|
الصبح طفش ، والجمعه كسل
السلام عليكم ورحمة الله وبركاته ،..جميعاً .. : 12 (f) كما هو موضح بالعنوان ، البعض تتغير مزاجيته من الأوقات : الصبح ليس كالمغرب ، وليست فقط بالأوقات ، بل بالأيام مثلاً : يوم الأربعاء ليس كمثل يوم الجمعة .. (f) الأوقات : (f) بصراحة الأغلب بالمدارس وبالدوامات صارعنده الصباح سيء ، والظهر نصفه تكملة للصباح ، والعصر يعتبر راحه ، والمغرب مايحس بطعمه فسريع يعدي ، والعشاء نصفه دردشة والنصف الثاني استعداد لبكرى فالبعض حتى بالعطلة تتغير مزاجيته من الأوقات ،.. الأيام : (f) يعاني الكثير من يوم الجمعة والبعض يحس بطفش ، مع أنه دينياً من أفضل أيام الأسبوع ، كون فيه صلاة جمعة ، ووقت لدعاء استجابة وقراءة سورة الكهف ..إلخ .، والسبت يوم ثقيل ، والأحد تحصله عند البعض يعني له شي ثاني ، والأثنين والثلاثاء كذلك ، والأربعاء يوم مميز، وكذلك الخميس ، وأيضاً حتى بالعطلة تتغير مزاجيته من الأيام،.. /// :bad فمن صنع المزاجية لدينا لهذه الأوقات ، وماذنب الصباح يكون طفش ، والعشاء يكون جميل ، ومن صنع المزاجية لدينا بالأيام ، وجعل الجمعة مع أنه يجتمع المسلمين بأنه يكون عند البعض ممل ، وماذنب السنوات الي ضاعت وماستفدنا من الظهر، ولو تشوف أحد طالع بهالوقت انتقدناه وقلنا مانام ولا طالع بالقايلة ، ولايدق عليك بالظهر واحد تحس باشمئزاز ، وتحصله داق من أبها ، وليش بالليل مانستفيد منه حتى اذان الفجر ، مع أن الصحابة كانوا ماينامون الا اجزاء بسيطة ، والعلماء يبحثون عن الاختراعات ، وحنا الساعه 12 كل شي مقفل .. (f) أتمنى من الجميع المشاركة واعطاء وجهة النظر ، والنقاش ، وليش ماتكون عندنا الأوقات والأيام واحد ، وشكراً (h) |
موضوع جميل>>وميهب غريبة كل مواضيعك جميله
تبي الصراحه الجمعه مالي خلقه خصوصا لاصار باتسر دراسه وخصوصا المغرب ياكرهي لوه انواع الاحباط انواع الكسل يجيب المر اما الصبح مدري احس انه عادي الا قومه الصبح>>خصوصا لاصار برد بعد وجت تقومك امك قم المدرسه انواع الكسل اما بالعطله والله مادرينا عن الجمعه والجمعه احسن يوم عندي لانه مابه فرق بينه وبين الايام الثانيه شاكر لك جزيل الشكر |
اقتباس:
اتوقع انه المجتمع لأني كثير اقرأ ان المجتمع شخص مجرم هو صاحب كل عادة غير مرغوبه حتى ان المجتمع هذا اصبح فلسفة من لا علم له اشكرك لك موضوعك الجميل فالأمزجة اصبحت مجدولة فلكل مناسبة سواء قبل او بعد مزاج خاص |
العقل الباطن له دور في توزيع الادوار فمثلأ لم تغيرت العطله الى الجمعه والسبت على مانسمع ... شيء اكيد راح يتغير المزاج والعقل الباطن ينفض غباره لانه اعتاد على هذا الشيء وعلى طاري الجمعه الاحظ الاغلبيه في السعودية يكرهون وقتها مع انها افضل ايام الاسبوع فلو تدبر الانسان خلق آدم الجمعه القيامه بيوم الجمعه واشياء كثيرة لها فضل بالجمعه مثل الصلاة وقراءة سورة الكهف اشياء كثيرة الله خصها بيوم الجمعه لذا من البديهي ان يلعب لعبته الشيطان ويربط عندنا ذلك الكره لاوقاتها ولان: الجنه حفة بالمكاره والنار حفة الشهوات ويالله ادخلنا واياكم والمسلمين الجنه والنجاة من عذاب النار |
