|
عاااااااااجل .. ما أقول يقالي .. شيء شفته بنفسي وحصل لي بطريق الرياض .. ساهر بالطريق
بسم الله الرحمن الرحيم حياكم الله أحبتي ,, كما هو واضح في العنوان .. كنت للتو قد رجعت من العاصمة الرياض .. وتحديداً يوم الخميس الساعة الـ 1 مساءاً .. وبينما أنا أسير .. إذا بـ كبسة جهنمية .. من اليمين .. ويوم التفت .. واثرهـ باص ساهر إبن الكوفت .. ويلقط سرعتي وأنا أمشي 140 .. والمشكلة إني سمعت أن هناك ساهر في الطريق وتحديداً قبل محطة العفش ب 15 إلى 20 كيلو .. ولكن في طريق الذهاب إلى الرياض لم أجد الباص ... فظننت أنها إشاعة .. ولكن في طريق العودة .. حصل ما حصل ..:eek5 وراح الطريق علي لهدة ونكد .. وحطيت حرتي بالموتر من شيء أوجسه .. وابشركم دعيت لهم قوووووة بالطريق :d ملاحظة .. لا يجي واحد مسوي فيها فاهم ومطفي النور.. يقول ليش تسرع ..!! إمش 120 آمن لك .. فـ أحب أقول حدث العاقل بما يعقل .. فهل تبي تقنعني إني أمسك طريق مكة أو أبها أو حتى الرياض .. وأنا مثبت السرعة .. على 119 .. !!!:d لا يا حبيبي ..! واللي يبي يجيب لي أمثلة إنه يعرف واحد ما يتعدى الـ 120 أو من هالخرط .. أقول لكل قاعدة شواذ .. ساهر وعجزنا نهضمه بطرق المدن .. أما مسألة إنه يحط بالطرق السريعة بين المدن .. هذي أم الكوارث .. وأول من يخالف هذا النظام هو العسكر نفسهم .. + موضع إعتراضي هنا .. هو على عدم إخبارنا بتطبيق هذا النظام على هذه النوعية من الطرق .. لماذا ..!! بينما أنهم ملؤوا الصحف تبجحاً بأنهم بدؤوا بتطبيق نظام ساهر في الشوارع الرئيسية داخل المدن .. وإلا حزك ما شفنا شيء ..!!!:i121 |
ساهر عليه ملاحظات كثيرة ..! خصوصاً داخل المدينة وتحديد السرعة في الطرق! فتجد شارع سرعته 80 وشارع أكبر وأوسع سرعته 70 أو 60 !!! وقاموا بتطبيقه دون دعاية قوية وتوعية في الشوارع .. فهو لحصد الأموال أقرب .. وكذلك ساهر في الدول الغربية أمام الناس في الطرق ويبين كم سرعة السيارة أمامك .. وعندنا كل يوم يغيرون سيارة ساهر وكل يوم في شارع ؟ لكن السؤال أليس في الطرق السريعة توضع رادار لتجاوز السرعة ! وتختبئ سيارات المرور خلف الأشجار وتحت الأحجار ! والجبال ! في ظني ليس بغريب أن وضعوا ساهر في الطريق ..:oo فهما سيّان ! وعن نفسي أنا أكره السرعة في الطريق .. والله يعين اللي يبي يخاوين ! ما أتعدى 120 ! ومع السواليف تنزل إلى 100 ! والحمد لله نوصل قبل اللي يمشي 140 أو 150 ! لأنني لا أتوقف ! واللي يدعس ويطير تلقاه يوقف عند محطة والا بقالة أو شيء ثم نتعدآآآآآآآآآآآه ! والله يحفظ الجميع من كل مكروه . |
يازين هاالجحه >>
شبعنا من ساهر ماغير شفط فلوس |
إنا لله وإنا إليه راجعون أحسن الله عزاك وجبرالله مصيبتك والله يخلف عليك راحت 300 ريال بهن 3000 صامولي من العربي |
ايه فيه ساهر قريب من العتش
ماسكه ابوي يوم الثلاثاء |
والله مشكلة لو يحطونه على الخطوط السريعة
عز الله ما سافرنا وبنخيس بالرياض يعني بريدة يبيلك 5 ساعات :eek5 |
جتني رساله على جوالي من سهااااهر ......... مخالفة سرعه و وقتها قبل أسبوع رصد المخالفه يعني ليلة العيد مااااااااااااااااااااااااا أدري وين هو منلفز ...
