|
قد تكره أبنتك الزواج ... إذا رأت مثل هذا المشهد!!
السلام عليكم ورحمة الله قال لي ابن عمي اليوم كنت في أحد فروع العثيم ببريدة وأثناء التسوق إذا برجل وزوجته معه وإذا به ينهرها ويوبخها على كيس خبز كان في يدها وأخذه منها بكل جلافة ورماه بكل وقاحة وتحرك بسرعة لأنه علم أني رأيته فالمسافة بيني وبينه لاتتعدى نصف المتر ذهب في زاوية أخرى والمسكينة كادت أن تقع مغمى عليها من الإحراج وتحركت في اتجاه آخر وهي تكلم نفسها وتشير بيديها وكأني بها تقول (ياحظي المتعوس ) في الحقيقة أنني كنت أراقب الحدث كاملا وأخذني الألم كثيرا وقلت الحمد لله أن ابنتي ليس معي وإلا كانت ستكره الزواج وسيرته بعد قليل وإذا بهذا الجلف من بعيد يراقب هذه المسكينة وهي بين الرفوف تتفرج والمشكلة أنني كلما تحركت إذا بها أمامي وذهبت لركن الخضار فوجدتها كم هي مسكينة ذهبت له ونهرها ووبخها وما ملكت إلا أن نظرت حولها لترى هل علم كل الناس بحالتها مع هذا الجلف ذهب وتركها لتلحق به وكأنها ليست زوجته أو حتى قريبته قد يلومني البعض على متابعتهما ولكنني أتألم كثيرا عندما أرى امرأة تتألم من رجل لايعرف في هذه الدنيا سوى العنف والجلافة ولايملك مشاعر او احاسيس تردعه وأتألم عندما أرى شيخا كبيرا وهو ينتظر العون ممن لاينتبه له وأتألم من طفل صغير أو طفلة بين يدي من لايرحم هل مثل هؤلاء يستحقون أن يزوجوا أو يولوا على بنات كريمات يسكتن على مثل هذه التصرفات خوفا من المشاكل وبالمقابل يوجد من الرجال من يقدر زوجته ويحترمها وحتى وقد يدفع من الأموال كي يرضيها فقط مع عدم قناعته ولكنه لايبين ذلك تقديرا لزوجته وشريكته ورفيقة دربه واعلم كذلك ان من النساء نساء سيئات ومبذرات وخلقهن صعب ولكن ليس بهذه الطريقة أبدا ... تحياتي |
لاحول ولاقوةالا بالله نعم قد يكو ن هذا ديدن بعض الازواج عندما يخرج قليلا من المال حتى لوكان في نعمة اصلح الله الحال |
الله يعينهــــــــــــــــــــــــــا وبكل صراحه ماودي اتزوج اخاف اتبهذل المفروض مااخذه معه مشان مايكسر خاطرها بس الله يهديه مشكورررررررررر اخوي ع الطرح |
لو ابدل النهر .. بالكلام الطيب .. لما كانت المشكلة تكتب هنا .. !
