|
خبر يوسع الصدر
(بسم الله الرحمن الرحيم)
السلام عليكم ورحمة الله وبركاته قبل يومين المرشد الطلابي حق مدرستنا وزرع استابانات على الطلاب يبي يشوف منه اللي يدخن واللي مايدخن احصائيه يعني اليوم قلت ابمر عليه اشوف عدد الطلاب اللي يدخنون خصوصا ان المدرسه ثانويه فقلت له عساهم شويين اللي يدخنون بالمدرسه قال ابشرك مابه الا ثلاثه قلت الحمد لله والشكر زين يعني مدرسه ثانويه به اكثر من 300 طالب<<<اكثر بعد لانهم كثارين مدري كم بالظبط مايدخن الا ثلاثه يعني يعتبر انجاز والله يجزاه خير المرشد يقول ان شاء الله هذولى نبي نسوي له برنامج ويبي يقلعون<<من عندي اي مطار بس فهذا يدل على ان شبابنا بهم خير ويدل على ن شبابنا تطورا وتثقفو يعني خلاص كلن بدا يعرف مصلحة نفسه ودليل ان شاء الله على متابعه الوالدين وحرصهم فكما تعلمون التدخين ام الخبائث لانك لادخنت يمكن تسوي اي شي واغلب اللي يستعملون المخدارات يدخنون فحبيت انقل لكم الخبر ودي اوسع صدوركم بس لانه والله خبر يوسع الصدر &&عـــــصــــيــــــر مــــــشـــــوي&& |
* * ذلك من فضل ربي اللهم لك الحمد . وبارك الله في جهود مراتع العلم من مدارس وحِلَقْ تحفيظ ومراكز وغيرها شكراً لك * |
قالو للحرامي احلف قال جاك الفرج مانقول إلاالله يعصمهم
|
الله يتمم عليهم
|
الله يتمم عليهم |
اقتباس:
|
الله يثبتهم الدخان مامنه منفعه كله اضرار ماديه ونفسيه واجتماعيه الخ وانا الحمد لله تركته قبل امس..عقب سبع سنوات بس الواحد يكون عنده اصرار وعزيمه...! |
كذابين نصهم خايق يعترف يحسب المرشد يبي يدق على ابوه
والله يوم انا بالثانويه اكثرمن10 بفصلي كلهم يدخنون |
الله يتمم عليهم
|
الله يعصمهم |
الحمدلله خبر جميل الله يعصم شبابنا عنه ..
اذكر معلّم ( الله يجعله موفق دنيا وآخرة ذلك المعلّم عندما اذكره ادعو له ) نصحنا عن التدخين قال : التدخين خسارة وحقارة وقذارة 1 - خسارة : بالمال .. فكم تنفق لأجله من مال ؟ لو جمعتها كان ( فكّت ازمه ) اما تشتري لك سيارة او تزوّجك :d لا ابالغ فـ احسب كم من الريالات تصرفها ؟؟ 2 - حقارة : عندما يحين وقت الصلاة بمجموعة اشخاص ويقولون للمدخّن .. تقدّم صلّ بنا يقول : لا انا مدخن ( محتقرا نفسه ) 3 - قذارة : نشاهدهم احيانا يتبادلون السيجارة الواحدة بينهم .. فتنتقل من فم هذا إلى فم الاخر .. يعطيك العافية اخوي ( عصير مقلي :eek: ... |
حلو الحمدلله الله يفرحك بنظرة نبيك.. |
الله يبشرك بالخير
|
كيف يسئل الطالب هل يدخن او لا
شيء طبيعي بينكر ؟؟؟؟ |
الله يتمم عليهم يارب
اصلن هو ماوراره غير تعب القلب والشراين وضايع المال |
الله يتمم عليهم..
|
الله يتمم عليهم ياارب
|
المدخن واضح مع احترامي للجميع
انا على سبيل المثال مدخن من الابتدئيه الاين افصلة من المدرسه كل مدرسين المدرسه يعلمون اني ادخن ام المدخن متا يبدء التدخين في هذا الزمان من 20 الى 25 |
ليت يقولون للي بالجامعة بعد والله ياكثرهم قسم بالله لاجاء الطالب يمر من عندك تشم الريحة الخبيثة والثياب القبيحة
يعني معقولة كذا والله حرام لكن ماقول الا الله يعافينا ولا يبلانا آميييييييييين والله يهديهم |
الله يبشرك بالخير لاكن معقوله مدرسه ثانويه مابه الا ثلاثه اكيد به ازود بس ينكرون
|
بس يمكن أخي هناك ناس يدخنون ولكن لايريد كتابة انه يدخل ..
