|
تأخر الحصول على زوجة (هل يستدعي الحزن ؟)
حينما يطرق الشاب بيوتاً عديدة للبحث عن شريكة العمر ويقابل طلبه بالرفض أو لم يجد ما يريد ، وحينما يمضى على البحث عن زوجة أشهر طويلة ...
فهل هذا الأمر يستدعي الحزن والتشاؤم ، هل يتهم الشاب نفسه بأنه إنسان فاشل أو أنه إنسان لديه عيوب جعلت بعض الناس يرفضونه ويعتبرون قبوله زوجاً لابنتهم عار وخديعة ؟؟ إن البعض من الشباب يصاب بالإحباط حين بحثه عن شريكة عمره بل تتكالب عليه الهموم والضيق والنكد بسبب تأخر الحصول على زوجة . أرجوكم طمئنوني بردوكم وطمئنوا كل من يمر بحالتي ... |
لا تخاف عادي الأمر عادي انت رجل وعيبك بجيبك البنت بس اللي تحطم اذا شافه الرجل ورفضه وتحطم البنت عشانه حساسه واعرفلك واحد من اقربائي جلس اربع سنين كاملات وهو يدور وانا اعرفه قسم بلله كلن يتمناوه ومشاء الله معيد هو بالجامعه بس ما ادري وراه الناس يرفضونه ومير مشاء الله يرزقه الله بنت الحلال اللي مشاء الله كلن يمدحه بأخلاقه وبكل شي ومعه الحين بنتين شف ربي عوضه وانت اصبر ولا تيأس ولا يضيق صدرك والله ما تستاهل ضيقة الصدر وبتاخذ البنت اللي مكتوبه لك ان شاء الله و تحتريك هي ببيته اهله والله يوفقك ويرزقك الزوجه الصالحه يارب |
بتفلسف شوي اسمح لي :
قصة البحث : 1 /2 / 3 / 4 /5 / 6 / 7 / 8/ 9/ 10 الله كاتب لك رقم 10 .. ولكنك بدأت البحث من رقم 1 ثم 2 إلخ . بينما لو بدأت من 10 لوجدت ضالتك بسرعة ولم يصبك القنوط ولكنها حكمة من رب العالمين أن جعلك تبدأ بالطريقة المقلوبة . ربما ليمتحن صبرك وربما ليشعرك بقيمة الزوجة وربما لان الله اختار لك الخيرة المناسبة التي لا نستطيع لا أنا ولا أنت أن نعي مداركها . الشيء الآخر . إياك أن تفقد الثقة بنفسك مادمت شابا محافظا على الصلاة وتعمل ولك شخصيتك فلا تعتقد أن من رفضوك أحسن منك بل ربما حماك الله منهم وحماك من زوجة ناكرة كسولة جحودة كاذبة لا تشكر نعمة ولا تحفظ ود ولا تقدر عشرة ولا تصونك . سر على بركة وابحث ولا تمل وادع الله فلست أول من يرفض لطرق أول باب وثاني باب . واحرص بذات الدين بنت العائلة الكريمة . وفقني الله وإياك . |
ههههههه
أسمح لي بالضحك عزيزي .. تذكرت مقولة لبنت جيراننا أم ماجد الله يطول بعمره على طاعته .. تقول البنات مثل الثياب بالدولاب .. كثار ولاتدري وش تلبس!! يمكن كلامي ماله دخل . .. بس انا أقولك .. بقدر ماتتعب بالبحث مع كثرة البنات إلا أن لقيا البنت ليس كل شيء فقد تجد لكن لايوافق عليك وهي ليست للشكل ولا للدين ولا للمال .. هي قسمة ونصيب .. أحد زملائي فيه إعاقة وخطب خطبه .. تخيل؟؟ يعني جايه أخو البنت يعرض أخته وهي كاملة والكامل وجه الكريم .. وبا المقابل أحد الشباب لاينقصه شيء طرق من الأبواب ما الله به عليم ولا من يستجيب حتى جائه نصيبه .. وتوفق الله يسعده .. وليس هناك سر .. أنا طرقت أكثر من عشرة أبواب حتى توفقت بحمد الله وعسى ربي يتمم لنا بخير.. لاتقلق عزيزي .. ووسع صدرك .. وأذكر أحدهم تذمر وضاق صدره مثلك فقلت له : أنت لا تبحث عن زوجة فقط .. أنت تبحث عن نصيبك الي هو قدرك .. فلابد من النصب .. المهم أن تدعوا الله دوماً أن يرزقك زوجة صالحه .. ولايكن رفضك سبب لقنطك والتقبل بأي شيء مما يعكسه مستقبلاً على حالتك .. وإستقرارك .. كن بخير ياعريس المستقبل. |
اقتباس:
سعيد >> المكتوب يبي يجيك يجيك بإذن الأحد .. ومو معناه إذا رفضوك أهل البنت تحسب نفسك فاشل.. ربما خيرة لك .. وتذكر (( خيرة الله لنا خير من خيرتنا لأنفسنا )) الله يوفقك وييسر أمرك ويزوجك الصالحة ؛ |
جود السماء ، قانون السيطرة ، عبدالله الصالح أشكركم على الرد وكلامكم والله العظيم له وقع خاص في نفسي أشكركم من الأعمااااااااااااااااااااااق. |
اقتباس:
|
احس انك عايش بمدينه بلحالك ....
معقول ماحد يزوجك وانت سيد الرجال ؟؟؟ لاتخاف ... ترى الناس تغيرت وكثرت بلاويها , وصارو يتقبلون كل شيء.... وبعدين وش فيها اذا قعدت اعزوبي ,, قسم بالله اطلق عيشه .... بس ولو انا ابي اولاد صغيرونين ..... يالله يارب انك اتوفقنا انا وسعيد والقارئ الكريم .. اشكرك |
اقتباس:
الله يجزاك خير |
بصراحه أستفدت من كلامكم كثير لأني أعيش هذا الأيام مثل حالة سعيد الله يرزقنا بزوجه الصالحه صاحبة:) الأخلاق والدين |
اخوي ماينقصه شي الف بنت تتمناه تبارك الله
كل شي جامعه دين ودنيا و مع ذلك ما خلينا بيت ماطقناه وماهن بنت بالكليه ماخطبناه وجلسنا كم سنه بعدين جاه رزقه المكتوب له وماحد بياخذه غيرة وبعدين انتي منب اول واحد ولا اخر واحد يرد اغلب الشباب كذا احد يطق باب ويوفق واحد عشرة ويوفق واحد سنه واحد اكثر لاتياس ولايضيق صدرك ولاتحزن الله يوفق بالمراه الصالحه اللي تسعد ك دوم |
يا أخي مش انت اللي بس مريت بالمرحله هذي .. عمي تقريبا ً اربع سنوات أو أكثر وهو يعاني زي حالتك , يمكن أغلب بنات القصيم شافهم , وماكتب نصيب وهو الحمد الله من ناحية المظهر والمال والأخلاق , لحد مـا طيره النصيب لجدهـ .. كل شاب يمر زي الحاله هذي فلا يضيق صدرك , الوضع ييييزي .. أغلب المواضيع الحين اشوفها عن عقبات ماقبل الزواج , هذا ماحصل على زوجه , والثاني تستنى الرد .. ! ما كذبت " البي بي سي " يوم قالت إن العادات والتقاليد تفرض نفسها على حساب سعادة الأفراد .. ! .. معادلة الزواج الصعبة في السعودية أوجدت 1.5 مليون عانس |
أشكر الجميع على المداخلات
كلامكم في الصميم |
لن تاخذ إلا ماقسم الله لك .. وكتب لك بالجبين |