كن بخير عزيزي وشكرا لكـًُ ‘ |
لاحول ولاقوة الا بالله
الله يعينها اذا هو ماعنده قلب ليش يتزوجها مسكينه الله يجيرها في مصيبتها احنا في زمن مخيف والناس عطت الرحمه والاخلاق اجازه |
والله الرجاال الحيين جفسين وما يرااعون مشااعر زوجاتهم.. داامكم كذا ما تتحملوون الحريــم ليش تتزووجون.. أنتم مو قد الزووااج وما تصوونون حريمكم ولا تقدرونها حتى في الأمااكن العاامه داايسين كراااامتهآ.. يآخي اصبر لحد ما تطلع من المكاان وسو فيها اللي تبي بس لا تفشلها قدآم العآلم:oo.. |
البنت ما تطلع من بيت اهلها
الا لزوج تحس انه بيكون احن والطف من اهلها هي ما تزوجت الا تدور على الحنان والاستقرار بس للاسف اذا شفنا بعض رجالنا كذا |
بعض الرجال ما عنده رمنسيه ولااسلوب في المعامله طلعه يوسع صدره جات ضايق الصدر
|
حدث عادي يحصل مع كل العوائل
يكفي مرااقبة الناس اشغل نفسك بنفسك من راقب الناس مات هماً |
يآ حبيبي النآس أجنآس
ولو شفت الجآنب الآخر تبي تشوف اللي وآطية خشم زوجها .. وليس من العقل أن تكرهـ شيء من موقف أو موقفين :) |
لاتشرهه عليه هذا كان يشوف ابوه يسوي كذا باأمه
وتعود على هذا والا انه من الاشخاص الي يعتبرون الحرمه لاشي في الحياة |
اعرف حريم يجرن ازواجهن مثل البقره لا يرحمنهم ولا يقدرن والله العظيم ان يقوم من العشاء من الخوف
انا ما ادافع عن هذا الجلف ولا يستاهل من يدافع عنه لان في الوجه الآخر موجود جلفه بعد مره من المراريت جالسين على الدائري وتتصل هاك المره على رجله وتسحبه سحب يوم راح وجاء امر تتصل وتسحبه والله اني اسمع لعانه وهو مكفي يوم جاء ثانية فض فض لنا عماء بداخله الله يكفينا شرهن ويكفيهن شرنا |
وعليكم السلام كلامك رائع واسلوب راقي المشهد اللي ذكرت رايت مثله امس في محل ابو ريالين اب يهاوش وينهر بنته عشان دفتر قدام الناااس والبنت وربي انها متفشله وتنزل راسها للارض يقولهاا لا تاخذين انتي خلي الهندي يختاار لك !! اعجب من هذه النوعيه من الرجال ولكن مثل ما قال الاخ الخفاش فيه بعض من الحريم تهاوش زوجها قدام العالم والناس وانا شااايفه مثل هذا المشهد تهاووش زوجه عشان ماشتراء العبه لـ ولدها وتقوله بالصريح انا ما اخذت شي من فلوسك كل هذا من تعبي وشقااي الصبح والله يهدي الجميع |
ياخوي بعض الحريم سبحان الله يجبون لك الضغط والسكربالسوق .
يمكن ذي رفعتن ضغط لتسذا شف ذذا:113: |
يااخي وانت ماشفت الا هالموقف
الله يرحم الحال ياكثر المواقف اللي نشوف توجع القلب مانقول الا ياالله الجنه المشكله اذاصرنا مثل فقراء اليهود لادنيا ولا دين الله يهدينا لذكره وشكره وحسن عبادته شكرا لك |
الله يعيــــــــــــــــن على هالدنيا
واعوذبالله من هالنوعيه من رجال ونساء |
نتألم مما تتألم منه.. وإن في القلب حرقة , وفيه صرخة لو خرجت لأسمعت أهل الأرض.. يحتاج أحدنا أن يكون رجلاً فقط بكل ماتحمله معنى كلمة رجل , وليس ذكراً.. لتكون حياته سعيدة.. |
:mad:
|
الله يهديه بس..
ياعمري يالحرمه من جد تنرحم كذا يسوي فيها بعض الأزواج ماعندهم أخلاق أهم شي في الزوج حسن الأخلاق |
انظر إلى الجانب المشرق في هذا الحال .. فهذا ابتلاء لها من الله .. واذا احب الله العبد ابتلاه ..
لاسيما ان صبرت على مثل هذا الابتلاء القاسي عليها حتما سيعوضها الله خيرا عظيما لا يعد ولا يحصى.. قال تعالى : (إنما يوفى الصابرون أجرهم بغير حساب) واعرف بعض الاخوات كان زوجها يعاملها بمعامله اشد من معاملة هذا الزوج لهذه الزوجه.. ولكن هذه الاخت الفاضله صبرت على كل مالاقته من زوجها وتقبلته فماكان منه في النهاية إلا أن أصبح رهن إشارتها وتغيرت أخلاقه تماما.. فالحياة تحدي إما أن تقبل التحدي الموجه إليك وتخوض معاركه بنجاح وإلا فاستسلم وأنت الخاسر أعانها الله على ماتلاقيه من زوجها وفرج الله كربتها.. شكرا لك اخي الكريم على حسن الطرح وتقبل اضافتي.. |
ياكرهي للرجال اللي طبعه مثل هالرجل يهاوشه قدام الناس ولا بالسوق بعد
طيب يوسع صدره اذا في مكان عام او ليش يروح للسوق ونفسيته شينه يخليه اذا كان يوم رايق يروح هو وياه الله يعيننا بس |
من راقب الناس مات هما .. ياكثر اللي يرفعون اصواتهم بالسوق ..ويفضحون اهلهم .. الله يهديهم ومتشكرين على الموضوع .. |
لدينا مشكلة اخلاق في هذا البلد ...
