|
"عملية الليزك" نصيحتكم وين أسويها؟!
السلام عليكم ورحمة الله وبركاته مساؤكم سعاده.. أعاني من ضعف البصر وأريد أن أُجري عملية الليزك لكــن أين في بريده؟ لمن جربوا أتمنى أن يخبروني ماأفضل المستشفيات أو المراكز؟ ومن الدكتور بالذات؟ سمعت من يمدح الحبيب,وحالياً ليس أمامي غيره مارأيكم؟ :f: |
ياهلا ويامرحبا بك انا اعاني بنفس المشكلة اللي تعاني منها (ضعف البصر) وانا الان ابسويه ان شاء قبل رمضان بالرياض المستوصف استشرت كثير من زملائي وهم مسوينه عنده العيادة اسمه عيادة الدكتور يوسف المقبل بالرياض بحي التخصصي الرجل حائز على ثاني دكتور عيون بالعالم العربي واول دكتور بالشرق الاوسط انا رحت لمه وقابلت الدكتور بالصراحة قمة الروعة وكثير ناس يمدحونة وانا استخر قبل ماتسويه ياخوي ميمو بالتوفيق لك وللجميع |
نايف2342 شكراً لردك..الله ييسر أمرنا وأمرك لكن بكم يسوي العمليه؟ وأنا صراحه ودي ببريده أقرب.. الله يعين |
يسوي العملية 6545 ويقول الدكتور حسب كلامه لي انا فية رجال اعمال متطوعين متكفلين لمرضى العيون بنصف القيمة يعني القيمة الاصلية تقريبا 10000 وبعدين ياختي العيون كنز لا تنظرين للقريب لك فعيونك مهمات عند كل شخص والدكتور مضمون ان شاء الله وبعدين حقين بريدة الله يخلف نصيحتي روحي للرياض ازيلك .... وبعدين مستوصف الحبيب ممتاز مرة لكن اللي بالرياض بس وليس اللي ببريدة لان اللي بالرياض دكاترة على مستوى ومتخصصين بالمهنة واللي ببريدة كلهم حقين المستشفى المركزي والتخصصي يجون فترات للمستوصف والدكتور يوسف المقبل انصحك فيه |
شُـــكراً لك أقنعتني جداً,شكراً مرةً أخرى
بإذن الله.. سؤال أخير:أود أن تكون العمليه بـ6 شوال فمتى تقريباً أذهب في الزياره الأولى..؟ أأسف على الإزعاج |
لا عادي لكن ابعطيك الرقم واتصل عليهم وخذ موعد لان لازم تاخذ موعد اللي يناسبك وهم يدقون عليك قبل الموعد بيوم للتذكير بس وبعدين لازم ياخذون فحوصات علشان يعرضونه على الدكتور ويقرر هو الدكتور اي نوع من انواع العمليات تصلحلك لان فية انواع كثيرة الرقم /014889900 او 014889911 بالتوفيق |
اي استفسار
|
انا سويتها بمستوصف البركة بعنيزة عندالدكتور متعب الشعيبي بــ 6500 ريال تقريبا .. عملتها قبل 4 سنوات
والحمد لله تخلّصت من النظارات .. والنظر إلى الآن لم يتغير بفضل الله اذكر الفحوصات مجانية اذا قرر يسوي العملية ... لكن اذا فحص بس بـ 300 ريال |
نايف2342
قل آمين الله يجزاك الجنه ووالديك |
صفقة هواء
الله يجزاك خير راح أستخير بإذن الله الله ييسر.. |
أختي الكريمة ,دوما أقول هنا في المنتدى لمن يسأل عن العيون .. بحكم تردادي على مدى سنوات طوال لمستشفيات العيون والعيادات , وقد أجريت عمليتين لعيوني واحدة زرع حلقات والأخرى ترقيع للقرنية , عملية جراحيه , وهي عمليات دقيقة وصعبه , وتحتاج لإستشاري ماهر وذو خبرةٍ طويلة بهذا المجال , ورغم مروري على عدة إستشاريين , أستقريت بحمد الله على دكتور من أهالي بريدهـ هو الإستشاري [ عبدالله الطرباق ] .. بمستشفى الملك خالد في الرياض , وهو كبير إستشاريين المستشفى هناك ومدير برنامج التنسيق في المستشفيات بالمملكة , وله زيارات في مستشفى الحبيب ببريدهـ ويجري فيها عمليات أيضاً, ويقوم بإجراء كل العمليات ترقيع قرنيه وليزك وليزر وغيرها , قومي بالإتصال بمستشفى الحبيب ببريدهـ وأخبريهم عن موعد حضور الدكتور لهم , وهذا يريحك من عناء السفر إلى الرياض مادام الدكتور له زيارات لبريدهـ , و يتميز الدكتور بروحه الطيبه وتفهمه وكفائته العالية بهذا المجال وسيعطيك الأفضل لك في العملية حينما يرى عيونك .
