|
بـــقــــــــــالتـــــــــــــــي ,,,,,,,,,,,,,,,,, ( أريـــد حلا عاجلا ) ؟؟
السلام عليكم ورحمة الله وبركاته أنا أعرف أن الموضوع ليس هذا مكانه لكن أرجو من إخواني المشرفين تركه يوما واحدا فقط حتى أجد حلا ولهم مني جزيل الشكر .. أنا لدي بقالة في الحي الذي أسكن فيه , وجاء شخص جديد وسكن في الحي ولما عرف أني صاحب البقالة طلب مني أن أسمح له بشراء أغراض من البقاله وأسجلها عليه ( يعني يبي يتدين ) , وبحكم طيبتي وحبي للخير وثقتي فيه سمحت له بذلك , وبعد أن وصل قيمة مشترياته في شهر ونصف 1500 ريال وقفت حسابه , ثم طلبت منه بأدب واحترام أن يدفع المبلغ الذي عليه وتكرار ذالك أكثر من مره وفي المره الاخيره قال لي : أنه لا يملك شيئا وأنه ليس في وظيفه وقال أيضا ليس لديك مبلغ عندي واذا أردت أن تخبر الشرطه فافعل ما تشاء !!!! ماهي الطريقة المناسبة لاسترجاع المبلغ ( أريد حلا منطقيا ) ؟؟؟ غفر الله لكم ولوالديكم وللمسلمين أجمعين |
اخي العزيز اول شيء ماعندك دليل تثبت انه عنده 1500 ريال لك اعرف انك مسجل عليه لو هو موقع على اللي مسجل ممكن تقدر تحاسبة مافيه دليل الا اذا اشتكيت وعترف هذا شيء ثاني قله لبغيت تبي حقك ادع عليه دعوة المظلوم وهو امامة
|
ونصيحة لك أخي لبغيت تخلي اي شخص سجل عندك لازم تخليه يوقع ويسجل اسمه
|
صح كلامك اخ امير نفسي
اكيد علشان الواحد يضمن حقه بعدين انت شف وضع الرجال هل هو فعلا مايقدر يسدد اذا كان يقدر بس يماطل ذكره بالادلة والاحاديث وخوفه بعقوبة الله له .....و لااذا كان فعلا مايقدر امامك احد حلين -اما انك تستعيد المبلغ من اخو هالشخص يعني اخوه او ابوه او تكلم جماعة المسجد بوضعه - او انك تقول اللهم اجعل ثوابهن واجرهن لي ولوالديني اذا كان الشخص محتاج (( اكيد بتقول انا مافتحت بقالتي وقف وسبيل بس اقولك ازين من انه تروح فلوسك كذا لا كسبت اجر ولا كسبتهن والحياااة دروووس |
جزاك الله خير يا أمير نفسي كلامك صحيح لو أرفع عليه شكوى عند الشرطه ممكن راح يجحد لأنه مافيه دليل .. لكن مافيه حل آخر غير الشكوى ؟؟ |
الحل ياعزيزي انك تودع قريشاتك الله يخلف علي انا واياك انا عندي دفاتر تفوق الثمانين الف ريال واعتبرها ديون معدومه على مدى 10 سنوات تقريبا . ( من ترك شياً لوجه الله عوضه الله خير منه <<< انصحك بأن تطلبها بالتي هي احسن وان لم يفلح ذلك فتركها لوجه الله وتعلم منها درسا
|
اقتباس:
شكرا أختي لحظة فرح أما بالنسبه هل هو محتاج أو لا فلا أعلم !! أما حلولك فالأول أنا كلمت أبوه وأخوه وقالوا ليس لنا دخل بالموضوع تفاهم أنت واياه .. أما الثاني فكيف أتثاوب بالفلوس وأنا ما طلعتهن من جيبي بنفس راضيه ؟؟ |
اللهم اجعلها بموازين حسناتك .. وش رايك عاد مو احسن كذا
|
بلغ وجرب<<<<<حسوووووود تقبلوا مروري ولـ بريدهـ ـد |
يالله ..! وشلون تسمح نفسه يآكل ويوكل عيآله وأهله مآل حرآم ..!! الله يعوض عليك ياخوي .. ربما إن الله يهديه ويرجعهن من غير شكوى وغيره |
الله يعوضك اخوي ..
انت حاول تكلمه بسلوب حلو مره 2 -3 وشف وش يقول اذا اكتشفت انه عنده المال قدم شكوى وانا اخوك واذا اكتشفت ماعنده شي .. مثل ماقالت اختي[~ لحظة فرح~] انك تقول اللهم اجعل ثوابهن واجرهن لي ولوالديني .. الله يرزقك ويرزقنا والمسلمين اجميع |
الله يكون بعونك ................... ندمت ..
|
ماقوووول الا عوضك على الله واسال الله ان يعوضك خيرمنه وعامله بالتي هي احسن لانها من صفات المؤمن ولعلة اذا رى حسن تصرفك احس بالخجل وسدد لك مبلغك ( طبعاً مع اقفال الحساب )
|
الله يهديه بس قله باللين أنا أبي أصبر عليك شوي لمان تجمع فلوسي واذا ما جابهن أدع ربك و ربك بأذن الله يحلها |
خله يقصدهن عليك كل شهر 200 ريال والشكوى على الله ..
