|
مارأيكم في زواج الشاب في سن مبكر..؟
السلام عليكم
اهلين شباب السؤال هو ايش رايكم في زواج الشاب في سن مبكر في سن 19 سنه اذاكان ابوه سوف يتكلف بكل مصاريف الزواج من بيت ومال و غيرذلك هل تؤيد ذلك أم لا وان كنت لا تؤيد لماذا..؟ انتضر أرائكم الرائعه على قلبي(h)(h) |
لا اؤيد امم لانه توه صغير
ولا هو قد المسؤوليه ولا يتحمله بس موب كلهم ما يتحملون المسؤوليه عاشقتن البر |
على حسب الشاب، بعضهم عمرهـ 19 وما زال طفوليًا في أفعاله، وتصرفاته، أما إن كان يُتوسم فيه المرجلة، فلا بأس في ذلك، والله الموفق .
|
. . لا 19 مره صغير على الزواج حتى لو تتوسم فيه صفات المرجله :) لان الزواج مسؤليه مو لعب بزران /لاتهاوش مع زوجته طلقها :d لا يجي احد الحين ويقول ايام اول كانوا يتزوجون 17 -19 <~ وين ايام اول مو مثل الحين ولا لقيتوا رجال اول فيه للحين مثلهم نقول يصلح يتزوج 19 :d |
هههههههه ابو 19 من يبيه هاذا لصار عمره 19 كم عمر اللي راح ياخذهاا .!!!!! ومن يجسر يقعد معه بالبيت ذولا يبي من يقعد عندهم يجسرهم |
الرجال مو بعمره ......
بعقله اذا كان قد المسؤوليه يزوج ليش لا كم من ثلاثينيين واربعينيين تصرفاتهم ولا اردى بزر |
والله إن فيه شباب أعمارهم 18 رجال، وأرجل من ألف رجال !
وش انتم شايفين ببعض رجال هاللحين، نسبة الطلاق عالية، فهل ستنخفض حين يتزوج من هو أهل للزواج في سن مبكر ؟!! |
انا عندي اللي عمره 19 لسا ماتغطيت عنه..
|
..
اعترض وأخالف وجهة النظر هذه وبقوّة ! يبقى صغيراً على مسؤوليّة كبيره .. فـ الزوآج حيآة وعشره وقرآر ؛ ليست بالأمر الهيّن ! الشاب والفتاة من بعد سن 14 تبدأ مرحلة تكوين الشخصيّه ! إلى حين سن 22 تقريباً .. وتختلف من شخص لآخر ! فنرآه غالباً عصبيّ المزآج ؛ صلب المعآملة .. - وهذا مايسمّى بإبرآز الشخصيّة - !! الحمد لله ؛ كثييير بعد هذا العمر ؛ يتّخذ من أفعاله المرآهقه في المآضي - سوآليف - ويحتقر نفسه حينمآ يذكرها .. فكيف يمكن لفتاة أن تتزوّج شآبٍ في مثل هذه المرحلة ! (( ثمّة شابٌّ أعرفه .. تزوج في سن مبكرة مثل ماتفضلتم ؛ فيه من صفات الرجولة ما جعل الغير يوآفق على زوآجه .. لكن لآ تســألوا عن حيآته ؟ وكيف وقد تزوج بمراهقةٍ مثله !! كلآهما لا يعرف من أمور الحيآةِ شيئا~ فكيف لمثل هذا الزوآج أن ينجح ..؟ |
إن وجد من يرضى به فلا بأس .. + مع أني ضد فكرة صرف والده عليه ..! |
هههههههه ابو 19 من يبيه هاذا لصار عمره 19 كم عمر اللي راح ياخذهاا .!!!!! ومن يجسر يقعد معه بالبيت ذولا يبي من يقعد عندهم يجسرهم
كم من صغير غلب الكبير في القوه والأخلاق والنشاط فالشاب في هذا السن في سن الحيويه والنشاط ولا يحتاج من يجلس يجسره في البيت |
اقتباس:
|
لسا توه صغير عمره 19 واذا كان ابوه يبي يصرف عليه اكيد بيصرف عليه
