|
الى من ينتظرون الخبر ...وكل من حولي فرحون..... الا انا ارقب مصيري
السلام عليكم ورحمة الله وبركاته:f: موضوعي هو يتكلم عن مابعد "الرؤيه الشرعية للمخطوبه"او مانسميها "الشوفه" ......... للمتزوجين وللذين مروا بتجارب كم المده التي يستغرقها الخاطب في الرد على أهل البنت ؟ هل تطول؟ ام بنفس اللحظه ؟ أم تختلف من شخص الى آخر؟ |
تقريبا يومااااااااااان
او ثلاثه اياااااااااااام |
^^
واحيااان لا جاء يطلع من البااب قال لااهل البنت مثل يجيب كلام على انه جااازم مثل اجي احدد الموعد وافهموه عاااد انتم |
ثلاثون مشاهد وردين فقط من عضو واحد!!!
الم تمروا بمثل هذا اليوم......؟؟! |
شوفي أختي
بعض الشباب يصيبه التردد في كل شيء حتى لو يبي يشتري ببسي قعد يفكر شهرين . فالرجال اللي جاء وشافك الشوفة الشرعية يمكن يكون من النوع هذا . بس !!. الشاب إذا عجبته مواصفات الفتاة ووقع الود من أول نظرة لن يتأخر دقيقة واحدة في اخبار أهل البنت بقناعته بها . ولكن إذا ماصار شيء بسبب أو بآخر فبعضهم يسكت ويخلي الوقت كفيل بأشعار أهل البنت بأنه راحل . لا مانع من إعطائهم فرصة كم أسبوع وإذا جاءكم خاطب آخر فاقبلوا به ولا تنتظروا الأول . الله يوفق الجميع . |
الصراحه انا ماجربت هذا الشئ ولكن ارى اختلاف بأطباع الرجال منهم المستعجل ربما من يرد بنفس اللحظه ومنهم المتروي ممكن يرد بعد يومين او 10 ايام او اكثر قليلآ ولكن اذا مثلآ لم يقسم الله ممكن يرد بنفس اليوم
تمنياتي للجميع بالتوفيق والسعاده والذريه الصالحه يااااااارب . |
صدقيني أختي الفاضله ليس لها ميزان ..
كل له طريقته .. عن نفسي طلعت وصمت .. لم أرد عذاب لهم .. لكن كان بظني أنني أترك المجال لهم أيضاً حيث لهم موافقه .. فعلاً هذا الصمت أكثر مايذبح الفتاة لكن الشاب لايعلم .. لذلك أعتقد فترة أسبوع طبيعية من الخاطب .. أما أكثر من ذلك فلابد من الإتصال والسؤال ماذا حصل لكم .. لأن قلب المخطوبة ليس ملكاً للخاطب يعبث به .. فليقطع بالأمر ولايتركها تتحسس الأمل .. وفق الله أخيتي وبنات المسلمين للأزواج الصالحين. |
الله يكتب اللي فيه الخير
اعتقد يختلف من شخص لاخر بس اخر شي 3 ايام. باالتوفيق |
على حسب الشخص
|
جزى الله خيرا كل من رد علي
ولكن برايكم هل المدة من اسبوع الى عشر ايام طبيعيه؟؟؟ |
أختي أولاً أسأل الله للجميع التوفيق خطّآب ومتزوجين ... .
أما بالنسبة لتحديد الموافقة من عدمها .. فهذا مبني على أخلاق المتقدمين .. فمنهم من لا يراعي للمشاعر ..!! بمعنى أنه لن يخبر بأنه صرف النظر .. وهذه الحركة قد تكون ولكن ممن يذهب غير مأسوف عليه .. لأن الوقاحة فيه لم تترك عنده حفظ لهذه المشاعر أو أدنى مبالاة . ومن الناس من يُقطّع الإستخارة تقطيع ... فهو قائم قاعد يستخير .. صباحاً مساء .. وهذا ليس عيب أو محرم .. ولكن للموضوع أهمية جعلته يتأخر بالرد ..! ومن الناس من يكون قد عقد النية وأوكل أمره كله بالله ويأتي بالإستخارة في حينها ... فيخرج من بيت أهل البنت وقد استخار وقطع النية وأعطى الموافقة قبل الخروج ..! ولكن المتعارف عليه .. مهلة ثلاثة أيام أو اسبوع على أعلى تقدير وبعدها كلٌ له فاله . ولكن حذاري أن تتصلون أنتم به ..! وبالتوفيق للجميع |
رجعت ثانية بعدما رأيتك تصطلين بنار الانتظار .. حقا ما أقساه .