يقولون الشيبان : ياما ضاع على الحاج من جمل .. :) وأعتقد بأن (1500) ريال لا تستحق كل هذا الاهتمام .. والله يعوضك عنهن بـ بمليون ونص .. بس لا تنسانا لاصرت تاجر .. :) |
قلّه تفداك ومسامح ياجار لوتبي سلف عطيتك بعد .. رمضان كريم |
ضعف الوازع الديني ,, الحمدلله والشكر,,
وعينه قويه بعد يقول رح بلغ الشرطه!!!!:eek: |
لو انا بمحلكـ تسان توطيت بطنه اما الحل المنطقي ما لك الى الشرطه ... ونتسانه فقير صدز خله بنية الصدقه ولا عاد تدينه .. تقبل مروري ... |
كتكوت بريدة : نصحته باللتي هي أحسن ولكنه عديم الضمير .. شكرا لك ولـ بريدهـ ـد : ودي أبلغ لكن لا يوجد دليل قوي على مشترياته غير دفتر الحساب ولا أظن إنه يبي يفيد .. شكرا لك غــــ م ــــوض : والله يا أختي اللي مابقلبه إيمان يجي منه أكثر من كذا ولا يفرق عنده الحلال عن الحرام .. شكرا لك ~وراهـ تسذا~ : نصحته وتكلمت عليه أكثر من مره وما استفدت واخر شي أنكر كل شي وشلون أتثاوب وهي ماسمحت نفسي بهن .. شكرا لك ندمت من بعدك ياسعود : جزاك الله خير واقعية : جزاك الله خير نسيت اسمي : سوف أنظر بكلامك .. شكرا لك بلغني مناي : هذا لا قالولك إنسان وسيع وجه .. شكرا لك |
رح اشتك وخذ حقك ولا تستحي من الناس الحق حق |
اقتباس:
أشكرك أخي أبو ربى .. لكن وشلون أقسطهن عليه وهو من كلامه مانوى يرجعهن ؟؟ والله ياحبيلك 1500 ريال تستحق الاهتمام إذا صار أبجيب للبقالة أغراض بـ 1500 ويبي يطلع لي المكسب 3000 ريال مهيب سهله ومافيه عيب الواحد يطالب بحقه لو هو ريال .. أنت خل بس المليون ونص يصيرن بيدي وازهله مالك إلا اللي يطيب الخاطر :d |
أجل مادام أنه ما عنده نية يرجعهن من الأساس فـ خلاص ما باليد حيلة .. لكن شف ..
إما أن تحتال عليه وتجعله يقوم بكتابة ورقة بأنك تريد منه هذا المبلغ وأن تقول له هذه الورقة فقط عن وفاة أو فوت .. وبشهود أيضاً .. وبعد أن يكتب لك هذه الورقة قدم عليه شكوى << نذل .. :) وإن لم تستطع أخذ ورقة منه .. فعليك .. التالي : قدم فيه شكوى بالمحكمة الجزئية .. وحينئذ سيطلب القاضي منك الإثبات ( البينة ) على من إدعى .. والحلف على من أنكر .. وبكل تأكيد ليس لديك أي إثبات .. حينها سيسألك القاضي هل ترضى باليمين وستقول أنت نعم .. بعد ذلك إما أن يحلف خصمك .. ونقول لمالك الله يعوضك خير أو أن لايحلف ويتراجع عن حلفه عند القاضي وحينها سيثبت حقك عند القاضي .. وبهذه الطريقة سيصدر صك حكم عليه بإلزامه بالسداد .. وبعد ذلك تستلم دراهمك .. :) الله يعوضك ياخيي .. ويرزقك من واسع فضله .. |
هاوي الربع :
بصراحه ودي أجلده حتي تبرد تسبدي .. والشرطه قلنا يبي يجحد .. وبعدين حتى لو هو فقير ماعندي مانع أحتسب الأجر لكن أسلوبه ياخوي جاف يخليك تكره تصدق عليه .. شكرا لك أبو برق : هذا اللي يبي يصير .. صدق لا قالوا ماودك تحسن لأي أحد هالوقت لأن بعض الناس يقابل الاحسان بالاساءه .. شكرا لك |
اقتباس:
والله الحل الأول منطقي وزين بالحيل إني أحتال عليه حتى إذا وقع أمسكه عليه دليل وبعدها يبي يجن غصب عليه إن الله كتب .. أما الثاني أبو ربى إعقل تكفى :d والله يبيلها نفس طويل والمبلغ مايستاهل كل هالمراكض بالمحاكم يعني شي قريب ما يتعدى الشرطه .. آآآمين جزاك الله خير ويرزقك ويرزق المسلمين أجمعين |
xX DUNHILL xX |
