|
>>> مغامرة حقيقية <<<
السلام عليكم أسعد الله أوقاتكم بكل خير كل عام والجميع هنا بخير رن الجوال آلو السلام عليكم أبوفهد أنت في البيت قلت: وعليكم السلام نعم أنا في البيت قال: إذا ما لك شغل أنا ودي أجيك قلت : أبد مالي شغل إلا بعد ساعة! أنا بانتظارك أتى إلي وحاله لا يسر وجهه مسود وعيونه يظهر عليها قلة النوم دخل المجلس قلت: حياك الله هلا بك قال : الله يحييك استأذنت منه لإحضار القهوة قال : خذ راحتك وش دعوى ! رجعت معي القهوة والشاي فلم أجد الرجل !! نظرت يمين يسار في الخارج ليس له أي أثر هاه وش فيه الرجال راح معقولة. ماله عادة يسوي كذا وأول مرة يزورني في البيت،! بدأ الهوجاس يأخذ حيزا كبيرا من التفكير ! كلمت عليه بالجوال وانتهى الرنين دون رد عاودت المكالمة عدة مرات ولم يرد !! أرسلت له رسالة" يا أبو خالد أنا أنتظرك في المجلس وين رحت عسى المانع خير إن شاء الله" وأنتظر الاستلام للرسالة واستلمها ودمت أناظر الجوال لعله يجيني رد لو برسالة عن هذا الوضع المقلق والذي أول مرة يحصل معي ودمت منتظرا، للحديث بقية كونوا على الموعد |
الله يستر عليه
|
الحين قصه ذي ولاحقيقيه
|
اقتباس:
كاثرتن القصص بالقسم هذا واحدن يعرفوه وذيك مره شفت وحدهـ انا من رايي يغيرون اسم القسم ويسمونه سباحين |
يممممممممممممممممه وين الرجل ..؟!
|
بسررررررررررررررررررررررررعه نبي الباااااااااااااااااااقي شوقتناااااااااا |
أريد توقعات ورأيا حول ما يطرح تكملة ما يبعث على القلق أن أبا خالد ليس من عاداته هذه التصرفات والمقالب ويوحي وضعه بأنه إنسان غير طبيعي مما زاد الطين بله وخوفا من المجهول كنت أنتظر وأقول الله يستر ! ذهبت أصلي العشاء وأنا أفكر فيه حتى لا أعلم ماذا عقلت من صلاتي !! للحديث بقية كونوا قريبا |
تكملة ..خرجت مسرعا من المسجد لكي أنتظر وصوله وبعد عناء من الانتظار وحتى وصلت الساعة 11،30 مساء رن الجوال وكان فوق الطاولة فقفزت قفزة لم أفعلها طوال حياتي رديت قلت : هلا أبو خالد قال : أبو فهد أنا عند جامعة الإمام وبعد ربع ساعة أكون عندك بس أبي منك طلب ؟ قلت : آمر هاه وش عندك؟ قال بصوت يكاد يجهشه البكاء والتأتأة: أبيك تفتح باب الكراج حتى أدخل سيارتي عندك إذا تسمح لي ؟ فاقشعر بدني من طلبه وأخذت بي الظنون كل مأخذ إلا أنني لم أستطع رفض طلبه لمعرفة ماذا دهاه؟ فربما أنجي نفسي من يعلم؟ فقلت : خلاص اللي تبيه يصير بس رجاء لا تتأخر علي قال بصوت ملأه الفرح : أبشر بس لا تخليني!! وأقفل الخط وظللت أنتظر وبدأت الأفكار تدور على غير هدى ، وكأن الأرض ارتجت، وحضر الشيطان كعادته بالأفكار السيئة والمظلمة والمسودة والتي لا توحي بخير فتعوذت من الشيطان وعزمت المضي قدما في الانتظار دون اخبار أحد لا تبتعدوا ،،، |
أمممممم أتووقع صااير عليه حاااادث ومات أحد معه و خايف يعني من شرطة ومحكمة وبلاوي والله أعلم بس بسرررعة قفزة الحين أنت سيف وإلا فيصل وإلاكلهم وش السااالفة ؟؟؟ |
بالانتظار .. |
ننتظر البقيه
|
. وأنا على حالة انتظار وصوله تأتي فكرة وتمحوها أخرى
ما الذي يجعله يهرب من المجلس؟ وما الذي دعاه للذهاب للرياض ؟ و لماذا هذه الحالة أصلا ؟ تأخر الرجل علي فالذي مر من الوقت كثير مرة افتح باب الكراج ومرة أغلقه من الملل والحيرة ! كلمت عليه ما يرد وبتلقائية ضربت الجوال بالأرض حتى صار نصفين استغفرت وهللت وسبحت وتعوذت من الشيطان وخرجت إلى الشارع وفتحت باب الكراج وجلست أنتظر في الشارع كا المجنون !!!! كونوا بالجوار |
وأنا جالس على درج باب المنزل الخارجي أضرب أخماس في أسداس جوالي خرب والرجال تأخر هي ليلة مؤلمة وإذا بسيارة مسرعة مظلمة قادمة بسرعة جنونية حتى أني خفت ودخلت داخل المنزل ورحت أغلق باب الكراج بس ما أمداي أسوي أي شيء حتى سمعت فرامل أبو خالد يوقف فتحت باب الكراج ودخل أبو خالد هو وسيارته والتفت في الشارع فلم أرى أحدا !! وأغلقت الباب وذهبت إليه مسرعا وقف ولم ينزل ! ففتحت الباب وكان مقفلا فتح و نزل بشكل متثاقل وسلمت عليه ورائحة الدخان تفوح في سيارته وفي ملابسه و في كل شيء حولنا |
كان وجهه أسودا بعد أن كان منيرا مشعا وريقه ناشفا يئن عطشا ومعه ماء وصوته مبحوحا غير قادر على الكلام وعيون غائرة لم ترى النوم ! بعد أن كانت ضاحكة مستبشرة ! كان عنوان المشهد ( وتقول لي بي هم وأقول لك بي هم ) هليت ورحبت فيه وكلي قلق وكان رده على غير العادة كان جافا بالحديث جلفا في التعامل إلى أبعد حد وهو كان ذاك الخلوق المؤدب في تعامله كنت قد جهزت الماء والقهوة والشاي في بيت الشعر خفت يهج مرة ثانية صبيت القهوة والشاي كان رسميا ثقيل الدم و قد كان لا يمل حديثه لم يشرب القهوة ولا الشاي ! فسألته قائلا: أبو خالد شكلك تعبان وتبي نتعشى و تنام ! قال : والله تعبان كنت قبل أمس بجدة ! قال : ما أبي عشا أبنام ! قلت له : تفضل الفراش بالمجلس ،، أخذ قارورة الماء وطفاية السجائر وذهب إلى فراشه ،دون اكـتراث وكأنه يقول : أبنام غصب عليك !!! |
