|
القبض على شاب ادخل فتاه لمستوصف خاص
خاص ـ بريدة .
قبض مركز شرطة بريدة الشمالي اليوم على شاب في العقد الثالث من عمره بعد أن قام بإدخال فتاة في العقد الثاني من عمرها لمستوصف خاص وهي فاقدة للوعي لمعالجتها وفر هارباً حيث قام الفريق الطبي بإحالتها لمستشفى الملك فهد التخصصي ببريدة لحالتها الحرجة . الجدير بالذكر أن شاهد عيان أدلى لوحدة البحث بمركز شرطة بريده الشمالي عن مواصفات السيارة ورقم اللوحة التي يستقلها الشاب وتم القبض عليه خلال فترة وجيزة لا تتجاوز النصف ساعة وتبين من خلال التحقيقات أن الفتاه كانت خارجة معه لأحد المنتزهات وكانا يمارسان هواية اللعب على أحد الدبابات الذي سرعان ما أنقلب وسبب شج في مؤخرة رأس الفتاة وعدد من الكدمات فقدت من خلالها الوعي وما يزال التحقيق جارياً في القضية . يابنات ركزو شوى الله يستر عليكم وخلو المهايط :i121 |
الله يستر كل هالبلاوي من أهمال الوالدين!! مايدرون انه أمانه بأرقابهم؟؟ |
الله يكفينا الشر والله يهديهم |
الله يستر على بناتنا ...
اجل يلعبون بدباب !!! الاروبين ماسوها يجي يسوها ببريدة المفروض اللي يطلع بنت ويمسكـ يطلعون اخته عشان يعرف الناس وش توجسبه ، وبناتنا خذ ، مسويات فله وتحديات بيناتهن والخاتمة السمعه بزبلة . بدباب اجل ، وش ولو فاتحين بار في بالسعودية وش بتسون |
هههههههههههه ساده
عقوبه من ربي لابعد موديه مستشفى :d كان قعدت مرافق معها احسن :p يمال االماحي |
حسبنا الله ونعم الوكيل ..
اللهم استرنا فوق الأرض ,, و تحت الأرض ويوم العرض عليك يا رب العالمين .. اقتباس:
المعذرة /: ما دخل أخته بالسالفة :09: |
غريب .. هل خرجت الفتاة معه وهي غريبة عنه لكي تلعب بـ دباب ! كيف احضرها و فرّ هاربًا من المستوصف ؟ كيف لم يتم أخذ معلومات الفتاة ؟ أشك بصحة الخبر .. |
الله يستر
يارب يارب ياااارب سترك واستار من خلقك .. |
يعني مادري إلى متى ( هالتسيب ) الي حاصل .. بنت تطلع مع ولد لاوبعد بمنتزه ومركبها بالدباب .. ياعزيزي الواحد اذا راح السوق وبنت بمجرد طالعته جته( أم الركب ).. فمبالك يركبها بدباب لاوبعد شوفو الجرائة موديها للمستشفى ومو بعيدة مشخص قدام الاستقبال ومعطيه معلومات عمرها والحالة + موصي السستر عن اهتمامه فيها ، يعني اني وافي وأقدر معنى العلاقة .. استغفر الله بس ..