خوفا ع نفسه وان تصل هذه الأمر لأهله ... شكرآ لك ..~ |
وانت برايك يبي يقول ايه انا ادخن
:oo |
الله يثبتهم |
الله يصلح شباب المسلمين
واتمنى انه صحيح كلام المرشد ويكون ثلاث طلاب فقطـ واقسسم بالله اشااهد شباب بآول ثانوي وثاني ثانوي وثالث ثاانوي في احد المدارسس يجاهرون بالدخان في الصباح الباكر امام المدرسه وعددهم كبيرآ جدآ بنسبة لعمرهم واخي يقول لي يوجد مكان في المدرسه يدخنون فيها سحبان الله ونعم والوكيل اللهم اصلحهم وانتبتهم نبآتآ حسننآ |
يالله لك الحممممممممممممد
|
الله يبشرك بلجنة والله انه خبر يفرح الله يصلح شبابنا وشباب المسلمين
|
الله يهديهم بس |
الله يجزاك خير
ويثبتهم ويهديهم |
الحمد الله
|
انا طبعا عمري 20 .. والحمد لله مافكرت فيه ولو اني ادخن محد يلومني الوالد يدخن كثير نااس اطلع معهم يدخنون اسافر واجي وبرضو القاء دخاان .. انا قلت لكم هالكلام عشان بس محد يظلمني .. لما الشخص المدخن جيت وسئلت قداام اهله او قدام اصحابه راح يقول اني ادخن ..؟ اكيــد لا ,, مع احترامي لك ابكذبك وابكذب صاحب الفكره اللي قالها لك .. ياانه يبي يسكتك بشي ,, او انه ماقال الصدق لك .. وابصم بالعشر كل مدرسه ثانويه ( ابعيدها مره ثانيه عشان تفهوم < وان شاء الله مو ناقصين فهم > ) كل مدرسه ثانويه بالسعوديه اذا مو نصها يدخنون قولو عني ماتقولون وانا مسؤول عن كلامي ..! |
الله يهديهم
شكـــــــــــــــراًلك. |
والله ماقال قلبي اماعاد 3 بس من ثانويه كامله ماالظاهر
|
،
الحمدلله الله يعصم المسلمين من الدخان ومن جميع المعآصي |
حلوهـ ذي سألهم وماصار الا ثلاثه
مستحيل يعترفون يخافون يجيهم بلا من وراء هالاستبانه يعني معليش "لاتفرحون مرره " |
اصلن المرشد مادري ليش حاط الاستبيان وهو عارف ان ماحد قايل الحقيقة
|
ياااقدمك <<<<<< والله امزح
بس الحمدلله مافي أحد ببيتنا يدخن................. الله يبشرك بالخير ع الخبريه ........ .........(f).......... |
اقتباس:
اول مرة اعرف ان الاسبيان بهالطريقه هذي تدري :d << للمرشد يعني تخيل مكافحة المخدرات تسوي مثل هالمرشد ؟ النتيجة بكل تأكيد لا يوجد من يتعاطى مخدرات حتى الي بالسجن مظاليم .. ما لقيت موضوع اتفاعل معه حطيت حرتي بهالمرشد |
ان شاء الله انهم صادقين , بالنسبة للي اعترفوا هذا أكيد من مصلحتهم
واعتبرها شجاعة منهم . اللهم اهدي شباب المسلين . |
انشاء الله خير
|
اقتباس:
صدقت بكل كلمه قلتها والله .. (f) |
اللهم لك الحمد . وبارك الله في جهود مراتع العلم من مدارس وحِلَقْ تحفيظ ومراكز وغيرها
شكراً لك |
قلب
طيب يمكن فيه ناس تدخل ولا كتبو انهم مدخنين:)
|
على الاقل يكفي 3 يقلعون عن التدخين :::مدرسة ابي ذر الغفااري
|
الله كريم الله يبشرك بالخير...
مــــــــــــاقصّرت |
اقتباس:
|
وللمعلوميه فقط ترى ترى المرشد قال للطلاب لاتكتبون اساميكم يعني بس احصائيه
ثمن بعدين هو يبي يكتشفهم يعني اللي يقول اكيد مراح يقولون ندخن لا يبي يقولون لانه مراح يعرفهم |
زيين ما شاء الله
الله يتمم عليهم |
اقتباس:
مستحيله ميرالله يعصم كل مدخن ان شاء الله ويهديهم وتخليهم لعين ترجيهم يارب |
الله يجزاك الف خير على الخبر
|
اقتباس:
طيب واذا قلت لك اعرف شخص .. عزيز علي وكنت مااطلع الا معه ومااروح الا معه ومااسافر الا معه .. وبعد كم سنه عرفت انه يدخن ومن فتره طويله .. ان شاء الله ماراح اتكلم وانا ماراح افهم له وماراح ادري فيه .. انا تكلمت لاني عااايش بدنيا مثل ماانت عاايش فيها واعرف اللي فيها .. عشان كذا طلع مني الكلام .. وان شاء الله يكون كلامك صدق ويطلعون صاادقين معك ..! يعطيك العافيه ع موضوعك وع ردك الجميــل .. (f) .. |
اقتباس:
|
الله يتمم عليهم |
اقتباس:
الله يجزاك الجنة اخي العزيز واشكرك على اسلوبك واخلاقك والله تصير لاكن حنا متفائلين ولن نكون متشائمين &&عـــــصـــــيـــــر مـــــشـــــوي&& |
ترا كلامه صحيح وخذوها مني انا بالثانوية اللحين .. بالمدرسة كلهم اعرفهم مافيه احد يدخن ابد (بس ترا عددنا 65 طالب) في عادتين راح ينقرضن ان شاء الله مع الوقت وتلاحظون انهن قلن .. اول كان كثير شباب الثانوي يدخنون واللحين قل كثير .. والشيء الثاني التفحيط .. (لاتحسبون المزاعق والتفحيط على خفيف ههه) الحمد لله يارب ومشكور ياعصير مقلي .. |
الله يتمم عليهم ويعصمهم
|
| الساعة الآن +4: 01:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.