|
عزوف بنات الجامعة عن الزوج
السلام عليكم الموضوع مهم وحساس هناك اغلب بنا الجامعة أذا جاء رجل يخطب قالت سوف اكمل درستي قد يكون هذا لعدم الثقافة بأن الوقت يمضي وقطار الزواج يذهب أو بتأثير صديقاتها أذا زوج كفو أستشارت صديقاتها ثم يأتي الرد بدري على الزواج أو ماذا تعرفين عنة وتكون صديقاتها عائق في زواج بعض البنات كثير من اصديقائي حصل لة نفس الموقف البنات يؤثر بعضها على بعض أو يحسد عليها اوريد التعليق على الموضوع شكرا
|
لا الحين هالفكره ذي تغيرت ياكثرهن البنات اللي بالجامعه يدرسون ويعرسون وعادي يمكن اللحين 1% اللي يقولون بنكمل دراسه
|
لا الحين ماتصدق تحصل احد خلاااااااااااااااص وقت التغلي
|
وش دعوى يحسد عليها هه بتأخذ إبن سعود على غفلة .. لاياأخونا , اللي تدرس بصراحة ماعندها سالفة تتزوج والله ماعندها سالفة أبد , مستعجلة على رزقها , بعدين أي قطار يفوت وأي تريله ؟؟ المكتوب بيجي .. وثقافة القطارات هذي خرابيط لاتصدقها . يعني قالوا لك إذا ردينا بالجامعة بنقعد ؟؟ لااااااا طال عمرك .. وأذكرك بنتزوج كل أبونا , ترى الزواج مثل الموت لابد يسيّر على كل الأحياء .. واللي ماتوا مهب أحسن منا .. // * من يقول الفكرة راحت أقول مش صحيح بل لازالت وأغلب اللي بالجامعة ماتزوجن .. .. |
اللي يسمعك يقول ان اعمار اللي يتخرجن بالاربعين بالعكس كل ماعدت البنت الطعشات كل ماصارت اثقل انا الصراحهـ ماايد اللي تزوج بدري عمرك وحلليه مرحله مرحله مب من طفله على طول نقله لام عيال
|
اقتباس:
اجل بيحسدونه :oo |
اقتباس:
صحيح انا ودي ادري الولد وش شايف نفسه؟ يحس انه اول مايخطب البنت علطول بتوافق عليه طيب مو شرط تكون تبي تكمل دراستها ممكن ماعجبها الولد وقالوا له بتكمل دراستها انا اعرف واحد الحين عمره 30 ولا تزوج للحين مع انه مدرس الحين وراتبه يمكن عشرة الاف بس يحس انه الناس بيخطبونه لبناتهم ويقول اللحين خلاص صارت البنت هي اللي تخطب الولد وكل يوم جاي بسذبه ابو الفلان خطبن لبنته وهذا لاخته المشكله مافيه شئ زود لاجمال ولاصلاح يعني عادي مرررره وكل يوم وهو عايش بهالاحلام والاوهام مادري متى بيصحى الله لايبلانا |
الحين صارن يتزوجن بالثانوي
بعدين الرجل يبي يمنعه من الدراسه يوم انه ترفضه >>انا أفضل الوحده تعرس بعد ماتتخرج مشان تصير مطيحه هم الدراسه وتتفرغ لبيته وعياله لكن مافيه مشكله انه تتزوج وقت دراسته اذا كان يستااااااااااااااااااااااااهل |
عمر التخرج 22 أو23 وهذا أفضل عمر للزواج ((وجهة نظر))
يعني تكمل أحسن له بكثيييييييييير من الزواج لا حقين على الشقى ... |
الحين الاغلب يتزوجن قبل الجامعة000كثيررررر من بنات الجامعة يدرسن ومتزوجات لا واشطر منا ياالعزبيات000دايم اسال نفسي هذي وشلووووووووووووون توافق بين بيتها والجامعة0وخصوصون اذا فية بيبي يااااااااااربي0ماشاءالله000وحنا يادوب عندنا وقت نجهز ملابس بكرى0000يمكن الوقت ماصار فية بركة0000تحياتي لك موضوعك مميز00000000000
|
فيه مشكلة لو تزوجت وكملت الدراسة..!!؟ وبعدين من قال أن الولد صار يحس أنه بيخطب , أعتقد هالشكليات ماتتجاوز 3% .. بالعكس الواحد إذا خطب اللي عينه عليه ووافقوا وده يطير من الفرحة .. وجهة نظر طبعاً عشان ماأحد يهاوش , تراي مالي خلق مشاكل ..:) |
والله نرفض لأن قل فيكم الكفء .. والمثل يقول اعيش بجنة ابوي ولا بنار زوجي (: |