شهر او شهرين وبعدين بيقوله اشتغل واصرف انت على نفسك السن المناسب لزواج الشاب 28 ولا اقل << وجهة نظري |
كل شاب أعلم بنفسه
فأنا أعلم اكثر من شخص تزوجو في التاسعة عشرة وكانوا بمقام المسؤولية وكم من شخص تزوجوا فوق السابعة والعشرين فشلوا والآن بلا زواج الزواج ليس لكل من هبّ ودب |
ما الحكمة من قول النبي عليه الصلاة والسلام : "يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ" ؟!! الحمدلله تيسر له الزواج، وهو كفؤ لهذا الأمر، فلماذا لا يتزوج ؟!! كم نسمع من حالات اغتصاب لفتيات، وفتيان، وتحرشات، ومفاسد كثيرة ؟!! |
عاشقتن البر
سواق تريله تميميه حدبث الساعه وهج الدعوه ماتهاب خوي ابوي لعيونكم جيت أشكر لكم أرائكم التي أسرتني أسأل الله العضيم أن يوفقكم في الدنيا والأخره |
انا اراى
من عنده قدرة مالية يتزوج لو كان ابو 17 الزمن ما يرحم والفتن محيطة بالشباب من كل مكان لابد من تزويج الشباب حتى يعفوا انفسهم ويتحصنوا حنا بزمن المغريات واذا على تحمل المسؤلية فهي تربية من الاهل بعضهم ما يتحمل وهو ابو 30 سنة يعجبني بعض الاباء يزوجون ابنائهم ويصرفون عليهم حرام اننا نقيد الزواج بالوظيفة كم من شاب راح عمره يدور ع الوظيفة وكم من اب امواله ملأت البنوك وابناؤة عجز يحصنهم بالزواج بحجة خلهم يعتمدوا على انفسهم والله هالوقت وقت الفتن والمغريات ما يفرق بين كبير وصغير وصالح وطالح الشباب الان يعيشون معركة مع زمن المغريات انا انادي بالزاوج المبكر واشجع عليه واشجع كل اب يزوج ابناؤه ويصرف عليهم اذا كان مقتدرا |
كل شاب أعلم بنفسه
فأنا أعلم اكثر من شخص تزوجو في التاسعة عشرة وكانوا بمقام المسؤولية وكم من شخص تزوجوا فوق السابعة والعشرين فشلوا والآن بلا زواج الزواج ليس لكل من هبّ ودب الطرطعانة أشكر لك مرورك الرائع ورأيك الأروع |
جميل جدا أؤؤيد هذا الزواج المبكرّ خصوصا ما بعد عمر 18 سنة مع توعية الشخص جيداً بالحياة الزوجية و عظم مسؤوليتها
|
صدق ان الزواج يبي له مسؤوليه بس فيه شباب قد المسؤوليه بعدين الرسول صلى الله عليه وسلم تزوج عائشه وهي اكبر منه
|
صافية
شخت البؤس بريداوي وللهلي هاوي أشكركم على نصائحكم المفيده وأرائكم الجميله والله يحقق لكم ماتتمنون في الدنيا والأخره |
الزواج المبكر مهم , ويكفيك أن يخدمك أبناءك وأنت لازلت في قوتك وفتوتك .. والمهم أن يكون على قدر من الأخلاق والرجولـة ولابد له من التثقيف التربوي للشاب قبل أن يخوض هذه التجربـة .. حتى لاتحصل أخطاء تعيق مسير حياتهم .. وأما عن المصروف , فلابأس أن يعينه والده أو أحد أقاربـه في بداية الزواج كالمهر وغيره .. أما الصرف على نفسـه وزوجـته , فلابد أن يتعب هو في تحصيل هذا وإلا لن يحس بالمسؤوليّة التي يحملها فوق عاتقه . . |
في السابق كان ابن السابعة عشر يمكن أن يُعد رجلاً ..
