|
الخبر اليقين عن عمائر الراجحي او مشروع الراجحي
السلام عليكم
اليوم ياخواني جئتكم بخبر يقين عن عمائر الراجحي او مايسمى مشروع الراجحي اللي بالصفراء عند جامع الراجحي حدثني احدالمسؤولين هناك الذين يعملون هناك عندما سألته لماذا المشروع متوقف وقال لي في الحقيقة ان هناك كان مصري هالمصري هو الذي يشرف على المشروع فذهب وقت طويل ولم ينجز الا40% علما ان المصري هذا قد سلب مبلغ ليس بالسهل ونقل لمحافظة البكيرية ليعمل كمهندس واعيد بعد ذلك للعمل في المشروع وقدكانت العمالة في بداية المشروع عددها 2700 عامل ومبلط ومليص ودهان وغيره اما الان عددهم 150 عامل فقط وقال لي ايضا ان عدد الفلل كثير جدا تقريبا ان المربع الواحد او الشارع الواحد به 40 فيلا وهذا ماقال لي واردت ان يكون منتدى بريدة ستي اول من يعرف وزواره واعضاؤه والمشرفين الكرام |
طيب وش استفدنا من هاالكلام يعني المشروع هذا كله واقف علي مصري والله من ردي الأداره لا بعد ويبونه ينجح يا اخي مشاريع الراجحي تبي تبتل قثرده ولخبطه وباالنهايه فشل شوف المدارس الي نفذها وشلون والله يقول احد الربع ان فيه مجمع تعليمي بنا ه الراجحي وسلمه وبعد 4 سنوات تم اخلائه ايل للسقوط وله هالحين سنتين فاضي لا حسيب ولا رقيب ............. تصفي بس الصبر
|
مشكور اخوي
تقبل مروري |
انا اللي اعرفه ان المشروع متوقف بأمر البلدية لعدم توفر مخارج للطواريء .. والله اعلم
|
المشرووع اغرب من الخيااال مدري كيف صاااار والغريب ان الامانه مالها دور بالاخطاااااء
لو هو مسكين يبني فله كااان طلعوا المر بتسبده بس عشااانه هاموووور وله واااسطه مسكتين عنه |
اقتباس:
|
والله من الزحمة
عند الانتهاء من المشروع |
شوارع ضيقه وحوسه وعمائر أدوارها بالعشرين شيء غريب شكل الناس اللى يبي يسكنون بهالعمائر . يبي يمشون رجل مع طريق الملك عبدالله |
مشكور........
|
اقتباس:
والله انك صادق تراي غير مستغرب من ها الوضع لانه عادي يصير في بلادي بسبب الفوضاء والاهمال اجل عمائر سكنيه وتجاريه مجموعه مع بعض وشوارع ضيقه يحول ياطريق الملك خالد منول دب والحين صار نحيف مرة وانت تمشي تصدم في ها العاماير وها المحلات اهم شي ان ها التجار يستفيدون من كل شي واحنا ما جابو خبرنا المفروض كان هناك ارتداد كبير في طريق اللملك خالد وابعاد هذة المحلات حوالي عشرين متر حتى يكون هناك مواقف للسيارات والزحمه الي موجودة في بريده الان نضحك على طريق الخبيب نقول وشلون صار في ها الضيق والان يحدث في طريق اللملك خالد ويمكن يكون اضيق من شارع الخبيب الله يكون في عوننا |
اقتباس:
وقبل سنتين تقريبا كان احد اقربائي ساكن اجار سنوي بعماره رقم 7 والله ان سقف المطبخ طايح وهو بالدور الثاني ,, وطلع لشقه ثانيه بنفس الدور وماجلس والله يمكن 3 شهور الا نفس الحكايه سقط احجار من السقف ,, ولاحياة لمن تنادي .. والله اني احيانن اقول ان فيه انواع الرشاوي للمهندسين ,, وكذلك وان شاء الله مايكون لحقين البلديه او الدفاع المدني ليه مايخلون العماير الان وهم يدرون ان الوضع خطير ,, |
يعني مشروع بهذه الضخامة متوقف على مصري ؟؟؟؟؟؟؟؟؟؟؟؟