رحم الله نساء هذه الاشكال .. واصبرهم على الابتلاء .. |
مشكلة بعض المتخلفــين متمسكين ببعض الموروثات الثقافية عند بعض التاالفـين الأوليـن !
ويحهم كيف يعاملـون الآدمييـن بهذه المعاملة وتراه يضيق صدره عندماا تصاب " نااقته " ولا يهدئ حتى تشفى ! ، عموماً أناا أتطلع أنه وبعــد 10 - 15 سنـة من الآن ، سيكون هناك جيل جديد على مورثات جميلة جداً قائمة على التراحم والمودة ! الشعـب بدأ يلتفت إلى الآحـاسيس والشعـور بالآخــر طبعاً من المنتظـر اختفاء الهايلوكسات إلا مع العمالة ، حين إذٍ سنسسـير قدمـأً ! |
حرام عليه يسوي به تسذا قدام العالم..
الله يهديهم ...يارب... |
المرأة مهما كانت ماتهين زوجها أمام الناس .. أوكي تصير صلفة ماتنطح , طويلة لسان , إلا بتجيبه على كيفه , بس ماتوصل به المواصيل تذله بالطريقة الوقحة ذي .. يعني اللي جايين هنا يقولون بعد الحريم والحريم ياليت يفكرون بإختلاف الأطباع بين المرأة والرجل .. المرأة أحن وأرق قلب من شريكها الرجل , اللي يجدع الكلمة مايحسب له حساب .. الله يكفينا شر هالأشكال .. // اقتباس:
عفواً وش كار الهايلوكسات بتقدمنا ؟؟ |
زاد هي لو ماجت معه وهي تدري انة نفسية اففف على هالاشكاال
؟؟؟؟؟؟؟؟؟؟؟ |
..، مثل هذآ المشهد يتكرر دآئمآ أمآ نآظري قد يكون كمآ ذكرت أو بـ العكس رجل ينهر إمرأه ( مهمآ كآنت صلة قرآبتهآ به ) أو بالـ عكس .. هل هذآ من الـ دين .. الـ آدب .. الـ خُلُق .! بـ الطبع .. لآ ..! هل لآبد أن تكونوآ بـ هذآ الأسلوب حتى تثبتوآ شخصيآتكم .! للـ معلومية ترسيخ الـ شخصية لآ يآتي بالـ عصبية وفرد الـ عضلآت ..، رجآئي أن يحترم كلآ من الرجل والمرأه أنفسهم حتى ولو في الـ مكآن العآم فقط ونحنُ دومآ مآنردد الـ دعآء الذي يقول .: يآرب سترك .. و [ أسسسستآر ] من خلقك .! فـ ألتمسوآ لآنفسكم الـ ستر ..، سلمت يمينك أخي لمآ طرحت ودي .~ |
الف شكرا على الموضوع الجميل برايي اذا الزوج ماله كيف يطلع ولا متضايق او وراه شغله يتاجل الموضوع بكرا ولا بعده عشان مايصير الشي على المراءة عند الناااااااس ......والاهم من كذا خفوا على الحريم شوي وربي ماطلعت من بيت ابوه الا حاطه امال الدنيا بالرجال مو بالقسوه تكسب كل شي لاوربي بالعكس.... تحياااااااااااااتي |
اين هاذا الرجل عن قدوة البشريه محمد صلى الله عليه وسلم .. وحسن تعامله مع زوجاته وبناته ومع الصغير والكبير... الحل الوحد هاذه المشاكل هواننا نسيرونطبق هدى نبيينا محمد صلى الله عليه وسلم.. |
.