دخل وأغلق باب المجلس بالمفتاح حيث كان على الباب ، واستغربت ! أخذني القهر ! تكملة والله النشبة وش هالعلة !! أهذا صديقي الوفي الراقي ؟! كرهت يوما عرفته فيه "وعسى أن تكرهوا شيئا وهو خير لكم " ولسنا أبناء يوم وليلة ولكن ! عسى الله أن يأتي بالفرج القريب العاجل !! ذهبت إلى الفراش قالت زوجتي : وراك تقل خايف ؟ زادت الطين بلة !! مما زاد قلقي ! وكل صوت أفز من الوحشة لا حول ولا قوة إلا بالله نزلت تحت رحت أشوف السيارة وش فيها |
بســـــــــــــــــــــرعه تراي متحمسه لاتتأخر علينا القصه واقعيه وإلا من نسج خيالك |
كمـــل بسسسسسرعه تــراي متــحمسه والله اشــك ان القـصـه من دميـجـتك :d بـس بـسرعـه كــمل ..:f: |
تكملة
.... نزلت تحت رحت أشوف السيارة وش فيها لقيتها مقفلة وليس مافي داخلها ما يدع للشك ! طلعت للشارع وما فيه أحد وجلست شوي بالحوش أتسمع فيه أحد يمر وإلا أحد يقمز من فوق الجدار !! قسم بالله إنه شق رأسي جاء الفجر ولم يغمض لي جفن بس نازل راقي صليت بالبيت طبعا وانتظر الشمس تطلع أول مرة أنتظر شروق الشمس فرحت بالشروق ولم يكن للنعاس مكان فأنا أحس بشيء غريب كأني نايم عشرة أيام فالذهن في أقصى درجات التفكير ،،و الخوف ينفض قلبي خرجت إلى بيت الشعر و أشعلت النار من القهر والدنيا حر وأحضرت القهوة والشاي وجلست فتحت التلفزيون ، أغير من قناة إلى قناة بدون هدف وبهوجاس ! إلى أي مدى سوف يستمر هذا الوضع المريب ! سمعت صوت باب المجلس يفتح وخرج وغسل تنحنح برفع صوت غريب ثم قال : أبو فهد أبو فهد قلت : نعم أنا هنا في الخيمة ! جاء قال : هلا قلت : صباح الخير قال : هلا لم يظهر عليه أثر نوم !! ضائق الصدر ويظهر عليه الخوف والترقب والتوجس ولكنه ما زال متماسكا ! قلت : تقهو وصبيت الفنجال أخذه وشرب منه وقال : ورى القهوة كذا ؟ ! قلت : وش فيها هل هي باردة أم ماذا ؟ قال : ما أدري بس مهيب زينة صب لي شاهي يا الله ! صبيت الشاي فشرب منه قليلا وقال : حتى الشاهي مهوب زين ! هاه !! وأنا لم ألحظ أي شيء مما يقول ! أخذ الماء وشرب بنفس كريهة ، وكأنه ينتظر الطرد ! نظرنا إلى التلفزيون بصمت ! وكان فيه فيلم قال :أنت متابع الفلم ؟ قلت : لا والله بس شكله حلو تبي نغير ؟ قال : وبعدين وش تستفيد ؟! قلت : وشلون وش أستفيد ؟ أسئلة غريبة !! قال : أبيك تقولي وش تستفيد من متابعة هالفلم ؟ قلت :التسلية وربما المعرفة قال : لا والله لكم نوايا خبيثة ! قلت : منهم حنا اللي لنا نوايا خبيثة ! قال : كل يعرف نفسه !! وكلامه معي بهالطريقة ! كلما تكلمنا في شيء اتخذ من الحديث مشكلة وحديث صاخب لا معنى له !! ويتخذ موقفا متطرفا مرة يمين ومرة يسار أنا مستغرب كل عمرنا أنا وياه نتابع أفلام ومسلسلات ونقاشنا راقيا قد نختلف وبهدوء وروية ونتابع المسرحيات ونضحك جميعا ويكلمني بالجوال بشكل مستمر وبنكتة لطيفة أو خدمة دنيوية أقضيها له أو يقضيها لي هكذا كنا نعيش !! حتى مكالماته معي وهو بالطريق حلوة ولا فيها نبرة سوء أخلاق أو قلة أدب بل العكس تماما !!! وأسئلته بدت لي ليست معقولة ولا تحتمل ! فلم يعد هذا صاحبي ، يمكن أقول صار مطوع بس يدخن وبشراهة وكل ما نتحدث عن موضوع يحاول استفزازي بشكل غير طبيعي وغير مألوف !! بالعربي عناد واستفزاز لا يمكن لأي إنسان احتماله ، كأنه يقول خربت العلاقة والوجه أبيض ، وكان ينتظر الطرد والضرب إلا قليلا ! يارب رحمتك لعبدك الضعيف |
بسرررعه الله يعااافيك حمستناااا أتوقع آخر شيء يصير .. .. ... بووووووووووووووووووووووووووووووه |
صبح صبح الله يستر علينا كلنا مرحبا بك متابعة شيقة زهرو اللأوند القصة معنونة والعنوان يدل عليها أشكرك فسفوريه ليس بيدي تغيير مواضيع القسم تحيتي مافيه شي اسمه محال بالطبع ليس هناك شيء محال لا ألومك من الخوف ولا تبتعد 24UC أهلا بك هنا مع سباحين أم العنزين عطشان والكأس مكسورة متابعة شيقة و قد أعجبني عصفك الذهني وسيف وفيصل معناهما واحد فلك الخيار لا تبتعد ويسرني تكرار عودتك عفنـAــاك ليس لدي أغنام أو حمام شكرا لك أبو سعدون وعروبة مرحبا بكما عزف متابعة شيقة أتمناها لك والعنوان أساس الطرح معتزة بديني ليس لدي عنوان لك أهلا بك بيدبه حركتك مشت علي إلا شوي مرحبا بك فتاة آلمتها الحياة ليت بالامكان ولكن ! هلا بك jojo هلا بك |
هههه وشغلك الي بعد ساعه
:029: |
من أي منتدى ناقل القصة !!