أما في هذا الزمن ، فكثير من أبناء 22 لم يتجاوزوا بعد سن الطفولة .. واللوم على التكوينات المحيطة ( اجتماعية - سياسية ) .. |
اقتباس:
تعال اخوي الان بالزمن هذا المخيف والله مافيه حيويه ونشاط بالذات هذا العمرمتقلب المزاج |
بسم الله الرحمن الرحيم
في هذا الزمان عين الصواب أن تتزوج في سن مبكرة لتحفظ نفسك وما دام الوالد متكفل على بركة الله |
هذا الزمن يجبر الشاب على الزواج فالفتن تنهش به من كل صوب فالواجب عليه ان يتزوج ويعف نفسه ... ومن شجاعة الشاب انه طلب الزواج ولم يبحث عن سد رغباته بالحرام .. والرسول صلى الله عليه وسلم لم يحدد سن محدد لزواج .. ,,, |
اقتباس:
|
الزواج مامثله بها السن ولا اعتقد بوه شي لان التوفيق بيد الله
واللي يقول صغير اقول انت بعد صغير عقلك ولا وش به لاتزوج بالعمر &&عـــــصـــيــــر مـــــشــــوي&& |
سن الزواج في سن مبكر حلوو لاعفاء النفس بس بشرط لازم يكون عنده مهارات وفنون التعامل مع الزوجه
يعني يكون داخل دورات تدريبيه قبل الزواج وايضا الزواج المبكر على حسب نوع الشاب فبعضهم ماشاء الله يصلح يتزوج ويكون له عيال من شكله وعقله ورزانته لو هو عمره 18 وبعضهم تلقاه بزر بمعنى الكلمة وطايش فمايصلح يتزوج وشلون بيربي عيال اذا كان على هالشكل وهالعقل الصغير شكرا جزيلا لك وتقبل مروري |
المشكله كثيير من الردود لاتؤيد زواج الشاب بس تؤيد وبقوه زواج الفتاه المبكر
طيب ماتشوفون ان البنات في عمر ال19 صغار على المسؤوليه والا بس الشباب ؟ اخوي انا ماانصح بالزواج في هالسن لكلا الطرفين لانهم يكونون في فترة تعليم ولانك قلت ان الاب بيتكفل بالمصاريف ... المفروض ماتتزوج وانت حالتك الماديه ضعيفه لازم تكون انت قد المسؤوليه عشان تفخر بنفسك وتصرف على بيتك وزوجتك وتخليها تفخر فيك |
اقتباس:
|
المشكلة ليست في سن الزواج .بس المشكلة الحقيقة في قدرت الزوج على القيام بأمور البيت .فمثلا يتزوج واحد صغير بالسن أيا كان عمره (هذي ما يبي لها عنتره)بس إذا طلبت منه زوجته حاجة خاص جدا فيها أو حاجة خاصة بالبيت .ف لازم يكلم أبوه ولا أخوه وهذا قمة الإحراج .
أنا مع الزواج المبكر إذا كانت هناك قدرة على تحمل المسؤولية كاملة .وايضا يكون الزواج من مالك الخاص.(عشان لا يجي أبوك ولا غيره إذا زعل منك بكره ويقولك انا اللي زوجتك وسويت لك............إلخ) تحياتي |
بالعكس انا ما ائيد لانه صغير واذا جاه اولاد وكذا صدق يكبرون معه بس مع الزوجه يعد اسنين قصيره يبدا يمل ويفكرانه راح عمره ما انبسط من طلع على ها الدنيا وهو متزوج وشايل مسؤليه يبي يمل وعن تجربه
|
هي على حسب الرجولة الحين الولد يتم 30 و العقل ما زال بالطعشات الحين العمر و العقل ما يهم عندك دراهم تعال |
وش آللي يحدني على آلزووآج من آبو 19 .. مع آحترآمي لكل آلردوود آلآ اني آششوفه لسآ مرآهق ! شلون آبتعآمل معه يعني هه كـ زوج وآب ؟!!!!! |
الحكم ليس على العمر والشكل واللون، الحكم يكون على الفكر والعقل والإدراك، في الوقت الحالي هناك الكثير ممن وصلوا إلى سن الخامسه والعشرون إلا أنهم أطفال بتفكيرهم وطريقتهم وأسلوبهم وأهدافهم.