أخي ما رأيك بهذا الموقف ... اقتباس:
موقف آخر .. إحدى قريباتي تقول ( كنت بالسوق جالسة على درج احد المحلات وكان المكان مليان من الحريم وفيه بنات فاتحات نقاباتهن ويتكلمنْ بصوت واضح _ الله يهديهنْ _ المهم كان فيه واحد يمشي قدام زوجته وكانت شايله أكياس كثيرة ولا كلّف نفسه يساعدها ويناظر البنات وقال لزوجته وهو قاصد يسمّع البنات ..! يقول _ إمشي بسرعة وارك كذا تمشين كانك عجوز وضحك والبنات جلسن يضحكنْ ...!! الصراحة رايي بهذا الشخص وقح وحقير ! بعدين فيه إحصائية ودراسة تقول _ أهل نجد قاسين _ للأسف ... نظراً للجو الصحراوي ,, الله يعين ,, |
اللهـــــــــم لكـ الحمد
الله يعافيهـــــــم ولايبــــــلانا... |
أنا ماغير اشوف شرشحة للرجال :bad
مسكين انت ايه الرجل :eek5 نسيتم أن هناك من قامت بضرب زوجها أمام الناس .. ونسيتم كم وكم من زوجة ترفع صوتها على زوجها أمام الناس بل بعضهن من شدة وقاحتها ترفع صوتها أمام أهلها أو أهله .. إذا كان هالموقف حرك مشاعركم وقمتوا تسبون في الرجال كيف لو حكيت لكم موقف أحدهن مع زوجها ووالد أبنائها ,, وكيف جعلت إبنها ينقلب على والده لا اريد أن أحكي قصتهما فالبيوت اسرار , مشاكل الحريم واطباعهن وأخلاقهن مالها اول ولا تالي .. وهذا لايعني أن اقول أن الأزواج كلهم رجال بل هناك من تبرئت منه الرجولة .. |
ماأقول الا
خيركم خيركم لأهله وأنا خيركم لأهلي |
حتى لو مهما صاار المفرووض مايفشلها عند خلق لله ..
الله يعينهااااااااااااا .. وربي يكبر حظي .. |
سبحان الله العضيم .... هل تتوقعون ان الرجل خرج باهله لكي ينكد عليهم او عليها ... ولكن ما يغيض الزوج دائما المخالفات المتكررة من الزوجة .. وحبها بالضهور امام الناس وتنسى او تتناسى بالاصح شعور زوجها ... ورربما الزوج يكون حنون وطيب ولكن في هذا الموقع تنكسر القشه فيغضب .. وبعض النساء هداها الله تحب ان تنتقم وان ترد شئ من كرمتها طبعا باعتقاده فلا يكون ذالك الا عند الناس ... وقد تكون الزوجه هي صاحبة الخطا الاكبر بتصرفات قد لايدركها المارة ... ولكن يبدو ان الحياة مع هذين الزوجان في بدايتها فالتوافق ياتي تدريجيا ... (واقول للرجل ....... عن النبي صلى الله عليه وسلم ... خيركم خيركم لاهله ..) .... واقول للنساء ... كم من امراة تتمنى هذا الزوج للخروج من عالم اتعس ... فاحمدن الله على نعمته .. |
صدقت اخوي
كثير اشاهد مثل هذا الموقف وفي احد الاسواق رايت احدهم ينهر امرأته امام الناس في ان تتغطى اكثر واشوفه هو مسك غطوتها ونزلها وبعنف وكلمه قبيحه قلت الحمدلله انها متغطيه لو هي فاتشه كان وش بيصير وجهها في هالموقف اوف بس انا اذا شفت نفس هالمناظر ذي اكره الزواج (h) |
اقتباس:
لا الله يسلمك هذا وأشكاله ماتتمناهم ولابنت مهبولة .. تراكم أشغلتونا كل ماطق عود بعود جيتوا تقولون الرجل كم بنت تتمناه .. يعني ماشاء الله هو مايتمنى بنت ؟؟؟؟؟؟؟؟؟؟؟ إذا على التمني فاللي أشوفه الرجال أقلقونا بأمانيهم متى يتزوجون ومتى ومتى .. على العكس من البنت إللي ترد عشرين واحد , زادوا أو قلوا .. يعني المسألة ماصارت تمني الله يبارك فيك .. ثم وشو العالم الأتعس ؟؟؟ تأكد هو الأسعد , وإن كان الزواج سنة الحياة .. الحياة قبل الزواج تفوق مابعده ألف مرة بالسعادة وإن هايط المهايطون .. لذا على هونكم والله ماتتمنى الزواج إلا وحدة تدور لنفسه الشقى والقهر , الزواج جاي جاي مايحتاج أماني .. إللي أذكر إن البنات تطقهن تعاسة لاقربت سنين الزواج مهب يتمنن عاد هه .. مير لكل قاعدة شواذ .. . |