بحثت بالشيخ قوقل عن جمل من القصة منصصة ولا لقيت غير منتدى بريدة ستي بإسم سيف وفيصل .. أو ناقله من نفسك ؟ .. |
:i121:i121 وين اكمالته :i125
الله يهاديك:eek5 بس انت وقصك البايخه انا من يوم قريته توقعت انه من نسج خيا لك وصار توقعي صحيح:re |
يالله تراي جاي من الكلية مضبط الجدول:41
أبي أكمل القصة لاترفع ضغطي بسرعه |
هذآ اسمه ابتزاز ..
انت تبتز القراء .. يااخي اذا كانت قصتك هادفه .. ليش ماتكتبه كااامله .؟؟ ريحنا .. لاتحسب اننا بننتظر لين تكتب التكمله الشينه .. لا والله اني اعرف هالاساليب .. اطلع واتركه ماوراه شيء .. هههه .. وبالاخير تطلع السالفه خيطي بيطي .خخخخ العب غيره يالاخ.. |
يا سيف وفيصل
خخخخخخخخخخخخخخخخخخخخ سحبت بالناس الله يرحم والديك إرحمهم شوي |
تكملة ..... هل يمكن أن يتغير الإنسان تغييرا جذريا إلى الأسوء في أسبوع أو أقل؟ ! هل ممكن يغيره أحد من الناس تجاه أعز أصدقائه ؟! في الحقيقة مثل هذه الأسئلة بعثتني على الصبر والاحتمال فأنا أعرفه مذ ولد ! ولست بالغريب عليه ، ما الذي غيره ؟ هل هي مخدرات أم مسكرات فجأة استخدمها ؟ ! أم ماذا؟! قاطع الصمت القليل قائلا : نسيت أبارك لك بالبيت الجديد يا الله مبروك اجحده ! قلت : الله يبارك فيك تعال برا أوريك الحديقة قال : يقالك تورين يعني إن بيتك زين ؟! ويسحب جسمه النحيل متثاقلا غير راغب ! نظرت إليه وإذا هو جاد في كلامه !! وبلعتها لو إنه سؤال أطفال ! قلت : لا والله بس أنت صديق وحبيت تشوفها وهي مقصورة على المحبين ! وأنا في داخلي نفسي ودي أعطيه كف !! والله العالم بالحال ! قلت له :هاه وش رايك فيها ؟ قال : البويه لونها دمار واللي مزين لك الحديقة لاعب عليك و يقول أنواع العيوب اللي ما أشوفها ! قلت : اللي جايب العمال لي أنت وأبو أحمد ! قال : ولو تخليهم يلعبون عليك !! طفح الكيل بما فيه وقررت خوض المعركة يا قاتل يامقتول على قولة المصريين وبدأ الحصار الكبير لا تبتعدوا كثيرا ، كونوا بالجوار |
شواطيء الجروح وياليت تنشغل بالنص أحسن شكرا لك الثاقب أنت تمدحني وأنت ما تدري شهادة العم قوقل أعتز بها شكرا لك عفـنـaاك مقدر لك متابعتك شكرا 1مهستر أنت بالخيار ليتني أستطيع! تحيتي بيدبه شاكرا لك عودتك |
ههههههههـ ايه كذا نبي حرووووووووب :071::071: العصر اقص القصة على اخواني يوم وقفت قالوا كمل :confused::confused: قلت مدري وش صار ماكمله اللي كاتبه :d:d يوم طبوا ببطني ودبغووون:096: الله لا يوريكم :eek5 يالله بسرعه نبي البااااااااااقي ولا يهمك اللي يقول كذب والا ماتحمس وتافهه ماعليك منهم :113::113::113: كممممممممممممممممممممممل |
الحيين ابوو خاالد وش جااو :eek: بـانـتـضااارك باسرع وقت لي اكمال القصه صرراحه متحمسسسسسه بقووووووووووووووهـ صراحه قصه مخيفه :i125 |
بـانـتـضااارك باسرع وقت لي اكمال القصه صرراحه متحمسسسسسه
|
حناااا متحمسييييين والاخو مااااعنده طاااري يكمللللل أولااااه استعجل شوي طفشتنا ترااااك |
هههههههههه
ياخوك وراك تعطيهم بالتقسيط المريح حاشا مهوب قصة ذي عجل عليهم :d |
اقتباس:
قسسسم بالله مللييييت أحس ما به أحد متحمس مثلي خصوصاً اخواني اللي تحمسوا معي وكل شوي يسألونن ما كمل القصة راعيه الله يرزقنا صبر أيووب وصبر نووح على قومه |
هههههههه
شكلنا حنا اللي تحمسنا وطقت بنا القريحة الرجل مهوب متواجد وحنا كل شوي على الموضوع نطل خخخ |
اقتباس:
الا انا متـحـمسـه قووووه شكله ماعنده طااري يكمل القصه الحييييين |
|
تكملة ..... أقرب شيء لهذا المشهد هو الحصار الكبير بالنسبة لحياتي على الأقل رجعنا للخيمة وجلسنا تمالكت نفسي واستجمعت قواي وعدلت من جلستي قلت : أنت فيك شيء يا أبو خالد وتصرفاتك وشكلك مو طبيعي وش فيك قل لي يمكن أقدر أساعدك ما يصير ؟ قال بلهجة حادة : لا ما فيني شيء ! كأنه لا يريدني أن أتحدث ! قلت: لا فيه وستين أنت واضح إنك متخفي وهارب من شيء ! وفيه أحد يطاردك وإلا ليش دخلت السيارة ! يا أبو خالد لا تجيب لنفسك ونفسي الهلاك يا أبو خالد لا تبلاني بشيء لقد كنت من أعز الأصدقاء وأغلاهم منزلة وآخرتها تسوي فيني كذا ماذا دهاك ؟! يا أبو خالد خف الله في نفسك وفيني ! يا أخي أنت يمكن ما لك عيال وزوجة ومطيز أنا وش ذنبي ! تذكر أمك , وكم ستفقدك ! أنت واضح إنك هارب عن أهلك وضوح الشمس ! وبعدين ليش رحت جدة ! أرجوك لا تستغلني ! نسيت أيامنا الماضية الرائعة لقد كنت سيد الأخلاق ومحط نظر الرجال وها أنت هارب خائف هائم على وجهك لم تنم حتى بيتكم ما رحت له ! قل لي وش السالفة تراك تلعب بالنار ! يا أبو خالد الدنيا تراها لحظة إما في الجنة أو النار ! وأثناء حديثي له بدأ يسترخي حتى أجهش بالبكاء وسقط يبكي لمدة نصف ساعة تركته يبكي حتى نام فبكاء الرجال أثقل على النفس من الجبال ! كونوا قريبا |