بكون صريح معك ويمكن كلامي خطأ ويمكن صح . بالنسبة لرد أخوي عبدالله الصالح مع احترامي الشديد له اقول لك يا أختي إياك أن تتصلي بهم ولا تتعقبي أسباب سكوتهم فإن هذا الأمر قد قد قد يرخصك عندهم . ثقي بنفسك ولاتجعلي الوسواس الخناس يلعب بك . وإذا العايلة اللي خطبوك ماقدروا الوضع ولا عطوكم خبر سواء برفض او قبول فاحمدي ربك إن الله فكك من عايلة أنانية لاتهتم إلا بنفسها . يعني لو أختي أو بنت أمون عليها كان دقيت على أبو الولد وقلت له : ترى بنانتا مهب استـبـنة لكم ( اسبير ) ( احتياط ) . أختي بقولك على تخطيطات بعض الشباب / يجي يشوف بنت وبعد يومين يروح يشوف ثانية وبعد اسبوع يشوف ثالثة والخ . بعدين يجلس يسوي عملية تصفية . ولامنه نشن على وحدة جاك وخطبها رسمي . طيب والللي قاعدين ينتظرونك ؟ بالطقــــاق ! مايمنع يجي يشوفك ثانية وثالثة لكن يسكت سكوت غير مبرر ويطول صمته لمدة تجعلك على صفيح القلق والترقب .فهذي تنعكس على نفسيتك وربما تزعزع الثقة في نفسك . والزواج قسمة ونصيب لكن طريقة تعامل أهل الولد والولد ماتبشر بخير من أولها . والله يوفقك . |
يومين او ثلاثة
والله يرزقك الزوج الصالح |
شموخ طفلة
اسعدك الله ووفقك وبارك لك هذه الخطوات انا ارد عليك من باب اني مريت بها التجربة اكثر من مره اسأل الله أن يأجرني ويخلف لي خيرا منهم أول واحد بعد اربع ايام رد الثاني بعد9 أيام رد الثالث قبل ايام قليلة انا الى الان ماجاني الرد يعني يختلفون الناس واذا قال لا اول شيء قولي اللهم اجرني في مصيبتي واخلف لي خيرا منها انا لله وانا اليه راجعون اسعدك الله حيثما كنتي |
اشكر جميع من رد جزاكم الله خيرا
ردودكم وسعت صدري لا اعلم هل انتم تدارون خاطري ام فعلا هذا ماحدث معكم .. في ان الرد احيانا يتاخر الى عشرة ايام ربي اكتب لي الخير ثم ارضني به ..... ربي اجعل لي همه تعانق سابه سماء....... نار الانتظار محرقه |
اقتباس:
لكن تذكري حديث المصطفى صلى الله عليه وسلم: عجباً لأمر المؤمن إن أمره كله له خير: إن أصابته سراء شكر فكان خيراً له .. وإن أصابته ضراء صبر فكان خيراً له .. وهذا ليس قطعاً بأنه لم يقطع بأمرك ولكن هو قضاء يجري فينظر الله لحالك فيه .. فكوني صابرة شاكرة وأبشري بالخير الكثير .. |
الله يتمم عليك
لاكن اغلبهم بعد ثلاث ايام والله ويوفقك |
اخي عبد الله الصالح
عن نفسي طلعت وصمت .. لم أرد عذاب لهم .. لكن كان بظني أنني أترك المجال لهم أيضاً حيث لهم موافقه .. هل افهم من كلامك اخي انك تاخرت بالرد عليهم؟؟؟ ام انك خرجت ولم تعطيهم موافقة من عدمها؟؟؟ وتركت صمتك يحكي لهم ماتريد؟؟؟ اقصد بعدم موافقتك؟؟ |
اقتباس:
ولكن ماهو شعورك عندما اخبرك والدك او ولي امرك بعدم الموافقه..................... اني اكتب لك ودموعي تغرر في عيني انا خائفة من ان تتحطم نفسيتي ...... هل يعيبني شي ؟؟ ام لم يعجبه شكلي ؟؟ اومظهري؟؟ وفقك الله غاليتي |
خذي الأمر بأريحية، وأسأل الله الزوج الصالح، فقد يكون عدم زواجك منه خير لك ،
والخيرة فيما اختارهـ الله ~ |
اقتباس:
ولكن انت تعلم مايصيب البنات عند اخبارهن بعدم الموافقه قد تنكسر ومنهم من يتحطم .......... نعم جزيت خيرا ربي اكتب لي الخير حيثما كنت ثم ارضني به |
اقتباس:
فقط هي راحة قلبيه وطمأنينة بالنفس .. ومشكلة من يصمت بهذا الشكل الأنانية فلا تندمي ... أسأل الله أن يكتب لك الخير حيث كان .. |
اقتباس:
وصمت ثلاثة أيام كانت محرقة لكن كنت بحسن ظن أريد غيري يفكر بقراره كما أنا !! ثم تم كل شيء بحمد الله .. وأسأل الله أن يكون العقبى لك .. فقط ثقي بالله .. ومن يثق بالله فلماذا القلق .. |
