|
سؤال عن البصمات الذي تأخذها الشرطة من مسرح الجريمة .. هل له نتائج ؟
السلام عليكم ورحمة الله ..
أسعد الله مسائكم بكل خير (f) عندي استفسار او سؤال .. أنا من كنت رضيع .. كل ماصار فيه جريمة سرقه او قتل او حادثه تأتي الشرطة وتقول .. أخذنا البصمات .. لكن انا مادري عن شي انا استفسر لأنه حصل لي نفس المشكلة ولم أجد قيمة للبصمات هل هو انا فقط أو كل من أخذوا بصماته قالوا (المريه الغفله) والمشكلة انهم في كل مسرح ياخذون البصمات .. هل فعلاً لدينا هذه الخدمة ؟ كشف المجرم عن طريق بصماته ؟ ولا هي تسكيته ؟ ولا وش الحكاية ؟ كل الود (f) |
هههههه يالمحقق كونان
والله مادري صدق ولا أرنب |
اقتباس:
|
ههههههههههههههههههههههههههههههههههههههههههه الله يرحم اميمك وابيك بعد يآآحبيبي يآآبوفهد , هذي يسمونة كما قيل سواليف قآآيلة , والشيبان منول يقولون لاتشرب قهوة تطيح ... , ووصلت هالمقولة عصرنا والله يخلف علينا صدقناه وبرضه هم صدقوه <-- مثال :d يعني يتسذبون التسذبة ويصدقونه , شف أنا بسألك يآآبوفهد , تسد سمعت من قريب لك ولا من بعيد إنهم اكتشوا مجرم بالبصماآآآت ؟ , عن نفسي الى يومك مآآسمعت عن هالشيء أبد , ومع إني كل مآآآشفت جريمة ولا سرقة , يقولون ابعد عن مكان الجريمة لاتكون آخر من يلمس هالشيء أنت ويتهمونك بالبصمآآت حبيبي أبوفهد هم يولفون والمشكلة اننا نصدق , وهم بعد تسذبوا التسذبة وبرضه صدقوه , عآآد أنا مآآ أدري هل هو توليف منهم ولا مآآفيه امكآآنيات عندهم , واتوقع ان الأمرين كلاهما محتمل :rolleyes: يآآحبيبي أذكر تسد نطلن بالمعهد ارواق تحضير وأمور مهمة للمعهد وقالوا لاتقربون من المكان لأنه تبي تجي الشرطة مآدري منهم :d ويبصمون , توقعت أنا انه بيوم يومين وجآآيبين المجرم , لانه وآآضح فآآتحن البآآب وحآآيسن الدنيا حوس , ولعله الى يومك مآآ يدرون من هو , والله من مرتن ومرة قآآلوا بصمآآت ومآإلى ذلك , والى هالحين مآآشفنا شيء وشف يآآبعدي اتوقع لا بغوا الوآآحد جآآبوه , ولا هب عن طريق البصمة , بس خلهم يحرصون شوي , ولا جيت تبلغ ولا حاجة , قل اتوقع ان المجرم ارهآآبي :d وشف وشلون يصير بجنبك بعد كم من يوم ;) خويآآك عفآآريت بس على اشياء ثآآنية , الله يكفينا الشر معذرة يآبوفهد شطحت بالموضوع , واستطردت بالكلام وأنا لو اسألك هالسؤال أدري وش جوابك <-- مآتخلي عنك هالكاعة :d خذ (f) |
أتمنى الرد من إدارة الشرطة ...:s |
,
حبيبي آبو فهد :d البصمآت مستحيل يجيبون ولا آذكر ولا تسد جآبوآ آحد عن طريق البصمآت ! :) لكن شـ الفآيده ؟ الفآيده يآبعدي إذآ آشتبهوآ بـآحد آو آتهمت آحد إنه مثلاُ هو السآرق .. يطآبقون البصمآت بسسسسسس هنآ الفآيده ! :) (h) |
مع النظام الجديد لأخذ البصمات من المواطنين، أعتقد راح ينجح هالشيء :d.