|
في أوربا من يتجاوز الثانوية دون أن يكون له شريك فهو واقع في مشكلة ,حتى لوكانوا غير متزوجين
فهم يفعلون ما يفعله الأزواج.... من حق الشاب أن يتزوج والرسول صلى الله عليه وسلم قال من إستطاع منكم الباءة فل يتزوج ,يعني رسولنا صلى الله عليه وسلم يأمرنا عند القدرة بالزواج ولم يقل عند الرشد... |
أبوريان
الصمصام كاره الضلم عزتي في عفتي عصير مشوي فيري من الجماعه ربيع أبورائد أشكركم على نصائحكم الأكثر من رائعه |
يعجبني تفكيري
نالا معدوم الضمير المحرومه نجلاء مشكوور ين على ردودكم الرائعه |
بعض الأحيان يكون زواج الشاب في سن مبكر خيرآ له ولي مجتمعه ..
وعلى حسب عقليت الشاب بعض الشباب تعطيه اكبر من عمره على رجولته ورزانته وحسن تدبيره |
سراحة جميل جدا ان يتزوج الشاب وهو صغير وذكره الرسول صلى الله عليه وسلم يكفينا هذا الحديث ولم يمر الرسول بالزاوج المبكر الا وله فوائد كثير قال صلى الله عليه وسلم (( يا معشر الشباب، من استطاع الباءة فليتزوج فإنه أغضّ للبصر وأحصن للفرج ومن لم يستطع فعليه بالصوم فإنه له وجاء. ))رواه البخاري ومسلم . لاكن في زمانن هذا صعب تزوج ولدك لانه قد ينظر ويحسد لانه به بعض الشبابا من تعدى 30 وهو ما تزوج يجي ابو 19 ويتزوج صعبه شوي وانه توه مع الشباب اللي يبيلهم سنين عشان يتزوجون تلقاه ساهجن مرته ودوج مع هالشباب يعني ما عقل وركد ==== وهاللي تشوفونه بهالسواق هالشباب اللي يغازلون لوانهم متزوجين تسان ما راحوا للاسواق واللي يقول وشلون ابي اتعامل مع ابو 19 ههههههـ وهو يبي يخطب وحده اكبر منه يبي وحده من عمره واقل شوي 17-19-18 << من هالاعمار وفيه فائدة جميلة : وهي ان عياله راح يفرق فرق بسيط 20 سنة 25 سنة الى 30 سنة مهب يفرق فرق كبير همن الاب لا يفهم الابن والابن لا يفهم الاب |
$ ,, $ على حسب الولد هو قد المسؤلية أو لا ,, اقتباس:
^ ^ :eek: ^ :confused: ^ :( ^ :oo ^ يممممممممممممه صادقه وإلا تستهبلين.. ماهي بعلى العمر يا حلوة ..!! $ ,, $ |
لاالي
اشكرك على مرورك الرائع وحسن تفكيرك mehwar أشكرك على مرورك ووجهة نضرك المشاغبة أشكرك على مرورك الرائع ومشاركتك الأروع |
اقتباس:
عين الصّوآب .. |
لالالالالالالالالالالالالالالالالالالالالالا
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا ياكثرهم طلقوا حريمهم ..ماهمهم المهر مدفوع؟ ولو تهاوش هو مرته علطول يالله طالق..ياويل تسبدي بس عسى ابو 28يعقل ؟؟؟ |
لالالالا لاأويد ابدابد
وش ذا 19 توووه مره صغيره خله يستانس بشبابه احس مررره كسسسسسسسل |
موضوع يستاهل النقاش......متى ماطلب الولد الزواج يزوج والرزق من الله وسبحان الله دائما يتزوجون ومابيدهم شي ويرزقهم الله......انالو يحصل لي زوجة كل الشباب بالعكس حفظ لهم و19كبيرماهوصغير يعرف امور دينه.....
