|
هل تؤيدون السفر خآرج السعوديه لشهـر العسـل ؟
السلآم عليكم .. كل عآم وأنتم بخـير تقبل اللـه صيـامـكم وقيآمكـم من أستعـدادات الشبـاب للزواج أنـه يجعـل للسفـر نصيبـاً من المـال ومن الوقـت وجميعـنا جرب القـفص الزوجـي ومافيه من أحداث أكثرنآ قد سـافر سواء خارج السعوديه أو داخلها ولكـن تعلمـون أن الفتـاه تمتـلكها روح العـاطفه والاحساس وانتـقالها من بيـت أهلهـا إلى حيـاة زوجـيه مع شخـص هو قبل الزواج غـريب بالنسبه لهـا أمر مفزع ومتعب نفسيـا لها .. ناهيـكم عن الحيـاء والخجـل الذي يلازمهآ في شهـر العسل سؤالي هـو هل تؤيـد السفـر خـارج السعـوديه أو بعـدها بمـده شهـر أو شهـرين ؟ وتقـضي شهـر العسـل داخليـا في السعـوديه وبعدهـا بفتره تسـافر خـارج السعـوديه ؟ نريــد آرائكـم من واقـع تجـاربكم أو تجـارب غيركـم وفق الله كل المتزوجين والمقبلين على الزواج ( مثلي ) بحياة زوجيه سعيده هانئه دمتـم بحفظ الله ورعايته (f) |
لا مساكين بعض الناس على الطائر نسافر خارج المملكة وكثير من المشاكل تحدث هناك صدق يكفي العلاقة بينهم جديدة لو صار شي لواحد منهم كيف يتصرف الثاني عاد لو حدث شي للزوج ماذا تفعل الزوجة لوحدها موقف خطير .. خلكم في بلادكم وبين أهلكم ومكة لا تفوتكم والطائف وابها |
انا بالنسبة لي فلمانع ولكن يكون البلد اسلاميا يعني يكون
كا اندونيسيا اوماليزياء وغيرها من البلدان الاكثر استقرارن وامنا |
.., برأيي ان المكان اللي ينوي الاتجاه له يكون معرووف لدى الزوووج .. يعني ما يكون فيه اي مكان للضياع او المشاكل بقدر الامكان .. لهذا فأنا اؤيد السفر للخارج لكن بترتيب واضح ودقيق .. |
هــو عادي اذا الطرفين متفقين :)
المشكلة اذا سافرت واختلفت مع الفتاة حول الحجاب والتغطي .. :d |
انا رايي ان اول الزواج اقضيها ببلدي وبعد ست اشهر او خمسة اطلع برا بالخارج اندونسيا او ماليزيا او مصر لان السياحة بالخارج قليلة التكلفة وجمال وابداع ومناظر خلابة اما بالداخل فلا تعليق رسومات واجد وتكاليف فان اايد السفر للخارج بعد ست اشهر من الزواج لان المراة تكون مستحية ولاتتكلم كثير لانها في بداية زوجها وزوجها ماعرفت طبعه ولا نفسيته الى الخ..... فاذا كان السفر بعد مدة مثل ماذكرت فهي ستكون احلى لان الزوجين تفهموا نوع ما وبالله لتوفيق |
.. آرآء صريحـه وجميـله فعـلاً المشكله تكون أن الأزواج لم يفهـموا بعـض وماأخذوا على بعض السفرة تروح وهم كل واحد مستحي من الثاني وينحرج منه يعني الواحد دافع فلوس ومكلف نفسه علشان ينبسط وفجأه يشوف اذا سافر ان الأمور ضده ماستمتع بالسفره وعلى حسب كلام أحد الزملاء يقول أكثر من واحد يسافر بشهر العسل ويسافر بعده مثلا بشهور يقول ان السفره الثانيه أفضل من السفره بشهر العسل شكرا لتفاعلـكم أعزائي (f) .. |
اقتباس:
خمسه او ست شهور كثيره .. كل هذا تعارف ؟؟ اتوقع يكفي التعارف اسبوعين او ثلاثه ... اما بالنسبه للسفر فانا أؤيد السفر بعد الزواج بيومين او ثلاثه ويكون لمكه او ابها (داخل السعوديه) اهم شيء يسافرون , لان السفر يقرب بين الزوجين ويكشف المستور بمده قصيره , اما بالنسبه للسفر برا ,, ما أؤيده ابدااا .... الا اذا كان للدراسه ... شكرا اختي |
شكـرا أخي مهستـر
قـد أوافقـك الرأي وقد أخـالفك ولكن في الحيـاة الزوجيـه لابد من الفتور العاطفي والفتور العـاطفي غالباً وأقول غالباً يأتي في الشهـر السادس وربمـا قبله وربمـا بعده فكـلام الأخت في هذه الفتره من خمس الى ست شهور أعتبره من الأنسب أن يكون هناك سفر ترويحا عن النفس وتجديد للشعور العاطفي بين الزوجين وبالنسبه لعدم السفر خارج البلاد الا للدراسه فأحترم رأيك لكن السفر خارجيا هناك أرقى أماكن وطبيعـه خلابه تشعرك بأجواء جميله ورائعه جدا شكرا |
أخووي مزحلط ...