لفتة لا تتأخري في معالجة عيونك , فكل تأخير يزيد حجم المعاناة بالتوفيق لك .. |
بقايا ذكريات
صدقت التأخير يزيد المعاناة الله يجزاك خير وييسرلك أمورك الله يعين ويكتب اللي فيه خير.. |
انصح وبشدّة اجراء العملية عند الدكتور محمد الحوّاس في مستشفى الحرس الوطني بالرياض وسعر العملية معقول بالنسبة لغيره وهي 5500 ريال وأعرف 3 من الأصدقاء أجروا العملية بنجاح قبل سنة من الآن .
|
لا تهور عندي لك واحد فلته استاذ برفسور اسمه محمد ضافر اسم محله مركز طب عيوني عند جهاز متطور على مستوى الشرق الاوسط سوى لناس اعرفهم وامورهم زي الحلاوه احد اخواني راح لمه يبي يكشف على عينه سبق ان انفجر فيها صاروخ العاب ناريه ولاعلمه تفاجاء انه يقول له عندك مشكله بعينك الثانيه اكثر من اللي كان يتوقع ان فيها مشكله مشى معه للعلاج واموره زينه وبعدها جاب زوجته وسوى لها عمليه ليزك هذا الكلام قبل سنتين بالنسبه لاسعاره معقوله جدا من 4000الى 5000 ودائما يسوي تخفيض احياننا اقل اسمه مركز طب عيوني مقابل الاماره في بريده عند دوار المؤيه بس احرص ان يكون نفس الدكتور اللي يسوي لك العمليه صاحب المركز واهم شي ما بصير عندك سكر وان كان عندك افحص قبل ماتجيه وصدقني انه احسن من اللي مسوين زحمه وياخذون مبالغ كثيره على شان المباني والدكيورات
|
انا اختي مشطبه( ليزك) عند الحبيب الي بالرياض والحمدلله مره ارتاحت يمكن لها 4 سنوات |
عبد الله الطرباق بالحبيب ممتاز
وغالبا ما يحدد ليزر لانه بعدين لو قدر الله و وضعف نظرك تقدرين تسوين ليزر مره ثانيه بعكس اليزك وترى العمليه مره سهله واي دكتور ان شاء الله راح تنجح اذا كانت عيونك سليمه يعني القرينه مو مخروطيه او مشاكل زي كذاا بس نصيحه اكشفي عندكم دكتور علشان يحددولك ليزرولا ليزك احسلك وشي300 بسبيل سلامة عيوني لان بعض الدكاتره يقرلك ليزك لانه اغلى من اليزر |
ما فيه دكتورة شاطرة في العيون كلهم رجال أفا يالحريم بس |
قريبه لي سوت عند عبدالله الطرباق بمستشفى الحبيب ببريده
والحمدلله ماشيه تمام التمام وانا ودي اسويها عنده اقرب لي لكن الكل يقول لا روحي بالرياض احسن.... اذا سويتها خبريني الله يخليك لاني ناويه اسويها اخر شوال ان شاء الله... الله يشفيك ويشفيني والمسلمين اجمعين..... |
كايف
شكراً لك فعلاً معقول جزيت خيراً &المسبار& شكراً لك مركز طب عيوني دائماً أقرأ إعلاناته بس ماانتبهت له الله يجزاك خير |
سيدة بريده
مشكوره الله يعطيك العافيه بحر الهناء أها يعني لابد أكشف كذا مره الليزر أحسن برايك! الله يخليك مشكوره على إضافة المعلومه.. |
عبدالعزيز إبراهيم
فعلاً,فيه إحراج للنساء جزيت خيراً الورد الجوري آمين يارب عبدالله الطرباق يبدو أنه ممتاز.. بإذن الله ياأختي |
وعليكم السلام ورحمة الله وبركاته اول شي تسوين اشاعه لعيونك وتشوفين وش اللي يناسبك قيمه الاشاعه عند الحبيب 450ريال تقريباً من غير قيمة دخولك على الاخصائي وفيه الدكتور عمار مقيم بمستشفى الحبيب ببريده زرته حلو ومثل ماذكر لك الدكتور عبدالله الطرباق له زيارات كثيره بمستشفى الحبيب والاستشاري الموجود بمركز طب عيوني ممتاز من ناحية الكشف نفس الكلام اللي قاله لنا قيل لنا من اكثر من استشاري بالرياض وبالتوفيق |
من خلال تجربتي من سنه سويته عند الدكتور يوسف المقبل بالرياض والحمدلله كل شي تمام وانصحك وبشده تسوينه عنده لانه خبره مثل ماقالك الاخ نايف وانا مارحت الا من تجربة اقاربي عنده وحده له اكثر من عشر سنوات مسويه عنده والحمدلله كل شي تمام |
فيه الدكتور طارق الدباسي تبع الحرس الوطني فيه عيادات تخصصية
مره حلو عسى الله يدبرك على الصالح |
الله يعينك الله يشفيك
برووكي |
ملاك الغلا
أنتِ أول شخص يرد السلام:)مشكوره الله يعطيك العافيه ميلان القلوب شكراً لردك الله يجزاك الجنه |
بسمة وافي
مشكوره على الرد ياحياتي آمين يارب برووكي آمـــــــين يارب الله يوفقك دنيا وآخره |
ما عمري سويتها
|
مستشفا الحبيب ((بالرياض مو ببريده ))
حلوو مره ،، |
الدكتور منصور فاروقي بمستشفى الحبيب يجي 3 ايام في الأسبوع
إذا كانت ليزك فقط كل المستشفيات تصلحها عااادي |
منصور المحيميد بالحبيب ممتاز سويت عندةولاشفت الاالعافية
|
شكراً لكل من رد
الحمدلله سويتها يا(ورد الجوري)عند المقبل |
الحمدلله على السلامة .. والعقبى لنا |
الحمد لله على السلامة |
متصفحه
الله يسلمك..آمين يارب |
ديما
مشكوره .. الله يسلمك |
السلام عليكم
ماشاء الله لاقوة الا بالله الحمدلله على السلامه ابسالك كيف تشوفين العمليه زينه وفيه فرق والا وش نوع العملية اللي سويتيها ووش الطريقه ووش الكشوفات اللي سويتيها وبكم تكلفة العمليه شامله الكشف الخ لاني ناوي اسويها ومحتار بين المقبل والجبير تسلمين ويعطيك العافيه |
انصحك اما تسوينها عند يوسف المقبل او محمد الحواس
اما طب عيوني احذري تروحي له |
| الساعة الآن +4: 04:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.