لأنه راح تكون فيه قاعدة بيانات لجميع بصمات السعوديين. حتى الأجانب أخذوا بصماتهم، يعني الكل راح يكون له بصمة. |
^^
صحيح كلامك واكبر برهآآن انك لارحــت تلطلع بطآقه جديد يطلب البصمه..:( |
هههههــ
اصلا عندنا يقلدون الدول المتقدمة واللي هي كل مواطن عند الحكومه بصمته يعني اذا سرق يحطون بصمته بالكمبيوتر ويطلع المجرم يعني كانك تبحث بقوقل وعلى طويل يلطع النتايج لاكن ربعك ما فهمو وش القصه قامو يقلدون باخذ البصمات من مسرح الجريمة لاكن انا اذكر اني سمعت واحد يقول هم ياخذون البصمه مهب عشان يدورون المجرم لا هم ياخذون البصمه ويحفظونها عندهم واذا جا مجرم سرقة مثلا طابقو الصمات ووجدوان البصمات هي نفس البصمات عشان تكتب عليه جريمتين |
عــزيزي المنخرش(h)
كـل شي لــه فائدة .. تقبل مروري..~:) |
يطابقون البصمات على المشتبه بهم وعلى أصحاب السوابق وعلى أصحاب السرقات المماثله والمتوافقه زمنياً ومكانياً مع الجريمه
|
هو فيه فائدة علشان اذا أخذو البصمات،، يقولون منكم وبكم كالعادة!! ولا أحد يعرفكم،، |
هههههههههههههههههههههههههههههههههههههههههههههههههه ه
من مركز شرطة المنار الي بالرياض الى مركز شرطة الجنوبية الي ببريدة البهية مو تري انصرق 3 مرات اول مرة ناقلة بسطة للمركز كي ياخذون البصمات والمرتين الي عقب اهم جو عند البيت ياخذونها وكلها متطابقة ولكن وين المجرم ما احد يدري :113: وش يسوون يجيبون طحين يكبكبونه ويملون الموتر ويطلع تقلنه مخبز او مستودع طحين منثر بكل مكان ويجيبون الفرشة يبدون يطيرون فية ويكبكبون خرابيط انا اشك انهم يشعوذون :113: بالحركات ذي عندي استفسار انت شايف بريدة ستي الداخلية مثلاً يوم انك تسئل ذا السئوال :113: |
إذا رحنا نطلع بطاقات أحوال لازم نبصم وتسجل بالكمبيوتر
طبعا بصماتنا مسجلات بالكمبيوتر الوطني .. وممكن تتفعل بعدين الحين مافيه شي :113: يعني الي يسوونه الحين . يشوفون هم يعرفون ياخذون بصامات ولالا لكن لو تقول إني شآآكٍ بفلان . جابوه وشافو بصماته اذا نفسه تراه هو وبس :) |
بالحياة الصدزية له فوائد اما بالسعوديه يعتبرونه فن
|
مطابقة البصمات هذي نتيجتها
لاقبضوا على لص مثلا ادخلوا بصماته بالحاسب همن يشفون له سوابق أو لا |
يا بعدي هم عساهم يعرفون يقرون ويكتبون
يجيك بس ينثر البودرة على المكان ولا ياخذ شيء يعني بس قدامك يقاله اخذ البصمات ولا هو ما عندك احد ولا مثلا لو سياره منطوله المفروض يدور البصمات بكل السياره ويدور شعر ويدور اي شيء بالسياره عندنا بس ينثر البودرة بباب السواق ويقول اخذنا بصمات :) |
مرحباً بالجميع
والله ماكان ودي أقلب الموضوع هزلي لأن الموضوع جاد :d لكن عجزت أقاوم :d أولاً أحب أبين أن اللي يقول العماله الأجنبية يبصمون عشان الجرائم لاياغالي مالها علاقة .. واذكر أن الامارات سوت البصمت يوم تأسيس المملكة . من قديم يوم بدينا حنا بالبصمه وهم خلوا البصمه وبدأو في بصمة العين الاصبع تستطيع على الأقل تجاوزه مثلاً لكن العين لا هنا الاستحاله ولكن نحن نبدأ كما بدأ الآخرون وليس كما انتهو امر آخر .. اشوف البصمات تؤخذ للبزر من رجليه اول ماينولد وقديم جداً وهم يسوونها هذا دليل ان لها فائدة لكن لم نرى فوائد للاسف حتى الآن النقطة الأخيرة بالنسبة للي يقول انت شاك بفلان ثم يبصمونه عشان يشوفون هو يطابق او لا انا وقفت على احداث نفس الحركة وصار فعلاً هو سارق وبصماته موجوده وادله غير البصمات واجد وطلع منها .. ليش ؟ لأنه لم يعترف يعني كل الشهود والعالم والأدلة واخرتها يقولون لم يعترف وطلع يعني حتى في هالموطن لا اعتقد ان لها فائدة أيضاً اعتقد ان تفكيرهم اكبر من سرقتك انت واياو واكبر من جريمة انت واياو ومثل ماقيل كلن يبحث عن مصلحته .. ومالصح العامه .. يخلف الله الدعساوي جبتها على الجرح هه شكراً للجميع |
هم يقدرون يطلعون السارق بس تبي شغله وجريمك ممكن ماتستاهل !!!! عام1413هـ سرق مابداخل سيارتي عند ثانوية بريدة وجت البصمات والمري ولساعك ماشفت أحد . لكن أفضل حاجة قل اللهم أجرني في مصيبتي واخلف لي خيرا منها واعمل محظر بالشرطة إن كان ولابد والله يعوظك خير |
اقتباس:
يعني لو اختلطوا البزران ولا حصل لهم حاجه يعرفون منهو ولده عن طريق بصمات الرجلين .. |
هم أبخص .. بأي شي يسوّنه :cool:
|
حسب الشخص اللي صارت له الجريمة
|
| الساعة الآن +4: 12:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.