تكملة ... نام أبو خالد وراح في شخير بعد بكاء شديد فيه غيض وقهر وكان بكاءه كصوت البعير جلست أفكر وأخذ الصداع برأسي والملل أصبح قريبا والصمت يلف الخيمة خصوصا إني لم أنم بعد ! هل أتركه ينام ؟ يارب لا تكلني إلى نفسي طرفة عين ، التلفزيون شغال بدون صوت عجزت عن إغلاقه متسمرا في مكاني هل أفيقه من نومه ؟! قلت يمكن إذا نام وارتاح وقام آخذ منه علم ! وأفكار تأتي وتروح وأنا جالس أفاق أبو خالد من نومه يمكن نام حوالي الساعتين وجلس متربعا قال : هل أنا نمت ؟ كم الساعة الآن ؟ قلت : ايه نمت وتشخر بعد شكلك من زمان ما نمت فأنت شكلك وأنت نائم كالميت ! قال : ودي أغسل قلت ما عندك أحد تفضل غسل وجا شرب ماء بكميات كبيرة جلس وكنت أنتظره يبادر بالكلام فصمت ! قلت له : تراي على أعصابي ونبي نشوف مع بعض لنصل وتصل إلى نتيجة فبقاؤك عندي لن يدوم وخوفك سوف يدوم ويستمر ولن تجد أحدا بعدها يسمعك الآن الحلول متاحة ومفتوحة وأخاف بعدها تضيق عليك الأرض بما رحبت وتبي تصير هالدنيا الوسيعة ضيقة ! قال : أنا أبقول لك كل شيء بس أخاف تطردني ! قلت له : طيب وأنا أبسمع منك ولا أطردك بس على شرط؟ قال : وشو؟ قلت له : تسمح لي بمناقشتك على كل شيء وفي أي شيء ولا أريد كذبا أو تصريف في الكلام أريدك صادقا فيما تقول ولي طريقتي في التحقق من مصداقية كلامك ! قال : لك ذلك قلت له : تعطيني كل شيء وبصدق فالصدق منجاة وأنت تعرف ذلك ! قال : طيب قلت له : إذا صدقت صدقك الله فأنت آمن هات ما عندك ! طبعا رحت جبت جوال المدام وخليته يسجل بدون علمه وبدأ الحديث المزعج ! والحديث كأنه الخيال!! كونوا بالجوار |
شكرا لك على الموضوع
|
اقتباس:
|
وأخيراً تلحلح هالطيب مابغى يبدأ بالقصة بسررررررررعه ترانا متحمسين وعلى فكرة كم بااااقي جزء ؟؟؟؟ خخخخخخخ ))) |
اقتباس:
|
الله يعيننا على التردد تذكرت حياة الاولين كننا نروي من البير:d |
نحن في انتظارك |
أدخل موضوع وأرجع لهذا واطلع وادخل موضوع ثاني وأرجع لهذا ومافيه جدييد بسررررعه ياسيف مدري فيصل مدري مسدس والا رمح >>> أوووك اهم شيء عجل شوي !!!! |
جوجو
أعجبني حماسك دمتم دولة أحزان كل شيء أقساط في حياتنا! بسم الله علينا من القرحات مرحبا بك عطشان والكأس مكسورة سررت بمتابعتك المستمرة لك تحية امتزاج روح شاكر لانتظارك و لمتابعتك ولد حرب حياك الله فتاة آلمها الحياة ماذا دهاك رجال ؟ أهلا بك معتزة بديني جميل هو تذكر الماضي ! لك تحية |
تكملة .... قال : قبل كم يوم قمت من نومي في بيتنا غسلت طلعت أجيب لي فطور وفيه سيارتين قرب البيت واقفات والمحرك شغال ويوم حركت من البيت حركوا وراي ما أدري ليش بدأ هوجاس يلعبي عجزت اوصف هالهوجاس قلت : أيوه قال : وقفت عند البوفيه الفلاني وقفوا معي أخذت طلبي وطلعت وهم واقفين ويناظرون بشكل غريب قلت : أيوه! قال : حتى الأكل ما اشتهيته برد ورميته بالمكان الفلاني ويمكن تلقاه هالحين ! قلت : إسلم أنا معك قال : وكلما رحت مكان هم يرحون معي وراي وراي يقول : قلت والله لا أضيعهم ! أسرعت وبديت أدخل الحارات وبسرعة جنونية حاولت أضيعهم وفعلا نجحت وما أمداي أفرح إلا وهم بوجهي ! أسرع يسرعون وعلى هالحالة وكل ما حاولت أبعد يكثرون قلت : طيب رح لبيتكم قال : عجزت أدخل بيتنا قلت : ليش قال :ما أدري بس أحس إني مراقب وكل السيارات التي تطاردني سيارات مدنية وشكلها سيارات مباحث قلت : طيب هم وش يبون منك ؟ قال : ما أدري؟ قلت :طيب ليش ما وقفت لهم وقلت لهم وش تبون ؟! ثم أكمل وكذا مرة يحاولون يحدونن بالسيارة عشان أوقف بس ما عطيتهم فرصة قلت : ليش يا خي ما حاولت توقف؟! قال أشعر بالخوف الشديد !! ثم أخذ نفسا عميقا من سجارته التي لا تنطفيء وقال: رحت للرياض وجدة أحاول إني أضيعهم بكل مكان حتى تعبت ودخت من كثر المطاردات حتى إني أمشي بسرعة 220 وهم وراي وإن ضيعتهم لقيتهم قدامي قلت : له اللي يراقبونك هذولا هم يتغيرون ام يتكررون ؟ قال : يوم اجيك من الرياض كان يراقبني ويطاردني عشر سيارات ويوم أتأخر عليك أحاول أضيعهم قبل ما أجي لبيتك قلت له : وضيعتهم عسى ماشافك أحد ؟ قال :والله إني تعبت من كثر الملاحق ! قلت له : طيب قل لي وش أنت مسوي ؟! ومن هو آخر شخص زرته؟! ومو معقولة المباحث تراقبك بهالشكل وأنت ما سويت شيء؟ قال :أنا ما رحت ولا جيت كل الأيام اللي راحت وأنا في البيت والدوام فقط قلت : والله أمرك يحير أنت تصر إنك ما فعلت شيء والمباحث تراقبك وأنت ما سويت شيء هذا كلام اسمح لي فيه نقص؟ قال : هذا الحاصل فكرت لو أقول له يالله أوديك للشرطة يبي يهج ولكان سلم نفسه من الأصل! وش الحل ؟ |
تكملة ...... قلت له : طيب عندك مانع لو طلعنا هالحين على سيارتي نشوف هاللي تشوف قال :وشوله على سيارتك وإن لحقونا ؟! قلت : إن لحقونا نوقف نشوف وش عندهم وأنت لا تنزل قال : لا نروح على سيارتي أنت ماتعرف تسوق وسيارتك ما تصلح للمطاردات ويمكن يمسكوننا !! الرجال يصر على عدم الوقوف لهم هذه مشكلة !! قلت : على سيارتك على سيارتك بسم الله يالله اركب ركبنا وخرجنا |
تكملة ..... خرجنا وكلي توجس وخيفة اول ما طلعنا قال : شف هاللكزس هذي لها يومين وراي والسائقون يتغيرون ! إلتفت على صاحبها لكي أشوف شكله وشو من لحية ! ما أمداي ألتفت إلا هو يقول لي : لا تلتفت وتفضحنا ! وأنا من الخوف صدقته أول مرة وقفنا عند إشارة قال: شف الصالون قلت وش فيه ؟ قال : هذا قبل شوي يتابعن بس بدون مطاردة ! قلت : هذا شايب ومعه عجوزه شكله كذا ؟ قال : بعضهم معهم حريم ! طبعا هو يناظر كل شيء دون التفات بتاتا ! والحقيقة الرجل تقل صحا ونشط وابدى استعداد لأي مطاردة وأنا طاير بالعجة كلي خوف ! كل شوي يقول لي : لا تلتفت شف اللي ورانا ، شف اللي جنبنا الحقيقة إني دخت وتعبت ومليت وسهران ما نمت يارب الفرج ! وكل سيارة آخذ رقمها وجمعت حوالي عشرين رقم بعد عناء لسيارات مختلفة ! لأنه يقول لا يشفونك تكتب ! قلت : طيب |
ياويلي رحمته...
الله يستر... |
كمممممممممل ايوه ايوه
< متآآآآآآآآآآآآآآآآبع بجدأره.. مدري بقوه انجزززز هوَلأآهـ اكمل |
خويك هذا إما راعي مخدرات أو مهبول .. !!
فقد رأيت مثل ما رأيت سابقاً .. :) شفاه الله .. سيف وفيصل .. حقاً قصة واقعية .. متابع .. سلامي لك . |
ايــوه ايــوه كمل طيب تحمسنا |
تكملة ..... و كنت أكتب أرقام السيارات بخفية وخوف ! وهذه السيارات البعض منها مريب بحق مما جعلني أنساق معه ! وأخذنا حوالي ساعتين دوران و حالتنا شف هذا شف ذاك ولا تلتفت ! حتى من كثر الدوران شفت واحد من الزملاء يعمل في المباحث مما زاد الطين بله ولكنه عند منزلهم ! ربما صدفة وربما لا ! ونحن ندور قلت له : رح للبيت ! ويروح للبيت أنا مستغرب إن المرور ما مسكنا لأنه يقود بشكل جنوني ! حتى إنه يقطع بعض الإشارات ! رحنا للبيت كونوا على الموعد |
ايــــــــــــــــــــــــــووه وش بعد يـاااشين الي متحــمـس |
تكملة ..... رحنا للبيت وطلع ورقة فيها أكثر من مائة رقم للوحات السيارات وأخذتها منه بالإضافة إلى الأرقام التي معي ! ودخلنا مع السيارة وفيه سيارات رايحة وجاية في الشارع وهو يقول لي : أنا شايف سيارتين كانت ورانا ! هالحين عرفوا مكاني وش الحل ؟ قلت له : حنا متفقين إنك تثق فيني وأنا واثق فيك ؟ ومتفقين إنك تعلنمي كل شيء ؟ قال : صحيح ! وأنا على وعدي ! قلت له :حنا في مشكلة وأنا شكلي متورط معك ! وش رايك نهج جميع ؟ قال : يا الله بسرعة ! قالها وبدون تردد قلت له : ثواني أروح أغير ملابسي رحت أغير ملابسي و أغسل وزاد الهم كلمت على شقق مفروشة وحجزت شقة أخذت بعضا من الأكل والماء نزلت لقيته راكب سيارته مستعد ورابط حزام الأمان يعني يبي يطارد قلت : انزل نبي نروح على سيارتي ! قال : لا على سيارتي واخذ ورد ونقاش وجدل واهتزاز في الثقة حتى إنه قال كلام بذيء لا يحتمل حتى وافق نروح على سيارتي بعد جهد وجهيد ركبنا قال :وين تبي نروح ؟ قلت له : شف أنا مطيز مثلك بس فيه واحد راعي شقق مفروشة أعرفه نبي نروح لمه ، قال : تثق فيه قلت : ليس أمامنا خيارات متاحة قال : يالله رحنا للشقق وجلسته بالسيارة وأنا أراقبها دخلت على الاستقبال عطيته البطاقة والفلوس طبعا الحجز باسمي واخذت المفتاح شقة رقم ... وأعطيته المفتاح قلت لأبي خالد : رح وأنا وراك بعد شوي طلع فوق للشقة وطلعت بعد شوي ودخلنا |
ومييييييير !!
