|
أخيراً حل لجميع السرقات والجرائم بجميع أنواعها ،
بسم الله الرحمن الرحيم السلام عليكم ورحمة الله وبركاته جميعاً ..، (f) لايخفى على الجميع كثرة السرقات بالآونة الآخيرة ، بجميع الأوقات ليلاً ونهاراً حتى نكاد أن نصبح من ضمن الأوائل بالعالم بل نكاد أن نقترب لنسبة " شيكاغو " نسأل الله السلامة .. (f) :bad ولا نرى أمامنا حل مقنع ، وعقوبة من خلالها المجرم يردع ، بل نجد اضافة لصفحات الجرائد والمجلات ، نشاهدها وكأنها اخبار فنية ، بل أن البعض يتمتع وهو يطالع هذه الصفحات ويرى أن بريدة ، أصبحت بلد المافيا .. (f) وبما أننا تطورنا اقتصادياً وزادت المسؤوليات التي أعطت بعض الادارات الحكومية الشركات لتخفف من مسؤولياتها وهاهنا أصبحنا بزمن التعاقد مع الشركات ، وآخر الشركات المتعاقدة لإدارة المرور ( ساهر ) وخصصت لتنظيم السير وحماية المواطن من الحوادث .. ، (f) إذاً لماذا الشرطة لاتتعاقد مع شركة" لحماية ممتلكات المواطن" :41(f) مـــثـــــــلاً شركة متعاقدة " سمها ماشئت " تقوم بوضع كاميرا دقيقة ذات حماية قوية عند كل منزل ، وسوبر ماركت وأي محل كان ويخصص يوزر يعطى لكل صاحب كاميرا ، ويكون تركيبها عن طريق ( شركة الكهرباء ) كون هذه الشركة واضعه عداد موجود عند كل ( منزل أو غيره ) ويكون خارج من هالكاميرا ( سلكين ) سلك لصاحب المنزل ، وسلك مربوط بشبكة الشرطة يتم تسجيل كل مايحدث بالشارع ، وتكون الشرطة والكهرباء مرتبطات بجهاز بشبكة مراقبة ، مثل الإتصالات وبعض الجهات الأمنية ، بحيث أن الكاميرا اذا فيها خلل أو وقف تشغيلها تطلع تنبيه ،.. ويكون هناك رسوم شهرية (f)الفائدة :- 1) مشاهدة كل مايحدث بالشارع خارج المنزل عن طريق جهاز أمني دقيق . 2) سهولة البحث عن المجرم من خلال الصورة . 3) الراحة النفسية لصاحب المنزل بحال سفره أو ابتعاده عن المنزل . هذه فكرة خطرت على بالي وأتمنى من خلالها المشاركة والبحث عن سلبياتها وايجابياتها ,. ولو طبقت هل ستكون لها فائدة ؟..(f) ودمتم .. : 12 |
فكرة رائعة واقتراح سليم
بس مااظن شركة الكهرب بينفذونها لك شكري وتقديري |
اقتباس:
شكراً ع المرور ، مو لازم تنفذها شركة الكهرباء ، تنفذها شركة أخرى ، أو يفتحون المجال لتعاقد مع شركات وياخذون أفضل المواصفات ، لكن أنا قصدت شركة الكهرباء ، كون لها عند كل بيت عداد ، فيمن البعض يقول صعبة العالم كيف تركب كاميرات وكذا ، فقصدت هالشركة بالذات لأنها متواصله مع العالم شهرياً وتضع الفواتير عند الباب ، والكاميرا ، ( يعني صغيرة وماتاخذ حجم) تحية |
ياليت يطــبقون قطع اليد قبل مايراقبونهم ............
