|
وش الشي اللي تحبه والشي اللي تكرهه... بفصل الشتاء ؟
مرحبا زملائي اعضاء منتدى بريده ستي الكرااااام سيداتي سادتي بما ان اليوم هو اول يوم شتاء حقيقي , لانه ابرد يوم هذي السنه فالبعض منا يستبشر بدخول الشتاء والبعض الاخر لايحب الشتاء لبرودته حقيقة ... الذي يعجبني في الشتاء البارد هو شبة النار و لبس الملابس الحنونه, بصراحة اكبر فصل الشتاء هو فصل الحنان (h).. لبسك للملابس الثقيله يحسسك بالحنيه, واذا قالت لك امك او ابوك لاتطلع الا وانت لابس بيجامه وكوت .. تحس انه فيه احد يحس بك .. واذا جلست بمجلس وقالي احد يابوطلال خذ هالفروة والا الكوت البسه لايدخلك برد ... اجواء الشتاء كلها حنان بحنان ... اموووووت على الشتاء >> احس انه فصل ( ديني ) ........... والذي اكرهه في الشتاء هو القومة من النوم في عز البرد .. وكوية النار (تبتل تحط اصبعك ببياله ماء بارد) ... وتبطي ماتروح الكوية .. والله اني قد نمت واصبعي غاطه ببيالة ماء:d .. لاني مسكت الملقاط وهوحار.. سؤالي لكم يااخوني ويااخواتي : وشو الشي اللي تحبه بالشتاء .. والشي اللي تكرهه بالشتاء ..؟؟؟ ياحبي لكم يالاعضاء(h) |
* * الشتاء كل شي زين به>>> وركز على به :d على قولتك شبة الضو . وايضاً حنان الدفا اذا اختلط مع برودة الجو . ايضاً السبب الرئيسي لعشقنا لفصل الشتاء هي الامطار .أسأل الله ان يغيثنا يارب . تحيتي اليك عزيزي (f) * |
انا احب الشتاء لانه شي جديد يعني يتغير الروتين وتكثرالامطار:024: وتكثر الطلعااات والكشتات ع اني ماحب الكشتات بس زين التمشي بالبر وحناءبالسياره والشي اللي اكرهه اممممممم ماعندي بس يمكن لا صـــار البرد قارص شوي:055: شين |
الــــــشــــــــي اللي احـــــبــــــــه بالــــشــــتـــــاء لامنك طلعت بالبر وشبيت الضو بس احرص على السمر
وظبطت النثريه بس احرص على الحمام واستانست ولا تنسى لبس الفروة ترى له لذه خاصه بالشتاء واذا طقيت الطمه بعد والــــشــــي الـــلـــي اكــــــــــــــره بالـــــــشــــــتاء تحميه السيارة كسل ومابه سباحه<<<بالمسبح قصده &&عـــــصــــــيـــــر مــــشـــــوي&& |
?
همن |
احسن شي بالشتاء الامطار واني اخم الدفايه
اشين شي لجان النوم وانا عند الدفايه ولا لي خلق اجيب بطانيه واذا كان الجو بااااااااااارد قوه يعني قارص يكون الشتاء كله شين |
يااااي اموت في الشتاء000احب فيه00اذا ركبت الحصان وانا في البر الاجواء تجنن000واكره فيه00كثر الملابس الي لاااااااااازم تلبسها000
|
8888
88 8 اخس حصاااان وحركااات والله مانتب سهله :115: ما شفتي ارنب منا ولا منا:113:>>>>امزح |
موضوع جميل00احب في الشتاء شبت النار ولامتنا جميع عليها في الاستراحة وامطعاس في النفد00واكره القومه من تحت البطنيات للدوام الظغط يصير الفين برد ودوام000
|
اقتباس:
|
الصراحه احسن مابالشتاء شبه النار بالبر مع حليب بالفلفل الاسود واشين مابه القومه الفجر من النوم احبااااااااااط
|
يااللـــــــــــــــــــه موضوعك فله
