|
الى من يهمه مطعم مذاقي ( الرد )
الى أهلينا في مدينة بريده
السلام عليكم ورحمة الله وبركاته وبعد: قرأت موضوع أخي ( ب ب ط 4224 ) وكذلك الموضوع القديم لأخي سدرة المنتهى وفيه أجيب أولا : أسباب عدم الرد العاجل أنني وبالله العظيم لم اعلم بالمكتوب عن المطعم الا قبل نصف ساعه سالفة السرو وكذلك سالفة طعم الصارور حقت أخي ( سدرة المنتهى ) قبل سنه أو أكثر كنت ابي ارد لكن المنتدى رفض ان يفعل اسمي الجديد فتوقفت على ردود أخواني السابقه ( متأسف ) ثانيا : بالنسبه لموضوع السرو الأخير فهو صحيح 100% ومايحتاج براهين وتصديقات وبلاغات وارقامهن لأثباتهن ولكي تصدقونه أكثر عند سؤالي للمزارع التي تحضر لنا الخس الأمريكي وكذلك تحضر لأكبر المطاعم الموجوده أمثال هرفي وغيره قالي بالحرف الواحد الشكاوي تكررت علينا بسبة الموضوع مو بس منك بل من المطاعم المشوره بالنظافه والدقه والي مو مصدق يسأل مسؤولي النظافه في البلدية وهل قائمة المطاعم الكبيرة موجوده أم لا ( شيء غصب علينا ) وأنا واقف مع مدير مطعم حكى لنا نفس السالفه الي حصلت معنا حصلت معه تماما والمسأله مو مسألة نظافه أم لا فهي تغسل وتنقع وتقطع وتوضع في ثلاجة تبريد ولا يحتاج أني أسوي دعاية وادافع عن مطعمي لكن أقسم بالله ثم أقسم بالله إني حريص كل الحرص على النظافه حتى أن شغالتي بالبيت لما شفتها مالبست جاونتي تقطع خضار قلتلها لو أنتي بالمطعم تشتغلين قطعت يديك والسرو الي لقاه الأخ داخله وسط الخس ( ناخرته ) يعني لو تنظفه كم مره ماراح يطلع تكلمت مع مدير المطعم بالموضوع ووجدنا الحل أن الخس يقطع شرائح صغيره جدا لكي نكتشف أي حشرات أو ماشابه بداخله لحد مانوفر جهاز كهربائي يقوم بالتقطيع الدقيق أما بالنسبه للأشياء الاخرى مثل داخل المطبخ ونظافة الأجهزه أو غيره فأنا مستعد أن أدخل أي شخص داخل المطبخ ويرى الشيء بنفسه وفي أي وقت شاء كذلك من الحرص أحضرت عماله فليبينيه للعمل بالمطعم ومعروفين بالنظافه أقسملكم بالله العظيم إني حريص كل الحرص على شغل المطعم ونظافته وإذا جاء منا أي قصور فمستعدين أن نراجع حساباتنا ونعمل الأفضل وجوالي حاطه على الجدار أرسلو أي شيء تلاحظونه ومالكم الا الي يسركم وما توفيقي الا بالله أخوكم صاحب مطعم مذاقي |
الله يبارك فيك على حسن النية , والله قلما نحصل احد مثلك يوضح ويعترف عن حلاله , لاكن ماقولك الا الله يزيدك ويباارك ويهنيك ويوفقك ..((معجب تراني بالمطعم بس لو يكثرون الروبيان شوي بالستيك ,يطلع احسن شي )) \ والله اعجبتن بزيااادة بعد كلامك لك ودي واحترامي ِ |
والله الصدق اراه في حروفك .. الله يوفقك ..و بصراحة هو مطعمي المفضّل |
وفقك الله وباركـ في حلالك ومالكـ على هذه المصداقيه |
احسنت
|
بارك الله فيك وبمالك |
اخي بااااااااااااااااااااااارك الله لك في حلالك على حسن نيتك....