وفكرة حلوه ,,,,بس مافيه أمل تطبق .... |
اقتباس:
كلامك سليم ، وأنتي بجدة ، واكيد عندكم بلاوي زرقا .. لكن الي يسرقون ماحصلوهم ، أولما تروحي لهم ياخذون بلاغ ونادراً مايحصلونهم ، فمن خلال هالكميرات راح تسهل الوصول عليهم ،. وايضاً لها فوائد مثل واحد يبي يراقب بيته ، اذا كان في شغالة ..إلخ . :d شكراً ع مرورك .. |
فكرة جيدة في بنغلاديش يدفع الناس مبلغ من المال لحماية الحي السكني للشرطة التجارية ليلاً
ها نحن نرى عندنا الشرطة التجارية في الاسواق والمستشفيات والبنوك الأمر قريب يا برفسور ..................... مشكور |
اقتراحك رااااااائع لكن...لو طبقت احكام الشرع لما احتجنا لمثل هذه.... |
اقتباس:
شكراً على المرور ،. ( وطبعاً ، الله الحامي ، حتى لو قفلنا كل بيت بجيش) لكن ياعزيزي أنا أقصد من خلال هالكاميرات أن فيها فائدتين ، فائدة لصاحب البيت يشوف الداخل والطالع اذا يحب يحط شاشة ، وفائدة للدولة أنه يتم التوصل للمجرم ، فالصورة دليل .. :41(f) وبعض الأحياء تجد هنالك مسؤول ، فهالحي تحصله أشد مراقبة ، من الحي الثاني ، فلو وجدت هالكاميرات ، لأصبحنا بالتساوي ، وغير كذا الجرائم كثرت يعني حتى فائدتها بالارهاب ، ومراقبة بشكل غير مباشر ، .. |
اقتباس:
بس سؤالي وينهم عشان نحاكمهم بالشرع ، فبعض الناس سرقت مجوهرات من سنوات والى الحين ماحصلوهم ، وبعضهم دفع مبالغ وجاب شغالة وطلعت من البيت وللحين مارجعت ،. فمن خلال هالكاميرا تقل الجرائم والحوادث ويتم التوصل لهم ، واذا توصلنا ، حطينا موضوع نتكلم فيه عن الشرع وليش مايطبقون بعض الأحكام .، :d شكراً على مرورك |
سفرياتي كثيره وكل ماجيت ارجع اتخيل ان بيتي مسروق
ولا لاقعدت في بيتي اتخيل حرامي بيدخل علي :( الله يستر علينا وعلى جميع المسلمين ومشكور على اقتراحك |
صعبه معليش يعني تخيل عند كل بيت كاميرة ياخي تسان ماخذ حريتي صعبه جداا
|
اقتباس:
فعلاً صادقه ، غير كذا وقت المدارس ، ولا ووقت النوم تجي السرقة ، لكن طبيعي الي يبي يسرق بيروح للكاميرا فبلحظة مايكسرها حتى بعدم وجودكم ( بيطلع التنبيه ) وتكون اشارة ، والجيران راح تستغرب وتطلع وتشوف ؟؟! كل الشكر والتقدير ،. |
اقتباس:
ياعزيزي ، طبعاً مو كل كاميرا بيحطون لها( شاشة خاصة بالشركة ) ويجلس يطالعك وانت داخل وطالع لااا .. فقط يتسجل ومن خلال هاليوزر الي معاك ( تروح تسوي بلاغ فهو يدخل اليوزر ويدخل تاريخ السرقة ) ويطلع التسجيل كامل لهاليوم فقط .. طبعاً سكان السعودية كم نسمة فاذا كان لكل واحد شاشة فاتوقع يبي لك دولة سعودية ثانية خاصة للشاشات فقط ،. :d (f) وماراح أحد يطلع فضايحك ، لأنها بتكون تحت جهاز أمني ، يعني الحين ( ساهر ) هذاه يصور من داخل الي بالسيارة الي يكلم جوال ، يعني ماتحس أنه فضايح ومطبق من سنة هل سمعت بفضيحة ؟؟ (f) غير كذا البنوك والشركات والدوائر الحكومية ورؤساء ومسؤولين ( تحت رقابة كاميرات داخل المكاتب وداخل المنازل ، وماقد سمعنا فضايح ، بالعكس مانسمع لهم سرقات ) فمبالك ، بتحطها بالشارع وماظن أحد بيطلع للشارع مالبس وطبعاً هي صورة من دون صوت ..، ولو طلعت وهي بالشارع وماتبغى تطلع حتى بالشارع ، فلكل موظف بالشركة رقم خاص ، بإمكانك ترفع شكوى ، ياعزيزي هذي الاتصالات ، ليش ماتسجل محادثتك مع قريب لك أو شيء خاص ، راح اقولك ليش ، لأن عندها ملايين من الارقام فما تبحث وتراقب الا رقم خاص جايها من الجهة الأمنية يعني " بلاغ " . كل الشكر والتقدير ع المرور ،: 12(f) |