سلامٌ عليكم ~ْ
/،ْ.. |
اقتباس:
:41 كلام سليم |
الله يستررررررررررررررررررررررررررر على بناتنا
|
هذا يهون عند الاجتماعات بالاستراحات
تجي الوحده رجلي هاوشن رجلي عيا علي رجلي بخيل وبعد كم شهر نسمع انهم ساكنين فله جديده مساحته1000م <<اماوه بخيل ونسمع انه حفلت اخته يوم اضنت طقم ذهب بـ4000<<المشكله اخته معه درزن ونسمع ونسمع |
اقتباس:
فأنا اعرف كثير ما يحبون السوق والله تقولين له رح لجهنم اهون عليه من السوق وحريمهم سون مثل ما ذكرتي دمتِ مبدعه |
الله يحنن نفسه عليها وخلاص لاتطلع معه تتفسح عشان ماتبهذل |
قد نكره المنتديات لو ان كل شخص سيكتب ما يشاهد هناك امور و اشياء تحدث داخل كل بيت تتفاوت انواع المشاكل ومع ذلك فالامور مستورة و الحياة تسير بكل راحة و يسر فلا بد من المشاكل البسيطة و التراضي ليس ببعيد وما رأيته في السوق يعد امر طبيعي جدا ولو لم تنقله لما اصبح شيء فقط بمتابعتك لهم اصبحت قضية وموضوع هل تعلم انه في هذه الاجازة قام برحلة اسعدها فيها سعادة لا توصف لو ان بنت شاهدت هذه السعادة لأستعجلت بالزواج نصيحة .. اغلق عينيك و اصرف سمعك بالاسواق فبعض الناس قد لا يملك نفسه في بعض الاماكن فيرتفع صوته قليلاً فيسمعه احد فيضعه موضوع قد تكره البنات بعده بالزواج |
الله يلين قلب زوجهاعليها |
لاحول ولا قوة الا بالله
ان شاء الله مأجورة على صبره وتحمله الله يهدي الجميع |
مشكور ........ على موضوعك
|
يااااربيه ذكرتن بواحد شفته بالسوق الداخلي
معه تقريباا 4 بنات ومعه خيزرانه ويهشن به تقل غنم وبس يهاوش انا انصدمت مت اللي اشوف كان ماجيت نت الاساس فشلهن وبس يلعن الله يهديه |
كل يوم طالع لي شي يكرهن بآلرجآل اكثر آآآخ بس آلله يع‘ـين :eek5
|
مهما يكن بين الازواج الافضل ان يتعاملو بأحترام امام الناس , اما التي تقول لزوجها هذا مالي أرى بأنها قد أخطأت خطأ فادحا بحق زوجهاوليس هذا فقط بل و اسمعت كل من حولها انها مستقله ماديا وفي غنى عن زوجها ,عجبا لامرأه تردد هذا مالي ,, هذا مالي ,,,وزوجها لم يصفعها على خدعها بعد
|
حسبي الله عليه
هذا مافيه بقلبه رحمه !!! |
اقتباس:
ياأخي _ من الجماعة _ ليس عيباً أن نطرح مشاكل بالمنتدى .. سواء مشاكلنا أو مشاكل غيرنا العيب .. إننا نشوف الخطأ والمشكلة ونسكت ..! الا ينبغي علينا نحن أصحابالمشكلة ان نحاول ايجاد حلا لها ؟؟الا ينبغي علينا أيضاً أن نساعد ممن حولنا فيحل مشاكلهم ؟؟ حتى لو كانت المشكلة صغيرة ولا تسوى .. فمعظم النار من مستصغر الشرر ..!! |
مشكلت بعض الرجال وبعض النساء لا يدخلون الدورات التعليمية لكيفية التعامل مع الزوجه أو التعامل مع الزوج
ولهذا تنشأ الكثير من المشاكل .. لكن ما أقول إلا الله يرزقنا الودود الولود .. :d |