الله يكثر من امثالك ويرزقك من حيث لايحتسب............ |
احسنت اخي ان كنت صادق وانت كذلك ان شاء الله والله كبرت المطعم بعيوننا انا صراحة عمري ماطلبت منه بس الحين عندي رغبه اني اجربه ياليت كل اصحاب المطاعم مثلك صريحين مع الزبائن
|
بارك الله فيك
|
كل مطعم وفيه خير وفيه شر , ومثل هالمطاعم هذي ومعروفه فيه ناس تجي وتبي تخرب عليهم , يعني يجي يشتري من هالمطعم ويشوف له اي حشره ويحطها فيه ويقعد ينشر بالمنتديات , لو انه صاادق يدق ع البلديه مو يجي للمنتدي وش راح يسوي له المنتدي , راح يضر المطعم بس ويمكن يكون حااقد ع المطعم ويبي يخرب شهرته .. |
((((ـــمشكور اخويـــــ))
|
أعجبني صدقك .. بارك الله لك في مالك وذريتك ..
الله يزيدك من فضله ويكفيك شر كل حاسد ومتربص .. اللهم آآمين. كن بخير. |
ربي يعطيك على قد نيتك
ودائماً هالمشاكل تصير بكل المطاعم ،، ومن المفترض ان اصحاب المواضيع يخبرونك اولا وقبل كل شيء وقبل الكتابه . وفق الله الجميع |
مطعم يفخر فيه كل بريداوي لدي اقتراح هلا افتتحتم فروعا اخر لمذاقي؟!! فزبائنكم بازدياد<< مجرد اقتراح من كذا شخص محب لمطعمكم وفقكم ربي لرضاه دوما الى الامام سيروا |
لو أشوف به وشو بس :d , أكله أكله الله لايعوق :d
|
بارك الله فيك وكثر الله امثالك
شوقتنا نذوق من المطعم |
مشكووووور اخوي على حسسن النيه وبارك الله فيك
الله يـــــعـــطــــيـــــك خــــــيـــــره ويـــــكـــــفــــــيـــــك شــــــره |
بارك الله فيك
الله يرزقك مطعم ممتاز جدآ بس افتح فروع بالصفراء او الفايزيه او بحي مشعل او الافق |
اين يقع مطعم مذاقي..
شوقتنا لاكل.. |
كثر الله من امثالك ورزقك الله والقارئين نعيماًلا ينقطع مادام هذا فعلك ومحبتك لأخوانك الزبائن
|
هالمطعم كل العالم تهرج بوه ولاعمري ذقته
س/وش ازين وجبه عنده؟؟ |
الله يرزقك اخوى :)
ماودكم تفتحون فرع بالفاخرية :09: |
بارك الله فيكـــ
|
أعجبتني صراحتك وصدقك
وهذا أكبر شي سيجعل من مطعمك مطعم ناجــح وربي بيعطيك على قد نيتك |
الله يجزاك خير اخوي ومطعمك بقمة الروعه
انا عندي ملاحضه واحده . في عامل عندك فلبيني باخذ الطلبات نفسه على راس خشمه وبس يهوش على الزباين كانه يبي يدفع من جيبه اتمنى انك تشووف له حل |
يعطيك العافيه اخوي بس الصراحه والله والله ما عمري ذقت احلى من هالمطعم خاصه سوبر ستااااار اممممممممممم ربي يرزقك على حسن نيتك
|
رائــــــــــــــــع:41:41 مـــصـــــداقيتك اشتفيتها من حروفك أوســــــع الله لك في رزقك |
نشكرك من الأعمآآآآآآآق على مصداقيتك ...
كفآك الله شر الحاسدين.. وياليت تكثرون فروووعه ببريده.. **.. مطعم مذاقــي مطعم رآآآآقــي ..** |
س/وش ازين وجبه عنده؟؟
ج/أفضل الوجبات : 1/مشرووووووم2/سوبر ستار 3/تورتيلاااا4/فاهيتااااا آمآ الباقي ماذقناهن.. |
يعطيك العافية اخوي على شفافيتك وحرصك على المطعم
|
الصرآحه مطعم نآجح 100%
بس دآيماً زحمه :( ياليت تفتحون له فروع بكل مكآن :) |
أتمنى لك التوفيق وبالنسبة للتنظيف الخس له طرق معينه تمنع ظهور مثل هذه الحالات
والمراقبة داخل المطعم على العمال والتوجيه السليم اهم لاكن تقول انك كل شي سويته حتى المطاعم الكبيرة يصيرفيها كذا انت ابد بنفسك وخل غير خلك حريص على النظافه داخل المطعم والعامل الأجنبي مايهمه الا الراتب اخر الشهر لاكن اذا كان فوقه مشرف سعودي...أو مصري(ولوني ما أحب المصري بس )ضد أعطائه صلاحيات لامحدوده ويدقق عليه بكل كبيره وصغيره ماراح تقلى عندك مثل هذي الأخطاء الله يوفقك ويرزقك من فضله |
اهم شئ الشفافية والمصداقية في العمل ...