ياقلبي ياشموخ منه هالرجال اللي يستاهل انه تنزل دمعه منك ابوك اخوك شوفي ياقلبي الجمال مو اساس رفض الخاطب وقبوله كثر الراحه النفسيه لشخص شوفي نفسك يمكن تقبلتيه وهو قبيحه ومفارقه الجمال بس انك ارتحتيله واعرف واحد خطب كم وحده جميله ولايعجبنه بالاخير تزوج وحده عاديه جدا وانتي استغلي هالوقت بالاستخاره ولاتجلسين بمكان لوحدك واشغلي عمرك باي شي وخليك بهالفتره متوقعه اي شي ولا تحلمين احلام يقظه بفارس الاحلام علشان ماتنصدمين لويرفضك واسالي ربك الخير في كل شي يصيرلك الله يرزقك وبنات المسلمين العبيد الصالحين دعواتي لك بالتوفيق |
اقتباس:
بتعجبين مية واحد غيره عيون الشباب مووحده... وبعدين اذا ماوافق مومعناه انك مو حلوه زي ماقالوا الي قبلي الراحه للشخص نفسه اهم من الشكل.... حبيت اذكرلك موقف صارلي يوم كنت بثالث ثانوي زميلتي الي كانت بجنبي نوعا ما كانت مو جميله مره عاديه وتعرفين كل ما صار وقت فراغ كنا نسولف مع بعض مره قالت كيف الزوج يحب زوجته وهي موجميله اللي فهمت من كلامه انها تقصد نفسه مانخطبت وقعدت تقارن بيني وبينه وتقول انتي كذا وانا كذا قلتلها الحب بالقلب مو بالشكل قالت صدقتي واسكتت بعد فتره تقولي كل ماتذكرت كلامك رفع معنوياتي بعده دخلنا الجامعه هي ثاني سنه تزوجت وهي كانت تعد نفسه موجميله وانه ماراح تنخطب وكانت تقولي بتتزوجين قبلي واناللحين ما تزوجت تزوجت هي قبلي الارزاق بيد الله يعني لاتعتبرين نفسك شينه اذا رفض وتتحطمين.... وكلي امرك لربك ولاتفكري كثير ترى كثرة التفكير تذبل الوجه.... ربي يوفقك ويجعل دربك السعاده والمسلمين اجمعين....والله شلت همك... |
أسأل الله التوفيق للجميع ..
|
ياشيخة لايضيق صدرك ولا شي كانك مستخيرة فإن رفضك خيرة وإن قبل فيك خيرة الحمدلله , وبعدين إن رفضك بيجيك عشرة أفضل منه الدنيا مو واقفة عليه ! ولاتفكرين انه رفضك لسبب في شكلك أو أنك مو حلوة أو شي من هالحكي , مثل ماقالوا اللي قبلي المسألة راحة نفسية مالها دخل بالشكل .. * نصيحة توقعي أسوأ رد منه علشان ماتنصدمين .. الله يوفقك ويكتب لك الخيرة .. |
عليكم السلام ورحمة الله وبركاته .
الأخت: أسعدها الله ووفقها . أسأل الله لكم التوفيق، وأن يكتب لكم الخير حيث كان . ولا بد من التروي والانتظار، ولا تجزعي إن أعرض الخاطب، فالزواج رزق من عند الله . والقلبُ -لا شك- يزيد وجْده في مثل هذه الأحوال، فاللجـأ إلى الله -عز وجل- في هذه الظروف لا يعدله شيء، والله قد قدر الأرزاق والآجال قبل خلق الإنس والجن، فكل صائر إلى حيث ما كتب له، فارض بما قدّره الله لك، واسع في تحصيله . ثم إني أعتبُ على بعض إخواني الذي عرّضوا بالخاطب، ولعلهم لا يعلمون عن الأحوال شيئًا، فينبغي التروي في مثل هذه الأمور، وأن لا تطرح الآراء بهذا الشكل. ولأن الزواج ميثاق غليظ، وحد من الحدود؛ فالتأني فيه أمر مهم جدًا، والنظر إنما جعل لأجل الراحة، كما قال النبي -صلى الله عليه وسلم- انظر إليها؛ فإنه أحرى أن يؤدم بينكما. فعليك الصبر والدعاء بالتيسير وتعجيل الزوج الصالح . أعانكم الله، ورزق العُزَّب من الرجال والنساء أزواجًا صالحين . |
غاليتي .. النظرة الشرعية لآتعني قبول الشكل والمظهر فقط هي أعمق من ذلك فسبحان الله الذي ينشيء بينهم مودة ورحمة وفي علم الطاقة هو إنجذاب و إنسجام روحي أعمق من النظرة تتقارب الأرواح وتتألف فيما بينها فيحصل القبول وإستخيري المولى الخيرة المباركة وإسأليه إياها |
ربي يوفقك ويستر عليك ويسعدكـ
اقصى مده المفروض تكون اسبوع واللي اطول من كذا اشوفها مبالغه.... |
اقتباس:
لايضيق صدرك حبيبتي كلنا مرينا بالتجربه هاذي انا انخطبت قبل شهر وبعد السؤال عنه و افقنا عليه طبعا بعد صلاة الاستخاره وافقنا وبعد الشوفه هو رفض وجلس ثلاثة ايام اليوم الرابع علمون اهلي انه ماصار شي وانا اتوقع انه معلمين اهلي باليوم الثالث بس حنا حصل عندنا اجتماع ولا رضوا يقولون لي قايلين خله تستانس واشوف من كلام اخوتي لي حسيت بهالشي لانهم كانو يمزحون معي يبي يهونون علي واول ماعلمتن امي احس الدنيا كله فوق راسي مو عشان ابي الرجل الرجل بداله 100 رجل وهي تقول يمكن خيره لك والله يعوضك بالزوج الصالح بس الشوفه قهر ثم قهر يشوفن ويرفض بس شوفي يااختي صلي صلاة الاستخاره واستغفري ربك لعل لو ارفضوا يكون خيره لك انتي |
اسمعيني يالغلا زين الرؤية الشرعية حق لك وله واذا تمت فعلا بعض الشباب عنده تردد عجيب غريب يعني لو وضع نفسه مكان الفتاة لما قبل ان يخرج بعد الرؤية الشريعه ويترك الفتاة اسبوع اسبوعين وهو مارد على الناس لو كانت اخته لما رضي لكن الله المستعان الناس ماتفكر الا بمصلحتها يعني يفترض يالغلا انك تحطين اسوء الاحتمالات مو تشائم لا لكن علشان ماتنصدمين صدقيني اذا مااخذت انتي من الحياة دروس واستفدت منها ماحد يبي يجي ويعطيك دروس يعني مثل ماقالو البنات المده تختلف احد يرد علطول واحد بعد ثلاثه ايام واحد اكثر من اسبوع لكن ابقولك ترا حتى بعد الرؤية الشرعية ورد الخاطب عليكم يمكن تتعثر الامور قريبة لي شافها ورد عليهم بعد ثلاثة ايام ومرتاحه واهو مرتاح ويمدح فيها وراح وحللو ؟؟ المفاجأه اعتذر ماصار شي تخيلي بعد فرحتها علشان كذا اقولك هيئ نفسك ولايهمك شي الحمدلله والنظره مو للجمال وحدها انما للراحة النفسيه وافتراضا لو لم يحصل شي واسال الله لك التوفيق وانه يرد لكم خليك عاديه جدا ولاتنكسرين ولايصير بخاطرك ربي كاتب لك واحد احسن منه قد يكون مافي خيره انك تاخذينه والحمدلله على كل حال كلامي هذا من خلال تجربه وواقع وأسال الله ان يوفقك وان يرزقني ويعوض صبري خيييير |
اقتباس:
صراحه ما اكذب عليك واقول ماهمني لا ؟؟ هامني ونص يوم الاول حزنت الثاني حزنت كثير وبكيت الثالث لسا ما ادري بدأت تقل ثقتي بنفسي وشكلي لكن انا احاول انو مايصير هالشي عندي واجاهد نفسي لكن كثيرا ماتغلبني قلة الثقة لكن بأانتصر عليها باذن الله لكن هذا كله ماراح يروح هدر كله على أجر الشوكة هالبسيطة اللي يشاكها المسلم له أجر عليها فكيف بالامور الكبيرة أسأل الله أن يخلف علي بمن هو خيرا منهم علما وتقى وخلقا وصلاح و و و و و كل شي الله يربط على قلبك ويثبتك ويكتب لنا ولك مافيه الخير في ديننا ودنيانا |
شموخ اذا اردتي اي استشاره ولا شي خاص
ارسلي لي ع الخاص وفقك الله |
اقتباس:
|
اقتباس:
اختي انا مؤمنه بان الارزاق بيد الله ولكن بعد ماتدخلين عليه وبعدين يرفض احسن لازم النفس يصيبه شي من الانكسار ...... اما لو كان الرفض قبل الشوفه لكان اهون بكثيييير |
اقتباس:
|
اقتباس:
الله يجزاك خير |
اقتباس:
صحيح انه لابد من التروي والصبر في مثل هذه الامور لكن ان تبقى الفتاة منتظره هذا صعب ومقلق في نفس الوقت....... وبعضهم قد لايخبر بشي يخرج ويصمت لانعلم هل صمته موافقه ...... ام صمت بلا رجعه والصمت كفيل باخبارهم بأنه رافض.......!! لا احب الصمت في مثل هذه المواقف............... |
اقتباس:
|
اقتباس:
ام تروي..... |
[quote=لبنى عبدالعزيز;2411476]آآآآآمين والمسلمين اجمعين والله كلامك وسعتي صدري
لايضيق صدرك حبيبتي كلنا مرينا بالتجربه هاذي انا انخطبت قبل شهر وبعد السؤال عنه و افقنا عليه طبعا بعد صلاة الاستخاره وافقنا وبعد الشوفه هو رفض وجلس ثلاثة ايام اليوم الرابع علمون اهلي انه ماصار شي وانا اتوقع انه معلمين اهلي باليوم الثالث بس حنا حصل عندنا اجتماع ولا رضوا يقولون لي قايلين خله تستانس واشوف من كلام اخوتي لي حسيت بهالشي لانهم كانو يمزحون معي يبي يهونون علي واول ماعلمتن امي احس الدنيا كله فوق راسي مو عشان ابي الرجل الرجل بداله 100 رجل وهي تقول يمكن خيره لك والله يعوضك بالزوج الصالح بس الشوفه قهر ثم قهر يشوفن ويرفض بس شوفي يااختي صلي صلاة الاستخاره واستغفري ربك لعل لو ارفضوا يكون خيره لك انتي[/ quote] الله يجزاك خير الرفض بعد الشوفه جدا محبط واحس حتى اللي حولي مشفقين علي انتي بعد ثلاثة ايام ......... افضل بكثير من اللي جالس ينتظر لايعلم ماهو مصيره ........... خرج وهو صامت ومازال..... |