الله المستعان هذا كوم واللي سواه واحد أعرفه مع زوجته كوم......... والله إنه بالحرم يطوفون وهويهوشها وتصيح عجزت تمسك نفسهاتشاهق وكلن يناظر لها تقول أطوف وأبكي وبأخر الأشواط بديت أدعي إن الله يهديه...... وهو يتعاطى وعصبي والمسكينه والله إنها ملتزمه وهادئة الطباع.......... تقول أتحمله من أجل أولادي............ فدعواتكم لها ولمن على شاكلتها,,,,,,,,,,,,,, |
يالله ......! لا اخفيك انني عايشت الموقف وتألمت كثيراً على حال هذه الزوجه المسكينه .....!!!! كانني اعلم وهي تفكر بداخلها هذه الزوجه بعد الموقف وتقول : انا تزوجت لـ اعيش حياة سعيده هنيئه واكون اسره مسلمه ... فارقت والدي ووالدتي اغلى اثنين في حياتي وكله لـ اعيش حياتي الخاصه وياتيني يوم من الايام ابناء ينادوني بماما ثم تنصدم بهذا الانسان الوقح الذي لا يتصف با ابسط الصفات المطلوبه في اي رجل وفي اي انسان فكيف باالزوج !! كيف ترضى نفسه ان يوبخها وزياده على ذلك امام الناس ؟؟؟ اذا كان هذا في مجمع وامام مرأى الجميع فبرأيكم ماذا سيفعل عندما يكونا لوحدهما ؟؟؟؟؟؟؟؟؟؟؟ اعتقد ومن وجهة نظري ان كل مايحصل في الحياة الزوجيه سواء من خلافات او سعاده هو ناتج من المخزون الثقافي للحياة الزوجيه لدى كل من الزوجين... ومعرفة الطريقة المثلى في التعامل لكل طرف مع الآخر ... لذلك جميل ان يستعد كل اعزب لتلك الحياة من الان وان يثقف نفسه ويطلعها على كل امور الحياة الزوجيه قبل الخوض فيها .. وللمتزوجين عليهم ان يزيدوا من وعيهم وان يحسنوا التعامل مع زوجاتهم وابنائهم . اه بس اين كلمات الحب والغزل والدلع ؟؟ يا احلى قمر وزوجه في الحياة احبك يازوجتي حياتي من دونك ولا شئ عندما تتصل : يا هلا بدنيتي وحياتي اللي ماارتاح الا وهي بجنبي .. هلا بالعسل ومن الكلمات اللينه الرقيقه التي تسعد الزوجه قل لها هذا الكلام حتى لو بداخلك تتمنى ( مفارقته الليله ) ترى الحياة لازم مجاملات . كلمات بسيطه لكن وقعه على قلب الزوجه كبير وتاثيرها سحري . وهو بيضرك شئ لو مدحته ؟ لو تنازلت ؟ لو .. لو .... قبل فتره قرات عباره اعجبتني كثيراً تقول : ( الجهد المبذول لكسب الزوجه اسهل بكثير من الجهد الذي يبذل لـ استعدائها ). الله يكون بعون هذه الزوجه ويارب تصلح قلب زوجه وتلين قلبه ويعيشه احلى عيشة . اقتباس:
عديم اخلاق ... ربما تستمر الحياة لكن يتعاطى !!!!!!!!!!!!!! هذي وقفي عندها !!! نصيحه من قلب اذا كنتي تعرفيها ان تبادر الى عرض حالتها على احد المستشارين المتخصيين عاجلاً لأن المتعاطين تأثيرهم على الزوجه والابناء اكثر مما يتصور الشخص .. وكما قرات ذات مره لزوجه تشكي حال زوجه المتعاطي للدكتور خالد المنيف فقال لها : اذهبي الى اهلك ....... افضل من البقاء معه حتى لو كان لديك من الابناء منه . وسيرزق الله با افضل منه . |
^^ |
^^^