سلم لي على خويك |
اقتباس:
وشو هالمصري اللي متحكم بكل شئ , الراجحي يبي يتركه كذا ؟! يروح ويجي على كيفة ؟! والحين تقول المصري سلب مبلغ ليس بالسهل , وشلون يرجع ثانية ؟! |
من حصل شئ يستاهله ياناس
وش بلاكم على الرجال وعماله الخيرية متفرعة بالقصيم تقبلو مروري |
يابعد روحي شوفوا
اعماله في المشاريع الاخرى نص القصيم تبعه والناس بس تمشي وترمي بالكلام |
لا يارجـآل والله يان الراجحي يبي يوقف مشروع علشان مصـري والله ماقام ولا قعد عنـده المشـروع العماير الكبيره اللي ع الشارع هـذي موقفتها البلديه والدفاع المندي اقصد المدنـي لان مافيها مخرج طوارئ قالو ياحط مخرج طوارئ والا اهدمها كلها وسو بنايه من الجديد هع اما الفلل مادري وش طريقتها قالو ان يبي يشرونها للحرس الوطني وبعدين كنسلو راحو بالمطاررر |
والله انا مادري وش اصدق ذا ولا ذاك؟؟؟
انا اتوقع ان السالفه كبيررررررررررره!!! لان الراجحي مايوقف مشروع زي ذا علشان الخربطتين ذي |
اقتباس:
السلام عليكم اخي علي الكتلونيا حبيت انبهك عن الرمز الي حاطه انت فيه صليب وانت مسلم لاترضاه لنفسك وآسف اذا ازعجتك بس والله من باب النصيحة |
المشروع متوقف عشين موسم التمر لان جميع العمال هاربين من الكفيل
|
انا اقولك الخبر اليقين المشروع متوقف بسبة إن مهندس العماير نسى يحط مواقف سيارات
|
الله يعين دنيا تااااابي صبر
|
اخوي انا الي اعرفه انه موقف من البلديه
والسبب رفعوا دعوى اهل حي الصفراء المقابل للمباني عشانه يتعور المنازل ونا اقول والله خساره للراجحي ولنا يعني مشروع زي ذا يرفع من قيمة بريده حرام يوقف تحياتي / A Z i Z |
والله لمريت من عن الشارع اللي توهم فاتحينه احسس اني بالشاميه ههههه هعوذبالله طريق والله ميكفي ولا سيارتين تششش مشروع فاشل فاشل فاشل ياحسافه الدريهماات اللي راحن هبااائن منثورا تششش اجل ابو مصري اللي موقف المشروع اخووص والله مالضاهر عماير ومبااني مشاريع كلهن مالهن داعي حقات الراجحي:(:i121
|
اقتباس:
|
فيه حل بسيط للمشكلة
رشوة على الطاير للناس اللي فوق <<<< معروف طبعاً و البلدية وخلاص |
والله ما ادري عن شي
لكن اللي اشوفه ان الراجحي متربع علي عرش العقار ببريده |
وكل واحد يتسذب مع جهه
ترا الراجحي ماهمه ها المشروع عنده عشرات المشاريع اللي يدخلن مليارات ولو همه كان قضاو والمخارج صلحهن والمصري سفره اذا صحت التسذبات بس انتم محترقين متى يقضي المشروع والراجحي مير ما دري تسان عنده مشروع |
طيب المباني وش راح يكون فيها هل سوف تباع للمواطنين ؟ او عسكر راح يجون ؟ |
(f) والله المصريين توقعوا منهم أي شي ، وقفت اسرائيل عاد مو عمارتين وشارع
|
اقتباس:
|
والله ضاعتبنا الطاسة
يعني شغل شلشلة ومع ذلك واقف لاكن ياحول يابــــــــــــــــــــــــريـــــــــــــــــدة |