صحيح الواحد قد يتجاوز بعض الامور لكن في حدود حمراء ، اتوقع مع زوجته مايسويها فمبالك وحدة غريبة عموماً ( من أمن العقوبة أساء الأدب ) .. يعني البنت صراحة ماتنلام ( بالعقد العشرين لاوبنت ) ويمكن لاعب عليها بكم كلمة أو مستغل ظروفها ، لكن الي ينلام ( ابو الثلاثين ) الي بعمره يركب عياله ، ورايح يتميلح يركب بنات خلق الله ومسويلي ( رواية نزار قباني لكن مو فوق القصر فوق الدباب ).. وواضح أنها مو اول مره يطلعون مع بعض لأنهم بحالة ملل والطلعة هذي من باب الترفيه والمرح وتغيير البروتين .. نتمنى هالخبر يكون آخر خبر من الاحادث المؤلمة ، والله يستر على بنات المسلمين |
يارب استـــر علينا وعليه
وكل مسلم |
الله يستر على المسلمين
الله يمهل ولايهمل |
وغير هالكلام ؟
متأكد طالعتن تلعب معه بالدباب .. ؟! |
الله يستر على بنات المسلمين
|
الله يستر ياااااااااااااااااااااارب
|
تدرون ليش البنات صارت عااااادي تطلع وتدخل عاى كيفه لن الشباب للاسف اذا بغى يتزوج مايهمه الا سؤال واحد طبعا جماله ومن بنته ان اعرف بنات الله لا يبلنا ن مكالمات وحركات الحمدلله على العافيه وتزوجو احسن الرجال هذا بعد اذا مكان ملتزم بعد اذا صارو ابوه او اخوانه ملتزمين وبنات سنع وعقل وثقل صكن 30حتى الحين ماتزوجو لانهم عاديات ومستورات والبنت الاولى الي اقولكم عنه اعتبرت حياته الي قبل ماضي ولايمكن تذكره ونسيت ومشت الايام لاتقولون يبي يجيه يوم تبي تشوفه بعدين المهم تزوجت وعيالت وهذي منطقه بيت اهله
|
اقتباس:
|
,, , تراي صدقت انه تلعب معه دباب بس :09: اقول دن مناك :) الله يستر علينا وعلى جميع المسلمين , |
سترك يااستااااااااااااااااااااااااار....ماجتنا مدارس البناااات بخير؟؟؟؟؟؟؟؟؟!!!!!!!!!!!!!!!!!!!!!
|
وزوز وز وز وزوز طعععععععع
والله قويه تلعب دباب يعني لو قال نزيف حاد نمشيها الله يستر على محارمنا ومحارم المسلمين الله يحمانا نسخة مع عدم التحية لمن يتكلمون عن رجال الحسبة حفظهم الله وسددهم |
لاحول ولا قوة الا بالله
|
عقوبة ربي
؛؛الله يعافيهم ولا يبلانا |
يارب استر علي وعلى بنات المسلمين آآآآآآآآآآآآآمييييييييييييييييييين |
اقتباس:
|
اقتباس:
|
الشكوى لله الحمد لله الذي عافانااا مما بتلاهم حسبي الله ونعم الوكيل على كل من خان اهله |
يالله سترك
|
والله يابعض النآس دبش
تلاقها خويته ودايم تطلع معه وقالت له قوه ناخذ دباب المره وقال قدام > صار معهم :d المهم وطاحت والاخ يقاله رايح مستوصف خاص.. عشان ماينكفش .. لاعله زحلطن :d |
ستتتتتتتتتتتتتتتتتترك يااااااااااااااااارب ..
موحراااااااااام عليكم ياعيال اللي تسونه بالبنات ..:oo |
من امن العقوبه اساء الادب
وين الاهل عن البنت سمعت البنت اهم شي هذئ امانه بي اعناقهم لا وبعد ركبه دباب حــــــــــــــسبي الله ونعم الوكيل |
اقتباس:
مساكين العيال كل المجتمع ضدنا ,وهذا موضوع دسم باحدى الصحف اليوم : http://www.alriyadh.com/2010/11/09/article575830.html |
اقتباس:
:41:41:41:41:41:41 |
أسأل الله للجميع الهداية والرشاد
|
لاحول ولا قوة الابالله العلي العظيم اللهم استر على خواتنا واخواننا المسلمين اللهم امين |
قلعتها
ثاني مره ما تطلع برا بيتهم معقولة فيه بنات زي كيذا للحين... وهي مو بزر كبيرة وتععععرف كل شيء... الله يستر علينا |
الله يستر على جمييع المسلمين..