الصراحه الشتاء ازين مابه شبة النار والكشته بالجراد مع حليب وشابوره آخر الليل طبعاً بغض النظر عن الملابس الحنونه والدبـــــــاب<<وااااو تو ماتكمل الطلعه وابي حصان بس بحطه بجنبي ماني راكبته عشان مايشخفن الهوى واششششششين شي تنظيف البيت كل شوي رايحه جايه مشكور على هيك موضوع |
صــــــــراحــة موضـــوع رائــــع
اموووووت في الشتا لصار الجو غيـــوم وامطـــار وشبـــة ناااااار:41 وكشــــتة مـــع اغــــلى الغـــــوااااااااااالي(h) يـــاسلاااااااااااااااااااامووووو اللــــة يجيبة بس تاخــــررر لكــــ شكـــــري |
كل شيئ بشتاء احبه واحلى مافيه للبس الملابس الثقيله والصمت اللي يخييييم على اكثر الناس
لان الواحد يصير ماله خلق يتكلم واشين شي اذا جيت تبدل ملابسسسسسسسسك والله ياهي مشوار<زووله |
موضوع جميل احب مافي الشتاء الامطارالله يغيثنا والكشتات وشبت الضوء الله ونااااااااااااااااااااااااسه واكره مافيه الله يعين القومه للدوام |
والله أحب الشتاء علشان طلعات البر وشبه الضو والأمطار
الله يغيثنا |
اموووووووت بشـــي آآآسمـه الشتـــآء
ويــآرب مــآيــرووح ابدا << الحين خله يجــي :d:d:d مشتــآآآقــه لمخيمنـــآآآ << تبي تعلمكم ان لهم مخيـــم:d:d اموووت انااا بحبيبي الشتـــآآآآء:):) ثانكس ع الموضووع (f)(f) |
احب شيء بالنسبة لي البرد و كلما زاد البرد كلما زاد حبي له و كم كنت اتمنى ان السنة تكون 6 شهور مربعانية و 6 شهور شبط |
xX DUNHILL xX |
احب الشتاء وبردهـ .. وأكرهـ الملابس الثقيلهـ وخاصهـ الصوف .. والنار اشين مافيها دخانها الي يعمي العيونـ ويسيل الدموع :eek5 ... |
يعجبني الجو وخاصه اذا فيه غيوم مطر خفيف ووواو مرا خطير
والي ماحبه الملابس الثقيله يجين كتمه منه |
اليوم آجواء باريسية يالله لك الحمد :113: لا بعد ماعندي محاضرات كثار يعني آنواع الوناسه أنا آحتري الشتاء من السنه إلى السنه ..آطعم شي به الملابس موب علشان الدفا,علشان الكشخه :d وليل الشتاء يبرد تسبدي انام لين أعبي الخزان فل ههههه حتى النفسيات تزين بالشتاء كلن وده يكشت ويدابتس ووبس :p مشكور على الموضوع الممتع |
امممم
احب الكشتات والامطار والاجواء الحلوة وأسوق بالبر واخذ راحتي.. واكرهه لاني اكسل ما احب اشتغل وعيالي دايم مرضى |
ازين شي اذا قمت تصلي الفجر ورجعت مرة ثانية تكمل النوم يا سلاآم تحس بطعم النوم ههههههههه
و الكشتة بعد له طعم خاآص بالشتاء و شبة النار بالملحق او الدفاية يالله من فضلك وقومة الصبح وشرب الزنجبيل على برد الصبح والضحى كل شي بالشتا زين لكنه قليل ويروح بسرررررعة :113: |
أحسن شيء بالشتاء >> التخييم مع خوالي بالتنهات ..:) أشين شيء بالشتاء >> القومه الصبح للكليه ..:( |
ازين مافيه الكشتات والطلعات وخاصة لاصار فيه امطاروالجو خيال والله ياهي وناااسه
واكره شي اني اتوضاء استغفر الله العظيم ياربي لاتواخذن والشي اللي اتحسف بروحتهن السباحه والايس كريم موووضوع نايس |
أحب بالشتاء الجو إذا صار غيم ومطر
