|
كشف لصوص المنازل في بريدة (وفي وضح النهار) .....>>صور<<.....
السلام عليكم ورحمة الله وبركاته .... وبعد : 12 جيتكم اليوم بصورة من صور النهب والسلب :eek:واللتي ربما تستخدم المهنة غطاء لها :ooوالتي تمر غالبا على الكثير مرور الكرام :confused:... ومن حسن نية :bad... وفي المقابل نرى مع هذا الصمت الرهيب:S من المسؤؤلين ooo1تجاه عمليات السرقة المتكررة والنتشرة انه ربما تضع مجالا للشك من تلك التصرفات اللتي تشككنا :cool:.... مع مانسمع من امتلاك ادوات متطوره وكاشفة للذهب والمعدن واللتي لاتوجد الا مصرحه فهذه دلالة ومؤشر خطير على امن البلد واستقراره:oo .... ففي صبيحة يوم الاحد الماضي وبعد الخروج للدوامات عدت الى المنزل بعد ان وضعت اهلي كل في عمله:re لانعم بقسط من الراحه ... واذا بي ارى امرا افزعني :eek:... وذا ببيت جاري يقف فوق سورها لصوص... حاولت ان اسير طبيعيا حتى اتعرف عليهم فاذا هم عمالة وافده تقف فوق سور البيت:mad: واذا بذاك الرجال سعودي الجنسيةداكن البشرة يقوم بتوجيههم :(وقفت قليلا لارى نهاية المشهد ذهب قائدهم الى البيت المجاور يعاين المكان قمت بتتبع الحالة بعد ذالك حركت السيارة باتجاهه فسألته مالخطب قال وبلهجة ساخرة:d (ابد والله نفك لمبات الشارع المركبة على جدران المنازل ) قلت ومن اذن لكم :mad:(قال بامر من البلدية )قلت فلم لم تستأذنو صاحب المنزل فقد اشترى اللمبة بماله:41( قال ساخرا::d اللي يبي لمبته يجي ياخذه) قلت خيرا ان شاء الله ... وبعد يوممين قمت بجولة على الحي فأذا هم ما زالو على جدران النازل يصولون ويجولون :(... والله المستعان .. اقول وملخص الكلام : ان السرقات الموجوده وبكثرة في هذا الوقت وعدم مقدرة الاجهزة الامنية على السيطرة عليها فهذا يقودنا الى الشك بان حاميها حرميها ... وان الحرامية يعرفون انهم بعيدون عن الشك بهم و عقوبتهم .... واكبر دليل حتى الان لم نسمع عن قلة السرقات بل هي بازدياد .. ثانيا : الطريقة العشوائية في تسلق المنازل وبدون علم مسبق ولا انذار:i121 يدل على اهانة المواطن وعدم تقديره :oo... ومن كشف عورات المنازل:42 .. ثالثا :اخذ المال الخاص بهذه الطريقة تعتبر سرقة وما خفي كان اعضم ..(وان اكلت بصل افكثر) رابعا :بهذه العملية العشوائية من البلدية تضع علامات استفهام:confused: كبيرة وواضحة مع تزامن كثرة السرقات ... خامسا : اقول اين الدوريات عن هذه الاحداث واذا كانو متواجدين فأين دورهم !!!!!!! الصور http://www13.0zz0.com/thumbs/2010/10.../336607654.jpg 2 http://www5.0zz0.com/thumbs/2010/10/07/00/727817048.jpg |
فوضى طيب مثلا لو بأفتح شباك غرفتي الصبح ما أدري الا اللي قدامي وجه رجل بسم الله علي |
خخخخخخ
وآلله قمة التخلللف يآبلديه |
السرقة كثيرة جدا ’’ نسأل الله ان يحمينا من كل مكروه
|
طيب وراه يوم شفتهم مابلغت الدوريات
دام انك تدري انهم حرميه مع احترامي انت صرت حرامي مادام انك مابلغت الدوريات |
السراحه فوضى الى ابعد حد |
اولا .. اذا كان صدق ع قوولتك حراميه ليش مابلغت الشرطه بوقتها وهم يشوفوا شغلهم
ثانيا.. اذا كانوا من البلديه فالصرااحه قمة الفوضى وبيوت الناس لها محاارمها مشكــــــــوور خيوو ع الموووضووع.. |
عجب ..........!