الله يسهل امورك ويرزقك الزوجه الصالحه .. سوف ازيد نقطه واحده فقط على كلام الاعضاء من قبلي اذا كنت من اصحاب الشروط في شريكه المستقبل واريده كذا واريدها كذا فتنازل قليلاً ولا تصعب الامر على نفسك وعلى الاهل .. وبالمقابل احياناً نجد الاهل هم من يقف عثره امامك بالبحث عن الملاك وتصعيب الامور فاذا كان الامر كذلك فيجب عليك تنبيهم .. (ولمشاركتك الامر اعرف شخص قريب لي جدا مثل حالتك حتى وصل به الامر الى تأجيل الفكره علماً بأنه يعمل وذو خلق ) وفقك الله في الدارين .. |
عآآدي أعرف وآحد أهله سنتييين يدورون له .. وأخذ أحسن البنات ماشاءالله ويوم توظف أخوه هالسنه قال لأهله دوروا لي من هالحين علشآن بعد سنه سنتين أصير مضبط أموري وثآآني أعرفه بعد جلست أمه سنتين وهي تدوور له ماخلت بنت بالريآض ماخطبته له إعرف إن خالآآته بعد يدورن له وآخر شي أخذ بنت خالته .. وثآلث خطب كم وحده ولا إرتآح أبد لأي وحده منهن ويوم لقى اللي إرتآح له رفضته هي ردوبهم ووافقت وياكثر ماتحصل .. لكن الواحد يقول يمكنه خيره الله يوفقك ويسهل أمرك .. لكن أنا ربطت موضوعك هذا باللي قبل كم يوم شكلك من اللي مايبون البنت تكمل دراسته .. علشان كذا يرفضون اهل البنت |
مره سمعت قصه ان في واحد جلس 10سنوات وهو اخلاق وممتاز والحين متزوج ومعه عيال وبنات
كل شي مكتوب ومقدر والي مكتوب لك بتااااااااااااخذه طال الزمن ولا قصر |
لا يدعوا للحزن ولا شي ولا يضيق صدرك وانا اختك اللي مكتوب بتشوفه سواء اللحين ولا بعدين واللحين النااس ماصاروا يتشرطون زي اول المهر الفلاني والقثر الفلاني اللحين الناس يدورون الستر لعيالهم المهم اذا تزوجت علمنا خن نفرح بك..
|
الله يوفقك ان شاء الله
اصبر اصبر ربي يفرجهاا لك |
يااخ سعيد
هذاشي طبيعي وعادي ان الواحد يخطب ويرد لان رفض الشاب احيانا موعيب فيه غالبا مايكون من نفس الفتاة لا ترغب بالزواج اواشياء لاتعتبر عيوب مثل انه ساكن بالرياض وهي بالقصيم وترى بعض الشباب الله يهديه يخطب بنت و هو مو قده مثل واحد عمره 30 ويخطب وحده20الفارق عشر سنين ولا يخطب الصغيره قبل الكبيره او غير موظف وليس له دخل ويخطب بنت اغنياء وغيره من الاشياء واعرف واحد ردكم مره والاسباب وحده خطبه بالثانوي وقالو صغيره والثانيه وحيدة امه وهو ساكن بمدينه ثانيه وامه تبي بنفس المدينه معه الثالثه مخطوبه ورده ولا قالوا له انه مخطوبه رده ولا يدري وش السبب و وكل امرك للي خلقك وعليك بالدعاء ومانقول مالك الا المكتوب لان الرفض مكتوب والزواج مكتوب وكل شي مكتوب وبقضاء الله وقدره الله يسهلك امرك ويرزقك |
الحال من بعضه .. والحمدلله على كل حال
الله يعين |
الله يسهلك وتقلقى بنت الحلال
|
خيره فيما اختاره الله
ماينشرح صدري ولايضيق صدري الالتذكرت مايصير لي الا ماكتبه ربي لي اصبر كل شي نصيب وكل تأخيره به خيره |
آجل يآلله يمدين آدور من آلحين عاد آنا مملوح ماشآء آلله على مآحد رآدن آبد
شكلي بطقطق آربع اسنين على آلحآله |
أولآ الله يوفقك أنت وجميع الشباب ويرزقكم الزوجات الصالحات ..
