|
مـاهو أفضـل شـاليه في بريده
بسم الله الرحمن الرحيم ....... عنـدي سـؤال لـو تكـرمتـوا أنـا أصلي من القصيـم ولاكـن عـايش وسـاكن بالشرقيـه وقررت العـائلـه الكريمـه حفظهـا الله ورعــاهــا:cool: أن تأتي لبريـده فحبـيـت أسـأل عن أفضـل شــاليـه في بــريده يعني فيـه مسبـح وأهـم شي يكـون نظيـف أنتظر مـنـكم الإجـابـه مشكورين .... و وعـد إبعزمكم فيـه بس بشرط كل واحد يجيـب عشــاه:d:d أنتظركم |
اخوي بكل صراحه انا في جده ساكن بس الاهل في بريده مافيه شي شاليهات ونصيح احسن شاليهات ينبع البحر
|
فيه شالية يحبه قلبك بس اتوقع انه فل يعني محجوز هالأيام تخبر عطله وناس فاضيه ما تخلي شي اسم الشالية درر بحي النفل
وفية شاليهات خلف مطعم الخنوج |
الشاليهات الموجوده شمال كثيرة ومنها على سبيل المثال .. شاليه الجوري , شاليه الجمام , شاليه إينال وغيرها وهذا الرابط سيفيدك بالبحث http://www.zawyaphoto.com/vb/forumdisplay.php?f=69 |
اقتباس:
يعني مـافيـه شاليـهـات تفتح النفـس ... صح كـلامك بس وش يودينـا لينبع البحر:cool: مـافيه ينبع بريده أو فرع له .. على العموم مشكور إخوي ابو زاهر |
اقتباس:
مشـكووور إخوي غريب بس أنت متأكد إنهن حلوات ويهبلن ومسـابحهن نظيفــه |
شاليهات قرين لاند
|
أخي الفاضل هنا مكان موضوعك ( استعلامات بريدة ) :)
بيتي تحت أمرك يا عزيزي .. :) إحساسي أنك أبو فراس :) |
مسااااكين عندكم البر والنفود
بلا شاليهات واستراحات |
احسسسسسسسسن شاااااااليه شااااااليهاااااات الكوبرا من جد نظاااافه والمسبح خيااااااااااااااااااااال
والحووش من جد حلو كله ثيل هع اغراائاات بس الشااليه مايصلح الا عاائلتين ولا ثلاث عوااائل |
لالالالالا شااليهاااات جرين لاند مو حلووووه مأنصحك فيها معليش ابو حسنين
|
هناك منتجع وشاليهات "بودل" في عنيزة وهي افضل شاليهات على مستوى المنطقة
وهناك العديد من افضل شاليهات المنطقة موجودة في عنيزة وهناك العديد من الشاليهات ببريدة ولكنها لاترتقي لمستوى "بودل" وبعض شاليهات عنيزة |
شاليه الكروان في اللسيب منجد حلو ونضيف لاكن مافيه مسبح
|
شاليهات الرمال حلوة للغايه بين بريدة وعنيزة
|
اقتباس:
المذنب والبدايع والبكيرية اقرب لشاليهات الرمال من بريدة اتمنى تحري الدقة والحقيقة في المرة القادمة |
اقتباس:
|
شاليهات الكوبرا لاتفوتك
|
والله بريدة فيها الكثير من الشاليهات والاستراحات ومن الصعب تحديد شيء بعينه ...
والاتجاهات من حول الدائري مليئة بالاستراحات التي لا تعد ايضا .. وافضل طريقة في التعرف على ما تريدون هي الذهاب لبعض مواقع الاستراحات المتخصصة عن استراحات بريدة في الشبكة يمكن تفيدكم .. لان فيها اسماء الاستراحات والاماكن وبعض الصور عن الاستراحات من الداخل .. |
اقتباس:
يـاأخي ابو ربى بصراحه منتدى بريده جـاب لي الظغط مـافيـه أكثر من رسـائلكم الخـاصـه طـافيـن أنتم بصراحه كثيـراً مـا أحس أنني بمنتدى بريده أقل مستوى من غيره من أجل التخبـط الإداري والحذف وبصراحه أنـا مسجـل من عـام 1428هـ وليس لي إذا 30 مشـاركـه وهـذا دليل على إحبـاطي المستمر من إدارة التخبط (إدارة منتدى بريده ستي) ... المعـذره أخي يوسف ولاكنهـا خـاطرة محـب وللمعلوميـه فأنـا ليس ابو فراس ولاكـن أعرفك جيـداً وأفتخر بمعرفتي بـك ... |
افضل شالية في بريدة شاليهات مالديف قريبة لكل شي مسبح مفلتر وحلوا نظافة فخامة مكيفات اسبلت مسطحات خضراء يصلح لعائلة عائلتين موقعة شمال بريدة خلف شاليهات العييري في المشيقحية والسعر 500ريال0
|
| الساعة الآن +4: 04:24 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.