|
سألت امي .. قالت الرجل اذا تزوج وهو صغير يازينه يكبر مع عياله.. ويكون قريب منهم عمرا وفكرا ويكون صديق لهم .. ابوي تزوج صغير وصاير كأنه اخو لأخواني الكبارين.. مو زي الي يتزوج وهو قريب للثلاثينات .. مايمدي عياله يكبرون الا وهو شايب معرعر.. بس الزمن تغير:oo والي با الأربعين صار أردى من المراهقين.. وما فيه احد يرضى يتزوج صغير الا نادراً .. مع انه الزواج في سن صغير ستر وعفاف للشاب والفتاة .. دمتم بود بعد كثرت قرقي:d |
والله هالسن على قولت القايل ( طر وأطير ) الطلاق زي سلام عليكم ,,
ولإنه توهـ بزر وأهله توهم واطينٍ عليه يبي يسوي روحه رجل عند بنت الناس ويفرد عضلاته أو بالأحرى صعاريرهـ عليها ,, المهم من رأيي ان بداية الزواج تبدأ من بعد الـ 25 سنة ,, |
افضل هذا زواج للعفه والصون في هذه الايام خاصتا
وربناكفيل برعايتهم وشكرا |
انا عندي عاااااادي جدااا اذا صار رجال وقده يتزوج مافي اي مشكله
|
يا أخي ليست المشكلة في تصاريف الزواج والبيت والمال ووووو !! المشكلة في أمور أخرى أكبر من هذا بكثير . وزمننا تغير كثيرا فذو التسعة عشر عاما قد نعده طفلا في هذا الوقت . نسبة نجاح مثل هذا الزواج 50% وبالتأكيد تختلف النسبة حسب الزوجة (عمرها وشخصيتها) . وليس هناك عمر محدد للزواج ,فالأعمار تقاس بالعقول وليس بعدد السنين ؛كم من عشريني في عقل رجل في الأربعين والعكس بالعكس . ولكن مادون العشرين يعد صغيرا على الزواج في هذا الوقت . وفق الله الجميع للخير وهداهم . آمين . |
اقتباس:
وماشاء الله عسى الله يتمم عليهم بالسعادة . |
بندوري القصيم
كتكوتة عزتي ما لهاحد أبورزان أشكركم على مروركم الرائع |
ورود المساء
انكسارالم رابعه قاهر الصعاب برنسيسة بريدة السامي البريداوي أسأل الله العضيم أن يوفقكم مشكوورين على أرائكم ونصائحكم التي أفرحتني |
لا أويد بصرااحه مبزرررره
|
19 سنة يعتبر بسن المراهقه المتأخره ..
فهل نتصور ان مراهق يستطيع تحمل مسؤلية عائلة بأكملها ..! فهو بهذا العمر وفي هذا الزمن لايتعدى كونة طالب بالثانوية او ببدايات دراسته الجامعية .... 19 سنة مراهق صغير عن الزواج حتى لوكان ذا بنية رجولية فالعمر هو الفيصل ... 19 سنة +زواج=ضياع عمر وطلاق.. (f) |
19 سنه مع احترامي الشديد أشوف إنه صغير :d.