اقتباس:
(h)(h)(h)(h) كفيتي ووفيتي |
انا مااؤيــد البنات اللي يقولــن نبي نكمــل الدراســـه!! >>اولاااااهـ وش دراااستـــوهـ <<عاد يالوظايــف اللي يحترننــا على غفلــه خلاص اذا صارت بثالث ثانوي وجاه رزقـــه وزيـــن موحلــوه انه تــرده لاتحسبــونن عــاد عجلـــه على العـــرس:d بس صراحــه وجهــة نظر مو حلــوهـ البنت يجي رزقــه وتــرده عســى بنــات المسلميـــن مايقعـــدون من شــر ويـــرزقهــن اللي يــدلعهــن يــارب:080:: >>يالله استانسن عــاد:090: |
اللي قال طرح الموضوع غبي وان القطار لا يفوت الا سلوب غير مهزب وكلام سوقي والكلام انا كتبتة عن بحث ومعاناة نريد اناس ينقد باأسلوب وغيور وانا اشكر الذين علقوا ويعجبني ثقافة الموجدين
|
ياحليلك لاتوصي حريص اذا جاء اللي نتمنى بنوافق بس الله يجيبه :eek5 واذا على القطار الحمدلله بوه سيارات اوذف واكشخ:d |
^^^^^^
يامن تريد زوجة صالحة جميلة .. أين ثقتك بالله ؟ يامن تريدين زوجاً تقياً يسعدك .. أين ثقتك بالله ؟ ^^^^^^^ {الثقة بالله} أمر عظيم غفلنا عنه كثيراً .. فما أحوجنا اليوم إلى هذه الثقة .. لنعيد بها توازن الحياة المنهار.. ولكن ماهي الثقة بالله؟؟؟ {الثقة بالله} تجدها في إبراهيم عندما أُلقي في النار.. فقال بعزة الواثق بالله: حسبنا الله ونعم الوكيل.. فجاء الأمر الإلهي: يانار كوني برداً وسلاماً على إبراهيم {الثقة بالله} تجدها في هاجر عندما ولى زوجها وقد تركها في واد غير ذي زرع.. صحراء قاحلة وشمس ملتهبة ووحشة.. قائلة: يا إبراهيم لمن تتركنا؟ قالتها فقط لتسمع منه كلمة يطمئن بها قلبها .. فلما علمت انه أمر إلهي قالت بعزة الواثق بالله .. إذا لا يضيعنا ففجر لها ماء زمزم وخلد سعيها.. ولو أنها جزعت وهرعت لما تنعمنا اليوم ببركة ماء زمزم ! {الثقة بالله} تجدها في أولئك القوم الذين قيل لهم .. إن الناس قد جمعوا لكم فاخشوهم.. ولكن ثقتهم بالله أكبر من قوة أعدائهم وعدتهم.. فقالوا بعزة الواثق بالله: حسبنا الله ونعم الوكيل .. فانقلبوا بنعمة من الله وفضل لم يمسسهم سوء ! {الثقة بالله} تجدها في ذلك المحزون الذي هام على وجهه .. من يا ترى يقضي دينه أو يحمل عنه شيئاً من عبئه ..إنه الله فانطرح بين يديه.. وبكى يتوسل إليه.. فكان أن سقطت عليه صرة من السماء قضى بها دينه وأصلح أمره !! {الثقة بالله} تجدها في ذلك الذي مشى شامخاً معتزاً بدينه .. هامته في السماء ..بين قوم طأطأوا رؤوسهم يخشون كلام الناس !! الثقة بالله.. نعيم بالحياة.. طمأنينة بالنفس.. قرة العين.. أنشودة السعداء ! فيا أمة الله .. أين الثقة بالله.. يامن تريد زوجة صالحة جميلة .. أين ثقتك بالله ؟ يامن تريدين زوجاً تقياً يسعدك .. أين ثقتك بالله ؟ يامن يتوق إلى الهداية .. أين ثقتك بالله ؟ يامن يريد السعادة .. أين ثقتك بالله ؟ وقال ربكم أدعوني أستجب لكم .. فهل هناك أصدق من الله؟؟ ومن أوفى بعهده من الله؟؟ اللهم ثبت محبتك في قلوبنا .. وقوها ووفقنا لشكرك وذكرك .. وارزقنا التأهب والاستعداد للقائك .. واجعل ختام صحائفنا كلمة التوحيد .. أشهد ان لا اله الا الله.. واشهد ان محمد رسول الله سبحان الله وبحمده.. سبحان الله العظيم .. وصلى الله على نبينا محمد وعلى آله وصحبه أجمعين . |
عزوف بنات الجامعه عن الاوتار الذهبيه ...