افهم من كلامك ان يكون كل شئ نفعله ونقوله في حياتنا الزوجيه لابد ان يكون خارج من القلب ؟؟ :confused: ان كان هذا مبدأك واعتقادك فا اقول لك بكل ثقه بنفسي وبرأيي انك مخطئه وعذراً ان ضايقك كلامي .....!! ياعزيزتي : لو لم تكن المجاملات لها مكان في الحياة الزوجيه لما قامت اغلب البيوت ...........! لتعلمي ايضاً ان الحب لا ياتي مره واحده بل ياتي مع الايام ولن يبنى ويتحقق الا بالتعامل الطيب والكلام اللين الرقيق الجميل . وصلت ان شاء الله ...... اتمنى ذلك ..! |
لاحول ولاقوةالا بالله يسلمو على الموضوع |
|
يمكن الحاله اللي انت شفتها تعكس العلاقة بينهم وكثير من هذا الشيء موجود واسبابه انعدام التناغم بين الطرفين لان احنا بطبيعتنا نتزوج بدون مانعرف اطباع بعض هذا الشيء موجود وللعلم لو حاول مثل هذا الزوج والزوجه التعرف على اطباع بعض لانحلت الكثير من علامات الاستفهام بينهم والحياة لاتقاس بسلوك واحد انما الحياة الزوجية اشياء تراكميه بينهم بمعنى لابد ان توجد ارضيه واضحه يقدر يعيشون عليها وهي الموده والرحمه . |
اقتباس:
|
اقتباس:
بمعنى ان ليست كل كلمه تقال تدل على المعنى ذاته. فا احياناً كلمات له معاني عديده .. او تذكر من باب الترهيب او الترغيب او المداعبه كذلك . انا قلت ( مفارقته الليله ) وهذي اللي ازعجتك اعتقد احياناً الزوج لا يجد الراحه مع زوجته ببداية ارتباطهم ويفكر بالطلاق ويظن انه لم يوفق مع زوجته ولكن لو فكر قليلاً وبدأ بذكر الكلام اللين معه ربما بهذا يجلب قلبها اليه ومن ثم تغير تعاملها معه الى الافضل و كما يريد وبعده هو قلبه يميل اليها لما يرى من حسن بالتعامل واهتمام به والنتيجه يحصل حب وتوافق ودوامة حياة . بالكلمه ذكرته من باب المداعبه فقط لا غير . ولو علمت انه سياتي احد ويفهم كما فهمتي لما ذكرته . اقتباس:
بل ذكرها وله هدف منها وهي استجلاب المحبه .. لذلك هي ليست خدعه. اذا قيلت للزوجه فهي من باب استجلاب المحبه حتى لو لم يكن صادقاً بها لان الزوج من قوله لها يريد ان يحصل حب بينهم وسعاده ولكن اذا قيلت لغرض اهداف اخرى فربما تكون خدعه . اتفق معك في هذا . للتذكير وليس للعلم ( لان مثلك اعتقد لا تخفى عليها ) ان الكذب جائز بل مستحب على الزوجه لانه يستجلب المحبه والموده . اذا كان الكذب مستحب فمن باب اولى المجاملات و و ... اتمنى اتمنى اتمنى انني وفقت في توصيل المعلومه اليك في ردي العشوائي وتوصيل ما ذا قصدت من قولي ( مفارقته الليله ) . وان لم تصل اليك حتى الان فا ( ارجوك ) قولي فهمت لكي لا اصاب بالاحباط !! اشكرك جزيل الشكر على حسن حوارك ورقي حرفك ولك نصيب من اللقب الذي وضع تحت اسمك واجاد واصاب من وضعه . فخراً لمنتدانا الغالي على قلبي (بريده ستي) وجود اقلام مميزه مثلك . وفخر لنا ايضاً بتواجدنا مع اقلام كهذه . شكراً لكم ودمتم في رعاية الله،،،، |
يالله من المواقف اللي نشوفها .. ! لو بنكره من موقف , كان كرهنا الدنيا كلها ... |
