|
ايش الشيء الصعب في الجيل الحالي !!!!
اهلين وسهلين
عيدكم مبارك وكل عام وانتم بخير ، ، ، فكرة الموضوع كل عضو يطرح " سلوكــ صعب " ويناقش ويبدي رايه بما يقرأ ، ، ، الحياة تتعاقب جيل وراء جيل ولكن : تظهر أحيانآ بعض الاشياء الصعبة في التعامل مع بعض الاجيال لذا ...... اريدكم تشاركوني ذكر هذه الاشياء وطرق التعامل معها كي نتخلص منها ، ، ، ، سأبــداء ..... أنا الشيء الصعب تفكك بعض الاشياء التي كنا نراها داخل البيت مثل اجتماع الاسرة زي اول وبعضهم وانت جالس معه كانه في غيبوبه .. جسمه معك وفكره بعيد ياترى هل الانفتاح العالمي سبب لنا تشتت الافكار وعدم التركيز فاصبحت الاولويات في البيت متباينه ماتعرف ايش الاهم والمهم ...... اترك لكم التعقيب ،،،،،،،،،،، اخوكم دفا |
,, , بارك الله فيك *************************** ايضاً ارى والجميع يرى ان بعض الابناء يرادد والديه بل يزداد حدة الصوت مع والديه ويناقشهم بطريقة تعتقد انه يناقش احد الزملاء . اسلوب فض وعجيب . ,,,,,, كن بخير عزيزي (f) , |
الشئ الصعب حاليا .. هو الإعتماد على العيال والبنات , تلقاهم مدلّعين ولا يعرفون السنع إلا القليل منهم .. تلقى الولد ما همه إلا صديقاو والروحه والهيصه , والبنت ما همه إلا اللبس والمكياج و وراه ذي شرت وأنا لا !.. والأم والأب يابعدي كل شئ عليهم , وبعد ياويلهم لو يكسرون بخاطر حدى هالعيالين أو البنتّـــا , تلقاهم زعلين وكشراتهم منتفخه < وراه مالِبْ طلبي .. ولو تقول لحداهم لا , قال وراه فلان أو فلان معه وانا لا , وش حيته انا ناقص بشئ .. صراحه هالشئ يقهر بهالجيل , وصعب إنك تعودهم على المسؤوليه - إلا ما رحم الله - .. |
ما به طب الجيل الحالي
|
اقتباس:
.............................. :090: وراك خربته . |
الشيء الصعب ولافيه أمل يرجع وهو الأولين كنت بيوتهم ضيقه لكن قلوبهم وسيعة لكن في الوقت الحالي وللأسف أنقلبت الآية أصبحت البيوت وسيعة لكن القلوب صارت ضيقه |
التــــــــــــــرابط الاسري القلوب الصافيه البساطه |
التسامح والقناعه
|
الشي اللي اشوفه بالجيل التالي
(__ قلة العلاقه مع الجيران__) ولا كان النبي صلى الله عليه وسلم وصى بسابع جار يعني يسكن جارك بجنبك ولاتعرفه عنه شي سوى سيارته فقط وانا لاحظته كثير هذي مع ان بريده كان يضرب به المثل بالجيران لاكن يبدو اننا سلكنا ماسلكه غيرنا(المدن الاخرى) تحياتي لك القدير الغالي(دفا) |
اقتباس:
|
اول شي (بسم الله الرحمن الرحيم) الامر اولا واخيرا يرجع لرب الأسره هو المسئول عن عياله تلقى بعض( الأبوه) يعني الآباء يحلت ولده مع هالحريم وينحاس بطبعه او يجدعه عند خوياه بالشارع برضه يبي ينحاس او ياخذه معه لكل مكان يبيه يطلع رجل بالغصب برضه يبي يطلع حوسه
الولد لازم تعوده من يوم هو صغير على ثلاث بيئات مختلفه 1-بيئةالمدرسه 2- بيئة البيت عند اخوته ومعك ومع الاهل 3- بيئة الاقران يعني يروح مع اللي بعمره وطبعا لكل جيل طبع وعادات والله أعلم |
مايعترفون بالجار ابد
وكثر الحلال بينهم وخاصة اللباس صار فيه توسع فضيع.. ومايتكل عليه باي شي |