بعض البنات اللي يقولن نكمل الدراسه ازين ... تراو ماحصل لهن ولا نص عريس .. وبعدين وش المانع من انه توفق بين شهادتين علم (الشهادة الجامعيه , شهادة تعليم من الزوج )...؟؟؟؟ انا من رايي انه المفروض ماحد يقبل بالجامعه الا تكون متزوجه من طالب بالجامعه نفسه .. علشان ينتجون انتاج علمي بحت .. بعض البنات مستعده تبيع اهله ودراسته عشان كسرت تكروني .. مب عاد اي واحد .. البنت والولد اول مايدخلون الجامعه او الكليه .. لازم نزوجهم من بعض .. عشان كل واحد يساعد الثاني .. شكلي طولته .....معليييش |
اقتباس:
صحيح كلامك وخاصة إذا كان يستاهل |
اقتباس:
ابي اعلق على كلمه وحده وش الفرق بيني وبين ابن اسعود كلنا الله خالقنا من تراب يعني مافيه فرق |
مشكور اخوي موضوعك جميل
لكن عن نفسي الزواج مخيف يعني لواتزوج وانا بالجامعه ولو لا قدر الله ارجع للبيت راح تندمر حياتي وانا صغيره لان الطلاق كثر بهالايام ولاحقين على الشقا |
.. .. كـان شمّاعة لكل رد ! |
هههههههه مصدق يصرفونك
هذا واحدآ اعرفه خطب والبنت ب3ث)قالوبتكمل الدراسه بعدشهرين عرف انه متزوجه |
أنا ماأدري وشوله تجديع الهرج.. تغير الشباب يصاحب تغير البنات... يعني مثلاً بتكون البنت هالوقت لزوجها مثل ماكانت أمهاتنا لأبوتنا ..!!؟ طبيعي لا لأن الشباب تغيروا والبنات تغيرن أيضاً .. الكفو واجد الحمد لله , كما أن بنات الرجال واجد , الواحد إذا بغى يتزوج والله مايبلش .. إلا عاد المهوي اللي يبي يتنكف ويتشرط , وهو مايستاهل يتشرط.. يالله توفيقك للجميع يارب.. |
تتزوج وتكمــل دراسته
وش المشكله؟!! |
اقتباس:
|
:f::f::f:(f)(f)
اقتباس:
|
لا أظن أن الدراسة عائقاً أمام الفتاة - كما قال حبيبنا طير غيمار - فإذا كان الرجل كفؤاً
وذا خلق ودين فالمانع ، تتزوج الفتاة وتكمل دراستها وأظن أن الزوج العاقل لا يرفض هذا الشيء يريد من زوجته أن تواصل تعليمها ، بل إن البعض يحث على مواصلة الدراسات العليا ،، وأسأل الله أن يوفق الجميع. |
اقتباس:
كلآمك هذآ ممكن ينطبق على مجتمع وآزوآج حيآتهم عملييييه ومتعودين آمــــآ شهبآننآ يتنكفوووون ويبيلهم طبخ ونفخ ومقآبل :( سسبحآن آلله الرجل كل مآكبر زآدت حنته ورنته تقل بزر صصآر مآغير يتششره وانتي منتب لمي ولآ انتي حولي مآغير تدرسين :i121 وانا اقوول هالكلآم من وآقع تجربة زميلآتي وآآللــــــــه ممدين على آلشقـــآ ويآحبي لـ دويرة آهلـــي ونصيبي يبي يجيــن لو يصك عمــري الـ 30 مكتوووب لي نصيبي من قبل لآ أنووولـد لآتقولون لي قطآر مدري بااااص الزوآج هـ آلكـلآم مآتــــــــــــو آلي يقولونه :( |
عن تجربه
الي ناويه تكمل دراسته لا تتزوج الا اذا خلصت |
اقتباس:
|
الحين الشباب يبون الوحده تكون دارسه من شان تكون مدرسه وتنفق على نفسها ويفتك من قولة جب واشر وعطني قرووش وقليل من يبيها تكمل دراسات عليا علشان ماتكون اعلى من مستواه
|
الان فيه كثير من البنات تزوجو مبكر وهم في الثانوي وكملوا الجامعه
|
البنت تفضل الزواج بعد ماتخلص الجامعه
لان الزواج مسؤليه فمرحلة الجامعه مرحلة ونااااااااااااسه ماتبغى تحمل ع نفسها مسؤلية الزواج يعني تبي تفلها والزواج لاحقه عليه بعدين ان الله يسر لاني اشوف الي متزوجات ويدرسن الصراحه ارحمهن بالقاعه بهن نوم واشكالهن مالهن خلق |
اقتباس:
بس حبيت ارد ع كلامك>((بعض البنات اللي يقولن نكمل الدراسه ازين ... تراو ماحصل لهن ولا نص عريس .)). << ووووش دعوه والله لو انت ابوي تعد خطابي ..فعلا شر البليه مايضحك وكلامك((بعض البنات مستعده تبيع اهله ودراسته عشان كسرت تكروني ..)) ياحليلك من قالك اننا بنعاف بيوت اهالينا عشان ((كسرت تكروني))....اطلع من بيتنا عزيزه وادخل بيت زوجي عزيزه ولا مايلزم عررررررررررررررررس |
اقتباس:
وبالعكس اكثر مااجلس مع البنات بس لوفكـرتي ترهرجـي صـدز>>تفكير امي والكبر اهم شي اشكل بكيف تفكير والهرج:d >>قلب انفجر من زود المحبه(h) |
شنو يفوتهم سن الزواج وهم 22 او23 سنه اذا تخرجوا ...