الواحد منهم تفكيره بسيارة وسفر ومدري وشو، مالظاهر يبي يتحمّل واحد بهالسن مسئولية مثل مسئولية الزواج. عموماً الدنيا تغيّرت، الحين أنا أشوف ناس أعمارهم فوق الـ 25 سنة وللحين يفكّر تفكير مراهق واهتماماته لا تعدو كونها طفولية إن صح التعبير. يعني هي على الفكر والاهتمام والشسمه ذاك، وصلى الله وسلم وبارك :d. |
اقتباس:
اتق الله في قووولك,,,,,,,,,الا تعلمي ان اشد الناس عذابأ يوم القيامة المجاهرون |
اقتباس:
والله معك حق صدقت.. بس عاد 19 مرة صغير..! اخوي تزوج 22 وكان معتمد على نفسه مااعتمد على أحد بستثناء السكن بس جد اثبتلنا عكس ماتوقعنا ان الرجل بأفعاله مو بعمره.. |
إذا كان الشاب كفو ليش لا
|
اقتباس:
هناك يكونون علاقة لكن مايتزوجون إلا بعد فترة طوووويلة من تكوين العلاقة .. يعني خلال هالفترة يعرف كل طرف شخصية من سيتخذه شريك . ومتى ماشاف إنه مش صالح يتركه ويستبدله بغيره .. مسألة أنهم يفعلون مايفعله الأزواج هذا أصلاً إيزي عندهم وحتى لو يتزوجون ويعلم كل طرف أن الآخر كون علاقة جنسية سابقة مع غيره ماعنده مانع وعادي , وهذا عكسنا لو نعلم إن الشريك الآخر له علاقة سابقة راح نقوم الدنيا ولانقعدها ونوصلها للإنفصال وللفضيحة أيضاً, المقارنة بين مجتمعاتنا والمجتمعات الأوروبية غير مناسبة , ولو أننا كما هم كان تزوجنا من زماااااااااااااااااان .. .. اقتباس:
ياأخي خلصنا من قول الحريم ( حسد وماحسد ) وجينا للرجال بعد .. لعلمك أغلب الشباب الثلاثينين قادرين على الزواج بس ماودهم يعني أي حسد وأي نظر راح يلقونه على الشاب الطعشي ؟؟ أمر هالمجتمع غريب كل شيء عندهم يدخل فيه الحسد على بالهم كل البشرية نفس إهتماماتهم .. غير ذلك الإنحراف الأخلاقي في مجتمعنا لاعلاقة له بالزواج لأن مجتمعنا للأسف شاذ , والدليل يوجد متزوجين ومتزوجات يقعون بالحرام سوا علاقات طفيفة أو عميقة , بل إنهم الأغلب في مجتمعنا مقارنة مع غير المتزوجين .. الواقع يثبت لنا عكس ماتقول ياأخي فهو يقول أن المتواجدين في الأسواق وغيرها ( مراهقين ) طائشين لم تستقر عقولهم بعد .. لذا لايطالهم أي لوم إلا بعد أن يتعدوا سن المراهقة .. واللي بيشره على مراهق ماعنده سالفة أبد أبد .. .. |
اقتباس:
|
آرفض فكرته نهائيا .. لأنه من الأفضل ان الشاب او الذكر عموما مايتزوج الا هو مأسس نفسه ومخلص..~ تقبل مروري |
اقتباس:
|
قال الرسول صلى الله عليه وسلم ( يامعشر الشباب من إستطاع من البائة فل يتزوج )
والله الزواج المبكر في هذا الزمن أحسن |
اقتباس:
|
اقتباس:
|
اقتباس:
|
اقتباس:
|
اقتباس:
|
لن أؤيده بتاتاً أين الرجولة دام ان تكاليف زواجه يصرفه له غيره
ولم يبلغ سن الثقل والرزانة |
سئل الطنطاوي رحمه الله كيف مررت بمرحلة المراهقة؟ قال : لم تمر بي هذه المرحلة لأني تزوجت بعيد البلوغ .. أو كما قال رحمه الله
لو زوجوا الشباب لكان عندهم اهتمام .. لكن لما لم يزوجوا وينالون الاحتقار كما في بعض التعليقات للأسف ضاعوا كما نراهم ولم يتحملوا المسؤولية .. |
من هذي اللي تبي تزوج واحد عمره 19:eek: اخاف لمنه نط بيتهم حرامي راح رجال البيت وتغبى>>>:dهع هع |
اقتباس:
|
لآ اؤيد الزوآج المبكر
لأن اغلبية شباب هالزمن إذا بلغ عمر 29 توه يعقل . |
لايعتمد على السن يعتمد على الشخص نفسة
اذا قد المسؤلية والا لا |
بالمناسبه ترى البيئة لها دور كبير في شخصية الشاب وتحمله للمسئولية، بعض البيئات يصل الشاب لعمر 25 سنة ولا يقدر حتى يتصرف بشؤونه الخاصه، وبعض البيئات يصل الشاب عمر 17 سنة ومع ذلك يقود مجموعة تحته وباحترافية عالية جداً.