المفروض ان الرجل ما ينهرها عند الناس حتى لو صار اللي صار منها ينتظر لين يصل البيت ويكلمها في البيت ويعاتبها او يكلمها في السوق بصوت خفيف احترام لها يعني انت يالرجال تبي تفاخر عند الرجال بعيالك وتقول عنهم هذولي رجال طالعين من ظهر رجال طيب ومن السبب في وجودهم ووجودك انت يامغفل سبب وجود الرجل في الدنيا حرمه ( لا احد يهايط وواضح الموضوع ) احترمها قدرها حبها تعيش مبسوط تحس للحياة طعم لها نكهه لها معنى مو خلاص جيب بزران وانتهى الموضوع حتى المعاشرة الزوجية ما لها طعم لان حياته جافه مثل وجهه لو يوم عزمك واحد من اصحابك ورحت له وشفت السفرة فيها رز ولحم فقط وش يصير لك ما تقدر تكلم ولا تقدر تقول شي حتاكل وتسكت ( ما اقلل من قيمه صاحب البيت لا ) ولو عزمك واحد من اصحابك ورحت عنده وشفت السفرة فيها رز ولحم وسلطه خضراء وخضار وحركات حلوه و مرطبات وغيرها تفتح نفسك على الاكل الشاهد في الموضوع ان الحياه الزوجيه اذا كان فيها احترام وتقدير وحب ورمانسيه تحس لها طعم تحس انك عايش في الدنيا تحس فيه انسان يشتاق لك ويبي يشوفك ويبي يرتاح على صدرك ... وش اقول الله يصبر المسكينه هذي على الدلخ هذا ولا يكثر من امثاله . |
اقتباس:
/،ْ.. |
الله يهدي الجميع: 12
|
لييييييييييييييييييييييييه تروح لسوق معه اكيد انه عارفه طبعه والله مااتفشل اجلس بيتي ابرك
|
معقولة يابنات كل هذي الردود وكان الزوج من كوكب اخر الزوج بالأصل هو الاب والاخ والعم والخال هل يعقل كل هذي الردود بسبب موقف واحد !!!!!!!!!!!!!!!!!!!!! بصراحه فيه مبالغة لان بعض البنات طيبه وتصدق ويمكن ترفض الزواج بسبب الموقف هههههه |
لاحول ولاقوة الا بالله
الله يعينها اذا هو ماعنده قلب ليش يتزوجها مسكينه الله يجيرها في مصيبتها احنا في زمن مخيف والناس عطت الرحمه والاخلاق اجازه |
بعض الرجال مافي قلبه رحمه ولا شفقه..:oo إذا ما يتحمله تطلع معاه يخليه في المنزل أفضل من إنه يهينه عند النااااس:oo...... ربي يهديه ياااارب.. كم ألمني الموقف.:eek5.. |
شي طيب الحمدلله انه فيه احد عنده احساس....ودائما تحصل مثل هالمواقف في الاسواق والله انه ماتنسى من الزوج لانه تكسر الخاطر مره<<<<<مجربه
|
وشوله من الاساس ياخذه للسوبرماركت..
كان هو نزل وشرى من دون مايفشل الحرمه.. الله يهديهم بس..يشبون التسبد بعض الرجاجيل البخيله يعني مصيرهم دافعين دافعين ليش مايخلونه بطيبه نفس.. والحريم ماقد صادفت مره ترجل على زوجه.. |
$ ,, $ الله يعين الحريم على الرجال ..أنا ودي أدري ليه الرجل يتزوج ويهاوش زوجته تراها ما جت من بيت أهلها عشان تتحمل هواشك وهذي خالتي تقول مرة كنت توي طالعة من الحرم صلاة الظهر وقدامي مرأة ملتزمة لابسة جونتي وغطوة وجهها زي حقت العجز<<ما أدري وش أسمها المهم وكانت شايلة ولدها والثاني ما سكته بيدها ومعاها شنطة الولد الصغير وشنطتها اليدوية ..ويالله يالله تمشي ((حر ,, بزران ,, أغراض,, وغطاء كامل )) والرجال قدامها ويقول تحركي أخرتينا يالله يالله تمشين..!! بالله كيف بتسرع وهي كذا والرجال ما تغطى ولا شال بزران ولا شال أغراض وما عند إلا ينافخ عليه قدام خلق الله .. أبصم لكم بالعشر أنه نجدي هذا إذا ما كان قصيمي .. بريداوي هم اللي يتزوجون المرأة على شان يهينونها $ ,, $ |
اقتباس:
لا يا حبيبتي...نظرتك إن النجدين أو القصيمين يتزوجون علشان يهينونها ما أعتقد صحيحة.. وإذا صحيح فإذا هي قطرة من بحر... أشكررك عزيزتي المؤدبة(المشاغبة(f)) |
| الساعة الآن +4: 11:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.