اقول لكم يابنات كملوا دراسة الجامعه والدراسات العليا بعد وصيروا دكتورات عشان يكون شعبنا مثقف ومافيه شي اسمه قطار زواج ... فهمت؟ |
اقتباس:
انا ماقلت كل البنات .. اقول بعض البنات وبعدين معروف بالعالم كله .. ان اهم شيء بحياة البنت هو الزواج لاتقعدون اتميلحون عندنا يقالكم ماحرصتوا على العرس .. والله انكم تبون العرس باللي هو به .. لو بتكروني .. ههه تراكم ابلشتونا .. كل كلمة والثانيه تقولون حياة العز وحياة الذل .. قسم انكم تسمعون بالعز ولاتدرون عنه .. الحياة الزوجية عمرها ماصارت اسوأ من قبل الزواج ... والزواج مافيه عز وكرامه .. الزوج اللي يهين زوجته .. قسم بالله انه يهين نفسه .. وماهب رجال .. لكن اللي مثلك واشكالك يااختي ... ماتاخذ الا رجال يصونه ويحترمه ويكرمه لانه هو محترم وكريم .. فمستحيل انه يهين نفسه .. لاتنظرون للجوانب السلبيه .. زواج البنت من رجال .. عمره ماصار ذل ومهانه .. شكرا لك................................................ .................... |
اقتباس:
قلتله جبتيلي الغم قالت وش اسوي مانمت البارح من بزري:( الله يعين بس عاد مهب كل البنات نوع واحد كلن وقدراته :rolleyes:وطموحه يعني به بنات عندهن طمووووح ومايعتبرن الزواج عائق ابدooo1 وفيه بنات تعتبره اكبر عائق:mad: |
اقتباس:
نداء للأخت نالا ,, هذا العضو تراه نموذج للشباب اللي مازالوا عايشين حلم إن البنات يتطايحن عليهم من شدة زينهم .. أستغفر الله العظيم من هيك أشكال .. .. |
اقتباس:
وبعدين ترى البنت مو مثل الولد تحرص على الزواج يعني متى ماجاها الرجل الصالح الكفؤ وش شايفنا انت من شان تقول تاخذون لو تكرووني:i125:oo الرجاء احترام اخواتك واللطف في الاسلوب بارك الله فيك ووفقك لكل خير ورزقك الزوجه الصالحه لك شكري وتقديري (f) |
اقتباس:
يعني بنا نشيل ونحط ونطامر معه وننخرش منهم مهناك حل... فينا فينا :113: |
اقتباس:
رح هناك بس ولايكثر وش اللي تبن العرس لو بتكروني تحسبنا مثلكم:113: وبعدين وش نبيبكم ياحسره يجي الواحد فقير ومنتف ولا صلاة ولاعباده ومسافر برا وخربان ويش يدرين أنا بعد يمكن ينقلي أمرااااااااض ولا بلاء يروح ويلعب وويجي ويجيب امراضه معه ولا ويتطلب بعد أبي مدري وشي طويله بيضاء وبعد حنا بعد وشحيثنا مانتطلب ونقول نبي جميل وطويل وجسم رياضي ولا لاطرت عليهم قالوا أهم شي بالرجال الأخلاق الله أكبر عاد وييييين الأخلاق اللي يتكلمون عنه ؟؟؟ انا ان شاء الله منب معرسه ابد من زينكم عاد الدنياااا فانيه وش عاد؟؟ |
اقتباس:
|
اقتباس:
اجل يبيشيب وهو ما أعررررس ايه بلاه يطلع برا ويقضي شغله ولا لوهم عفيفين مثل الصحابه كان اعرسوا وعمرهم 16 ما أصبروا الى هالحزه وعندنا هالمفاتن |
لسنآ أطفآل حتى اذا طلبنآ أحدهم للزوآج نستشير صديقة أو آخرى ونجري خلف ماتقول دون أن نضع لعقولنآ احترآمآ !
[مع أن المشورة ليست عيباً ولكنهآ ليست من الأولويآت] المفترض من الوآحدة منآ أن تقرر بعقلانية ومنطق .. فمن ترى نفسهآ بأنهآ ستكون أهلاً للمسؤولية وتستطيع الجمع بين متطلبات الزوج والدرآسة فلتفعل .. ومن ترى بأن تعليمهآ أهم وتستصعب التوفيق بين الأمرين فنتنظر لحين ترغب رغبة كآملة وتقتنع اقتنآع تآم بأنهآ جآهزة وقآدرة على التكيف مع الحيآة الجديدة .. حقيقة أنآ أرى نفسي من النوع الثآني ولا أجد عيباً في اعترافي بأني غير قآدرة على تحمل مسؤولية الأمرين ! الله خلقنآ أصنآفآ والقوة والقدرة على التحمل تتوزع بيننآ بمعآيير فلترآجع كل فتآة نفسهآ قبل أن تتورط فيمآ لايحمد عقبآهـ .. نعم هنآك من هو قآدر وكفء ولكن هنآك من يحمل هم أدنى الأمور ويتعب نفسيآ وجسديآ فليتريث كل شآب و فتآة .. تقبلوا مروري السريع وشكراً .. |
اقتباس:
نرجسية لروحك الطيبه |
اقتباس:
ويفضلون العلم على الزواج .. اخواتي العزيزات ردوا وكل ابدى رايه وبعدين جاي تحلف وتقسم ان البنات ميتين على الزواج ... شدراك؟ والا الاهل يقولون لك كذا؟ كل ماتقدمت في ردك احس انك تفصل بعض الاحيان اخوي يعني تقول الزواج مافيه عز وكرامه وبعدين الزوج اللي يهين زوجته ماهب رجال..!! شدراك ان الحياه الزوجيه عمرها ماكانت اسوء قبل الزواج اذا الاهل قطوا بناتهم على اي احد وبس ومايدرون عن اخلاقه ممكن يهينها ويهينها بقوه وماله داعي اقول لك عن الرجال اللي يعتبرون الصراخ والضرب وسيله رائعه لادارة حياتهم الزوجيه |
اقتباس:
|
اقتباس:
مدرررعمه ماتدرين وش السالفه الى وين اروح ...؟؟؟ اشوفك عممتي على كل الشباب ,,, وانا قلت نبيكم ؟؟ بعمري ماسافرت برا الديره .. وبعمري مافعلت زنا او لواط والله وامان الله .. وش ذنبي انك منتي جميله وطويله وبيضاء ؟؟؟ هذا كلامك استغفر الله..... وبعدين من قالك غصب تزوجي ؟؟؟ عمرك لاتعرسين ... عاد هالحسن خخخخ... يالله يالله يطيع ياخذك الشنيع .. عبودي خخخخخخخ |
اقتباس:
يعني بوه متعلمات رجله يطامر ويتعب معه اكثر من اللي مهوب متعلمه وين تكفى نفسه مستحيل المتعلمه اكثر احتياج للرجل على عشان تسذا هي تكرفه ولاالظالين ماتنفعه دراهمه ابدا" |
اقتباس:
يقولون العوام عنهم انهم متناقضين .. انا كلامي يقول ان الزواج من رجل فعلي مافيه اهانه للمرأة .. اما الزواج من رجل شكلي فقط يمكن ان يكون فيه اهانة .. وعلى البنت ان تتاكد من رجولته قبل الانجراف معه في حياة بائسه .. لايوجد رجل اعتبره رجل بمعنى الكلمه .. يؤيد ضرب المرأة او اهانتها .. |
امي وامك وامكم الاوليين اوضاعهم مرة زينه ولافيه مشاكل وهن (( غير متعلمات ))
الآن تعلمن ودرسن ولابهن خير الا مارحم ربي ماذا استفدن من العلم الذي لاعمل فيه |
اقتباس:
اول مره اسمع ان اصحاب الشهادات العليا يعتبرونهم العوام مناقضين انفسهم..:eek::eek: كلامك قال يادكتور مهستر ان الزواج لن يكون اسوء من حياة البنت عند اهلها ... وكلامك ياصاحب الشهاده العليا يقول ان كل البنات يبون يتزوجون طبعا دامك صاحب شهاده عليا اكيد استندت في كلامك على بحوث قمت بها يادكتور مهستر اكيد يادكتور مهستر رحت بيوت الناس وقرات البحوث والكتب عن الزواج ومدى قابلية البنات والشباب للزواج لتصل الى هذه النتيجه يادكتور مهستر |
اقتباس:
ايه والله انك صاادقه ..:d:d |
اقتباس:
يعني البنات اذا تعلموا مافيهم خير؟؟ ماذا استفدنا ؟؟ مافيه علم نتعلمه ولايمكننا العمل فيه اي علم نقدر نستغله ونعمل به ( من سلك طريقا يلتمس به علما سهل الله له به طريقا الى الجنه) |
لمآ لايوجد في هذآ الموضوع تبآدل الإحترآم ومنآقشة النقط الأساسية بدلاً من البعثرة في المجهول واللامنطق
عوضآ عن التهكم بين بعضكم البعض انصرفوآ للإقنآع وضعوا بصمة تنفعكم يوم لاينفع مآل ولابنون ! ألا يحب أحدكم أن يُهدي لغيرهـ نصيحة أو تجربة كمآ لو كآن هو بحآجتهآ ؟!! وتذكروآ أنكم تسيئون لصآحب الموضوع وسـ تتسببون بإقفآل موضوعه .. إلى لقاء قريب ! |
اقتباس:
|
في هذا المنتدى يكثر ويطول النقاش بين الجنسين خصوصا المواضيع التي تخص طرف دون الاخر اجعلوا شعاركم دائما 000اختلاف الاراء لايفسد للود قضيه000 |
اقتباس:
|
اقتباس:
اعجبني ردك اللي بالجبين بتشوفه العين |
طيب وش رسيتو عليه يابنات
بتعرسون والا بتكملوون اول؟ وانتم ياشباااب اللي بيخطب يجيب فرشته وشاهي وفصفص باااجه ويقعد عند بيت اهل البنت ويفصفص لييين تشوف البنت جايه من الجامعه معه وثيقة التخرج.ثم عاد اقحص من فرشتك وطق البااب |
انا افضل اللي تدرس عن العاطله بكثير ..... وبعدين حلاة البنت بخفة دمها وهي بالطعشات .... ( انكسار الاماني ) كلامك يعتبر حيلت اللي ماله حيله .... وبعدين ياما وياما خطبو اخويانا .... بس ترى تعرفون خطبة الرجال ما تجي من الباب للطاقة ....( تجي عن طريق تعرف احد يعرف احد..!) اخاف بكرا بعض الردود تكتب بشريط بداية ( ادعو لي اتزوج عمري تعدى ال30) |