|
بحبوحة :يمكنك تمزحين لكن الامر اكبر من كذا ... n73 مو مشكلة التخلف المشكلة وراه صار التخلف بمطامر البيوت؟ ابراهيم المزيني : امين .. عصير مشوي : ماتصلح تصير مدير علطول تقلب الخطأ على الموضف ... بعدين حاول تتدبر معاني الموضوع وتلقى الجواب... ممدوح الطرس: مهي مشكلة الفوضى بس وشلون سلطة الفوضى فوق البيوت ..! السنيوريته : ارجع واقول شكل الموضوع ما وضح لكم .. وليس المقصود ان البلدية هي الحرمية وانما النتسبين ممن يتعللون بانهم تبع البلدية ومسموح لي اسوي كذا ... همن يلعب عليه الشيطان ويعمل المصيبة .. مفهوم درة المدارس : الصيام في رجب .. |
ياووويلي منب فاتحه دريشتيي اببد بعد اول ماافتحه يبخ بووجهي عااد يصير شيييفه تززوود الرووعه
|
فلونة : تراى الموضوع اكبر من الضحك والمزح ..... ولا اكتويتو بسرقة علشان الواحد يجيب مجموعه |
وتسسبديه !! :eek: :eek5 طيب بي حي ؟ :( |
كيف يصبحون حرامية وهم حاضرين على سيارة البلدية ويفكون اللمبات الموجوده على الاسوار مما يبدو من الصورة المرفقه مع الخبر
شكل التحليل غير منطقى وتوقعات في غير محلها اللص لاياتى في بهذا الشكل مما يبدو وخبرك غير مفيد في وجهة نظرى ولو كان لصوص حسب ماذكرت وشكيت من وضعهم لما بادرت بالاتصال على الدوريات الامنية |
ضحكتي ماركة : شمال بريدة .. اديب المجلس : ماسمعت بالمثل اللي يقول (حاميه حرميها) ... شكلك ما سمعت اللي تبع البلديه يطقون عليك ويقلون نبي نرش معقم للبيت وبالتالي يرشون منوم وينهبونك .؟. انا ما قلتلك ان بعض الناس احبيبين وعلى نياتهم ...على فكرة وين بيتكم ابجيب ونش وعاملين وابفكك بيتكم كله (( يالليتك فكرت شوي قبل الرد وقريت الموضوع زين)) وبعدين اللي ينطلونك وياخذون منك قسايم عينك عينك ورااااه ماتبلغ عنهم انهم انطلوك ... |
الان البلدية تنزع اللمبات التي على السورالبيوت بعد وضع اللنبات على المواصير وتعيد نركيبها في احياء اخري |
الحين ماقصروا معكم البلدية حطوا لكم لمبات عمودية وقالك الرجل تبي لمبك تعال وخذه وشتبي اكثر من كذا والله ميرضيكم العجب والا الصيام برجب |
ماشاء الله حتى السرقااات صارت موديلات والله عجب
والله ياما حانشوف الله المستعااان |
والله لأفجر بهم لو أشوفهم عند بيتنا
|
اقتباس:
شكلك مزكوم :d |
والله فوضى
طيب لو كانت المعزبه او الوالده جالسه با لحوش بابراد الصبح تروح فيها وين الدوريات :i121 |
أحسنوا النيه بوركتم يزينون المبـات |
[color="purple"]قد قلت كلمة يا المبتسم عن ألف تعبير [/color]( حاميها حراميها ) ولعلك تذكر كيف سحبت خزنة التاجر ( أحتفظ بإسمه ) من سوق بريدة من مكان الجرده سحبت بسلسلة حتى وصلوا عند أماكن الطواحين ويالله العجب عندما أتي بها ذلك التاجر اتى بها بونش من ثقلها وتسحب في ليلة والشرطة في المكان وما من مجيب حتى إذا سألوا التاجر من تشك فيه ( فعلا حقاره ) قال أنتم الذين سرقتموها . وفي قلبي أنه صدق
|
الله يسلمك على الموضوع الرائع
لكن وين الدوريات عنهم ورااه مابلغت عليهم وباي حي هذي السالفة |
طيب البلديه وش دخلهم نحط بلبيت لمبات والا لا.؟
بلديه متعجرفه صدق. اجالي بكرى بيفكون البيبان همن الداريش اوووم الحاله |
حرامي معه ونش
كان ماصار حرامي لأن الونش غالي بعدين الواحد يبي طريقة سهلة خفية مب موقفين بدينا أنا أشكرك على اهتمامك ولكن ياليت ناخذ حذرنا بكل شي |
قد تكون سرقه وقد تكون اكبر من ذلك
ومن الممكن ان تكون الخادمه تنظف الحوش وفجأه ذولا بوجهها وتضحك لهم ويصير فيلم انتم عارفينه الله يستر |