اقتباس:
الله يجزاك خير طيب تتوقعين الرد بعد اسبوع او ايبوعين يكون بالرفض ام بالقبول........... |
اقتباس:
هذا اللي انا خايفه منه ان الثقه بالنفس تقل شيئا فشيئا |
شموخ الله يطمن قلبك ويسمعك الاخبار الزينه اعتقد ان اللي يتأخر بالرد اكثر من ثلاث ايام نيته مو صافيه ..او انه رايح بيشوف وحده ثانيه .. مثل ماقالو البنات هيئي نفسك لاسوء الاحتمالات وفعلا النضره الشرعيه هذي ماله علاقه بالمضهر ارتياح قلبي فقط لاغير |
اقتباس:
وتشهد له الرجال بذلك |
اقتباس:
أسأل الله أن يكون على الظن ويرزقك زوجاً صالحا .. آآمين. |
عادي يابنت الحلال لو تم الرفض
صدقيني نحن مسيٌرون ولسنا مخيٌرون نصيبك بيجيك لو ايش ماكان هو ولا غيره مكتوب لك والرضا بالقدر من الايمان والحمدلله على كل حال ماوقفت على احد ابد . ادعي ان كان لك خير يجعله من نصيبك وان كان لك شر الله يصرفه عنك واعتقد والله اعلم كل ماتأخر الرد اكثر من يوم او يومين يعني بانه مااصار شي مررت كثيرا بهذه المواقف لي وللاقارب والامر ولله الحمد عادي , بس انتي وسعي صدرك ولايضيق صدرك على اشياء عاديه والكثير مررو فيها . ولي صديق رأي فتاة كانت جميله على قوله لكنه مارتاح فالرفض والقبول لايأتي من جمال المظهر بل قد يكون من راحه بالجلسه والصدر وهذي تجي من الله فانتي لاتتحسيين ولاتخجلين حتى عند اهلك او اخوانك فقولي الحمدلله لعله خير وكوني واثقه من نفسك والله يكتب لك الخير بدربك |
اقتباس:
لكن اخي ارتفعت معنوياتي كثيرا لما علمت ان احدى صديقاتي جلس شهرين لم يرد عليهم واعطاهم الموافقة بعدها ............... ان الناس تختلف وفيهم المتردد............. ربي اكتب لي الخيرة اينما كانت ثم ارضني بها............... |
.
. غريبة انكسار وقلة ثقة بالنفس وماادري ايش كل هذا عشانه شافك ولااعجبتيه والله اللي يسمعكن يقول شبابنا لبنانيين يعرفون الجمال ياحبيلكن لاتهتز ثقتكن بانفسكن ولاشي ترا شبابنا والله مايدبرون الزين ومو معناته انه ردك انك شينه اوشكلك فيه شي لأن اغلب الشباب مايعرف انت جميلة ولاعادية هذا الواقع فلاتصيرن حساسات ومااتوقع انه يستاهل كل هالتحطيم وقلة الثقة بالنفس يروح ويجي احسن منه انشا الله ويبدو لي ان المسألة راحة نفسية لااكثر ولااقل ... الله يوفقنا واياكن .. ,, تقبلي مروري ,,, |
شوفي يالغلا لا ينكسر خاطرك وتضايقين والله ما يستاهل كل هذا وترا والواحد ما يدري وش الخيره والله يوفقك ويكتب لك الخير حيث كان وانا وجميع بنات المسلمين ... |
شوفي اختي اذا الله كاتبه لك سواء تأخر أوماتأخر فهو من نصيبك فلا تشغلي بالك ووكلي أمرك لله وانسي
الأمر حتى يظهر بالموافقه أو الرفض ولعلمك لو رفض فلا يعني التقليل من شأنك وشكلك فكل له ذوقه وطلبه وقد يكون له ظرف منعه وقد يكون ينتظر ولايريد اتخاذ الأمر حتى لايندم باتخاذ قرار مثل هذا ثم قد يكون شي يمنعه ولايريد ان يصدمك برد لم يريده هذه عدة احتمالات ضعيها امامك ثم وكلي امرك لله مافيه لايمكن بل مستحيل تأخذين ير نصيبك وماكتبه الله لك نسأل الله لك التوفيق ويرزقك الزوج الصالح |
ياأختي لايضيق صدرك .. الشباب موب واحد .. أخوي رد على أهل البنت عقب أسبوع !! وزوج اختي يوم يخطبه رد عقب أربع أيام .. أكثري من الدعاء وربي ماراح يخيب دعائك .. الله يتمم لك على خير .. .., |
عزيزتي اعتقد وصلتك أجوبتي على تساؤلاتك لي بالخاص .. !
