بريدة ستي - إلــــــــــــــــــــــــى مـــــــــــــــــــــــــــــــــــــتى حالة الرعـــب؟؟؟

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

- - إلــــــــــــــــــــــــى مـــــــــــــــــــــــــــــــــــــتى حالة الرعـــب؟؟؟ (http://www.buraydahcity.net/vb/showthread.php?t=223864)

*$ابو خالد$*

13-09-2010 02:05 AM

إلــــــــــــــــــــــــى مـــــــــــــــــــــــــــــــــــــتى حالة الرعـــب؟؟؟

حي الافق يستغيث بالله ثم بصاحب السمو الملكي الامير فيصل بن بندر حفظه الله ..

السلام عليكم ورحمة الله وبركاته ..

قاتلين فرحة العيد
..يقتحموون البيت (بالمسدس) وتهديد بالقتل ..

بالامس ثاني ايام العيد .الثاني من شوال .العاشره مساء.بكل جرئه يرن جرس المنزل كانه احد الاقارب
لتاكد من خلوه من اهله..ويقتحمون على الخدم في المنزل (
الخادمه والسائق)

وقام بتهديدهما بالمسدس ع روئسهم ...
وتم اقتحام البيت .
حالة الحي مرعبه جدا ...
هذا سادس بيت يسرق !!.

واخر سرقه قبل ثمانية ايام والناس تصلي التهجد ...

ماهذه الجرئه .؟؟؟
إلى هذا الحد امنوا العقووبه ..؟؟؟

يرن الجرس .!؟؟

من متى الحراميه يدقون البيبان يستذنون للسرقه ..

الله لا يفجعنا
توكلنا ع الله ...واستودعنا الله ديننا وامننا و اموالنا وذريتنا ..

حسبي الله ونعم الووكيل
الـــــــــى متــــــــــــــــــــى ..؟؟

حالة الرعـــــــب !!!

املنا بالله ثم صاحب السموالملكي بمتابعة الامر

عصير مشوي

13-09-2010 02:33 AM

ياناس وش صاير لنا كم يوم وحنا نسمع سريقات غير طبيعه خصوصا ببريده وش السالفه يعني معقوله يكون السبب هو تغير مدير الشرطه في منطقه القصيم وانا الزهراني فاشل الى هذي الدرجه انا لم اقل انه فاشل لاكني سالت هل من المعقول انه فاشل؟؟؟ يعني من بدايه مسكه لمنصبه ونحن نسمع سريقات بالجمله ماذا يحدث اين انت ياطلحه لقد فقدتك القصيم

سالي..

13-09-2010 02:35 AM

بسم الله علينا الله يحمينا ويهدي ها الحراميه

هشاآآم

13-09-2010 02:44 AM

صدقني هذولاء بزران الحارة اللي يتجمعون فيها

عبدالله الصالح

13-09-2010 03:32 AM

والله مشكله ..

أمس قبل الفجر وتحديداً الساعة الثالثة قبل الفجر يرن جرس بيتي !!! أخرج ولا أجد أحد؟؟؟

والله قهر ..

ابن الوزير

13-09-2010 04:05 AM

اغلب من يسرق عنده خبر من البيت المسروف

ديـما

13-09-2010 04:54 AM

اقتباس:

المشاركة الأساسية كتبها عبدالله الصالح (المشاركة 2494406)

والله مشكله ..

أمس قبل الفجر وتحديداً الساعة الثالثة قبل الفجر يرن جرس بيتي !!! أخرج ولا أجد أحد؟؟؟

والله قهر ..