والله مشكلة صراحة لكن يمكنهم يغيرون اللمبات ولا شيء مالظهار انهم يفكونهن ويتركونهن ومشكور
|
اوووووووووف الله يعيننا عليـــــهم
|
الحين شفن الخلل فهل من حل
|
ياتسبدييييييييييييييييييييييييه وشو ذا :oo
|
اقتباس:
مااقول الا الله يخلف عليك قل امين .. اللحين الرجال يجي يشتكي ويقول انا رااقبتهم وتجي تقول ليه ماعلمت عليهم ..! اللحين لو جاء وقالك اني علمت يبي يجي واحد غيرك او انت يمكن تجي وتقول ليه مارقبتهم عشان توصل لحل مو تجي وتكتب موضوع مافيه فاايده له .. والله انتم بشر تستاهلون السرقه وتستاهلون كل اللي يصير لكم وترا منكم هالشي .. :mad: |
اقتباس:
حلوه هذي اجي اركب وتجي البلديه تاخذها وتقول تعال راجعني .. اغدي هالشي يصير لك عشان تشوف وش القهر اللي يصير بااهل البيت .. والله العجب فيك انت ..! |
اقتباس:
حلوه احسنو النيه انت ماشفت الصور والله لو اشوفهم بهذي الطريقه وقداام بيتنا .. مااخلي احد يتحرك الا والشرطه عندهم منها اتعرف عليهم صدق , واذا هو صاادق ينتظر الشرطه ..! |
مشكووور حبيبي الله يعطيك العافيه الله يكفينا شرهم |
اقتباس:
كم عمرركـ انت . . . ؟ ؟:i121 وبعدين بعللمك ترآآ اللمبآت الي انت حآط بالصوورهـ هذولي تبع البلديه هم الي يركبونهن مؤقت لمين يركبون لمبآآت كبآآر |
الحقيقة اشكركم على التفاعل ... واخص من سعى لايجاد حل اولتأييد فكرة عدم تكرار مثل هذه الرعونه .... واقول للذين لايجيدون فن المخاطبة .. من تكلم في غير فنه اتى بالعجائب ... علما ان الموضوع لايجرح احدا بعينه .. والله الهادي الى سواء السبيل .. |
شر البليه مايضحك امه السعودي هذا ليس عنده قطرة من الحياة ولايمان اغلب الذين يعملون في البلدية عرابجه ومتسلطين
|
صدزز اناا مستغررب ماا يستئذنوون ولى شي
|
هاذااا متقاعد مع شركه الكهرب
هههههه |
اقتباس:
بسراحه لو إنا مكانك ماخليتهم يخشون بيت جاري لو على ايش المهم سي يو |
بعض الردود تبرد الجسبد .... يعجبك ويكون فاهم ..... وبعدين يدلك انهم خبط عشواء ... ما فيه اي اعلان قبل ولا تنبيه |....علشان يحجونك ... وش ذا السماجة يابلدية |
الوضع من جرف لدحديره
ودك تورد على مدار الساعه وتستودع الله اهلك ولا المال واي شي مثمن لاتجعله الا بالبنك والله لا يخسر مسلم الوقت هذا لا ضاع لك شي كود تسترده بنفسك ولا مالك احد امس احد اقاربي سرقت بيته وذهب يعمل بلاغ يقوله العسكري في 5 بيوت غيره يعني يتفاخر بتحطيم الرقم القياسي بالسرقات |
الله المستعان وعليه التكلان ... وصدقت اخوي الحافض الله .... والعسكري هذا .. عذره اقبح من ذنبه .... لكن كيد الله على الضالمين ... |
ههههههههههههههههه
اجل حررررراميه هههههههههههههههههههه اجل لاتاااقف للشرطه لاوقفوك تراهم حراميه حلوووووووه هذي حررررررررررررام هذووولا بلديه وعلى نياتهم بيغيرون اللمبااات ض1 |
خطاهم ضيع غلاهم : اتوقع وبحكم وضعك كانثى فالامور الخاصاه بالمجال الخارجي قد لاتفهما عالم حواء .. بالنسبة للقسايم والمخالفات اجمع العلماء انها سحت وان تدبيله من باب اولى بحرمتها ... وبهذه الطريقة تكون سرقة المواطن في وضح النهار .... ويبدو لي انك اخذت الموضوع بسخريه .. او قد تكونين قلية الفهم لهذه الامور ... |
يابعدي متكلف على الصور
|
الله يعين عليهم
|
للأسف البلديه ما عنده أي توعيه أو أحترام حرمت المنااازل ... الأناره مركبها صاحب المنزل من فلوسه ليه ما يكون فيه مساح يحصر المباة و يبلغ صاحب المنزل أذا يبي يشيلها أوتشيلها البلديه بحكم أن الأن خطه أنارة جميع الأحياء .... ( عندناااااااااااااااااا الدوائر الحكوميه أنواع البزعااات )
|
لا تعليق...