والكشتات وشب الضو واكره كثر الخلاقين وملاحق البزران عند لبس الطرابيش والجاكيتات :055::055: |
افضل شي بالشتاء الطلعات لم البر والجو الحلو .. واشين شي القومه لـ( الصبح ) تحياتي للجميع برووكي لايفوتكم الرابط http://www.buraydahcity.net/vb/showt...228298&page=11 |
أحسن شي بالشتـــاء لصرتي دآآيخه وبعز نومك يجي احد يقومك
وترجع تنآآم مره ثانيه>>>ياطعمــآآآه:113: |
موضوع كتــــــــــــير نآآيس...:41
بصرآحة..أفضل الصيف ع البرد والشتـــــــــــاء ...:oo كله مرض وتلبيس وتفصيخ الصغـــــآر...وتنظيف البيت .. بغض النظر عـــــــن قومة الصبح.....وآآآآآآآآآوتش بس فيــــــــــه شغلة حلوة(( ريحة المطــــــر))(h) مررررة تعجبني..(h) |
,, موضوع رائع اللي احب بالششتاء / شبة النآ آ آ ر والسوالف والكشتات اللي تفتح النفس (موو كشتات الصيييف :mad: ) .. والجوو غيووووم وأمطــآر وقووومة الصبح اذا ماصار فيه مدرررسه :113: واللي أكرهه / اللبس الثقييل أحس اني منحششره مآآآحب .. وماااقدر اشرب ششي بارد :113: والبررررد القووي اللي تعجز تتدفآآ ويصير الخششم كسررررة ثلج والأصابع ماتقدر تحركهن :113: والحمممد لله كله نعمة من ربي : ) ,, |
اشين شي بالشتاء تسبيع الموعين
والوضؤ بالماء البارد ))))مادري وش الله حاد على تسذ والقومه للجامعه هذي عاد اشين شي وازين مابه كل شي به زين |
امي تحب الصيف ..
وانا اموووووووووووووووووت في الشتاء لانه نتلبس الله وناااااااااسه ونتدفى : 12: 12: 12(f)(f) |
الشتاء هو الشتاء
|
يسلااااااام الشتاء بسراحه انواع الفله والوناسه واطعم شيء التخيم ..}ْ~
|
هههههههههه أمـــــــــــــــــا حصان متعوب عليه >>>ممكن دورة وحده بس يا ( بنوتة نايس )
ــــــــــــــــــــــــــــــــــــــــــــــــــ ـــــــ أشين مابالشتاء تغسيل الثياب والمواعين >>> واو احباط ..... وبــــعد ريحة الضوء وع وع تملى الدنيا ولازم سباحة علشان هالريحة الفواحة >>>أكره ريحته كره ... أما أزين مابه >>>>> القعده عند الدفايه مع التحكك >>>جو ثاني خاصة اذا صار بي نوم ... وزين بعد يستر الي يتمصلخن بهالصيف ... ////وكل أبوه زين الله يغيثنا ........... |
احب بالشتا شبة الضو وادوخ على ريحة الضو لاطلعت للحوش وشميتها
اقول ياسعدهم هااللي شابين ---والحليب المفوح مع زنجبيل مع خبز تميز --- واشين شي القومة الفجر ونصي نوم ---للصلاة ولا للجامعة في حديث ورد عن النبي صلى الله عليه وسلم -أنبئكم بما يكفر الله به الخطايا ويرفع به الدرجات. إسباغ الوضوء على المكاره، ونقل الأقدام إلى المساجد، وانتظار الصلاة بعد الصلاة، فذلكم الرباط). واحساس بالبرد +تبي بطانية =نوووم ....معادلة الشتاء ..... |
الله ياملحه اشتاء بعد اكثر شي احبه بااشتاء المدرسه لان يطلع له طعم بااشتاء ماادري وراه
ايه وبعد الكشتات الله ووشي بعد ايه الدبااااب والتدحمل كل شي بااشتاء يهبل الا الما بس |
الشتاء ازين مابه شبة النار والكشته |
بصراحه انا احب الصيف اكثر من الشتاء
الشي اللي احبه في الشتاء المطر بس اما البر وحركااااااته ماحبه |
