الدوريات و المرور سبب تجمع الشباب في حي الربوة
 

اعوذ بالله..
الله يهدينا وياهم..

انت لم تتعرض الى ما نعانيه نحن اهالي الحي من تصرفاتهم ولم يتعرض منزلك للسرقه ومن ازعاجهم وتفحيطهم واشكالهم وحركاتهم في الحي وتجمعاتهم المخيفه في اخر الليل لان يبدو لي انك مرتاح ومبسوط

سبب الدوران والازعاج هم ابناء الحي
يتجمعون بالشارع الى اخر اليل

يااخي مو بس حي الربوه يشتكي بريده ككككككله تشتكي من التجمعات الشبابيه والسرقات ,,,,,,,,,,,,الله يهديهم ويفتح على قلوبهم

والله مالومهم , الشباب لهم طااقه وانتم ماتخلونهم يطلعون طااقتهم صح ..

روحي شوفي اماكنهم اللي يجلسون فيها واذا جلسو بمكان مااخذو راحتهم فيه ,,

وانا اقول بعذرهم لما تشتكون عليه ويكثر جلوسهم بالحارات ,,

انا طبعا مو من سكان بريده واجي لها زياارات كل اسبوع او اسبوعين ,,

وخااصه اهل بريده مايعطون الشاب حقه وهذا اخرتها راح يصير فيكم اسوا من كذا بعدين ..

( والله يعينكم )

الي امس شفته مرور سري عمرة كبير وشاربه يوقع عليه الطير وجالس سواليف مع ها المبزرة المفروض تكون هناك لجنه او هيئه عسكريه تراقب عمل هولا العساكر حيث انهم ينفردون في بعض صغار السن ويطقونها سواليف معهم وهدفهم الله اعلم

صدقت هم يتجمعون ويرتزون عند الزوايا مما يجلب كشابير الحارات الاخرى من اجل التعرف عليهم لكن اين دور المرور والدوريات والقضاء على هذة التجمعات المشبوهه

-

الله يهيدهم ياارب ,
وقسسم ازعجونا ويسون رعب فيــنا ,
ماايخلون الوااحد يرتااح ,
الله يهددديهم ياااارب :eek5

المشكله ان فيه بزر يخلي السواق حقهم يدور فيه با الحارة 24 ساعه الى ها الدرجه وصل الفسق والغناء لدى الناس الاب جالبن سواق من اندونيسياء فقط من اجل ان يدور بولده ويخليه يدور فيه با الحارة ويزعجنا سبب لنا رعب ها السواق وها البزر انواع الازعاج والدخول في وسط الحارة ويمشي بسرعه جنونيه ها السواق مما جعلني اخشى على اخواني الصغار ان يتعرضو الى حادث بسبب ها السواق والبزريارب ان تعقل ها الاب الي جاب ها السواق او يتعرض ها البزر هو سواقه الى حادث ويدخلون في احد مواصير ها الحارة ونفتك منهم

الله يهديهم بس

الحمدلله اليوم كان فيه تكثيف امني في حي الربوة ونشكر رجال الامن على ذلك وان شاء الله نفتك من الازعاج وهذا مانتمناة من رجال الامن وهو عدم التساهل مع هولا المبزرة وايقافهم واعطائهم املخالفات وحجز سياراتهم او ان شاء الله نفتك منهم اما بدخولهم في احد المواصير اوفي اي مرض يصيبهم ويبعدهم عن حينا

^^^

لايجوز الدعاء على أخيك المسلم وخصوصاً مراهقين وهذي حركاتهم

أفرض هالدعوة جت فيك أو بأحد أخوانك أو أهلك ؟

استغفر ربك وادعي لهم بالهداية بهالأيام المباركة بإذن الله ربي يستجيب لكم

كل دعواتك يصدم ومرض أعوذ بالله بعض الناس مدري كيف يتجرأ ويدعي هالدعوة مايخاف الملائكة تقولك ولك مثلها

يعني لاشفت لك واحد داخل بماصورة وراح للعناية أو للمقبرة كذا ترتاح نفسياً ؟ عاد تخيل آخرتها يطلع أخوك أو واحد من أهلك ؟

لاحول ولاقوة إلا بالله الله يهديك قبلهم

الشاهد : ان لو كل أب بحث عن ابنائه قبل ان يقوم بالابلاغ لآنتهت مشاكل التجمّع داخل الاحياء ..!
حتى لو كانوآ لآيجلسون بـ نفس الحي .. تجدهم في آحياء اخرى يقومون بالازعاج ..!
والمشكله الاعظم أنهم يساعدون في عمليات السرقه التي تحدث يومياً .. ويوجد شواهد كثيره ..