بانتظار فتح الفرع الرئيسي بحلته الجديدة بالرس :) |
الله يجزاك خير على صراحتك والله يوفقك ويوفق المسلمين
|
* * ارى في كلامك الصدق سبحان الله . فكما قيل : الكلام اللي يطلع من القلب يدخل القلب وانا لست من زبائن المحل ولكن بعد كلامك هذا سوف اكون بإذن الله من زبائنُك لاني ا رتحت سبحان الله العظيم من كلامك . واسال الله ان يرزقك . وان يوفقك لما يحبهُ ويرضاه . * |
اخي بااااااااااااااااااااااارك الله لك في حلالك على حسن نيتك....
الله يكثر من امثالك ويرزقك من حيث لايحتسب............ |
سبق وان ارسلت لك رساله بان تفتح فروع في منطقه بريدة
وابارك لك في هذا المطعم الناجح والاهم من هذا هو ان حلالنا يروح لم اهلنا مايروح لم شركات اجنبيه وحسب قرأتي للردود فيه ناس ماتعرف مكان المطعم ارجو منك ان تقوم بالاعلان للمطعم لكي يتعرف عليه الناس مع انه مشهور في شمال بريدة ونصيحه من اخ الى اخوه لاتنسى فعل الخير والتبرعات لكي الله يبارك لك في مالك |
الله يجزاك خير على صراحتك و باارك الله لك في حلالك ..
بس يبي شوي تنظيم في الطلبات لانها زحمه... واللله يوفقك... |
الله يجزاك خير على الصرااحة
وين مكانه المطعم ودي أجربه |
بارك الله في حلالك ومالك ونشكرك على المصداقيه |
على نياتكم ترزقون
والى الامام انشأ الله |
صراحة شاكرين لك صراحتك وثقتك بمطعمك
وع العموم من العاشقييييين لسووبر ستار لكن مو دايم تحصل لي وياليت اللي يوصلون يكونوا عارفين لبريدة لاننا مرة طلبنا ملينا مافهم الوصف وياليت ماتزعل لانه نقد بناء |
الله يوفقك ويكثرر من امثالك
|
آنآ اعششششششششششق مطعم مذآقي بس بلله حطو له كم فرررع كل وجبآته رهيبه و خصوصآ سوبر ستآر سبآيسي ^_^ |
الله يزيدك ويبارك لك في مالك
|
الله يجزاااااك الف خيرررررررررر
|
و عليكم السلام و رحمة الله و بركاته ..
بداية أحب أن أبدي تقدير و إعجابي بصراحتك وفي طرح المشكلة و طريقة حلها و إن كان ذلك يدل على شي فهو يدل على إخلاصك في عملك و حرصك على ظهوره بأفضل صورة .. للمعلومية أنا أحد زبائنكم الدائمين .. و حصل لي موقف مشابه لما حصل مع الإخوان أصحاب المواضيع السابقة :: إليكم الموقف.. قبل قرابة الشهر أو أكثر جائني بعض الإخوان الأعزاء من دولة الكويت و وذهبت بهم إلى مطعمي المفضل و المجرب ( مــذاقي ) المهم .. أخذنا طلبنا و خرجنا لتناوله .. و قبيل إنتهائي من وجبتي بينما كنت أتناول البطاطس المقليه إذا بي أرى شيء كأنه فراشة صغيرة أو تقدر أن تقول ذبابة كبيرة طبعاً مقلية ..:eek: بسرعة إلتقطة أحد الإخواني اللي معي و قال (( إيش هذا حشرة بتأكلنا حشرات و هذا المطعم اللي تقول عليه نظيف و ما في زيه و أحسن مطعم و ما أدري أيش .. لازم تفضح هالمطعم و تشهر فيه و تشتكي للبلدية وووو .. آآآه يا بطني )) المهم سوى لي فلم هندي حقيقي و أنا صرت أصغر من هالحشرة اللي في يده .. المهم .. لحظات و قلتلهم يلا على المطعم .. و نروح و أنا طبعا معي الإثبات :(هههههه و دخلت ورحت لهم من ورا و طلبت المدير المسؤول عنهم .. فجأني ذلك الفلبيني اللي أيديه عليها القفازات و يشتغل .. قلتله بصوت حاد ((أنت المدير وش هذا قولي وش هذا !! :i121)) أخذه يتفحصه بعدين قال هذا شريمب .. قلتله