|
تكملة ..... قلت له: أنا أبروح أغبي سيارتي وهذا يحتاج وقت أنت وأنا متورطين وانتبه تروح وتخلين ! و سيارتك يا أبو خالد في البيت عطني المفتاح أبشوف لها حل وش رايك ؟ قال : تمام أنا أنتظرك ! خذ المفاتيح أخذتهن وحرص علي وقال : إذا بغيت تجي دق الباب ثلاث دقات عشان أعرف إنه أنت ! قلت : إن شاء الله ، وفرحت إنه صدق كلامي حتى يعطيني فرصة أفكر بعد جمود أقلها أستطيع التفكير بهدوء دون ضجيج ! ركبت السيارة وكأن الضغط خف عن رأسي ، وأراقب يمين ويسار حتى وصلت البيت لم أر ما يثير الشك والريبة ! خف الضغط بشكل أكبر ، قلت في نفسي المباحث لو يبونه جابوه ولا يكشفون أنفسهم ودائما يعملون تحت غطاء ! كونوا بالقرب |
ايــــــــــــــــــــــــوه وش بعد |
أقول والله لي يمكن يوم ما دخلت على القصة قلت خله يجمعها
والى الحين ما قضيته؟؟؟ |
الله واعلم أنك تحلم!!
بس معقولة كل هذا حلم كم يوم قاعد تحلم؟؟ |
ذكرتن بتوم وجيري
|
$ ,, $ ياليل ما أطولك كل ذي قصة..!؟ طيييييب الحين وش صار ..والله يستر من الباقي إلا عندي لك فكرة ليش ما تحطها رواية..؟ بس زود عليها بهارات.. ووصف الحالة النفسية لكل شخص.. وظّبط الأكشن ..ومصخها مع كثر القرق وتطلع حرررركة ..ويبدون يكتبون من أكثر الكتب مبيعاً..!! للمؤلف سيف وفيصل ..ومهند بعد,, $ ,, $ |
طيب وبعدين ؟؟؟؟ |
xX DUNHILL xX |
مافيه شيء اسمه محال
نعم هو يستحق العطف ولكن بحدود العقل ! تحيتي بريدواي متابعة شيقة أتمناها لك تحيتي جوجو سرني حماساك كما يسرني أكثر توقعاتك تحيتي |
كممممممممممممممل جزااك الله خير اتوقع انه بيخونك أو العكس // الله يستر بسسس |
أبو ربى
وعليك السلام ومن الله رحمة منه وبركاته جميل عصفك الذهني المصقول بالتجربة الرائعة ولو كان مما قلت لأصبح المرء من جليسه! أتمنى أن تعود تحياتي |
شجرة التوت
متابعة سعيدة وأتمنى منك طرح رأيك تحيتي عفناك أحيانا الحقيقة تكون كالحلم تحيتي عصير مشوي ليتها توم وجيري ولكنها ليست كذلك المشاغبة هي رواية من فصول أيامي تحيتي عطشان والكاس مكسور كل الأمور مؤهلة بأن ينقلب ضدي ! لو كنت أعلم الغيب لا ستكثرت من الخير ولكن! جميلة هي آراؤك تحيتي دنهل سررت بمتابعتك تحيتي لك |
اقتباس:
عفواً أخي قد لا يكون للجليس شأن بهذا ! فقد يكون اختلط بشباب من هذا النوع -أي أصحاب مخدرات - !! ( دون علمك ) ! تقبل حضوري الثقيل .. :) |
تكملة .... عزمت على مكالمة أحد الأصدقاء كلمت عليه، و كان نعم الرجل وقلت له : عندي مشكلة وسردت له القصة كاملة دون تزييف ، قال : حشا وش هذا !!! قلت له شف: أنا ودي نعالج الأمر بعيدا عن الرسميات ، عشان كذا كلمتك إن كان في الأمر شر فهو بين أيدينا وأيديكم قال : عطني اسمه رباعي واسم أمه ولا زم تمرني في البيت أو أمر عليك ! قلت : اللي يريحك قال: خلاص أنا أجيك عطيته اسمه واسم امه وأنا أهوجس رحت لسيارته وفتحتها ولم أر ما يثير الريبة سوى أرقام لوحات لسيارات ! وكانت رائحة السيارة كريهة تشمئز منها النفس ، وشلون يركبها أبو خالد من هالريحة ! عجيب أمره فلقد كان نظيفا ولم أعهده إلا متعطرا مأنقا ! المشكلة إنها لكزس من التاليات ما أعرف موديلها ودافع عليها دم قلبه! |
تكملة ... وأنا في حالة انتظار دق الجوال رديت قال : هلا أبو فهد ترا رفيقك ما عليه أي شيء و ليس مطلوبا لأي جهة ! قلت : بس معه أرقام السيارات التي يقول إنها تلاحقه ! قال : عطني الأرقام ، قلت :كثار أكثر من مائة رقم !! قال : ما أنت صادق !! قلت :إيه والله قال : لا تصير عصابة ؟ قلت : عصابة ؟ قال : نعم فيه عصابات امتهنت سرقة السيارات ويقوم عملهم على المراقبة على مستويات متعددة ونحن نراقب مثل هذه المواضيع عن كثب وأطحنا بالكثير منهم ، ثم أردف قائلا : نلتقي اليوم لأنه يمكن صديقك أبو خالد يفيدنا بالموضوع ، ويكون له الفضل في القبض عليهم !! قلت :عسى ! قلت : بيني وبين نفسي شكلي من جفرة لدحديرا ، والله صار أبو خالد مفيد ويفيد الحكومة سبحان مغير الأحوال ! والله يانا فرحت فرح لا يمكن وصفه وصارت المسألة عصابات وقصة بوليسية ! ما مر علي فرحه مثلها وكأنني حققت نجاحا لم يسبقني أحد إليه ! أهم شيء إن الحكومة ما لها دخل يا سلااااام ودي أناااااام ! هل أروح أعلم أبوخالد في الموضوع أو أصبر ؟! توصلت إلى أن الحكومة ألزم علي منه ! وأبو خالد لا حقين عليه ما جاب لي المشاكل والصمرقع إلا هو وما ألومه إذا كانت العصابة تطارده هالحين أنا أنتظر الحكومة مو أبو خالد يا الله سترك كونوا على الموعد |
حنا على الموعد ننتظر !! |
نحــــــــن في انتـظـاارك .. :) |
اؤؤؤوم الوناسه حمـــــــــــــــــــــاااس لآخر درجه اكمــــــــــــــــــــــــل بإنتظـــــــــــــــــــــــــــــــــــــــارك |
.................. بالإنتــــــــــــظــار ....................