شف وانا أخوك ترى الدنيا دروس وإحمد ربك هالدرس ب1500 ريال قل ( اللهم اجرني في مالي واخلف لي خيرا منه) لاتخاف يبي يعوضك الله خير بإذنه تعالى وسامحه بها الشهر الفضيل وحط لك بكيسة قمر دين وعجينة سمبوسه وعطها إياه . وانت وانا أخوك تبيع وتشتري والبقالات لازم الدين وياداخل درب التجارة لازم ترضى بالخسارة أما المحاكم خذ شوووووووري لاتطلع مطلوب فك عمرك يارجال ترى الشيخ يبي يقول إذاماعندك إثبات معتمد وإلا ماعندي لك شي . نصيحتي وانا أخوك إن كنت يجيك الهم في الأمور اللي ماتقدر عليه دور لك وظيفة واكتب على البقالة للتقبيل |
الله يرد لك مالك ~
|
الله يعوضك خير منهن كثير ناس تصير لهم مثل حالتك واعرفهم شخصيا ويكون المبلغ كثير مثل 15000 بس اذا انكر الشخص المدان وان:i121ت ماسجلت كم ادنته سلم علي فلوسك لاكن حسبي الله علي الضاااااااااااالم
|
على حسب رده لك اذاا تحس ماوراه دفع ويطاول عليك اشتكي عليه
واذا انه ماعنده صدق وتاكدت من هالشي ويقول اصبر علي ...... اصبر عليه لك الاجر |
الله يعوضك خير
|
الله يخلف على قريشاتك :confused:واذا كنت تريد السلامه فأحفظ فلوسك عندك ، ولا تسلف احد ولا تتسلف من احد ؟؟ ترى الامانه اليوم مش ولا بد ؟؟؟ وشكرا |
ناصحلك سكر باب الدين ولا تخلي احد يتدين من البقالة اريح لك من وجع الراس |
الناس بهالوقت مافيهم أمانه تساعدهم ويتنكرون لك تصدق ابوي سلف اكثر من شخص المجموع قرابة
300 ألف ريال وشبه راحن الله يخلف على أبيي ويعوضه خير منها هذا ينكر والثاني ابت شمسه والثالث يقول ماعندي شي إلى الله المشتكى انصحك التعامل معه بخلق وتخوفه بالله وتقول له اذا ماعندك أصبر واذا عندك أبي حقي والله يعوضك خير |
انا راي اتركه على الله يمكن تكون خير لك او لي عيالك
|
.
مااالك حل الا انك تساامحه ومتى مافتح الله عليك رجعهن ان شاء الله . |
اخي نصيحه لاتشتكيه ودعه وشأنه وقل يارب اني عفوت عنه اخي مؤكد ان حياتك لن تتوقف على هذا المبلغ وانت بشر ومؤكد ان عليك سيئات فعفو عنه وتأكد ان الله سيعوضك خيرا
لكن لاتدع هذه التجربه تقف في طريقك وهي عدم مساعده المحتاج وتفريج كربتهم الله يعوضك خيرا في الدنيا والاخرة وييسر امورك تذكر ماعند الله لايضيع |
أشكر جميع الأعضاء بلا إستثناء على المشاركة وإعطائي الحلول المناسبة لا سترجاع المبلغ الذي تدينه هذا الشخص (f) وأود أن أخبركم أن المبلغ ولله الحمد قد تم سداده في هذه الليلة .. والقصه أرويها لكم وهي أني ذهبت إلى بيتهم وطرقت الباب ثم طلبت والده وبعد أن خرج حكيت له ما حصل بيني وبين إبنه , فقال لي بالحرف الواحد إفعل به ما تشاء سواء شكواه للشرطه أو ضربه أو أي شي فأنا لا أملك والله ريالا واحدا ثم طلبت منه أن أقابل إبنه فلما جاء قال والله لا أملك ريالا واحدا ولما رأيت بيتهم المتهالك ووضعهم الصعب قلت لهم : إذا أنتم فعلا لا تملكون شيئا فأنا من الآن لا أريد منكم شيئا لوجه الله وعسى الله يكتب لي الأجر على قد نيتي فاعتبرتها صدقه لهم ثم ذهبت للبيت وكان وقت الإفطار وسبحان الله بعد صلاة التراويح جاء فاعل خير لعامل البقاله وسدد المبلغ كاملا وقال هذا مبلغ فلان يا سبحان الله شوفوا الانسان لما تكون نيته صافيه ( اللهم لا رياء ) مع أن فاعل الخير لا يعرفه صاحبي ولم يعلم عنه ولم يعرف فاعل الخير القصه حتى الآن سدد ومشى ( يمكن يكون ملك من الملائكه :d ) وشكرا لكم ولفاعل الخير ..!! |
شكرا لك لئنك لم تشكوه هذا من طيب اصلك
|
اقتباس:
ليه انت شفته وسألته ;) ياحليلكم وياحليل سوالفكم :) |
| الساعة الآن +4: 08:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.