والله يابعض الردود كبو العشاء بييضاء وعبودي وانا حلوه وانت احلى فاضين |
اقتباس:
العمر متعدي 30 من زمااااااااان < علشان مايجي مشرف طعشي خفيف دم يشغلن بالتباسط بين الجنسين , يبدو إني أكبر من مدير المنتدى هع أولاً فرّق بين العاطلة وبين المتخرجة ياسيد , وقطعاً الأخيرة أفضل من طالبة لازالت تدرس .. ثانياً وش علاقة خفة الدم بالعمر ؟؟ فيه ثمانينيات دمهم ريشة وفي المقابل يوجد أطفال ثقيلين دم .. ثالثاً وشلون حيلة اللي ماله حيلة ؟؟ يعني قصدك إني لم أستطع أن أجد للزواج سبيلا هع رابعاً من قال لك إن الخطبة رجالية ؟؟ الواقع يقول نسائية بحتة , والرجال وظيفتهم يفكرون هم يقبلون أو لا . خامساً يالله مع السلامة أنت وأخوياك اللي ياما وياما خطبوا وفوق كذا ماتزوجوا هه < تحبون الهياط أمام من يدرك حقيقتكم أكثر منكم . .. |
() الزواج مستقر للفتاة والصبي نوعاً ما .. والشاب يكمل نص دينه نوعاً ما .. فما يحزنني نوعاً ما.. البعض يريد الطلاق بالثلاث لاأعلم مالسر! موضوع يمس نظرية المجتمع للمطلقه ! "شكراً لك " |
الكلام ذا قديم
الحين اخطب وحدة وتحصل على الثانية مجاني خخخخخ انتبه للنفسك لايخطبنك وتزوج وانت مادريت هل تعلم إن الرجل يخاف يمر من عند كلية البنات؟ عوافي |
اقتباس:
|
السلام عليكم جميعاً
صديقي المتجول . غبت طويلاً ولكن عدت لنــا بهذا الموضوع الســاخن:060: بالنسبة لرأي أعتقد أنه ليس ملزماً للفتاة أن تتزوج بسن الجــامعة . لــكن الرجــل الكفئ ليس دائماً يأتي ليخطب فإذا الفتاة خطبهــا رجل كفئ فعليهــا بالقبول . يحدثني طالب ماجستير تربية خــاصة أن المرأة يجب أن تحاول أن لا تنجب قرب سن الأربعين فإن أغلب أمراض الولادة وأهمهــا أطفال المغول والتحود ناهيكم عن سرطان الثدي نجانا الله واياكم تأتي بسبب زواج الفتاة المتأخر. كما أن الفتاة إذا أخرت زواجهــا تحرم من مشاهدت أبناء أبنائهــا فجميل أن يعيش الشخص مع أحفاده وهو لا زال في شبابه . جدتي رحمهــا الله تزوجت وهي بعمر الثالثة عشر سنة فأصبحت جدة لمن هي جدة . وتحقق لهــا مقولة ياجدتي نادي جدتك .:d |
هذ ا شاب لا يمثل الشباب انما شريحة لا تذكر لعدم الادرك والتجربة وممكن زملاة ليس عندة ثقافة وسوف يمر علية التجربة وحينها يعرف قدر البنات وصعوبة البحث عن الزوجة المناسبة أما هذا يريد اي زوجة من كلامة والرد علية مايستاهل واعتذر عن اللي يحول يسيئ للموضوع شكرا
|
[QUOTE=السامي البريداوي;2570947]السلام عليكم جميعاً
صديقي المتجول . غبت طويلاً ولكن عدت لنــا بهذا الموضوع الســاخن:060: بالنسبة لرأي أعتقد أنه ليس ملزماً للفتاة أن تتزوج بسن الجــامعة . لــكن الرجــل الكفئ ليس دائماً يأتي ليخطب فإذا الفتاة خطبهــا رجل كفئ فعليهــا بالقبول . يحدثني طالب ماجستير تربية خــاصة أن المرأة يجب أن تحاول أن لا تنجب قرب سن الأربعين فإن أغلب أمراض الولادة وأهمهــا أطفال المغول والتحود ناهيكم عن سرطان الثدي نجانا الله واياكم تأتي بسبب زواج الفتاة المتأخر. كما أن الفتاة إذا أخرت زواجهــا تحرم من مشاهدت أبناء أبنائهــا فجميل أن يعيش الشخص مع أحفاده وهو لا زال في شبابه . [COLOR="SeaGreen"][SIZE="5"][FONT="Simplified Arabic"] شكرا اخي السامي كلامك كلة درر لكن وين البنات المثقفات يقولن نبي نستانس ايام الجامعة اذا جاء الكفو لا يرجع وهذا حصل ويجب قبل ان يرد الخاطب يعف هل هو كفو فهنا لا يترك لانة لا يتعوض |
اللي بيتزوج يلغي كل هالاعتبارات و يتوكل على الله .. و البنت اللي مالها خاطر بالزواج تبي تدور أي عذر ..
