يــــكفي يا ربوة . . !
 

بــسم الله الرحمن الرحيم

السلام عليكم ورحمة الله وبركاته . . .

يكفي يا ربوه , , ,

مو حاله اللي نشوفه الأيام هاذي لنا الآن تقريباً سنه كامله وحنا نطالب الشرطة بما يحصل في الربوه

الربوة الآن اصبحت (مجمع عرابجة!) اللي جاي من الصفراء واللي جاي من السادة واللي جاي من الفايزية من بعد صلاة العصر الى الفجر دوران وتفحيط وازعاج ودبابات ودخان

نرجوا من المسؤولين التصرف مع هؤلاء المشينين بسمعة الربوة !

والسلام عليكم , , ,

آميين (h)

لا حياة لمن تنادي الله يهديهم بس

ما خلانا ننقل من الربوة قبل 5 سنين الا العرابجة بعدين صارت هاديه شكلة رجعت كما هي اول.....

جد والله صادق صايره الربوه تخوف

‎الله يهديهم و يعافيهم بما ابتلاهم

هي بس الربوه روح شوف حي غنامه كله تفحيط ومشاكل روح وشوف حي السلام وحي مشعل ووووو كل حي به حقه لاتحسب كل الناس مرتاحه ان كل يوم اجي للبيت اشوف الرصيف مقضوض من شوي من كثر المفحطين

:41:41

والله انك صادق غنامه ملينا من التفحيط والازعاج

دخلو مبزرتكم انت وياه وشوف احد يدور او لا كل عاير قاعدنلي واحد مصفط شماغه والا لابس كاب

وراز نفسه ماتبي الناس تدور حرام اشري ربع بـ 110 الف ولا ادور عند مبزره خلق الله

مااقول الا الله يهدي الجميع والربوه والله اني اسمعبه بس وربي ماعمري طبيته

قالي واحد انه دوران بالربوه راح بالي لـ الرياض توني داري انه ببريده ....

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه من كلامك حسيت اني مو سااااكنه فيه صحيح كاان فيه ازعااج وعرابجه واشكال والالوان رايت بس مته قبل تقريبن 4 سنوااااااات بس بعده كلهم راااااااااااااحو وصااااااارو مطوعه ومع الهيئه والحين انا سااكنه فيه وماااشوف الي انت تقوله الا اذا انا مغمضه عيوني ههههههههههههههه خطيره :41 حلو هههههه

أوافقك على ان كل واحد يدخل عياله ببيته ولا يخليهم يرتزون ع العير !! :41:41:41

الله يهديهم ويصلحهم

الحمدلله حي البساتين خالي من هالظاهره , الله يعينكم

ااايييييييه مررره منزعجيين منهم الله يهديهم بس ..

ايه كلامك صحيح .. بس متى كآن زمآآآآآآآآآآن هالكلام !

أول حي الربوه من آحسن آحيآء بريدة .. ثم جآءت فتره سيئه ثم رجع لآحسن من آول ..

ثم الأن فقط من يجآور السيدين التي داخل الحي هو من يتأذى ! :)

الله يهديهم هذا اللي نقدر نقوووله

ههههههه عاد هذي معاك حق واذا السفلته بتجيب دوخة الراس مانبيها

لا حياة لمن تنادي الله يهديهم بس

ههههههه عاد هذي معاك حق واذا السفلته بتجيب دوخة الراس مانبيها

معسلامه

اذا اريت في شارع الدوران فلا تلفت للسيارات التي تقوم بالتفحيط بل انظر الى الصغار الذين يصطفون على جنبات الشارع.. حتما سترى منهم من يغري أصحاب السيارات بالحضور والدوران سواء بالاهتمام بالشكل او من خلال التساهل بالحديث او ربما الركوب ولوجود عينة او اكثر من هؤلاء الصبية وهكذا تنتشر سمعة الحي بوجود اولئك الصبية ومن ثم يتحول الحي محجا ومزارا..

والحل..؟

الحل محرج ..

يحتاج أهل الحي أو المهتم منهم للتوجه لا إلى الشرطة أو المرور بل إلى ولي ذلك الصبي -إن كان واحدا أو أكثر - لمصارحته ومطالبته بحفظ ولده..

فإن انقطع من يأتي أصحاب السيارات لأجلهم عن الوقوف بالشوارع فسينقطعون..

اقول ذلك من واقع تجربة..

حيث أننا في أحد الأحياء انتقلت اليه احدى الاسر وكان لهم ولد على قدر من الجمال وصاحب علاقات مع بعض السيارات ..رحل والده من ذلك الحي الى حينا بعدما احرج من كثرة من كلمه من ذلك الحي..

فلما سكن في حينا اذا بالشباب في سياراتهم ودباباتهم ينفرون الى حينا نفرة الحجاج الى مزدلفة:eek5

تضايق الاهالي وذهبوا للشرطة افرادا وجماعات بعد ان اصبح الحي لا يطاق فحظر التواجد الامني الكثيف وبدأت المطاردات وحصل اطلاق نار من الامن على احدى السيارات فترجل صاحبها ومن معه وهربوا فطاردوهم رجال الامن وأضاءوا الكشافات في البحث في الاماكن المعتمة..!!!
لما رايت هذا المنظر وكنت خارجا من منزلي هالني الامر ولم اصدق اننا في السعودية فضلا ان يكون حيا من احياء بريدة !

كان الاسرع والاسهل ان يتوجه اهالي الحي الى والد الصبي بدلا من الامن كما فعل اهالي الحي السابق..

اسال الله ان يصلح اولادنا واولاد المسلمين ,وان يشغلهم بما ينفعهم,,

من جد
والله اني خايفه على عيالنا من الربوه
كل واحد يخرب الثاني صراحه
الله يهديهم بس