|
يممممممممممممممه عااد انا برووحي خووووافه ورااه النااس صاايره كذااا استغفر الله
|
حسسسبي لله عليييهم
الله يجعلهم الدوكاار اللي مايدرون معين يطلعون |
بسم الله الرحمن الرحيم
السلام عليكم ورحمة الله وبركاته عسى الله ان يهدي ابناء المسلمين والعالمين اجمعين ، جزآك الله خيراً |
ماعليش ليش مابلقت الشرطه
انت تدري انهم حرميه |
:
اقتباس:
:d:d:d:d هههههههههههههههههههههههههههههههههه والله ياوردة ردك يفطس من الضحك انا مت من الضحك عـــــــ كلمة (الدوكار)احسن انه مثل دعاء الشيبان والله انك فله:rolleyes: |
الغالب من موظفي البلدية لا مباله في الامور اهم شئ يخلصون اشغالهم من شان يروح لم البيت مافيه مخ |
ساااااااري : تسلم على الرد اللي له لون وطعم ... ولا يهونون باقي المشاركين اثريتو الموضوع .. وكفيت |
تصدق الموضوع ماخطر في بالــي
ابدأ من الممكن او قد يكووووووون من الحراميــة |
ههههههههههههههههههه
|
الموضوع مبالغ فيه
ولا فاهم وش المقصود منه حرامية لو بلدية زين بعدين صاحب البيت وش سوى؟؟؟؟؟؟ |
بيتي ليست للبلدية
اين أدب الوظيفة على الأقل يوم شاف ان الذي يسأله من الحي كان معه صورة التصريح او اللإتفاق مع البلدية والبلدية لا تملك الأذن باقتحام منزلي الا بأذني وبعدي من الصورة هم فوق سطح الملاحق لو كانو على سطح ميزلي عرفت وشلون اعلمهم تصريح البلدية ..:i121:i121:i121:eek5:oo:41
|
شكراً لك أخي هذا التصرف غالباً يأتي من ارتجال موظفي البلدية ، واستغلال المشاريع الصغيرة لصالح مقاولين مقربين أو مؤسسات مقربة لهم ، لذلك تجد العشوائية في التنفيذ ولا وجود لتنظيم ، والعمل كيفما اتفق ، للظفر بقيمة تنفيذ هذا المشروع ، بأسرع وقت ، فتجد العمالة المكلفة حي الله من الشارع ( كهربائي - أو متسلق بنقالي وغيره ) حتى البكلين آجار هذا غير انهم يفكون القديمات وياخذونهن حتى لو من فلوسك مع الباقي من الجدد !! هذا مكسب ثاني غير . ينعم به الحاظر للفك والتركيب . هنا انفتح باب السرقة على وذنه من الدولة باسم المشروع ومن الغافل حين تتهيأ الفرصة بهذا الشكل ، الغريب انهم يأتون صباحاً ، وبدون إذن ، وعمالة مجمعة ، أقل ما يفكر به هو التلصص ، وانتهاك حرمة البيت بهذا العذر المفروض إحترام أهل الحي ويكون فيه إعلان للحي كاملاً بالمشروع والمطلوب ، ووقت التنفيذ ، سواء حفريات أو تغيير لمبات أو اسفلت هذا أدباً واحتياطاً لأن العمالة لن تكون بالضرورة تابعة للبلدية .. صوره لرئيس لقسم المشاريع بالبلدية ... |
اتمنى ومن كل قلبي .... ان يصل فحوى الموضوع الى مسؤؤل يقدر حجم المسؤؤلية ويراقب الله في ذالك ... وان نرى جديد في الموضوع .. وليعلم ... ان كل راع مسؤؤل عن رعيته ... |