|
مروق انت
|
اقتباس:
واصل حبيبي سيف وفيصل . بانتظارك . |
ورااااااااااااااااااااااااااااااااااااااااااااه
لا تكفك كمممممممممممممممممممممممممممممممممل |
متى تكمل تكفى تحمسنا؟؟؟؟؟؟؟
|
يالله اولالالاه كمل..
|
أبو ربا لست بالخب حضورك يسعدني لك ألف تحية عطشان والكاس مكسور جوجو عزف مسس بنك مراد ابنة الاسلام شكرا لمتابعتكم أبو قرون سلمت لنا متابعة طيبة أتمناها لك |
تكملة ... جاءت الحكومة الله يخليها لنا ولا يخلينا منها في البيت قال صديقي : بعد أن جلس عسى خير ! ينتظرني أتحدث ! قلت : أشغلناك تحملني ! قال : كنت خايف عليك قلت : الله يسلمك أعطيته أرقام السيارات وبنظرة الثاقب المتمكن من عمله نظر إلى الورقة بسرعة وقال: كل هذي أرقام ! قال : غريبة ! قلت : وش اللي غريبة ؟ قال : إحكي لي عن صاحبك ! عطيته كل المعلومات اللي عندي وسمعته تسجيل حديثي مع أبي خالد أخذ التسجيل قال : أنا مشغول مع السلامة و يصير بيننا تيلفون وإن شاء الله قريب خرج من عندي وأنا أصبحت معلقا أبو خالد بالشقة وفي داخلي إحتفالية إلا أن التوقيت لا يسمح والحالة النفسية سيئة والسهر يلف رأسي دمتم باحتفال دخلت الشقة بعد عناء لأني نسيت أن أطرق الباب ثلاث مرات من الفرحة كما اتفقنا حتى إنه بغى ما يفتح وارتفعت أصواتنا على بعض بشكل غريب لقد رجع لطريقة استفزازه بخصوص عدم التزامي بالخطة و أناظر أبو خالد يحمل سكينا قلت له : وشوله ما سكن السكين أنت تطبخ ؟ قال : من يوم تروح وأنا قاعد لهم عند الباب أخاف يدخلون والله العظيم إن أسمعهم واحد يقول خل لك من هنا والثاني يقول خل لك عند الباب أسمعهم ياخي ! قلت : اليوم عيد قال : والله يا أنت مفهي وين أنا وين مزحك وتنكيتك ! قلت : توني جاي من الشرطة والمباحث و حتى كل الدوائر الحكومية تقول ما أحد يطاردك ولا أحد يبي منك شيء ! قال : واللي عند الباب قبل شوي؟ وأخبرته باستنتاج صاحبي الضابط وسرقات السيارات والعصابات واقتنع وزاد خوفه إلا أنه زاد غضبه وحنقه على العصابة ولكنه استقوى وزاد عناده قال هالحين أنا اللي أوريك شغلهم ! قلت : وش تبي تسوي؟ قال : يا أنا يا هم والله ما يدمرهم إلا أنا يا الله عن إذنك ! قلت : تعال وين تبي ؟ أنت نسيت من أين جئنا بالمعلومات ؟ هي ملك لهم ويريدون مقابل معرفتها أن تتعاون معهم ما فيه شيء ببلاش ! هم الآن يريدون أن تعينهم ولا تتصرف بدونهم وإلا تراك تبي تروح رماد وبعدين يا أبوخالد أنت مواعدني إننا نحل المشكلة مع بعض وأراك تـنكث بوعدك ! اتفقنا بعد عناء أن نترك الشقة ونذهب للبيت المشكلة إنه يتصرف تصرفات تجعلني أكرهه وحصل بيننا عدة مرات رفع صوت وزمر ونفخ ما أدري ما هذا التغيير المفاجيء الذي يمر به سلوك أبي خالد ؟ ولا أعلم لماذا هذا الصبر من قبلي ؟ ! وهل سيدوم الصبر؟! وننتظر الاتصال كونوا على اتصال |
تكملة ... وحنا جالسين بالخيمة نتناظر ونهوجس دون حراك وكل ما سمع أبو خالد شيء يؤشر لي بيده يعني إسمع قلت : حمامة وإلا عصفور فوق مكيف الجيران أو فوق مظلتهم المهم إني مالي خلق الكلام ولا ودي نتكلم ولا شيء طفشت وانهد حيلي وكأني لما عرفت إن الحكومة ما لها دخل فشيت وارتحت نوعا ما !! بس هالمشكلة هاللي ازداد غضبا وعداوة وأصبح بالفعل لا يطاق قلت له : شف أنا ودي أرتاح شوي وأنت بعد ترتاح وأنا أنتظر إتصال من أحد الأصدقاء بخصوص الموضوع قال: أنا ما أقدر أنام ؟ وأنت وشلون يجيك النوم؟! قلت : حاول تنام وإن شاء الله ماعليك ، لأن صديقي الضابط يقول ترانا حاطين رقابة على البيت والشوارع المؤدية إليه اقتنع بعد مشقة وإننا يد يجب أن تساعد في سبيل القبض على هذه الحثالة ! رحت أرتاح طحت بالسرير طيحة الهلكان الميت ورحت في سبات كونوا بالجوار |
وراه ماتسردالقصه مره وحده
اتوقع تاخذ وقت عشان تألف يلا بالانتظار نشوف اخرته |
نحن بإنتظار التكمله
|
|
متابعين لكم كم بتواصل بالصفحة
العاشرة مثلأ" وتنتهي منها::113: أتمنى ذلك نبي نشف النهاية ^^ |