وزي ماقلت لك انسي السالفة وعيشي حياتك بأريحية , وماراح يصير لك إلا المكتوب .. موفقه |
اقتباس:
يعني غصب مهما كان قلب البنت رهيف ومهما حاولت تبين انه قويه الا انه من داخلها واذا جلست لحالها بيضيق صدرها وبتتحسس شوي من الموضوع............... انا احس ان الموضوع يستاهل ...... الا اذا كنتي انتي لم تمري بمثل هذه التجربه فقولي الحمد الله ................ لكن ربما لم تعيشي مثل هذا الشعور ................... الهم متعب والتفكير كذلك..................... |
اقتباس:
والحمد الله على كل حال |
اقتباس:
ربما قد تكون هناك ظروف جعلته يتاخر في الرد امين الله يجزاك خير |
اقتباس:
|
اقتباس:
قد يكون مثل نوعية اخوك.................... _------------------------------------_ ولكنني اكره الذين يختارون الصمت اشعارا بعدم الموافقه والايام تكون كفيلة باخبار اهل البنت بذلك.................... لماذا لايخبر منذ البدايه انه لايوجد هناك نصيب وكل في طريقه ..................... تفكير.............. هم................. انتظار............ |
السلام عليكم ورحمة الله وبركاته
ماشاء الله الاعضاء كفو ا ووفوا ومافي زياده عليهم لكن اخيتي اكثري من الدعاء والاستغفار فالله سبحانه وتعالى قال في كتابه العظيم :" فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ...الى قوله:"وَيُمْدِدْكُمْ بِأَمْوَالٍ وَبَنِينَ " |
شوفي يوم او يومين او ثلاثه بالكثير تكفي وزيادة ان الولد يعرف وش يبي يعني يبي البنت والا مايبيها اكثر من كذا معناته احتمالين يايكون عند لسته بنات يبي يشوفهن وبعدين يختار منهم وهذا عيب وشق جيب ومايرضاه احد والاحتمال الثاني انه مو موافق وسبب عدم رده ماخذها على قولة المثل الاماريه الغفله وبالنسبه للاخوان اللي قالو لاتكلمونهم عشان مايقل قدركم عندهم معهم حق واحترم وجهة نظرهم لكن لو انا من امك كان اكلم على امه واخذ العلم منه يا ايه يا لا وهذا ماراح ينقص من قدركم بشي هم اللي جو لمكم موب انتم اللي عرضتم عليهم ترا فيه ناس تستحي ومايمتلكون الجرأه انهم يكلمون على اهل البنت ويقولون لهم ماكتب الله نصيب ويفضلون انهم يسكتون ويقولون بيفهمون من سكوتنا ان ماحصل نصيب انا عن نفسي خطبت مره وشفت البنت وطلعت من عندهم ورحت للبيت والله العظيم ان امي وخواتي حجرو لي وشبو علي وقالو قبل تنام تعلمنا انت تبيها والا لا حرام نخلي البنت على نار وانا اصلا من شفت البنت وقبل اطلع من عندهم وانا موافق بس ماقلت لهم شي وانا راجع للبيت قعدت اقلب الموضوع براسي واول سوال اساله نفسي هل بالبنت شي ماحبيته فيها واذا كانت الاجابه لا مافيها شي ماعجبني اكون وصلت لنسبة 80 % من قرار الموافقه والباقي مسالة استخاره ومشاورة الاهل ومن ليلتي وانا معلم اهلي اني موافق وباليوم الثاني كلمت على ابوها وعلمته بردي لكن بعدين صار شي وتفركش الموضوع ولعله خيره ان شاء الله انا طولت عليك لكن ان كانك تبين الراي خلي امك تكلم امه وتفصل بالموضوع عشان ترتاحين من نار الانتظار وخلي ثقتك بنفسك كبيره ومهما كان نتيجة الموضوع حاولي تتناسينه بسرعه وتوكلي على الله مع اني عارف ان هذا صعب وبالاخير عندي احساس ان شاء الله ان يصير اللي يرضيك الله يوفقك ويوفقنا والجميع |
^^^^
جزاك الله خيرا اخي وعلى اساس اننا ندق عليهم اولا طرح ولي امري علي الموضوع واننا نتصل نسال قلت له لا نصبر افضل...... سبحان الله ........يدبر الامر كيفما يشاء ............. والحمد الله على كل حال.................. |
هل صمتك دليل أخبار مطمئنة ..