استغفر الله العظيم واتوب اليه |
الله يعين مشاكل
|
الله يستر على بنات المسلمين
والبلاء من بعض البنات والا ليش تطلع معه وليش تكلمه بالاصل |
الله يحفظ بنات المسلمين... |
اجل مطلعها يلعبها ههههههههههههههه لوهي زوجته ولاحدا خواته قايلات نبي نركب دباب كان مكوفنه بالعقال وملحق عقال اخوه بعد ساده قلعته خل الضرطه يئدبونه ههههههههههه
|
واتسبديه الى هالدرجة :eek: وين اهله عنه :confused: الله يستر علينا بس من هالبلاوي حسبنا الله ونعم الوكيل :( الله يهدي بناتنا وشبابنا من هالخرابيط :bad |
الله يستر على جمييع المسلمين..
استغفر الله العظيم واتوب اليه |
استغفر الله العظيم ياليته ميته اجعله اماحي الوسخه سااااااااااااااااااااااااااااااااده
|
الله يستر على بنات المسلمين ...
|
يارب يارب ياااارب سترك واستار من خلقك .. |
عجب 000000000000000000000000 دباب الحمدلله والشكر الله يهديهم
|
شددوا على هالشباب
|
ممكن خطيبتة وتزاعل معها ورماها بالمشفى
الله يشفيها |
اقول لدرجه ذي هو يحبها متخلى عنها ! يعني ورط روحه وراح ودهها للمستشفى وهو غريب عنها ! الصراحه انه وافي ض1 |
حسبنا الله ونعم الوكيل |
زييين مااشااءالله بعد ياللي ودااه للمستشفى ولو به خير ذا:d
الله يشفيه يارب وتعاافيه وتستر على بنات المسلمين كل ابن ادم خطااء وخير الخطاائين التواابين |
الله يستر ع ابناء وبنات المسلمين..
|
انا ابي اعرف وش المنتزه الي رايحين له
لاني ماذكر عندنا منتزهات والبنت الله يستر عليه ويهديهم يارب الووووم يرجع على الاهل |
اقتباس:
|
اقتباس:
الله يالدنياء |
لا حول ولا قوه الابالله
الله يستر عاد البنات ماتعقل الا اذا صارله مصيبه |
حب بريئ !! طالعين يلعبون بالدباب |
الموت قبل الفضيحه ....يافضيحتاه من الناس ...العاااار العاااااررررر الموت احسن لهااا....الرجال مايعيبه شي بكرا يتزوج احسن وحده لكن هي الي ضاع مستقبلها هذا اذا نجت من الموت .......
|
هل من المعقول انها خانت اهلها وربها قبل ذلك من أجل دباب!! ربي أستر عليها ولا تبلانا بما بليتها .. |
السالفه مش صدقيه ... والله اعلم
|
الله يعافيهم ولا يبلانا ياربي سترك وسترن من خلقك |
لا حول ولا قوة الا بالله
|
اقتباس:
مالها داعي الاندفاع الغير مبرر والعصبية ، وجودنا بهالحياة هو أختبار من ( الله عز وجل ) .. وكلنا ( خطاؤون وخير الخطائون التوابون ) دنيا اختبار وكل واحد يخطي ، ويعدل من أخطائه ، صحيح أن خطا يختلف عن خطأ بس ماهو أنت الي تحاسبها وتحدد مصيرها بالدنيا ، في ( رب العباد ) هو الي كتب مصيرها وكل خطوة تخطيها هي ، وأنت ، وأنا .. (f) عموماً أنا أشوف ان الموضوع ( ماكان المفروض ينزل ) لأنه الحكم يكون من البعض باجتهادات وظن دون أخذ التفاصيل ، ووصلت من البعض أنه يتكلم فيها ( طيب يمكن بغيبوبة الحين مثلاً ) .. ما أعتقد أن الردود لائقة في شخص مايعرف مجهول مصيره .