أجل انتبه ترى الدور عليك :d

*أموت وعزتي حية*

13-09-2010 05:02 AM

الله يستر علينا بس

التواضع

13-09-2010 05:04 AM

اقول لا طالبون الرئساء الكبار لانهم ماجابو خبرك مرتاحين وماكلين وش تبون اكثر من كذا

أبورامي

13-09-2010 06:52 AM

السيف الأملح صار طنازة

البلح

13-09-2010 07:01 AM

أنا سمعت واحد راعي سرقات حكم عليه بقطع اليد ثلاث مرات ويتم التوسط له ويخرج وكأنه لم يفغل شيء

California

13-09-2010 07:50 AM

انظر الى الشباب اللي يتجمعون في الحواري فهو منهم 100 بالـ 100

اوركيد

13-09-2010 07:57 AM

لا حول ولا قوة الا بالله

يااااااااااااارب ان الأمن نعمة عظيمة
فلا تفقدنا اياها ياااااااااااااااااااارب العالمين

اللهم آآآآمين **

نالا	13-09-2010 08:06 AM

لاحول ولا قوة الا بالله

كل اللي يسرقون يايصيرون من نفس الحاره او الحاره اللي جمبكم

يراقبون البيوت
ولانهم يدرون متى فلان بيسافر ومتى بيجي
جيراننا اغلبهم انسرقت بيوتهم

واللي يبي بيته ماتنسرق كل يوم يقول مع الاذكار اللهم اني استودعك بيتي والخ...........

وحده مفهيه

13-09-2010 08:23 AM

الله يستر بس
وين دوريات الشرطه ؟

تاج القصيم

13-09-2010 08:43 AM

الحل الوحيد هو عودة الحرس القديم
يعني كل بيت وسلاحه عنده

يمر واحد غريب بالحارة تطلق النار

لايجي واحد ويقول غشيم

ماعندك أمن

وترانا من يوم بعد يوم أردى

ياناس يامسؤلين خوفوا الله في المواطن

إذا ماتقدرون تحموننا وتحمون ديارنا صرحوا لنا ونقوم بالمهمة وناخذ حقنا بأيدينا بلا منة منكم

suma	13-09-2010 08:56 PM

حسبي الله ونعم الوكيل
بيت اخوي بالافق سرق مرتين نهاية شعبان والمره الثانية نهاية رمضان وبيت جاري بالاسكان ثاني العيد وبنفس الطريقة تكسير ابواب واحداث فوضى داخل البيت اين الحرمات اين الامن السري ، هل من مغيث .

المشاغبة

13-09-2010 09:17 PM

$ ,, $

اقتباس:

المشاركة الأساسية كتبها وحده مفهيه (المشاركة 2494961)

الله يستر بس
وين دوريات الشرطه ؟

آ مين الله يستر ,, والناس مستخفين فيها:oo

$ ,, $

سراب الوقت

14-09-2010 12:18 AM

وياما حتشوف

ابووليد502

14-09-2010 12:31 AM

كل هذآ يصير وحنآ مآدرنآ ولابعد بحي الأفق
وين الأمن والأمآن الله يخلف بس..

suma	14-09-2010 12:56 AM

السلام عليكم ورحمة الله وبركاته
اخوي التواضع
غير صحيح اللي تقوله حنا اذا اجتهدنا بشكل مكثف للسيطرة على الحاره كلن في مكانه والمراقبة عند الدخول او الخروج للحاره راح تثمر صدقني وانشالله المسؤلين فييهم الخير راح يبذلون اللي نامل منهم بس لازم نخلي عنا الاتكالية ولا نسأل الغريب عن الحاره وين رايح ولا وين جاي تراها مافيها عيب لما يكون غريب وعابر سبيل ماراح يزعل من السؤال اما اذا كان العكس صدقني انه بينخزي ولا راح يرجع لانه صار مكشوف
ودمتم بحفظ الرحمن

البار ببريدة

14-09-2010 04:02 AM

السبب
لان مافية عقوبة قوية تردعهم العقوبة شهر بالسجن واطلع لو يطبق قطع يد كان ترى الناس متادبة مثل نظام ساهر

مــرعــب

14-09-2010 04:08 AM

شفت موضوعك وحسبتك تعنين :d

عااادي

اهم شي الشكر على النعم !