احــــــب الشتـــــــاء في ملابســــــه الرسميـــه ولبـــر
|
اقتباس:
هلابك بنوتة نايس اي حصان ..؟؟ ..... صادقه انتي ..؟؟؟ انتي قولي :048:.. دباب .. والا قولي تطعيس بالصندوق .. اما حصان هذي ماادري منين لك .. :073: عالعموم مشكورة علمشاركة .. |
تكفى اطرح اسمك؟:d
بالنسبه لشتاء ماحبه لان ابو الشباب يغصبني بطلعة البر وانا ماحبه:oo ثانيأ عيالي دايم تعبانيين:084: |
امووت فيه وفي جـــــ :105: ـــــووه ~ْ وخاصه إذا صرنا مع خوالي فلـــــــهـ وونـــــ :107: ـــــاسهـ ودجـــــــــهـ :- الله يخليهم لي .. يغمئ علي إذا قالوا تبين دباب عاد انا على نياتي اقول ايه ~ :072: ~: شوفي الصدمه يقولون تحلممممــين :02: آهـــئ آهــــــــــــــئ .. :061: وشبت النار والفروة << تراا مو بس انتم يالرجال تلبسون فروات >> يــــــــآخي ممكن تسكتين ذي قصة حياتك :i121 << والله ما ألــــــوم روحي :d متئ نكشت متلهفــه < أكلم نفسي ههههه مخفه .. مشكور أخــوي تسلمـ على الموضـوع الرأاإآئــ" ـع ’’ تقبل مروري / :110: ÷ × تـَــؤام رُوحِيـ }_ |
يا خي وراة الناس مايحبون الكشتات الا بالشتاء
واذا رجعت ولاكلك دخان ورمل وتعال ترويش بها البزارين أنا عن نفسي ما اااااحب البرد وأذا طلعت للبر ودي أتمشا بالسيارة ماأنزل واذاشبيت نار تعال شف ريحتك يازين الصيف والحر بلا خلاقين وزحمه فراء . واذا غيرت لبزر شلحت منه دولاب ولبسته دولاب |
صبااح الخير ع الجميع000اشوف سالفة 00الحصان 000مقللة بعض الي شاركو وكانهم يقولون تكذبين000؟؟؟؟00طيب ليه000ليش مستغربين000الي يبغى فية دوره او ياخذه كم يوم ماعندي مشكله00يراسلني ع الخاص ومن عيوني ياخذه000000
|
(
h)(h) بنوووته نايس(h)(h) ياهلاوسهلا لا تواخذيننا مجرد اننا نمزح معك لا اكثر:d وانا ودي اخذ دوره وش رايك تعلمينن:d |
هاالشتاء هاالسنه له طعمه الخااص
احب فيه .الكشتات والامطار تــــرد الروح الله يغيثنا اكره شي فاالشتاء ريحه النار والملابس الثقيله حشره +كتمه |
أنا ما أحب الشتاء عشان البرد وما أحب البرد عشان الترويش وما أحب الترويش عشان النطافه وما احب النطافه عشان ريحة الصابون وما أحب الصابون عشان عندي حساسية من الصابون في بشرتي وعطاااااس .. |
000سالي0مشكورة كلك ذوووق0000ماعندي مشكلة00ياقلبي00اعلمك عليه 000بس بشرط000اذا كنتي سمينة حاولي تخففين قبل لا تاخذينة000لانة مايمشي مظبوووط مع السمانين 000تحياتي لك
|
لا هو ماعليك لا مانب سمينه:d بس اهم شي يصير الخيل بني ولا مانب متعلمه عليه>>>:113: |
بنوتة نااايس000انا ابغاه000وزني60( يصلحلي والا) وابغاك تعلميني عليه لاهنتي0000
|
سؤالي لكم يااخوني ويااخواتي :
وشو الشي اللي تحبه بالشتاء .. والشي اللي تكرهه بالشتاء ..؟؟؟ ياحبي لكم يالاعضاء اهلين مهستر أولا /الله يعطيك العافيه مشكوورعالموضوع أحسن شي في الشتاء طلعات البر والتخييم والتطعيس وشبة الضو له طعم خااص اللللللللللللللله الشتاء يهبل وكل شي فيه زيين(h)(h) |
.