أنصحك تسافر بعد زواجك بأسبوع أو أقل لخاااارج المملكة ومثل ما قال بعض الأعضاء (( ماليزيا- اندونيسيا - سيريلانكا - المغرب - الأردن )) بس بشرط تكون أنت سافرت لدولة اللي انت بتروح لها قبل يعني مع أصحابك أو أهلك وتكون عارف الوضع هناااااك ........................ ندمـت .......... |
نعم اؤيد بس يكون مع زوجته
تقبلووو مروري |
انا عن رايي لاؤيد السفرالا داخل
وبعدين سافر خارج احسه يكون افضل |
انصح بالسفر بشدة .. بعد الزواج بأكثر من 3 أيام الى اسبوع
اذا سافرت انصحك نصيحة حطها بين عيونك ( لا تسافر أكثر من 10 ايام ) لأنه بيطقك انت وحرمتك الملل والإحباط اما موضوع البلد اللي بتسافر له فإذا كانت أمورك المادية جيّده احرص على النمسا أو سويسرا ، واذا وضعك ما يساعد عليك بماليزيا اما اذا طفران ولعبت فيك القروض عليك بالشرقية 4 ايام وارجع لاهلك والله يوفقك ويتممّ عليك بخير |
نـعم أنصح بالسفر وللخآرجُ أيضآْء لـكنُ حبذإ لو يكـونٌ متفاهمين من جميع الطرفينُ لكي لايقع لهم اي احراج عندما يكونون بعيدون عن اهلهم وفق الله الجميع لما يحب ويرضىأ |
سااااااااااااااااااااااااااااااااااااااااااافر برا المملكة لسببين
1-التكاليف اقل هناكـ 2-الأماكن والجو احسن أنصحكــ بتاي لاند |
فيه نصيحة أعجبتني لأحد الشباب قالي:
سافر بعد العرس لمدة أسبوع إلى عشرة أيام، وبعد ثلاث شهور أو أربعة، سافر عشرين يوم اللي هي سفرة شهر العسل. يقول في السفرة الثانية تكونون أخذتوا على بعض والأمور مزبوطه وتمام، والله يوفق كل معرس :d. |
اؤيد وبشده
لانه فرصه للزوجه..... مافيه امل يسافر به زوجه بعد ايام العسل ابداااااااااا وان سافر فيها حدها الشرقيه يومين |
السفر للخارج اقل تكاليف والاجواء احلى والسفره بعد 3 ايام من العرس او 4 ايام |
اقتباس:
قوية النمسا وسويسرا :d وراه وراه ياأخ كايف أنت على بالك شبابنا نايمين على كنوز من المال ,, يارجُـل عساهم يدفعون المهر وكثّر خيرهم ومشكورين ماقصروا وبيّض الله وجيههم إلى يوم يدخلون الجنة .. عودة للموضوع / لي وجهة نظر عن السفر للخارج بعيداً أقصد مش للدول العربية الخرباطية .. اللي عندهم فلوس زائدة أي لاحاجة لهم بها لابأس يسافرون لأوروبا واللي ماعندهم غير قوت يومهم ومايحتاجون إليه بالأساسيات , ماله داعي يدعدعون ويفشخرون على غير سنع إقالهم أصحاب ثروة ويقلدون فلان وفلانة وغيرهما .. ترى ماوقفت الحياة على سفرة لباريس أو لندن ,, والتقليد يجلب الأمراض المزمنة .. الناس غير وأنا غير , اللي عندهم ليس شرطاً أن يكون عندي وماأعطاهم الله ليس لزاماً أن يعطيني مثلهم , لذا واجبٌ علي أن أحترم ماأملك من مال وأن أضعه بما يخدمني في حياتي طالت أمْ قصرت .. أنا مسؤولة عن