من جد تخلف
>> اقول يابنيات حذاري بس تطلعن بدريشه.. خوفي يطلعلكن واحد من ها الحراميه>>عجيز والعافيه برآآآآ |
السيف الأملح
|
انا شايفهم وهم يفكون
بس الحمد لله ماشريت لمبه منهم لو انا منك اروح اخذه تجيب لك حق عشا بالحراج |
حسبي الله ونعم الوكيل
طيب ليش ماعلــــــــــــــــــــــــمت احد؟؟؟ |
هذي اللمبات ملك للبلديه وليس لصاحب المنزل ولكن توضع بامر وطلب من صاحب المنزل للبلديه وبعد لاخربت والا انكسرت والا اي شي تدق عليهم يجون يصلحونها
لا لصوص ولا شي بس انت خبطت السالفه وجيت تكتبه كان رنيت على صاحب المنزل ويتفاهم معهم احسن من القيل والقال |
اللهم أحمنى من كل شر
|
يؤؤؤؤؤؤؤؤؤؤؤؤؤؤؤؤؤؤه ياربيـه موب صااحين قسم يمكن اوب حرميـه لو حرميـه كان مااطبو بالنهار
مشكور خيو |
اللي يقول ... انه تتبع للبلدية .. بلاه ما دفع دراهم ( وترا موب لازم تفتي لاصرت ما تعرف ) انا اقولك وحنا شرينا الله يبارك فيك ... والحذر واجب ... وانا ما اقدر اشكي البلدية ... لانه جهه حكومية ... والله من وراء القصد |
الله يحمينا
|
اللهم امين |
اقتباس:
يآآخووي لآلآصآر انت مللعوب عليك وشآري ووش نسويلك حنآآ :mad: والله ان اللمبآآت هم الي يركبونهن وهم الي يسوون لهن صيآآنه وهم كل شي . . :( |
ووورررررررراك حمق ... انا ادري ان المواصير .. هم اللي يركبونهن ... لكن انا اعني اللي على جدران البيوت ... وبعدين وذا ركبوهن هم وش ذا الفوضى يطلع على بيتي ويكشفه(اي يعوره) بدون اي اذن او انذار .. لكن من امن العقوبة اساء الادب ... |
اقتباس:
وهذا هو ردي بـ إختصار اليوم لمبات بكرامكيفات بعدهـ أرواحنا ولوبلغت ماعندك أحد بس صدقو إللي كتبوا حاميها حراميها الله يستر على المسلمين بس لويطبق قطع اليد كان ماشفنا التنويع بالسرقات بس ماأقول إلا الله يحفظنا |
تقصدين اعراضنا ....>>> والا ارواحنا اهون بكثير ... والواضح ان الموضوع يتم التعامل مع مجرياته بكل بروده .. ولاحياة لمن تنادي |
الله المستعان
ان الله ينزع بالسلطان ما لا ينزع بالقران فلوا قطعت الايدي لبعض السراق حتى ولو لم تكتمل شروط الحد لرتدع الاخرين وقلة السرقات فما دفع هؤلاء الا سما حتنا وتواضعنا والطيبة الزائدة والثقة التي في غير محلها |
حسبي الله ونعم الوكيل..
اللهم احفظني واحفظ اهلي والمسلمين اجمعين.. جزآك الله خير الجزآء.. الموضوع بجد مهم.. |
استودع الله اهلي وبيتي وووو.. اما بالنسبه لقولة الطيبة هي اللي وصلتنا الى الحد ..... فاقول هذه ليست طيبة بل سذاجة والمؤمن كيس فطن |
| الساعة الآن +4: 04:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.