(f) أتمنى أنك ( تدعي لها بالهداية وايضا لبنات المسلمين ) .. :f: وماحد يدري يمكن ( هالانسان أو الأنسانة) يملكون أجر وحسنات توزن أجبال ، أنا لي أخطأ واكيد الكل له ، لكن هذا مايجعلنا من خطأ نحكم عليه ونقول أنه نهاية المطاف زي ماتكلم الي فوق .. ياعزيزي المفروض تحمد ربك لأنك انت ماتدري وش بيكون مستقبلك ، يمكن تبلى في شي أعظم ، يمكن بدقيقة يتغير فكرك .. الله يهدي الجميع .. (h) |
اقتباس:
يمكن الله يعافيه وتصير البنت داعيه والرجال داعي وانت الله يبلاك وتصير اكبر داشر :42 |
لاحول ولاقوة الا بالله
ياناس اكيييييييد كل واحد ووحدة منكم لها اخت بنت لاتشمت باخيك فيعافيه الله ويبتليك ادعوا لها بالستر والعافية والتوبة والصلاح كلنا خطااااااااااااااااااااااؤؤن وخير الخطااااؤن التوابون هداكم الله |
الحمد الله والشكر
والله يستر علينا وعليه |
اقتباس:
والله يكثر العقليات أمثال عقليتك الواعية |
اسألوا الله العفو والعافية السعيد من وعظ بغيره |
هههههه
دباب يامال الصلاح بس |
هههههههههههههههههههه موب سهلين رايحين لمنتزه ويلعبون دبابات بعد والله من قوة القلب , نيتهم شريفة رايحين يوسعون الصدر بس ذذ وكويس الولد اللي وداها للمستشفى احيي فيه إحساسه الحّي .. خخخخخ أقول مو الشرهه عليهم الشرهه على اللي يصدقهم -17 وبالنسبه للمهايط , والله ماراح اهايط على دباب ياسهلك يالدباب دام عندنا خرفان إلى هالدرجة , انا ابغى النمسا إن حصل : $ |
اقتباس:
بس الناس مااااتغفر لك الخطاء وتبي تتكلم فيها لين تمووت الناس ماينسلم منهم الحين يدورون الزله بي شي:oo |
الحين التحليلات لاتجدي نفعاً .
المشكلة هل تصحي البنت وتخرج ألي البيت وهذا ربمى عسى يكون لها خير. أم تخرج الي المقبرة وغداً حساب عند الله وهو ربها وخالقها. الحل أن صحت البنية , لابد من تزويج الاخر في الاخرى وقصر الشر والمشاكل. والسعيد من وعض وتعظ في حوادث وكلام غيرة . لابد من الاخريات التفكير جيداً في عواقب الامور . الآ تعلمين ساعة الخروج تعني / حياة أو موت لك , بمعنى ساعة أنكشاف الامر للكثير سوف تقتل بأسم جريمة شرف من الاخ أوالاب . وفي حالة أن تعود البنت الي قواعدة سالمة لاتنسى عذاب وغضب الرب . والقاعدة تقول / ماكل مرة تسلم الجرة . الله يعافيهم ولا يبلانا . ويشفيها ويشفى مرضى المسلمين . الغريب كيف تحصل على وقت كافي وطويل . وين المراقب والرقيب للبنت ؟؟؟؟!!!!!! |
الله يستر على بنـآت المسلمين .. |
الله يعافيهم ولا يبلانا والله يستر علينا لاحد يتطنز الدنيا دووووووواره |
الحمد لله الذي عافانا مما ابتلاهم به...اللهم احفظنا
|
الله يستر عليه كيف بتكون ردت اخوانه عليه شكل الدعوه ذبح والله يعين الولد بيروح ووطي
|
ياحليله ولو طلع الرجال عنده ضمير ويخاف الله زين ماجدعه هي والدباب وفررررر هاربا
الله يستر علينا وعليهم |