و للعلم ترى بعض البنات و أهلهن ياخذ الدراسة عذر لـ ( تصريف الخاطب ) إذا شافو أنه مهب كفو لبنتهم .. و من الأدب أنهم يعطونه تصريفة مثل ذي .. يعني ترى كثير من موانع الزواج اللي قد نسمعها مجرد أعذار لتصريف الخاطب اللي مايستاهل .. و بالمناسبة .. فيه رجال ( ينخطبون ) :) و يجيبون نفس التصريفات .. يعني أنا أعتقد أن اللي يبي أو تبي الزواج من الشخص أو الشخصة :113: مهب قاعد ينتظر أي استقرار للظروف ، إلا إذا كانت قاهرة فعلا .. لأن كثير من اللي أعرفهم تزوجوا ما كانت أمورهم مستقرة 100% و لكن الاستقرار نسبي و الباقين يلحقون عليه .. أقصد من الناحية المادية .. أما بعض أنواع الاستقرار فلازم أنها تكون تمام التمام و إلا فشل الزواج .. ذي وجهات نظر خاصة لي .. و أنا مقتنع بكلامي .. فرجاء أنا مثل طير غيمار ما أبي هواش .. |
ممكن اذا انخطبت ووافقت تشرط تكمل دراسته الجامعيه والعليا ,,, احيانآ الزواج يساعد ع الدراسه ,,, وانا اعرف قريب لي يساحر زوجته مساحر تكمل دراسته وفعلآ كملت دراسته ,,, الله يوفق الجميع ويدبرنا ع الصالح .
|
يعطيك العافية يالغلا
|
اقتباس:
حبيبي الصمصام .أسمح لي أن أخــالفك ممكن فعلاً الشاب يخطب وفعلاً يصرف الي يخطبه وكذلك الفتاة لكن مو كل عذر تصريف , فعلاً هنــاك فتيات يتجرعن ثقافات خاطئة عن الزواج من قبل زملائهن وكذلك الشباب فالثقافة الخاطئة التي تجعل من الزواج مسؤلية صعبة وتجلب الهم هي ثقافة منتشرة وللأسف عند كثير من الشباب من الجنسين |
أهلا بك حبيبي السامي
.. في نظري انه لا اختلاف نهائيا بيني و بينك .. و أنا قلت ( كثير ) و لم أقل ( أكثر ) .. |
ياما شفنا ناس زوجو بناتهم صغار لاصارو معجبهم الخاطب وكفو ومايفرط فيه الزين واللي يستاهل مايرد اما اللي مايستاهل يرد ويختلقون أعذار لرفضه |
في هذا العصر الرجل هو الذي بحاجة المراءة فلا يسطيع العيش بدونها مهما تكن الظروف اما المراءة تستطيع العيش بدون رجل فنظر من هن حولنا من مات زوجها او طلقها او لم تتزوج تعيش حياتها وتصبر اما الرجل بمجرد موتها او طلقها منه يسرع بازواج وهذا المتعارف عليه لذلك استريحي يافتاة سوف يأتي زوجك في الوقت الذي تحددينة سواء مع الدراسة او بعدها وكل الاعضاء الشباب ماتزوجوا لحين ماتأمرين انتي بالقبول
|
اقتباس:
من ناحيتي انا بقى لي سنتين واتخرج ودي اكمل يعني مثلاً لو تزوجت وانا بقى لي سنه مااااااااادري احس اني مانا بمكمله وش يضمن لي ان ابو الشباب بيوفر لي الجو المهيء للدراسه .................................................. ..................... وقريت ردودكم تضحك نوعاً ما وانتي ياحليلك ياقلــ عبود بــي احسبك ولد لأني اقراء فقط عبود آسفه ياعمري اسمحي لي ورودك تبرد الكبد |
شف يالدكتور مهستر على ماقالت وحده من البنات هههههههه
مو كل البنات يبغن الزواج وفيه بعضهن ماتقدر تجمع بين الزواج والدراسه وتفضل الدراسه وانت على اي اساس تقول البنات ميتات يبن الزواج الحمدلله والشكر:i121 |
اقتباس:
مسكين يحسبنا ميتين عليهم !!!:d وع من زينكم عاد !!!;) |
اقتباس:
يااختي هل توجد بنت في العالم لاتريد ان تتزوج ... اذا كانت طبيعيه (مهب معقده)..؟؟؟ اذا قلتي لا .. هذا خلاف للواقع .. الواقع يقول ان البنت منذ ان ولدت فهي تبحث عن الزواج .. ولايكون فهمكم سفلي:p فهي لاتريده لمجرد رغبه ... بل لان البنت لاتستطيع ان تعيش من دون رجل .. وكذلك الرجل .. يريد ان يتزوج باللي هي به .. وهل هو عيب ان البنت تريد الزواج ..؟؟؟ ... هل هو حرام .. بالعكس حلال بل هي ماجوره من تبحث عن عفة نفسها ... وكذلك الرجل .. وفي عهد الرسول صلى الله عليه وسلم نساء خطبن الرجال .. وتزوجنهن .. لماذا يصبح عندنا عيب الاعتراف بان البنت تبحث عن زوج بالحلال ..؟؟؟؟؟ ولاهو خرق للحياء .. |
الله لايلومهن بالعزوف عن الزواج
ماافيه احد يستاهل صراحه الا ماندر |
الزواج مبكر مو زين ابد
يمل منه بعز شبابه وتزيغ عينه منا ومنا |
اذا صرت دكتوره طقوا الباب ذاك المره وراح افتحلكم!
