سواء زينه أو شينه لي أنا ما لها دخل |
عادي جدا ياقلبي ماراح تاكله ,, اللي تتضايق موسوسه للأسف ,, |
اقتباس:
|
( أنا لسّا ‘‘ لذلك بتكلم عن المحارم :09: )
لو تطلب مثلاً أوريها صورة ابوي او اخوي .. على حسب .. إذا كانت تمون .. وقريبة لي .. أوريها عآدي عندي .. وأحيانا تكون مبادره من أنا .. عآآتي .. :d أما اذا كانت علاقتي معها سطحييه ومابيننا ميانه .. بعتبرها شخص ما ادري وش يحس بداخله .. :d وأنحشر منها شوي .. بس احس أصلاً بتنفهم غلط .. مادام مافيه ميانه وش تبي :113: طآنكيووو .. ^^ |
** حَـنيـنُ الأُخـوَّة **
رد قوي .. بس مهب شين :) .. ألاحظ تفاوت بالردود ... ويظهر لي أن هناك اختلاف بالآاراء بين المتزوجات والبنوتات ... عموما لا أجد أفضل من أن أقول : (( و قد رُوِيَ أيضًا أن النبي صلى الله عليه وسلم سأل فاطمة بنته: ما خير ما للمرأة؟ فقالت:ألا ترى الرجال, ولا يراها الرجال فضمها وقال: ذرية بعضها من بعض أقرها على ذلك .. )) و مابين القوسين نسخته من موقع الشيخ ابن جبرين رحمه الله .. ردك اكثرمن رائع...الله يجزاك خير |
هو عادي... لكن فيه اهانه لي خير ياطير تجي تطلب من هطلب.. صراحه ماتستحي .. عاد على العموم بنات هل وقت مهب يستحن .. او جيههن مغسوله امرق.. بس الله يهدينا.. الو حد يسأل الله في كل يوم ((اللهم كما حسنت خلقي حسن خلقي))يارب |
اتضايق ولا ابي احد يورين
كلن بكيفة |
:f::mad:
|
؟؟؟؟؟؟؟؟ لست ادري
|
شوفي يآحوبني لتس ع حسسب آلبنت آنتسآنهي وحده من بنآآآآت آهلي وتمون آحسسس عآدي مره ولأ به شي بعد :01: ,,
بس لأجتس وحده مآتمووون آبد وفجئه قآلت وريـــن بسسحب عليه طبـــعن وبقووله مثل آلنآآآآإس :041: |
طبعا شي طبيعي ومايبغى له تفكير الي تمون هي الي راح تسأل والي ماتمون ماراح تطلب...
وسواءً طلبت هذي أو هذي عآآدي فررري أنا عندي : ) |
|
| الساعة الآن +4: 11:46 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.