الشيئ الصعب في هالجيل أنهم ما يسمعون الكلام تلقى أمه او أبوه يقوله يا وليدي سو ذا لمصلحتك يسوي العكس .. والله يهديهم .. |
اشكركم على التفاعل بدون استثناء
:f::f::f: :f::f: :f: |
وانا تصفح الموضوع بجنبي واحد من الاصدقاء
يقول لي اكتب عني لساني انني اشوف اصعب شيء انك تشوف البنات يكذبون اكثر من الشباب عشان يحصلون على حقوقهم من الاهل يمكن خويي هذا متعقد من هذا الشيء وش رايكم |
شلون مافهمت اذا انت تقصد ان البنت تكذب اخوه من اجل مصلحته اذا كان كذا فمااتوقع فيه بنات كذا اما من ناحية الموضوع الحين الجيل هذا كثر فيهم الرسميات يعني مافيه ميانه ع بعض نهائي |
الشيء الصعب..إزالة صفة سوء الظن بالناس..وتفسير أي تصرف يحدث من شخص تفسير خاطئ مما نتجه سوء الظن.. لكن لنجهتد ونجتهد لإزالة تلك الصفات السيئة..وليكن لنا دور فعال .تجاه تصحيح أخطاءنا وأخطاء من حولنا لننعم بمجتمع ذا مستوى راقي. |
^^^^^
ام الملايين في اثارة المشاعر كي تحصل على المزيد بالفعل الجيل الجديد كمل تفضلتي ينقصه الميانه وبقووه وهذي اول ابجديات سلوكيات الغرب .... وطبعآ اخذناها من النت والفضائحيات |
اكثرشي يغثن اني قاعدة ومعي قهوتي وعيالي حولي بس واحدعيونة بالمحمول واللي جوال البلاك مايطيح من يدةحامت تسبدي كني لحالي لا المشكلة مااطلع علشانهم وش هالحياة يازين الاولين(h)
|
مشكلة في الجيل الحالي ان بعضهم يمرضون نفسياً و يؤثر عليهم تأثير واضح حتى لدرجة انك لا تفهمه مع ان الاجواء المحيطة به تكون طبيعية جداً فتجد مزاجه متقلب يسبب لك المشاكل في اتفه تعامل معه و احياناً يجعل من النت متنفس لعل ان يجد فيه ما يريح باله و يغير اجوائه فتجد انه قد عفس الدنيا بتلك النفسية فلا تمسك له طرف و لا تفهم له تعليق و لا تدري بأي اتجاه يسير يرى ان الكل على خطأ وهو الصواب و يرى ان البعض اضحوكة للبعض وهو مختلف و فاهم و لا تنطوي عليه اي طاويه ... ارجع للشيء الرئيسي لكلامي وهو كثرة المصابين بالامراض النفسية المعقدة في هذا الجيل |
كل عام وانتم بخير
بسم اللة الرحمن الرحيم دفا احب اشكرك على الموضوع الكبير الرائع الذي يدل على احساسك وغيرتك ومشاعرك على ابنا الوطن الغالي سواء شباب او بنات فلك التوفيق من اللة سبحانة { احب اقول رائي المتواضع طبعا مع احترامي وتقديري لمن وافقني الراي ومن خالفني { ما احب الاطالة لذالك سوف اختصر هههههه}بنسبة للجيل الحالي نحمد اللة ونشكرة اننا لازلنا نشوف المساجد ممتلئة بالمصلين وحلاقات القران الكريم ومحافضين على عادات اهلهم والمجتمع الموجودين فية { الا ما ندر منهم} في ضل هاذا العصر سريع المتغيرات والتطورات . وانا مع الشباب انهم بحاجة الاماكن التي تاويهم سواء ملاعب او حدايق او اماكن عامة يمارسون فيها هواياتهم كساحات للسيارات تكون مخصصة { للتفحيط } وملاهي لشباب واماكن لتعلم السباحة وركوب الخيل والرماية ومولات خاصة بالشباب { في حدود وظوابط وبأشراف من الحكومة وفقها اللة } ايضا البنات يجب ان يكون في كل حي مراكز مهتمة بتعليم البنات وتشجيعهم على اي هواية يفضلونها سواء رسم او نحت او تصميم الملابس او اي هواية بإشراف سيدات متخصصات وفي حدود وظوابط مجتمعنا المحافظ .. لو وضعت هذة المقترحات ونفذت بشكل صحيح هل سنرا مخالفات بحجمها الحالي داخل البيت او خارجة لانها سوف تقظي على مخزون الطاقة لديهم والاتكالية وقتل الفراغ وتحسسهم بأنهم {يسؤؤن شي مو قاعدين لا شغلة ولا عملة} بعض الردود ودي اجاوبهم بس ارجو عدم الزعل مني ..