|
حسبي الله عليهم اوليدي عليه 800 .. وكلها بالطرق السريعه الي بين المدن مع ان ابوه محذره وقايل له بس عاد .. |
ياشباب استفسار
متى تجيك الرسالة انا لقطني ساهر قبل اربع ايام والى الان ماجاني شي تهقون اني موسوس لانه كشف قدامي |
ياخي مسكته امس الخط كل اشوي في وصاائل تهدأه يعني: كل 10 كيلو تلقى كانه تفتيش وفيه سياره لامن الطرق ليش.. مآآدري
|
والله ياهي كسل ساهر بالسريع:i121
|
الحــــــــــل لساهر هو ::
جهاز ردار 12 باند.. |
نعم لقد رائيته بأم عيني ساهر لقطنا ونحن نمش 140 قبل محطة العتش تقريبـآ بـ 20 كم
حسبنـآ آلله ونعم ألوكـيلٌ لـكن بالرجعه لم اراء سآهر ابدآ في الطريق |
احسن شيء لساهر دباب خاطوف وقضينا
|
اقتباس:
ياحبيلك من وين تاخذ صامولي عشر بريال ... |
جزاء الله الف خير من طالع ساهر بالطريق كان كثرات الحوادث من الشااب
وربي رحنا من القصيم لرياض دايم يجون مسرعين يبدون يكبسون اشوي ويصدموننا من السرعه اللي ماله داعي والله السرعه ماله دعي والله يعيننا على الطريق بكرا انوع الزحمه |
اقتباس:
كلامك درر وجواهر |
التوقع حلو
أحسن ما بموضوعك (توقيعك)
وشكرًا |
اييه الله يعيين
|
فك اللوحه القداميه وتوكل على الله .. |
اقتباس:
اذا انت صاحب الكامري البيضاء فكفوك المخالفه قومتني من النوم من سرعتك وقبض عليك انت واخوي ههههههه |
يابعد قلبي اذا تعديت تفتيش ام سدره فك اللوحه اللي قدام وخلاص انس تجيك قسيمه
وذا رجعت بالسلامه اذا تعديت صلبوخ فك اللوحه نفسه انا مجرب وصورت ولا جان شي وشكرا |
نتعجب دائما من الغرب ... وإنهم كذا و إنهم كيت ... و إنهم يحبون النظام ويسيرون عليه
ثم ... لما جاء من يحاول أن يبعث في النظام الروح .... خرجوا علينا منتفضين .... يا شباب يا رجال .... يا عقلاء ... ساهر والله لمصلحة الجميع ..... حتى لو جاء يوم و أخذت أكثر من قسيمة ... لا ألوم ساهر ... و لكني أولوم نفسي أن خرجت على النظام الي وضع من أجل سلامة الناس تدرون أن حوادث السيارات خلال عشرين سنة ما يقارب 82000 قتيل أي أكثر من ستة حروب مرت على العالم حرب أيلول الأسود حرب الصحراء الغربية حرب الخليج، حرب الهند باكستان ، حرب الستة أيام ، حرب الاستنزاف... تدرون إن الإحصائية فقط للذي يموت أثناء الحادث أما منم يموت بعدها متأثرا من الحادث فلا يحسب هذا غير الإصابات التي تعتبر أضعافا مضاعفة من هذا الرقم ... يقول المقدم ، صلاح الغيدان ، سألت أحد العاملين في مستشفى الشميسي عن تأثير ساهر في تقليل الحوادث بإذن الله .. فقال ،، كان يجينا في الشفت الواحد خمس وفيات وبعد ساهر فقط حالتين وفاة ... طبعا كل هذا بإذن الله ... والله أمرنا بفعل الأسباب |
^^^
كلالامك عين العقل لاكن فيه نقطه وهي: فيه سرعآآت بطرق ماتدري وشلون جآآيبينه يعني الطريق السريع 140 150 سرعه معقوله امآآ 120 يعني لارحت لمكه يبيلك 4444 يوم هع |
اقتباس:
يا حبيبي ما قلنا شيء .. وحنا هنا ما ننكر دوره في تقليل نسبة الحوادث والوفيات .. ولكن لنتريث قليلاً .. ودعني أسألك سؤالاً .. أليس غالب الوفيات هي بسبب إهما لمن قائد السيارة .. لايخرج من عدة حالات بعد حفظ الله وهي ( السرعة الجنونية من 160 وفوق = أو نوم السائق = أو كفر يطق ... أو أو ) يعني ما عمرنا سمعنا إن أحد صدم وهو يمشي مشي عادي متزن ,, طبعاً كل ذلك بعد امر الله وقضاءه وقدره .. الذ لا شك أننا نؤمن به ,, بإعتقادي أن السرعة المعقولة والمناسبة في الطريق أنها إلى 150 كحد أقصى .. هذا إن تم تطبيق هذا النظام فعلاً على الطرق بين المدن ,,, |
برد على قلبك انا صار لي اسبوع مصورتني كاميرة ساهر اللي قبل العتش وانا امشي 160 ولا نزلت المخالفة
|
الله يعينكم ...على هالساهر...
بلاع القريشات,, |
اقتباس:
الله يسمع منك .. وهي حتى الآن .. لم تصلني أي رسالة بهذا الخصوص ,, على الرغم إن النظام يرسل رسالة المخالفة .. بعد 24 ساعة من إرتكابها كحد أقصى حسب ما سمعت |
نعم انا مع ساهر وان شاء الله انه سوف يضبط الناس لاكن
لماذا لايكون فيه لوحات ارشاديه يعني لوحه واضحه مكتوب عليها امامك رادار الطريق مراقب في الرادار السرعه المحدده لهذا الطريق كذا الي حاط ساهر والله انه ماهمه الشعب اهم شي ياخذ فلوسهم .. الله لايوفقهم (انا اخذت مخالفه مع العلم اني ما اسرعت ووين في وسط بريدهـ الله اعلم بأي شارع .... والله قهررررررررر) |
اقتباس:
كان يخبط نظام ساهر من السرعة |
أصلاٌ وشوله السرعة ودي أدري وش تستفيدون منه.. شوفوا الحوادث كثرت سببه هالسرعة.. ابوي يخلي الطريق بدال ماهو ساعة ساعة ونصف ويالله عليكم الحساب:d |
| الساعة الآن +4: 09:49 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.