فعلا المهندس المصري(هـ ) هو سبب المشكله حيث انه احضر مشروع مدينه سكنيه سياحيه بمصر وعدل فيه جزء بسيط ونفذه ببريده واخذ على كل مقاول كمسيون محترم حتى يسلمهم تنفيذ العماير والفلل وزود المشكله ان المقاولين نفذو المشروع باقل التكاليف اي ان الصب للخرسانه كان لونه احمر من قلة الاسمنت والان التصدعات ظاهره للعين بالمباني الغربيه والشرقيه وادخل المشروع وتفرج بعينك وشوف اللي ما احد يصدق فيه الشغل كله لمصقه بلمصقه والادهى والامر شكاوي الجيران للمشروع الشبابيك على مسنوى 60 سم يعني فوق ركبتك مكشوف ويعورك جيرانك والزجاج من النوع الرخيص والشفاف والسباكه خزانات فيبر جلاس مدفونه وارخص انواع المواسير والان الشكاوي بالمحاكم شغاله وعلى قفا من يشيل وطلب التعويضات وازيدكم من الشعر بيت -- الكهرباء رفضو توصيل التيار لهم المشروع باكمله غير مطابق للمواصفات الامن والسلامه للكهربا ومن العجيب لايوجد حتى غرف للمنظمات الكهربائيه والتمديدات لك عليها لاتستطيع تشغيل الاحمال العاليه للمباني والدهانات الان مع صيف العام الحالي بدات تعطي الوان مختلفه والشاهد ادخل المشروع وشف بام عينك
والغريب ان المباتي للمشروع لايوجد فيها ولا مسجد ولا يوجد فيها ولا مدرسه او ارض حتى ينشاء عليها مدارس واخيرا قاموا بدمج 3 فلل وجعلها نظام مدرسه اهليه يعني عيالك يدرسون بفلوس يعني تجاره مافيه رحمه لك والبلاط هبط بالشوارع وهو تجريبي وبعض الشوارع ممرات بعرض 8م ياعباد الله هذا معقول وين الامانه وابراء الذمه لكن نقول الله المستعان |
من داخل الغرفة التجاريه ؟؟
بسبب مخارج الطوارئ و مهبط طائرة مروحيه فوق العمائر ,, هذا والله أعلم .. |
اقتباس:
والله انك صادق مشروع فاشل100%حتى موقعه مال لآمه داعي مغير ضيقوا وحشروا الديرة الله يعين بس:oo:oo |
:i121الله يعززز الدنمييت يعني شكله تبي تصفى على هدم العماير يعني من جديد هاذا احسن حل خخخخ والله ياني فاقع ضحك كل واحد يولف له خبر:d
|
سبب التوقف ...
كلامك غير صحيح بشأن سبب توقف البناء ... وادخل على الرابط التالي وشاهد :
http://www.qassimnews.com/news-action-show-id-4232.htm |
اقتباس:
|
على الراجحي أن يوظف أبناء الوطن لأ نهم سيكونون بأذن الله أصدق وطنيه |
ولله تبي الصدق ,,, الغلطان الراجحي انه يبني ببريدة
اللي كل ردودهم شماتة وحسد اللي يقول فاشل فاشل فاشل ! ! هذا اللي يبي يطور ديرتك بغض النظر عن الفلوس له او لك واللي يقول الشارع ضيق مافي سيارتين تمشي فيه ؟ اللي يشوف الشارع مهم او نشيط واللي يقوول ياحسافه الدراهم اللي انحطت فيه مراح تكون بريدة مدينة استثمارية دام اهلها كذا العالم ماتدري مثل هالعماير والمشاريع تغري التجار والشركات بالفتح بمدينة بريدة وخهالشي بيساعد على توظيف عيالنا بالقطاع الخاص وراح يكون الشغل والاسثمار اكبر للمستثمرين من رجال بريدة الفايدة مو بس لراجحي بس اتمنى مانوشف المشروع من ناحية المادة تراه الرجال من جيبه دافع مافتح باب مساهمة عشان تقلون ملعوب علينا وراحت الفلوس |
شكلك يوم تكتب الموضوع ... قاعد على مخك ..... اللي سمعناه انه بسبب الطوارء وكذالك توفير مكائن كهرب بسبب ضعف الكهرب اللي بالديره |
اقتباس:
|
* * شكراً لك عزيزي بارك الله فيك * |
شكل العمايرمزعج وهن مابعد سكنن وشلون لاصارفيهن سكان
|
الله يسهل لهم كل امر عسر .. |
| الساعة الآن +4: 04:09 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.