انسة منشن { هاذا وقتهم لازم يعيشوة} l{ الا ما ندر نسئل اللة لنا ولهم الهداية } متطلدز بحماس { اتفق معك} عصير مشوي{اتفق معك بس انا ضد التعميم } النبية {بالنسبة لاترابط الاسري نحن من افضل المجتمعات اما البساطة قد يكون للوضع الاجتماعي اثر كبير على الشي هاذا} البلح { حنا عيال اليوم ويجب نساير الوقت بجميع اشكالة في حدود ما يامرنا بة الدين وما ينهانا} بحبوحة { مو كلهم واللة }من الجماعة { كلام كبير ليتني واللة خوي لك}هدية بريدة { لو قدر اللة لكي شي من امور الدنيا لن يقف بجوارك الا من عيونة بالمحمول واللي جوال البلاك بيري ما يطيح من يدة اللة يحفظهم لك }غريب {هدي هدي واللة الشباب فيهم خيربس يحتاجون توجية صح وعطوهم اللي يبون وتشوف وش يسوون يعجبونك واللة}اخير وليس اخرا دفا قل لصديقك { البنات هي اختنا هي امنا لو بغو ما بغو لو احتاجو ما احتاجو ما راح نقصر} اسف لليطالة واذا انا اخطيت بحق احد لهم من المعذرة تقبلو مروري ,,, تحياتي,,, الصوووووت
|
اقتباس:
وعلى قلوتك يازين حياة الاولين :) |
<< من الجماعة اتفق معك ان الجانب النفسي اصبح اكثر حساسية من قبل مع توفر سبل الراحة فيبدوا ان الراحة بتركـــــ الراحة كما سمعتها من كبار السن ..... اشكرك على تواصل قلمك <<< الصوووووت اتفق معك في الكثير نعم الحمدلله لازلنا نرى الشباب بالمساجد وبالمقابل لو وضعت برامج للشباب والبنات شيء حلوووو ....اشكرك على استرسالك في المشاركة |
<<< طموح مشرق اتفق معك سوء الضن اصبح سمه من سمات المجتمع في الوقت الحاضر وهذا الموشر يدل على ان الشيطان تمكن من التفريق بين القلوب ولو رجعنا لوقت قريب لم يكن هذه السمه موجوده وكانت قلوب الكثير من الاصدقاء او الاقارب اكثر طيبه واكثر تواصل وكان تواصلهم مبني على حسن الضن بالاخرين .... اشكرك على تواصل قلمك |
كل شي صعب
ومنها ان الجار الحين مايعترفون به والرسول اللهم صلي وسلم عليه اوصى بالجار والقطاعه بين الاقارب وصار بكل بيت سواق وشغاله الشغاله عادي تساعد من عهد الرسول فيه خدم بس السواق مادري وشوله وشوله هالعيال ماغير جالسين ولا مع اصدقاو |
اخوي دفــا انا اللي فاقع مرارتي :i121 التقليد الاعمى يعني اي شي يشوفونه في التلفزيون يطبقونه دون النظر الا حكمه شرعا" او حتى هل هو مناسب لشخصيتي او مناسب للبيئه اللي انا اعيش فيها ,
يعني لو بتكلم عن البنات حاليا" كثرة قصات البوي (الايمو) , وفيه فنانه تجي في رمضان كان لها ستايل معين وقصة شعر غريبه وكان عند اذنها وشم واللحين الاغلبيه نفس القصه والله يستر مايحطون وشم , وكمان حواجب الشــــيطان :015: كان لها صيت ولسى موجوده وايضا قبل فتره شايفه بنت حاطه على شفتها حديده وغيرها من الظواهر (دخيله علينا ) :098: ونسيت ظاهرة البيبي اللي معلق في الرقبه وشغال رسايل انــا لما اشوف كذا ابكي على حالهم احس حاجات تافهه حاطين لها اهتمام واذا تكلمت او انكرت الشي هذا قالو خليك كووووووووول :confused: كوول :confused: طيب نصير كول بس كل شي بالمعقول :( في بعض الاوقات احس اني انا اللي معقده وتفكيري اللي غلط :bad ؟؟ |