.. أحب الشتآآآء .. أنآآآآآقه :113: وريحة الضوووء أموت عليه بعد :017: والسواقة بالبررر :024: .. والشتآآآء جو أسري وحنون (h) <<< يآآقلبيه بس :080: أما اللي ماأحبه الهواء اللي يشخف الاذان .. اللهم لا أعتراض واممم والفول والحليب :028: .. وبس |
اقتباس:
ودي أستهبل .. يرحمك الله :d <<< برا :p . . . صراحتـ(ن) صعب حله المعادلة ذي :113: .. الله يشفيك :bad |
أمي تستانس بالشتاء عشان ثياب العيال الملونة مااافيه حلت بالغساااااالة على طول
والثياب البيض واااااكرههن الي يجيه حبر والي دم عقب الصيد والي عقب البر .....الخ (حب الشتاء شفطني زي مانشفط حليب نيدو) كفي هالجملة بسسسس.... |
والله حنا شتينا قبلكم بما اننا بالشمال موت برد بس لاجيت للقصيم شي ثاني كشتات حنا وخواني وخواتي واهليتي وتطعيس ودبا بات ونا سه موت وبليل بالخيم والمطازيز والسهره سواليف ولط حليب وناسه يعني احسن ايام حياتي
|
الزين : البر والمطر والنوم والفروة .. الشين :اني اسخن السيارة .. |
اقتباس:
أزيدك من الشعر بيت<< فرح به طافي الكهرب والبيت ما به أحد البيت وماسك الفروه(h)(f)(h)(f)(h)(f) لـــــــــــــــــــــــــــــــــــــــ‘ـــــــ‘ـ ـــــــــــ‘ــــــــــــ‘ـ‘ـــ‘ـ‘ـــــــــــــــــ ـــــــــــــــــــــــــــــكــ |
الصراحه الشتاء حلو بس الصراحه اشد شي علي إذا صرت غافله وفاقده بنتي ولا جيت ولقيتها با الحمام ترطش من المياه والبيجامه والملابس الداخليه والهيلاهب والشرب كلها ميااااااااااااااااااااااااااااااه تقل توي مطلعتها من الغساله .هذي عقدتي با الشتاااااااااااااااااااااااااء.وشكرررررررررررررررر رررررررررررآ
|
وووربيــه والله ياموضوعك خوقآآآآق
__ يااازين الشتآآء طلعآت وجيآت ومرقآ ونط اسيووف وفقع موآتر وجب الفروه ووو وخذ من الحوســه ^_^هع اشين مآبه لاجتك الصخــنه هع |
تبي الصراحة والله أزين ما بشتاء شية الضو وانت مخيم بعيد عن بريدة بعد قلبي لاكن مهب مشكلة نصبر عن بعد بريدة ونجلس بعض أيام بالبر بالليل واليلة قمرا ليلة 15 والله من الوناسة بعد .....
مشكور على الموضوع |
هههههههههههههههههههههههه يابو ملقاط ازين شي بالشتاء نروح لمخيمكم ونضبط المندي |
كل شي بالشتــــــاء موووووووووووت ورهيييييييييييييييب ويفتح النفـــــس :037:
يالبى البرااااد (h):080: |
أفصحا لي قلمي وفكري ذات يوم بأنهما يعشقان ليل الشتاء وينتظرانه . اللهم بارك لنا فيه . آمين . |
أزين شئ الكشتات وريحه النار وااااااو وناسه وأكره تسبيع المواعين اللي لاخلصتي أثر ملابسك ترطش وغسل الملابس والسيراميك بعز البرد لكن الله يعين |
|
احسن شي شبة النار والامطار
واكره شي تغسيل ملابس الاطفال والمواعين |
اقتباس:
حلوه به ..:d مشكور وماقصرت يالعالم التسويقي leader.. نورت الموضوع حبيبي (f) .. |
احب الشتاء بجوووه وكشتااااته وطبخااااااااااااته خخخخخخخ
ما احب بالشتاء كثرة اللبس همن لا جيت اغير واااو ياكسلي!!!!!! |
جميع الاعضاء اللي شاركو لهم جزيل الشكر (h)(h)(h) |
اقتباس:
مالك خلق ترد عليهم واحد واحد يعني :oo |
اقتباس:
وهـ ياناس فديتك :p ودي اكشت معكم هههههه ~ اذا على خوالكـ انا اركبـــك خخخخ .. احلى قصة حيــــاة بالدنيــا .. مع خالص حبي (h) " كبريـاء خبلهـ ؟! |
انا اللي احبه بشتاء الطلعات ولبسه دايم شيك احس اني بروبا ان والجاكيت والشالات واللي اكره اذا جاء مطر وانتفشت الشوشه هههههههههههههههههههههههههههه>>>>>>>>>>> وحده متعقده
|
ابي اكشتـ مع تؤامـ روحيـ ) ابـــي ابــي ؟!