^^^^^^
كلام سليم:41:41:41 |
اقتباس:
يسلموووو عزيزي دائما ردودك الأجمل .. طيب مو حرام الجمعة يكون سيء عند البعض ،(f):bad . |
اقتباس:
صادق فعلاً المجتمع ، بإمكانه يغير هالاشياء ، والدليل الايام والاوقات السيئة عندنا عند بعض المجتمعات مميزة ، وتحصل يوم 25 عند البعض يوم ابتسامه ويوم 15 نكد بينما ، موظفي البنوك الي يستلمون بـ 15 بالعكس ، (f) :41. |
اقتباس:
فعلاً كلامك صحيح ، وبعض الدول بالخليج عطلتهم الجمعة والسبت ، فالجمعة مميز عندهم ويعني لهم الشيء الكثير ، بعكس عندنا ، مع أننا المفروض نكون القدوة كون وجود الحرمين ، ونزول القرآن وما إلى ذلك كان بأرضنا .. (f)(h) |
اقتباس:
شكراً ع المرور ،ويعطيك العافيه .. |
اقتباس:
|
اقتباس:
اخوي دفا ... ممكن ترد عالخاص |
^^^^
رديت لك |
اقتباس:
ماوصلن شي .. عاود الرد .. |
اقتباس:
لأن أول الصبح يطلع كم هرمون في الدم ويزيد وبآخر النهار ينقص تقريباً إلى الربع ، ولذلك يشعر الإنسان بالملل والتعب ويحتاج للنوم والراحة ، هذا ما يحدث خلال اليوم الواحد :) أما من ناحية يوم الجمعة والملل اللي فيه فما أدري ما السبب حقيقة ً ، ممكن يكون شيء نفسي علشان يوم السبت دوام :d |
اقتباس:
يسلمووووو ، ع المرور والمشاركة ، وأقصد بالاراء ووجهات النظر : حول المزاجية ، فيمكن أحد يقول أعتقد أو وجهة نظري أن السبب الجدول اليومي ، ومن ضمن أحد الردود ( قال المجتمع ، والعقل الباطن ) فهذي تعتبر وجهة نظر قد البعض يأيدها والبعض يرفضها فماهو قرار ، بعد واحد يمكن يقول بالعكس أنا طول الأيام والأوقات مبسوط وماحس بكئابة ، فلازم نحترم وجهة نظره ، .. :d (f) وماشاء الله ، يبدو أن لك خبرة صحية وحلو والله اضفت معلومة بالفعل، طيب هذا الصباح طيب الي لهم دوامات مسائية طول السنة ويصحون بالليل ، واحياناً البعض منا مايحس بالنوم والكسل إلا الصباح ، وبالليل يحب يسهر ؟!! هذا تتوقع الدم عنده مختلف ..، :41 (f) |
الحمد لله
والله انا من الناس اللي اشتكي من ضيق الوقت فان شغلي والقرأة والنت والمجاملات الاجتماعية تأخد كل الوقت حتى احيانا طبيب الاسنان اعجز عن الروحة واقول سأخد بندول أو اي شيء اخر . اما الجمعة فاعاني من الصداع بعد الخطبة لصوت المكرفونات فانا لا احب الصوت العالي . ولان الوقت مليان كلوا حتى ساعات النوم فانا بصدد اصدار كتاب اسمو التسويق الابداعي فقد قصرت ساعات نومي الى خمس ساعات يومياً .........عجوز مثقفة |
اقتباس:
شكراً ع مرورك ، وفعلا كلامك صحيح ، الوقت يكون قصير، للي مرتبط باشغال عديدة ، وكان بالإمكان أن الشخص يضع له برنامج بس في طوارئ تجي بأي لحظة ، وأقصد بالطوارئ ، في اجتماع مفاجئ ، في عزيمة ، أحد قام بالزيارة ، فهذي برضه تضيع الوقت وتغير بالمزاجية ، . :41 (f) أما بخصوص الميقرفونات ، ففعلاً بعض المساجد يزود الميقرفون بشكل عالي ، فالبعض يعاني من الصوت أو الجيران الملاصقين بالمسجد ، وأما بخصوص كتابك : فبالتوفيق ، وتقصيرك لنومك هذا يدل على حماسك لإصداره ، وفرصة سعيدة .. (f): 12 |
| الساعة الآن +4: 10:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.