اقتباس:
يتسذذذذذذذذذذذذذذذذب عليك :oo ليش ذا خويك يعمم :( والله الاعيال تسذبهم مايقضي |
الشي ءالصعب الايمو والمسترجلا ت الله يعافيهم ولا يبلانا
واللبس الشبه العري |
اخوي من الجماعه صدقة كانك جالس مع شخصيه عرفتها ,
ولأنهم يعانون من مرض نفسي وضعف في الشخصيه ع طول يتأثرون في اي متنفس يحبونه سواء نت او صحبه او تلفاز او حتى كتب او سفر ويكون عندهم إنحلال اخلاقي , وبضرب لك مثال ع موضوع ناقشته مع هذي الشخصيه وهي .... اذا كنت فقير فعادي جدا"في نظره ان اذهب لطريق الحرام واباحث عن سبل الرزق في الحرام ويعتبر هذا حلال لاني انا فقير فلازم اتقرب من الناس الاغنياء وتكون هناك مصالح مشتركه بين الطبقه الغنيه والفقيره , حتى لو توصل فيها لبيع العرض مثل ماتفعل (بنات الليل ) فهويعتبرهن ع صواب وهذا طبعا"تفكيره , مع انه اكبر مني ويعتبر مو من الجيل هذا يعني مانحكم على الجيل هذا لأن فيه ناس ولله الحمد تفكيرهم سليم ويعرفون ايش يبون ويعرفون يفرقون بين الخطأ والصواب والبعض منهم كان محروم فجأه طلع بوجهه ع الدنيا فتتلخبط عنده الامور وكل شي يمشي عنده بالمقلوب فيصير في حرب بين الحاجه اللي تربى عليها وقناعاته والانفتاح اللي صاير في العالم العربي فتجده متذبذب ومتقلب كلام يجيبه ويوديه فيزيده من مرضه مرض .. |
الحين صار الجار مايعرف الجار
وصلة الرحم قليلة يعني الواحد مايعرف ارحامة الا من العيد للعيد وعليها ماكو صلة رحم مثل زمان اول كانو متماسكين ويد وحدة الحين لاصار فية زواج لاقربائك ماتدري الا بالبطاقة اي صلة هاذي اللة المستعان.. مشكو خيو موضوع ولا اروع/:41 |
<<< أرتحــال بالعكس تفكيرك هو الصح وانتي موهب معقده لكن الموضات وماتسوي بالناس بمعنى ليه الله قال كلكم راع وكلكم مسؤول عن رعيته ... منور الموضوع بطلتك |
>>>> مهاوي تجرح وداوي كلامك صحيح اصبحت صلة الرحم من ضرب الخيال من العيد للعيد الله المستعان لكن برأيك لو الواحد فكر وحاول يصل رحمه بطريقة جديدة برسائل جوال وغيره اتوقع تنفع اكثر من القطاعة مشكورة على الطله |
<<<<همس الشـــــوق بالفعل القطاعة والمبالغة في الشغالات والسواقين اصبح شيء ظاهر وعلى قولت البنات اكذب من العيال يمكن هو شاف الشيء وقاس عليه اشكرك على الطله <<<<ξــزتــےِ مَالهَـآ כــد وش خليتي المسترجلات احنا ناقصين مرجله هههههاي واللبس العاري اشد شيء الله يصلح الحال بس اشكرك على الطله |
اقتباس:
أضيف الى ذلك الزعل من أتفه الأسباب ولسنوات طويلة والأنفتاح في كل شيء... ماكان في الأمس حرامآ .. أصبح اليوم حلالا انا لله وانا اليه راجعون.. شكرآ جزيلا ع الطرح.. |
اقتباس:
هي موهب سالفة ما اصبح حراماً اصبح حلال المسئلة قلة الوازع الديني اما الحرام بين والحلال بين اسعدني تواجدك العطر |
الحققققد والغيييره والكرررره صااارت حتى بين الاخوااااان :eek5:eek5
:bad |
| الساعة الآن +4: 10:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.