استغفر الله العظيم بس
حرام عليك تنزل هالموضوع الستر زين من ستر على مسلم ستر الله عليه يوم القيامة يعني الحين من كلامك الكل بيعرفها مابقى الا تقول لهم بأي غرفة بعد !! أبي أعرف وش إستفدت الحين !! تتوقع لو أنها وحدة من أقاربك ترضى أحد ينزل موضوع ويكتب عنها هالكلام !! أكيد لا .. وأكيد أهلها مايرضون وبيدعون عليك دعوة من قلب الدنيا دوارة دامك فضحت بنت الناس ماتدري كيف ربي بيفضحك ..... !!! الله يستر عليها وعلينا وعلى المسلمين أجمعين .. |
اقتباس:
اي والله انك صادقة , فيه ناس يتلذذون بنشر الفضايح . والمشكلة تلقين السالفة هذي كذب في كذب , بس قيل وقال ومع كثرة التنقلات , كل شخص يزيد كلمة من عنده .. وعلى قولته , جايب الموضوع عشان البنات يركزون شوي ويتركون المهايط خخخخ :42 |
اقتباس:
الفتاة بين الحياة والموت والعالم تتكلم بالماضي اللهم استر على جميع المسلمين |
يجب على الاخت المصابه ان تعرف ان هذا انذار من الله جلا وعلا لمراجعة نفسها جيدا والتوبه الى الله بصدق وعدم المعاكسات اللهم اهدها |
استغفرررالله استغفروو ربكم ربي لايبلانا هاااذي بلووووووه
|
لآحول ولاقوة الابالله العلي العظيم
اللهم سترك فوق الارض وتحت الارض ويوم العرض اللهم اشفها واهدها واسترعليها بعزتك وعظمتك اللـــــــــــه يهدي هالشاب وشباب المسلمين الى مايحبه ويرضاه |
انشاء الله موراكبه الدباب حتى بس لوهي طاله عليه من شباك غرفته لكم احترامي جميعاًيكفي انه سوت شي غلط الله لا يفضحنا ولا ماله ومال المشاكل الله يصبر اهله على المصيبه<<حتى لو كانوا هم الغلطانين |
اقتباس:
اي حب بريئ الله يرحم والديك |
اقتباس:
ياشيـن بنـات الشـات اذا دخـلو المنتديـات يصبـح الكـلام فيه نوع من السمـاجه والمصـاخه أجل خرفـان ؟؟!! |
اقتباس:
قد كلامك اطلعلي الحين عند بيتكم :i121 قسم القسمات ان ماتعيش ولو حته وحده انت وش ولده اجل ولد المنتديات XXl :i121 |
اقتباس:
لا لاأخـاف سامحـين بس هالمره حلوه XXL قمـة الأنحـراف الله لايبـلانـا :d |
لا حووول ولا قووه الا بالله
الله يهديه الي منزل الموضووع ليش الفضاايح الحين بس نزلته وشف الردود شف ان النـــاس ماترحـــم البنت مو نااقصه فضاايح ولا حاااجه الله يهديك انشالله تكوون عبره للبنات والاولاااد كل الطرفين ولاحد يقول شي الشيطاان بعدهـ مامات ..وكلن منا يغلط ع شاان يتووب انشالله:oo |
اقتباس:
|
اقتباس:
والله ان الي به شر تسويه ولو كانو اهله مطاوعه... وبعدين مكتوب انه يصير له كذا..محد يرد القدر..والي يبي يصيرله الايام الجايه مكتوب وسؤال لبعض الأعضاء..يالي دعيتوو عليه وش دخلكم بالسالفه؟؟؟:i121 يا ادعوو له بالستر يا اسكتو..لكم مثل مادعيتووو والله يافيه ردود تقهر وانامالي دخل الله يستر علينا بس |
| الساعة الآن +4: 02:08 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.