وش شرينب ما شرينب هذا حشرة مقليه ياللي ما تشوف .. فقال لا لا هذا شرينب يعني جمبري و هذا ذيل الجمبري طاح في الزيت و جاك مع البطاطس قلتله أكيد قال أكيد و راح وراني واحد زيه على الجمبري .. بعدها حمدت الله و شكرته إنه ما طلع حشره علشان ما أتفشل مع هالناس اللي معي و علشان ثقتي مازالت بمطعمي المفضل ..:) ** نهاية الموقف ** بعدين فكرت قلت لو أني هالحين مفضح بهم بالنت أو رايح مشتكي للبلدية وش يبي يصير موقفي بعد ما طلع شرينب :d الخلاصة : العجلة ما فيها خير و يجب على الأنسان يتثبت قبل أن يقدم على أي قول أو فعل .. و الله الموفق ,,: 12 همسة لصاحب المطعم : كان بالود لو أنه يتم قلي الجمبري لحاله و البطاطس لحالها في زيت منفصل لأن ذلك من الناحية الصحية هو الأصح و الأفضل .. |
موقع المطعم على طريق عمر بن الخطاب قبل دوار النهضه على اليمين جنوب ميد وانت متجه شمال
|
اخي اهنيك على حسن نيتك واقول لك شكرا شكرا على مطعمك الذي لا يقارن الى بهرفي وماكدونالدز واقسم بالله لم ارى ملاحضات على مطعمك الى شي واحد بس هو انه مهبوووووووووووووووووووووول وتحيااااتي
|
ماشاءالله الله يوفق ان شاءالله اقتباس:
|
جزاك الله خير على مصداقيتك
|
.
لو تحط بوسط الوجبة فيل نبي نأكله .. الله لايعوق .. :d بس لو توخر الفلبيني اللي حآط حديد بين سنونه << والله يآهو يحوم التسبد :113: والله يرزقكـ .. :) . |
مطعم جداً مميز , ولكن اسعاره غالية
|
لالالالالا .. اصل{ن} مثل هالكلآم ما يصدق بـ مثل هالمطعم الراقي ..
ثانيا .. انا مقآطع مذاقي :( اخذت منه اكل حار .. وعقبه حطيت عليه { × } والله ياااااااااااااهو حار قوه :( :( |
الله يعطيك العافيه
|
من أفضل المطاعم بعد كنتاكي ..مطعمي المفضل |
الله يوفقك اخوي ويبارك لك في مالك وحلالك
والله لو انه غيرك كان انكر وجوود السرو اصلا او تجاهل الموضوع لكن مثل مصداقيتك بحياتي ماشفتت الصراحه انا من اشد المعجبين بمطعكم وانا والعائله اكثر ممانطلب نطلب من مطعمك وزااااااااد حبه عندي بعد هذه المصداقيه |
الله يرزقك ويوفقك وين ماكنت
|
ايه مشكووور بس يقول المثل .من مدح نفسه فانه كذاب.
|
الحمد لله أولا وآخرا
بسم الله الرحمن الرحيم
أولا : أشكر ادارة المنتدى لإتاحتها لنا كتابة الموضوع . ثانيا : أشكر جميع الأخوان على مجاملتهم لنا ولو إننا مقصرين جدا في حقهم . لكن عندي بعض الكلام ودي أبينه لأخواننا : بالنسبه للمطعم ترى يحصل أخطاء مننا في أشياء مثل ( سوء معاملة عامل - عدم ترتيب الوجبه بالشكل الصحيح - عدم الرد على الهاتف -نقص الطلب ........ ) لكن ممكن أي واحد قصرنا بحقه يطالب بتعويضه في أي وقت يحضر مره أخرى أو يخبرنا وحنا نرجع له حقه بإذن الله وهذا الكلام لكي لا ينصدم احد بمستوى خدمتنا ويضننا كاملين لأن الكمال لله وحده .