ألم أقل لكم البيئة لها دور كبير في تكوين شخصية الشاب؟ |
بسم الله الرحمن الرحيم
بعد قراءة بعض الردود لا بأس أن نعود ... الذي أراه أن الكثرة لم تؤيد وكانت هذه الكثرة من الإناث هادهن الله .. وقد أعجبني صاحب الرد التالي : اقتباس:
أن الشاب إذا كانت تربيته صحيحة وقائمة على الكتاب والسنة .. فلن يقع فيما ذكر من أسباب لمنع مثل هذا الزواج .. ومعظم الذين يتزوجون الآن إلا ما رحم ربي مثل هذا الشاب يتلقون الدعم المادي من غيرهم حتى يستطيعوا الزواج .. فإنها لحياة طويلة إذا أراد الشاب أن ينتظر حتى يتوفر لديه مبلغ وقدره 50000 ريال فقط المهر والمصاريف الأخرى مثلها أو أكثر في بعض الأحيان .. والأخ صاحب الموضوع أقول لك : إن كنت أنت من يريد أن يتزوج فتوكل على الله فما طرحك لهذا الموضوع إلا دليل وعيك لأخذ مشورة غيرك فيه .. ولا تكتفي بما جاءك من ردود هنا فهناك من أصحاب الرأي والمشورة ممن حولك في هذا البلد من يمكن أن تثق برأيه ويكون على اطلاع على أحوالك فيعطيك نصيحة صائبة فالردود هنا عمومية .. ولكن من الممكن أن يكون لك ظروف خاصة وهذه الظروف يمكن أن تدعم وجهة النظر القائلة بالزواج المبكر .. ويمكن أن يكون العكس .. ولذلك فاجتهد في البحث عما يعينك في اتخاذ القرار الصائب بالنسبة لك ، وإن كان سؤالك لأحد تريد أن تساعده فإنك مشكور على حرصك واهتمامك ، وبارك الله فيك .. |
اقتباس:
:41 لــــآآ ويغثك زود إذا حلف بالطلاق تحلف أنه أبو 40 سنة .. ويحس إن هالشيء رجوله , ياربي لك الحمد وإذا طلب الزواج بهالعمر" مراهق تراه " يعني فترة وبتعدي ياكثرهم اللي بالثانوية يبون العرس وإذا دخلوا الكلية وتخرجوا هونوا . . . وين أخوي يشوف الموضوع لاقلت له تبي تحضر العرس الفلاني قال أحضر عرس بزارين <<< ماعنده وقت :d |
فعلا بعض الشباب عمره 16 وبسم الله عليه وبارك الله برحم جابه وابو رباه يتصرف تصرف رجال يبرد كبدك
وفيه عمره 30 مايعرف يتصرف لكن الزواج شيء ثاني لأنه لو كان رجل بسم الله عليه 18 19 سنه ثالث ثانوي اول جامعة بالله منين يصرف على نفسه وعلى البنية اللي بذمته وان جاء بزران تزيد المشكلة وكثير حالات الطلاق للاسف من المراهقين اللي زوجوا سواء ذكور او اناث لأن النضج البدني هو فقط اللي بان عليهم والا النضج العقلي يحتاج الى وقت اكثر وانا لا ارفض الفكرة بتاتا لأن لكل قاعدة شواذ وعمرو بن العاص رضي الله عنه تذكر كتب التاريخ بينه وبين ابنه عبدالله 13 سنه وقريب لي رحمه الله بينه وبين ابيه 16 سنه لكن يظل اختلاف الزمن والتربية ووووووو تتحكم بالموضوع |
| الساعة الآن +4: 04:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.