نرجوا ذلك .. ونسأل الله لنا ولك الخير حيث كان. |
^^^^
جزاك الله خيرا اخي لقد وجدت منكم من يشاركني همي........... جزاك الله خيرا ملئ السماء........ لم يكتب الله لي نصيب معه لعله خير لي والله وعلى قولة امي بالاول ولا بالتالي |
خيرة خيرة .. لايضيق صدرك ولايتغير فيك شي وبيجيك اللي أفضل منه إن شاءالله .. الله يوفقك ويسعد قلبك , |
اقتباس:
قولي : اللهم أجرني في مصيبتي واخلف لي خيراً منه .. وتذكري قول أم سلمة رضي الله عنها وهي ترد على رسول الله صلى الله عليه وسلم : ومن خيرٌ من أبي سلمه؟؟ فعوضها الله برسول الله صلى الله عليه وسلم .. ردديها موقنة جازمة بوعد الله .. وأبشري فإن ماعند الله خير وأبقى .. عوضك الله خيراً ورزقك جنة الفردوس. آآمين. |
حبيبتي
عوضك الله خيرا منه |
اقتباس:
وجزاك الله خيرا |
اقتباس:
جزاك الله خيرا اخي كلامك له وقع كبير في نفسي |
اقتباس:
|
اقتباس:
اخاف البنت تبدأ تشوف نفسه وتتطلب على الزوج ..... يعني بتقول انه ميت به ...... لذلك راح ارد بعده باسبوع ...... تشكرين اختي |
اقتباس:
لماذا يااخي هذا التفكير... وعلى اي اساس حكمت عليها بانه تشوف نفسه ... اخي احسن الظن بالناس و لعلك لم تعش التجربه.... فالانتظار متعب جد متعب ومايحس بالنار الا رجل واطيها |
اقتباس:
ياعزيزي كم تجلس وأنت تفكر؟؟؟؟؟ أجل تبي تشوف نفسه؟؟ أيه تستاهل أنه تشوف نفسه .. هي بنيه و جاي أنت تركض ودك فيها .. من الأصل تشوف نفسه لو عشنا بتفكيرك .. خذها نصيحه : لاتخطب أي بنت لأنك أي وحده تخطبها تبي تقول : ياحليله ميت علي مخلي بنات الناس وجاي يبني!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أسمح لي أخي : ضحكت كثيراً وانا أقرأ ردك .. ولك الحرية ان تضحك من ردي كن بخير. |
اذاودك بالعلم الا كيد من احد له تجربه بالحياه هذا راي لا يومين ولاثلاثه ولااسبوع اي انسان اذا شاف انسان وارتاح من اول نضره يبي يبين عليه والبنت كذلك اذا ارتاحت يجب ان تقول انها لديها قبول او لا اما بالنسبه للرجال اذا كان عنده ثقه بنفسه وصار لديه قبول يبي يقول لابوها توكل على الله هذا اذا كان الشاب بهذه المواصقات ويجب ان يكون للاب دور في ذلك عند خروج الشاب بعد هذه النضره ويقوله يابن الحلال لاتكون محرج اذا ماصار شي في نفسك تراه زي اختك وهذا ينفع مع الرجال اللي هم رجال ولكن عنده شعور يتعدى المعقول بان لايجرح شعور احد وفيه من يكون مقبل بنفسه ولكن فيه قليل من التردد وهذا يعطى يوم للاستخاره وعلى العموم يجب من يحسم الموضوع اهل البنت يتصل والدها اذا تاخر اكثر من يوم ويكون صريح معه ويمكن يكون افضل للناس الذين لايستطيعون المواجهه وباتلفون ربما يقدر يقول رايه هذا بالنسبه للوقت من ناحيه النضره الشرعيه باعتقادي انه اذا جاء الشاب يخطب ان ابو البنت يعطي صوره للبنت للشاب والبنت كذلك تشوف صورته او تشوفه اذا خرج وخله يتفرج على كيفه بالصوره اثنا وجوده عندهم اثنا تجاذب الحديث مع والدها والتعرف على شخصيته اكثروبعدين ياخذ الصوره ويحدد له موعد ثاني يجي يشوف البنت على الطبيعه واذا صار في نفسه ا عحاب بعد شوفه الصوره اكيد يبي يجي واذا كان العكس ماراح يجي باعتقادي انه افضل قبل ما يشوفه مباشره علشان مايسبب اثر في نقس البت ولكن احب ان اؤكد الى انه من يحسم الموضوع اهل البت مايبي له تطويل بالموضوع يوم بالكثير ويتصلون عليه اذا مارد عليهم والا مع السلامه اسال الله ان يوفق البنات والشباب ويعفهم يارب العالمين امين ويوفقك انشا الله
|
اقتباس:
بذمتك انك ترد عليهم بيوم يالظالم ؟؟؟؟؟ هاه ترد بيوم ..... علمنا يمديك والا لا ؟؟؟؟ |
اقتباس:
ولكن هل الانتظار بالرغبه للقبول ؟؟؟ اذا كان كذلك فالافضل للبنت ان لا تنتظر .... هل تريد ان تاخذ الشاب بالغصب؟؟؟ حتى اذا قبل الشاب ... لايصح ان يرد بيوم .... عليه ان ينتظر قليلا .... |
اقتباس:
لا اعتقد انها تفي بالمطلوب فكم من البشر جمالهم يفوق الوصف ولكن اخلاقهم...... قد ارتاح اليه بالصوره ولكن على الطبيعة لا..... فالصوره لاتوصل الى المطلوب ولاتؤدي الغرض. والجمال بالشوفه ماهو مطلب............. صحيح ان الرجل والمراه كلاهما يسعى الى الجمال ولكن لو لكان الجمال هو المقصود بحد ذاته لما تزوجت النساء ولما تزوج الرجال.............. والنظره الشرعيه لقول الرسول عليه الصلاة والسلام:احرى ان يؤدم بينهما... شاكرة لمرورك |
اقتباس:
ياحبيلك. كن بخير. |
اقتباس:
|
اقتباس:
لاياشيخ انا لست احمل من الهستره الا معرفي ..... ياحبيبي الزواج يعني عشرة عمر اكثر من خمسين سنه , بمعنى انه من المستحيل ان يتسرع الشاب في القبول او الرفض , او ان يطلب منه الاب للمخطوبه الاجابه , حنا وين ياخوي ؟؟؟ كل تاخيره وبه خيره , لازم ان يفكر الشاب والبنت , وان يستخيرو الله , ويكثر من دراسة هذه الصفقه او العقد ......الامووور ماتجي بالساهل . |
اقتباس:
|
اقتباس:
هل تقصد انه ينظر اليها مرتين؟ لو لم ارتح له لما طالت علي فترة انتظاره....الحمد الله على كل حال ثم اني قلت سابقا ان ولي امري طرح علي الاتصال عليهم وسؤالهم وانا التي رفضت قلت الصبر ثم الصبر لعله متردد لعله يستخير... |
اقتباس:
|
اقتباس:
|
اقتباس:
|
اللي بيه نصيب ماياكله الذيب .. أذكر جدتي رحمة الله عليها تقول لي هكا أيام الطفولة .. ياحبيبتي إذا مكتوب لك بيكون من نصيبك وإذا مش مكتوب صدقيني خيرة من رب العالمين ومثلك مايجهل إن الخيرة خفية ولانعلمها . غيرك رد بلحظتها وطلب تحديد الزواج في نفس الدقيقة لكن جاء الرفض من البنت وإنتهى كل شيء .. يقومون من الملاك لما الله أراد غير اللي يريدون , لذا لاتشيلي هم نصيبك لأنه محفوظ والله مايضيع خلقه .. بالتوفيق آنسة , أتمنى لكِ حياة سعيدة .. |
المفترض ماتتجاوز ثلاث ايام ، ولاتقلقين يمكن ربك ابعدك عن امور انت في غنى عنها، لكن لاتتصلين ماهو انت اللي تبحثين عنهم ، والزواج قسمه ونصيب 0
|
شموخ
أسأل الله أن يأجرك في مصيبتك ويخلف لك خيرا منها شموخ حبيبة قلبي أسعدك الله وأفرح قلبك بدعوة لاترد شموخ حبيبتي لايضيق صدرك حتى انا زيك الحال من بعضه بس الفرق بيني وبينك أني أنا . . . . . . . رسبت في الاختبار للمرة الثالثة خخخخخخخخخخخخخخخخ وايضا فرق اخر أنو اهلي ماعلموني تاركيني أنا عرفت بطرقي الخاصة ====== خخخخ ياالله الجنة بس أسعدك الله وجعلك من اماءه الصالحات ادعو الله أن يربط على قلبك ويصلحك وفقك الله |
شموخ لي عودة لك
لكن لا استطيع مراسلتك الان لأن عدد مشاركاتي لايسمح |
اقتباس:
جزاك الله خيرا....... اسعدني غاليتي مرورك |
اقتباس:
جزاك الله خيرا..... |
اقتباس:
الله يجزاك خير |
اقتباس:
|
ارفعي راسك واياك والاستعجال والاتصال بهم حتى لايستصغرونك وكانك لهفانة عليه بعدين يقولك اية انتي ماصدقتي اني خطبتك تركظين وراي خايفه لا لا لا خليه هو يردلكم خبر عاد الله اكبر ماعاد بالديرة غيره اذا راح يمكن يجيك احسن منه اذا انت مو عاجبته ميه واحد يتمناك
|
انا عروستي اخر مرة شفتها يوم عمرها ثمان سنين
وبعد عشر سنوات تزوجنا والشوفة ليست كل شيء |
اقتباس:
لعلك لم تقرئيء بعض ردروي ............فانا من رفضت الاتصال عليهم....وفضلت الصبر على الاستعجال......والحمد لله على كل حال............. شاكره لك مرورك |
اقتباس:
ماشاء الله الله يوفقكم ويديم عليكم ان شاء الله |
اقتباس:
شموخ طفله ... الله يوفقك ويرزقك الزوج اللي يسعدك .... وجميع بنات المسلمين ... لكن ابسئلك : البنت كم تحتاج لترد على اهلها ... بعد الشوفه ؟؟؟؟ |
ماادري وش تستفيد من ها السؤال ودي اجاوب عن الشموخ اذا تسمح لي اذا ماتبيه بتقول لا واذا تبيه السكوت علامه الرضاء
اقتباس:
|
بسم الله مخطوبه اجل
الله يوفق في دينك ودنياك اعتقد من يوم الى اسبوع ولو طولها زاده حبتين اسبوعين الزواج مسأله فيها اسأله كثيره عن سيره الخاطب او المخطوبه والبحث من الطرفين وجمع اكثر معلومات قدر الامكان بس اشوف الكثير تهاون فيها لذلك كثرت نسبة الطلاق |
| الساعة الآن +4: 02:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.