:لآ بع ـد وآلمششكـلهً آنـو حـي آلربــ‘ـوه بحنبــه مركــز آلششرطًــه ٍ

بسس هـآلمرركـز كله مبُــزره وآحيآنآـآ آلأزعــآج يصير بأوقـآت مخ تـلفه وينهم عنهم مآآيسمعونهم


وآلغلط من آبـآء هــؤلاء آلأبنـآء :bad:rolleyes:

آلله يهــديهم بسس .~:oo

الله يهديهم

الله يهدي شباب المسلمين.

.,.,...
 

ياخي لو انا منك انت يالي كاتب الموضوع اروح للمبزره الي تقول


ومعي مسدس وكل واحد مع رااسه طق طق طق :) ياله ينفعبهم اعيال بريده لكن شيبان بريده :41

لا حياة لمن تنادي!!!

وعليكم السلام
ياخوي ترا اللي يدورون اعيال الحارة
وانت اتنااشد المرور والدوريات
هم العسكر اللي يدورون

يتعرض ها البزر هو سواقه الى حادث ويدخلون في احد مواصير ها الحارة ونفتك منهم
 

ورااك معصب يا صريح نجد روووق اذا مر من عند حارتكم اطلع ومعك ام صتمه وطق بهالكفر لين ينسم وامسك السوااق ولفعه هو والولد هذا الي مشغل بالك يا حبيبي ترا انا حلال المشاكل :)

والله ماعرف شئ لاكن ودي اقول نقطة


الشباب عامة يقولون احنا اذا رحنا لأسواق جتنا الهيئة واذا رحنا للحدائق برضه جتنا الهيئة تراقبنا وتظايقنا
واذا رحنا ننصب السيارات جتنا الدوريات بالله وين نروح الطعوس ماهو على كيفك لاكن ابطقها سوالف بالحارة ماحد له شغل بنا والله فله



هذا الشباب دايم حادث تفحيط والله انكم لمسئولون عنهم يوم القيامة خاصة الشباب لائنهم مالقو شئ فيه يجلسون الى الاستراحات وغيرها من المجالس التي احيانا تجتمع على حرام

مع احترامي الشديد لأهالي بريدة ان شباب بريدة سمعتهم زفت خايسة قبل حوالي عشر سنين كانت بريدة وشبابها كل اهل بريدة سمعتهم والله ماحسن منها من الجنوب للغرب للشرق للشمال كلن يعرف بريدة بالسمعة الطيبة
وان بريدة إذا قالو اسمها يجيني شئ لكن هالحين بالوقت هذا الله المستعان كل ماقالو بريدة قلت الله يهديهم
حسبي على من خرب سمعتهم ادري اني طولت الموضوع لئن هذا مو موضوعنا لكن اعذروني يأخواني والله ان القلب ينزف جراح هذا الموضوع.

واخيرا تقبلو تحياتي وأسف على الاطالة

,

هايم الشوق || قلت ماكنت أنوي أن أقوله !! أول المبلغين عن التجمع او عن التفحيط هو بنفسه .. ولا آريد التصريح بأسمه .. !! وأول المفحطين وأول من سبب التجمع هو ( ولده ) !! وقفت بالأمس عنده .. وقلت له يآ آخي معروف آنت بكثير تبليغاتك طيب ع الأقل سوو خير بولدك وشف لك معه صرفه !!
مع العلم آن الولد صغير .. يعني يسهل عليه جداً منعه من أي شي !! مع العلم آنه يستطيع آن يسحب منه السياره ووو !!
لكن مآيدري آن ولده بكل مكان يفحط !!

وآنآ ولدي مآهنآ آآآحسسسسسسسن منه !!
وربي مآقلت هالكلام حقد ولا شي ثآني !!
لا قلته من الي آشوفه من آنفعال الأب ضد هؤولاء الشباب ولا يرى أأبنه إلا آآخر النآس !!

صريح جد || بالنسبه للي يدور مع السوآق .. قسسسسسسم بالله مآ آدري وش آقول مآآلي إلا آضحك هههههههههههههههههههه !! :d
أنا بسسس ودي آدري متى ينآم ؟؟ !! :113:
آطلع آلفجر الظهر العصر بليل مآ آدري إلا وهو بوجههي !! :d

(h)

الله يهدي الشباب
اثر الربوه دمااااااار

اشكر الجميع على طرح ارائهم ومشاركاتهم للقضاء على هذه الظاهرة المزعجه التي يعاني منها الجميع

ههههههههه

هذا وهو صغير حاطين له اهله سوق خاص فيه بس يدور فيه بحارة الربوة اجل اذا كبر وش راح يكون معه طيارة خاصه :d ومثل ما قلت اربع وعشرين ساعه فيها استغرب من اهله هل هذا حل انه يلهون ولدهم فيه با الدوران با السيارة وخاصه انه صغير با العمر يقدرون يدخلونه معهد في المساء او اي برنامج بدل من الدوران
هاذي المشكله ان الاباء يعتقدون ان ابنائهم هم افضل الابناء ولا ينضرون الى حال ابنائهم وماذا يعملون ومع من يخرجون لو كل اب اهتم في ابنه لما عانينا من ها الازعاج والسرقات