بيت حمل داخله ذرية بإذن الله صالحة فجديراً بي أن أكون أكبر من ( مجاكر الآخرين ) إذا عندي فحيا هلا وأما بنعمة ربك فحدث , لكن الحديث لأغلبية شعبنا الطفران ومع ذلك لازالوا يهايطون ويأكلون أنفسهم بأنفسِهم . هذا بغض النظر عن حياتهما الماضية فالكثير من المتولعين بالسفر خارجاً مُكثريّ الحديث عنه هكذا فجأة بدون مسببات , حدهم القصيم ولم يعرفوا السفر إطلاقاً لذا بعد زواجهم كل شيء ( ينفق ) وكأنهم جالوا الدنيا فيما سبق . بعض الزوجات تحاول جاهدة إرغام زوجها على السفر لمناطق تفوقه حجما فقط لتثبت للآخريات من حولها أنها تعيش برغد . تناست أن الآخريت على علم بما يكون زوجها وكيف هي حالته , فلايغبط شخص إعتصر نفسه ليسافر بل المغبوط من لديه المزيد والمزيد من نعم الله . فالسفر للأسف لم يُعد سبباً للترويح عن النفس وسبباً لإشباع فضول الإنسان لرؤية كل جديد بل أصبح لإخبار الآخرين والمقارنة معهم يعني بلغة محلية للمهايط لاأكثر . مجرد ماتقلع الطائرة تصل رسالة لكل صديق وقريب أنهم على متن الطائرة متجهين إلى دولة كذا وبعد العودة تنفجر الأذان بكثرة الأحاديث حول رحلتهم .. هذا أخص فيه النساء لأني أعيش بينهن ولاعلم لي بالرجال , ولذلك أحاول الهرب من كثرة السفر لأتحاشى الوقوع بما وقع به الآخرين . وأيضاً ضد السفر للخارج إلا في حالة الثقة بعقلية الزوجة , لأن النساء في الغالب سبب سفرهن مش ولابد . ويتمنين مع المحاولة على إشعال الحسد تجاههن من قبل الآخريات , وهذا التفكير لايخفى على من عاشرت النساء بشكل كبير . فيه إنسان يتمنى إن الآخرين يحسدونه هع هذولي حريمنا :d .. |
وعليكم السلام ..
وانت بصحه وسلامه .. آمين يارب العالمين.. احسن شيء شهر العسل يكون داخل السعوديه,لانهم لسى مايعرفونا.. |
اقتباس:
وان وش ابي به اذا صارت ماتتغطى |
اقتباس:
مو شرط يكون معك كنز عشان تروحين اسعار الفنادق هناك معقولة نسبةً للطبيعة والأجواء الرائعة وبصراحة اشوف انه من الغباء ان الواحد يسافر داخل المملكة باستثناء مكة المكرمة للعمرة فقط ، لأن السياحة الداخلية باختصار ( استغلال ونهابه ) مثل ماتشوفين في جده وأبها والشرقية وغيرها في أوقات المواسم يعني لو سافر أحد وحجز فنادق 3 نجوم بأوروبا راح تكون التكلفة قليلة وبنفس فخامة الـ5 نجوم في المملكة هذا غير العروض السياحية اللي تنزل بالمواسم للشخص بـ 9 الاف ريال تقريباً شاملة تذاكر وسكن يعني مابقى الا امور المعيشة من أكل وخلافه بعدين شهر العسل مرة بالعمر ( بالنسبة للي مايبي يعرس مرة ثانية :d ) يعني مافيها شي لو الواحد صرف شوي وانبسط لأنه ماراح ينسى هالسفرة لين يموت |
| الساعة الآن +4: 05:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.