وأخطائنا نحاول مانقع فيها مر أخرى ونتلاشاها . نسيت حاجه ماقلتها بالأول ( موضوع السرو ) لما كلمت مدير المزارع ( صاحبها) سعودي و متعاون جدا قالي ترى نسبة الكميكال ( المبيد ) الي نحطه لا يتجاوز 10% لأنه لو زاد عن كذا أصبح خطر على المستهلك فعطيناه الي عندنا وأنتهى عند كذا . كما أن هناك بعض الردود تشير الى غلاء الوجبات وبودي أن يعرف ان هدفنا هو البيع بسعر معقول لا المبالغه في الأسعار فمثلا زاد سعر البيبسي وزادت علينا الشركات الأخرى مثل الورق والكرتون وغيره ولازلنا بسعرنا القديم وخايفين جدا اننا نرفع ريال واحد ناهيك عن غلاء المشتروات فمثلا الزيت نستخدم كنور سعر التنك ب 105 ريال ممكن أشتري من السوق بـــ 68 ريال أوفر على نفسي لكن راح يأثر على جودة الوجبه وهكذا ..... كما أننا سنضع وجبات مجانيه كل شهر ( لمراكز تحفيظ القرآن - والمراكز الصيفي - وغيره ) مساهمة منا لخدمة أهلنا في بريده فأي شخص لديه الرغبه بذلك يراجع مدير المطعم وينسق معه إن أصبنا فمن الله وإن أخطأنا فمن أنفسنا والشيطان وبالله التوفيق أخوكم صاحب المطعم |
الله يوفقك والله قبل كم يوم جايين اقارب لي من الرياض اكلتهم من مذاقي خقو معه خلوه البيك حق بريده كل يوم يطلبون منه الله يرزقك
|
الله يوفقك
|
صراحة رحت له والله أحسن مطعم
الله يوفق صاحبه للخير |
رجل أرى فيك الصدق وعدم المكابرة ..وفقك الله .
|
(((((((((((((( يعني يجي يشتري من هالمطعم ويشوف له اي حشره ويحطها فيه ويقعد ينشر بالمنتديات ,
لو انه صاادق يدق ع البلديه مو يجي للمنتدي وش راح يسوي له المنتدي , راح يضر المطعم بس ويمكن يكون حااقد ع المطعم ويبي يخرب شهرته ..)))))))))))))) غريب أخلاق بعض الأعضاء عنده أخلاق صفر عندك أكثر من حل وكلامك في المنتديات اعتبر ة أنا تشفي وحقد كلامي هذا من كثر مقرا هناء عن أشياء يخجل الواحد يقراءة من حقد كاتبها أتمنى أن يكون عندنا وعي كيف نصحح ألأخطاء ومن تجارنا كيف يحمي المستهلك |
مطعم راقي دعواتنا لكم بالتوفيق أما الأخوان اللي يقولون غالي فأتمنى يقارنون أسعاره بمطاعم نفس مستواه ماتقارنه بمقصف هندي يبيع شاورما :113: |
الله يبارك في رزقك
|
بالتـوفيق إخوي
وبالحقيقــه دام المطـعـم لواحد من أهلنــا مـن بــاب أولى إننـا ندعمــه مو مطـاعم الأتراك أو اشبـاههم أصحـاب النفـوس الحـاقده .... عـلى العموم قـول للمسؤول بالمطعـم بيجي السحـاب الممطر واللـه اللـه بالوجبـه اللي تبيض خشتنـا .... وإلا أقـول لك خلـه يضبط 30 وجبـه لكل من شـارك بهذا الموضوع وخلهـن حراااق ..... بالتـوفيق إخي ونحـن أول الـداعمين (إعقل يـاصندوق الموارد البشريـه) |
مشكور وماقصرت
تبون الصراحه مطعم متكامل مذاقي |
!
! للامانه مطعم مذاقي يقدم الخدمه الجيده للزبائن سواء من تعامل العاملين فيه او وجبات و انا ما اتكلم من فراااغ انا من مرتادي هذا المطعم الراقي واعرف الكثير من مرتاديه وجميعهم يمدحونه وانا اولهم ... ===================================== بعض الناس مايصدق خبر يشوف سيئه من الاخرين حتى يبادر بنشره ( طفاقه وحسد لا غيرر) ... المهم يالغالي : نبي نجي انا وكم عضو هنا بالمنتدى ونبي لنا عشاء با احد الليالي ... > > > كل هالرد عشان الوجبه المجانيه هههاهاهاهاااااااااااي ... امزززح الله يوفقك ويزيدك بركه ... تحيااااتي ... ( زبون عندكم ) . |
مشكور
تقبل مروري |
يعطيك العافية
|
له فرع خارج القصيم
|
يوجد له فرع في محافظة الرس
|
جزاك الله خير
|
الف شكر ,,,
على صراحتك وتواصلك والله يوفقك تحياتي |
| الساعة الآن +4: 04:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.