|
والمثل يقول اعيش بجنة ابوي ولا بنار زوجي ههههههههه
|
الله يرزق الجميع الأزواج والزوجات الصالحين والصالحات
آآآآآآآآآآآآآآآآآآآآآمييييييييييييييييييين |
الله لايلومهن بالعزوف عن الزواج وانا صراحه اؤيد ان تكمل الفتاة الدراسه الجامعيه بعدين تتزوج لكن اذا صار عنده مجتمع ناقص ومعقد ربي يعينه عليهم |
وششش قطااروه اولآآآآه
يلاااآبس الزواج قسسمه ونصيب سؤااء ردت البنت الرجل بالجامعه ولاا مااردته الرزق كآتبه ربي قبل تخلق السموات والأرض واحسن البنت تكمل درآآآسته ولاخللصت وارتآحت التفت للعرس, اقتباس:
|
[QUOTE=لا يأس مع الحياة;2581801][SIZE="4"][FONT="Simplified Arabic"][COLOR="DimGray"]وششش قطااروه اولآآآآه
يلاااآبس الزواج قسسمه ونصيب سؤااء ردت البنت الرجل بالجامعه ولاا مااردته أختي العزيزة البنت مثل الزهرة لها عمر والنحل لا يخذ الرحيق الا من الزهور الجديدة والزواج المبكر حصن بعد الله الله يرزقك ابن الحلال قبل تخرجين شكرا |
^^^
انا مايقهرني الا هالتشبيهات تقولون نحله تشرب من الزهره مدري شنو ... الناس يقولون عيب الرجل الكبير ياخذ بنت صغيره .. يعني اذا تبيني اشبه صرصور طموح سؤال : البنت اذا صار عمرها 23 تكون كبرت؟؟ |
[quote=فيري;2582779]^^^
انا مايقهرني الا هالتشبيهات أختي العزيزة ممكن مافهمتي كلامي انا اقصد ان المراءة مثل الزهرة كل ماكبرت زبلت جفت يعني الزهرة لها عمر اختي واشكر على سعة صدرك |
^^^^
بس اخوي حتى الرجل له عمر انا اعرف مره تزوجت في الاربعينات من رجل كبير في السن يعني حتى الرجال بيجفون فليس لهم الشرب من زهور جديده وهم زهور جافه يعني واحد عمره 35 من وجهة نظري يجب ان يتزوج من فتاه تقارب عمره فلا يبحث عن بنت ال19 مثلا ... معذرة على الاطاله العفو |
[quote=فيري;2586041]^^^^
بس اخوي حتى الرجل له عمر انا اعرف مره تزوجت في الاربعينات من رجل كبير في السن أختي المراءة عند سن الاربعين ينقطع الانجاب غالبا اما الرجل قد ينجب عند سن الستين أو اكثر والرجل أحل الله له التزوج بااربع نساء وشكر على التوصل في الموضوع |
طيب بس رجل في ال60 تتوقع ماعنده عيال ؟ وبعدين اذا بياخذ وحده بالعشرين مثلا بيكون فيه اختلاف بينهم
لانه فرق اجيال .. اكيد بيصير اختلاف في التفاهم والثقافه مو القصد ان له الزواج باكثر من وحده القصد ان الرجال الكبار ياخذون حريم من نفس السن او مقارب لانه يوجد من الرجال الله يهديهم مايعرفون سنهم يظنون انهم صغار يعني عجوز ياخذ بنت19 .. مايصير البنت تبي تعيش مع احد يفهمها ويتناقش معها في امور تهم جيلهم واظن ان الرجل كذلك يريد ان يتفاهم مع زوجته شكرا |
اقتباس:
:41 كلآم سليم .. >> صـآر الموضوع مهزلــه بلآ فـآئــد :mad: .. |
[quote=فيري;2587834]طيب بس رجل في ال60 تتوقع ماعنده عيال ؟ وبعدين اذا بياخذ وحده بالعشرين مثلا بيكون فيه اختلاف بينهم
أختي أن أقصد أن البنت أذا جاء شاب قريب من عمرها ماتردة وتتشرط وهذا حاصل لا نستطيع أنكارة لكن البنت يجب الا ترد الرجل أذا كان صاحب خلق ودين وأنا أعرف كذا بنت ترد كل من تقدم والغالب كفؤ بحجة الدراسة وهذا شكل مو جميل مرة تتشرط واذا ذهب الكفؤ مايرجع اي اذا جاء الكفؤ لا تتردد فأن البنت التاخر يضرها أكثر من ان ينفعها والرجل لا يضرة التاخير اذا كان كفؤ شكرا على سعه صدرك ----- |
الموضوع لا بد ان يكون هناك أخطاء لكن لابد احترام رأي الاخرين فجميع الموجودين ليس بنفس الثقافة شكرا على التعليق
|
| الساعة الآن +4: 01:32 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.