شف اذا أهلك هم اللي يدورون تراك تبي تبطي هذاا اذا كانو يبون الزين وأنت لك بعض من الشروط.. أنا لي ثنين من أقاربي يدورون .. الاول شروطه جدأبسيطه ملينا من كثر ماندور تقريبأ سنتين وزياده على كذا بالصحه وقليل من البنات تقبل اللي بالصحه وأخر شي أم الجيران ذكرت لنا بنت وراح وخطبه ولا أحد شافه ابد الا بعد الزواج والله يسخرهم لبعض.. والثاني له شروط ياكثره وأهله ملو من كثر مايدورون له الى درجة اخته راحت لم الكليات وهو يمسك أطفاله ولا يعجبه احد أخر شي خطب أخت صديقه وهي لسى صغيره ماخلصت الثانوي وهو أساسا صغير وماشاءالله توفقو.. أنا قلت الكلام المطول كله لييه أعلمك أن تدوير الحريم يبطي رح انت أخطبلك أزين واهلك لا يشوفونه الا بعد الزوج وهذي نصيحه من .. |
مااقصروا الاخواااااااااان مااقوول الا الله يرزقك بالزووووجه الصاااالحه عااااجل غير اجل
وعليك بالدعآآآآآآآء والاستغفآآآآر موووووفق |
الله يوفقك ويرزقك الزوجه الصالحه......اناالي اشوفه يرد كثير الي يدخن والي يسلم من الدخان بالعكس كل يتمناه اذا كمل بالمحافضه على الصلاة وحسن الاخلاق والفلوس عاد اخرشي لانه تروح وتجي......وانت واصل المسير وعادي جدا ان شاءالله كل الي ردوك خير لاحسن منهم.....الله يوفقك.
|
غريييييبه جدا اول مره اسمع رجل يرفض وهو مابه خلاف؟؟
بالعاده البنت اللي اللي تغربل من تشرط هالرجال ابيه طويله بيضاء نحيفه سنعه خلوقه وياويل شرط واحد ينقص تقولون اربع سنين يطقطقون البيبان يدورون مهب اهل البنت اللي يرفضون هم مالقوا اللي تجمع كل هالشروط |
هو لا يستدعي الحزن ولا التشاؤم
يمكن مالقيت البنت اللي تستاهلك ومو لا زم من القصيم ... تلفت بعيد وبتلقى ارزاق وكل ما تروح جنوب بتلاقي حريم بيوت |
اسمع يا أخي هذه النصائح : 1- لا تحزن عندما يرفض طلبك لأنك لم تصل إلى ما كتب لك حتى الآن . 2- لا تتشدد في شروط وأوصاف شريكة حياتك فقد يكون هذا أحد الأسباب . 3- ركز على الدين والأخلاق ولا تجعل كل همك الجمال وارض باليسير منه . 4- لا تبحث في محيط عائلتك وجيرانك فقط فكثير من العوائل عندهم بنات يريدون لهن الستر . 5- اسأل من تجالس من أصدقائك وزملائك فقد تكون أحد قريباته التي لا تحل له الزوجة المطلوبة وأنت لا تعلم . أسأل الله لك التوفيق ولجميع شباب وبنات المسلمين |
لا لايستدعي الحزن ... فالزواج ليس غاية ولا تتوقف بدونه الحياة وما وضعك الحالي الا لحكمة اقتضاها الله فلا تقنط .. أحسن النية وسيرزقك رب العباد ولاتسول لك نفسك أن تعطي عنك معلومات غير صحيحة أو تخدع الناس حتى يقبلوا بك فرزقك آتٍ لامحالة اذا أحسنت النية هناك من يتزوجون لهدف ويكذبون ويحلفون بالله كذبا ويخدعون من أجل موافقة البنت وحالما تتم الموافقة يظهرون وجههم القبيح حتى في ليلة الزفاف ... فـ حسبنا الله فيهم ونعم الوكيل |
| الساعة الآن +4: 06:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.