اقتباس:
ما رحتــي بعييد انا امووت على لبس الشتاء :) .. ههههههههههه :eek5 انا مثلك اذا انتفشت الشوشه تطلع العلوم و " يطلع المستخبي :( < ذذذذ -تحياتي " كبريــاء خبلهـ " |
أكسل شي بالشتاء قشع البطانيه والقومه من الفراش
|
أمانتـ(ن) كل شي بالشتاء حلووووو وأحبه لأني أمووووووووت بالبرد ومع ذالك أخم الدفايه وأكره شي كثرة الملابس كأني علبة ألوان و لاقالوا أهلي قومي جيبي (,,,,,) وأنا خامه الدفايه ودي آخذ الدفايه معاي
|
احسن شئ الكشتات و الفله
اكره شئ انك تحمي السياره |
:eek::eek:كــل شي زييين
وخاصت ببريده :) <<<<< يازين الدوران في الشتاء |
امم الشتاء احلى شي في الحياة:055:>>تعبير بزر:084:
وخاصتاً البر والخيام والدبابات :048: والخبه والفله والوناسه وسعة الصدر وشب النار >>وش بقى:113: يسلمو |
أزين ما بالشتاء إن الدجاج يغلن و أبيعهن على 30 - 40 ريال يالله من فضلكـ، ..
|
:dهههه ضحتني والله . الله يسعدك أنـا صراحة مثلك بالشتاء يحب الواحد شبة النار والأمطار ويزين البر ويزين أكلك ويزين شربك لكن بالصيف لو تاكل تدور علاج للحموضة:d على قولة الضبعان. لكن صراحة مو زين بالشتاء قصر النهــار يعني بالعصر ما يمديك تخلص أشغالك وحتى لو صرت بالبر مايمديك تطبخ قهوتك إلا مذن المغرب ثم يتجلى منظر الطعوس من عينيك :eek5 وشي ثاني مو زين بالشتاء الي هو بربسة البزارين بالماء لأنه حتماً ولا بد راح تبلش بكحته أسبوع كامل :bad موضوع جميل :41 |
احلى شي الامطار وشبه النار
يا لبيه بس... واكره شي قومه الصبح |
الشتاء غنيمة العابدين
طول لليله للقائمين قصر نهاره للصائمين الشتاء قصير لاتفرطوا فيه |
انا اموت باالشتاء طلعت البر الساعة 6 الصبح والشوي وخم الدفايه والمزرعه :)واكره باالشتاء الحنان الزايد :i121 من امي
|
أكوس شئ بالشتاء لمن تتغلمط بالبطانيه وانت جايّن من براد , ولا صارت نفرين أحسن واحسن < قصدي البطانيه :d :016: وأشين شئ الترووش :S:113: , والكرف بالبيت :rolleyes: , صراحه لو أنا من راعين الشغالات يرفعون اسعارهن بالشتاء , عشان شسمه إيدينهن تروح وطي من البرد :029: واشين |
الي احبه باالشتاء انه يستر عصاقيل عيالي
ولي ما احبه زعل الشغاله اخاف تروح:d |
أحب بالشتا صوت المطر وريحة التراب بعد ماينزل المطر
ولون الشمس وكثر الندى الصباح والضباب اللي يكون بالساعات الأولى بعد الفجر <<< رومانسية البنت :p وصوت الرعد ولون البرق وريحة الحطب وشكل أبوي بالفروة <<< :d واللي ماأحبه إني ماأروح للإستراحة وأسبح:oo إذا تذكّرت شي برجع |
اشكر لكم التفاعل يعطيكم الف عافيه |
احلى مافي الشتاء
الدفــــــــــــــــــــــا |
في الشتاء يقصر النهار ويطول الليل وفي ذالك فوائد : 1) العبادة في الليل والقيام والوتر 2) في النهار يستحسن الصوم لقصر الوقت 3) النوم في الليل >> عشان تشبعون ههههه شكراا اخوي ع الموضوع وتقبلو مروري |
| الساعة الآن +4: 09:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.