((ابوعبدالله))

14-09-2010 04:21 AM

اقتباس:

المشاركة الأساسية كتبها عصير مشوي (المشاركة 2494326)

ماله دخل تغير مدير المرور
لكن السبب هو العقوبة
لوتقص ايده كان اعتبروا
غيره

فدآ عينك

14-09-2010 05:12 AM

كلها بزران مجمعه ،، حسبي الله ونعم الوكيل

بريده مدينتي

14-09-2010 05:19 AM

لله يكفينا شرهـــم والله اننا فقدنا الامـــــــــــن كله منهم عليكم بالدعــــــــــــاء عليهم

تاج القصيم

14-09-2010 05:55 AM

اقتباس:

المشاركة الأساسية كتبها ((ابوعبدالله)) (المشاركة 2496508)

ماله دخل تغير مدير المرور
لكن السبب هو العقوبة
لوتقص ايده كان اعتبروا
غيره

هو تكلم عن الشرطة وليس المرور

روح اهلها

14-09-2010 06:20 AM

الله يستر

جُ ـنـﯛنَْ

14-09-2010 08:46 AM

حـــــي السلآآم وحي البســآتين المساجد والبيوت تعـآني منهآ..
خالي بحي السلام جا واحد من جذاعين الحاره وحط خشبة على الباب علشان لآجآء احد يطلع حسْ
وهج..المهم سواه ويوم جاء خالي بيفتح الباب ويحاول ويحاول عجز ويروح مع الباب الثاني
ويشوف اثر الكفر مآخوذ..
الوآحد اهم شي يستودع بيتة واهله وطريقتهم يرنون الباب اذا مارد احد عليهم نطوا..
الله يهدينا وشباب المسلمين..
تحياتي..

^.^ باتشي ^.^

14-09-2010 01:05 PM

اللهم اجعل هذا البلد امنآ ... يااااارب

تحياتي لكم

*$ابو خالد$*

15-09-2010 01:40 AM

لاحول ولا قووووة الا بالله

دعــــواتكم ..

suma	16-09-2010 02:59 AM

حسبنا الله ونعم الوكيل
ابا خالد ان ما اصابكم اصابنا فأحسن الله لنا ولكم العزاء واسأل الله الكريم ان يعوضنا واياكم خيرا، فسهام الليل لا تخطي .

لا يحوشك

16-09-2010 03:14 AM

الله يمهل ولا يهمل

لا يحوشك

16-09-2010 03:17 AM

صدقني الله يمهل ولا يهمل

قاآآآآسم

16-09-2010 03:24 AM

ولا تبون تحتفلون باليوم الوطني عشان الأمن والأمان
قال ايش قال اليوم الوطني

جرماني

16-09-2010 04:55 AM

امن وامان
بصراحه صرت افكر اشعل هالشغله لا عقاب ولاحرمان

آآسيرعيونهآآ

16-09-2010 06:48 AM

لااازم يناااس نلقااا حل الى متى يعني ...؟؟:eek5

حنى الحين نبني بالافق ويوووم قلت لبووي السااالفه قلب وجهه ....

يقووول الله يعين اذا نقلنا .. الله لا يقووله وتصير ...:i125

لـــكن يوم رحنا اليوم تتطــــمنا شفنا الدووريه بكل مكااان ..:112:

مرااقبين الحييي زين يعطيهم العافيه ..والله يستر

نسيم الوادي

21-09-2010 02:43 PM

لاحول ولا قوة الا بالله

اللهم أمنا....

صاحب الجوال

21-09-2010 03:25 PM

انا اقترح انه ترجع العسه الي منول يمكن احد ما يعرف العسه منكم ( هي مجموعة من العسكر يمشون رجليه بالحارات قديما وانقطعت )

اقتراح ثاني تكوين شباب من الحاره وجعلهم على شكل ورديات يحرسون المداخل ومعهم حصى :029:

صبح صبح

21-09-2010 05:44 PM

ايييييييييه بس .،‘

ربكـ كبير يابن الحلال .،‘

الساعة الآن +4: 01:08 AM.