أهم شيء أنت ارتحت والله إني راحمك من البداية أتوقع صديقك الضابط هو اللي يبي يحل القضية وأما أبو خالد شكله بيقتل نفسه من الخووف أجل ماسك سكينه خخخخخخ كمممممل حنا ننتظر .... |
وه وه وه طالت وهي قصيرة
|
تكملة ...... فقت من نومي ما أدري وش حنا من وقت ناظرت ساعة الجوال الساعة العاشرة صباحا يوم الجمعة ياه كم مضى من الوقت ؟! يا الله وش هالنومة وش صار صديقي الضابط داق علي ثلاث مرات ! قمت شبعان نوم بس ما ودي أقوم من السرير كلمت على الحكومة قبل أن أنهض من فراشي لأنهم يستاهلون رد علي وكان نائما قال : لازم أشوف صديقك هذا ؟ قلت : إن شاء الله خير قال : إن شاء الله خير قلت : هو بالخيمة عندي قال : تجيبه بعد صلاة الجمعة قلت : إن شاء الله نزلت للخيمة أشوف أبو خالد لقيت الخيمة مسكرة رفعت صوتي قلت : أبو خالد قال : هلا وفتح باب الخيمة ولم يظهر عليه أثر النوم قلت له : بشر عساك نمت ! قال : شوي قالها بنفس شينة كأنه يقول وراك تنام كل هالوقت وتخلين ! قلت له: ترى عندنا موعد مهم بعد صلاة الجمعة قال : موعد مع من ؟ قلت : صديقي يقول لازم تجي بعد الصلاة وحنا نبي ننهي هالوضع المزري أو عاجبك حالنا ؟ حك رأسه عدة مرات وقال : بس تروح معي ! قلت : ما فيه مانع! رحنا للمسجد وعند الوقوف قال : شف هالسيارة الواقفة هذي تلاقني لها فترة ! قلت له : لا تلفت كثير وخلنا نصلي وتهون حنا بورطة وما رايح أحد يفيدنا غير الحكومة ! نزلنا وصلينا وطلعنا قال : شفت الإمام ! قلت : وش فيه؟ قال : ما تشوفه كل شوي يتعتع بالخطبة ؟ قلت : لا بد من الخطأ ! قال : لا كان يناظر واحد بصفنا ! قلت : ليش يناظره؟ قال : لأنه مع العصابة وأنا شايفه ؟ قلت : وش عرفك؟ قال : لأنه راعي السيارة اللي وريتك إياها! دوخني يا ناس اللهم ارحمنا برحمتك قلت : حنا رايحين إلى صديقي وأبيك تقول كل شيء وأنا مثلك وهالحين هو ينتظرنا كونوا على انتظار |
ننتظر بفااااااارغ الصبر |
تكملة .... وصلنا سمح لنا بالدخول وعند المكتب مستراح صغير قيل لي أن أجلس فيه ! دخل أبو خالد عند صديقي لوحده وجلس حوالي الساعة والنصف ثم خرج ومعه صديقي الضابط قال الضابط : خلاص يا أبو فهد كلمني لما توصل البيت قلت: طيب إن شاء الله خرجنا قلت : وش قالوا لك؟ قال : يسألني زي أسئلتك وأنا علمته كل شيء لم يظهر عليه الحماس والرغبة في التعاون سكتنا حتى وصلنا البيت كونوا قريبا |
نـحن فـي انـتـظـاركـ .. |
ياليل ابو خالد
بانتظارك |
آوووه حمممــآس كم بآآآقي جــــزء ذذ في الإحتـــــــــــرآ آ آ ء ’’ |
نظرتي هيبة
كل شيء يحتاج إلى وقت مرحبا بك طباشير مرحبا بك دنهل عودك أروع هلابك لماذا هذا مرورك رائع رباعية الاضلاع يمدي تروح وتجي هلابك جوجو جودي شاركونا الرأي أهلا بكما |
عطشان والكأس مكسور
توقعاتك جميلة والضابط ما قصر لك وللضابط كل الشكر متابعة شيقة ويسرني تقبل آرائك فيما هو قادم |
تكملة .... ذهبت إلى الداخل وكلمت صديقي الضابط وقال لي : شف رفيقك هذا فيه شيء غريب ! ثم أردف حنا تتبعنا كل الأرقام وتقريبا كل أنواع السيارات المذكورة غير مطابقة ولا يوجد إلا سيارتين تأجير مطابقة ! وبحثنا عنهن عند محلات التأجير ووجدناهن غير مؤجرات في الأيام المذكورة ! ثم أردف قائلا : حتى كلامه معي غير منطقي وغير معقول ! وكل هذه الأرقام نسيج خيال لا وجود لها ولا نستطيع أن نتعامل مع هذا الوضع ! قلت : أنا هالحين ما أدري وش الخيال من الحقيقة ؟ ! قال : عليك بشيخ ربما فيه شيء ! قلت : وشلون ! قال : إن كان يعز عليك شف لك حل و إلا تراك ما أنت ملزوم بشيء انتبه لنفسك ! قلت : أنا شاكر لك جهودك مع السلامة ! اقشعر بدني وارتخا جسمي وتنملت قدماي الآن عرفت إن أبا خالد غير مطلوب وغير مطارد من أحد ! يعني جن بسم الله الرحمن الرحيم وإلا صدمة نفسية ، وإلا سحر أعوذ بالله ، وإلا عين وش السالفة؟! كأني وجدت عملا ! ولكنه عمل يخوف ! وزاد حماسي وانتفض الجانب الانساني لدي ! يعني أبو خالد يعاني ويقاسي وربما يقتل نفسه من الأذى بل إنني رحمته ! |
| الساعة الآن +4: 08:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.