طيب معقوله كل بيت كميرة يعني كم كمرة بالسعوديه وكم تبي تكلف لان ساهر ليس بكل المدن
ساهر بعض المدن وتجده في بعض الطرقات |
اقتباس:
واضح أنك ماتعمقت بالفكرة ،. :rolleyes:(f) شوف ياعزيزي/ طبيعي بالبداية بيكون اختياري ،. أو في بعض المدن ،. وبعدها راح تنزل دراسة أنه هالمدينة أقل سرقة من المدينة الي مافيها كاميرات ، والدليل شوف مكاين الصراف بالشوارع ماحد يسرقهم .، فطبيعي مو بيوم وليلة يركبون :41(f) الشي الثاني ، الشركة اكيد بحال ماتنفذها بتتعاقد مع مثلاً ( الكهرباء ) لأنه بحكم أن كل بيت وعمارة وبقالة ومحطة فيه عداد كهرب ،. :d فمو هالحين تجيكم الفاتورة عند بابكم ، فيجي كل مسؤول عن حارة يجيب معاه فني ويركب كاميرا ، ويصرفون له بدل هالتركيب هذا حل طبعاً ، وحل ثاني نفس الشركة المتعاقدة تجيب مندوبين وتركب ، و و و و .إلخ الحلول كثيرة بحال التركيب ، بس اختلافنا مو بالتركيب ، التركيب سهل والدليل لما التعداد السكاني تخيل حسب لك سكان السعودية ، ومع ذلك ماجابو شركة ولا شي اللهم مندوبين من التعليم وغيره .، (f) |
لو يحطون في كل حي مركز شرطه ، وكل مركز عدد دوريات محددة
وكل مركز شرطه ماله إلا حيه ، سواء كان به تفحيط أوإزعاج أو سرقه يكون الحمل كله على المركز .. |
طيب الفكره اكثر من رائعه بس المشكله يمكن يكسرون الكميره وهم متلثمين وبكل سهوله يسرقوا اللي في البيت ومع السلااااااااااااااااااااااااااااامه وعيوننا طايره
وشكرا على الموضوع والفكره |
فكرة راااائعه وياليت فيه عندنا عسس اللي بزمان عمر بن الخطاب يقومون بالمراقبه ليلاً حتى ما تحدث مثل هذه الأمور وشكرا لك .. |
ولله اقترااااح ممتاز ولو تبي تجي للأقتراحات مهب مخلصات
بس مااعندك ناااس تنفذ |
اقتباس:
شكراً ع المرور ، . وطبعاً ياعزيزي مراكز الشرطة والدوريات تتطلب ميزانية ويكون ميزانيها محددة من جهة معينة الي هي الدولة ، ولو حطو لكل حي مركزشرطة فأصبح كل البلد عساكر ،. وحتى لو حطو ماظن بيكونون 24 ساعة عند بيتكم أو بيتنا ، بالعكس في سرقات تصير المغرب وقدام العالم ،. والناس تشوف بس معه مسدس فصعبه تتعامل معاه ، ويروح ، وأنت تروح تقدم بلاغ للشرطة ، وردد ياليل ماطولك لين مايجيبونه (f):) لكن لو وضعت هالكاميرات ، راح تكون أكثر دقة ، وأقل تكلفة ، وبنفس الوقت يكون صاحب المنزل يدفع مبلغ وقدره ، فيشارك بالميزانية ، غير كذا ، المجرم الي سرق بيت ( أ ) قبل أسبوع وطلع من السجن وبعدين راح يسرق بيت ( ب) من خلال الصورة راح تتعرف عليه وتثبت له .، وأعتقد راح تقل السرقة لأنها لو في خطط سرقة بوجود الكاميرات ، كانت سرقة أجهزة الصراف الي بكل شارع وفيها ملايين كل التحية واسف ع الإطالة ،. |
اقتباس:
شكراً ع مرورك ، فعلاً بس نظام هالكاميرات هذي ( بمجرد تطفى أو فيها خلل على طول يطلع صوت جهاز إنذار فحتى لو كنتو غير موجودين ) فيه الجيران راح يطلعون .، مثل الكاميرات الموجودة عند مكائن الصراف ،. |
اقتباس:
شكراً ع المرور ، وأعتقد لو طبقت هالكاميرات ، راح يقومون طبعاً ولكن ليس للمراقبة بل للدعاء والصلاة ، . تحياتي .. |
اقتباس:
يسلموو ع مرورك وردك الأجمل ،. لكن حنا نقول فكرة نأخذ وجهة نظر الجميع فيها ،. أفضل من أنها تزول من البال من دون فايدة .، (f):d |
فكرة رائعة واقتراح سليم |
فكرة جيدة ولكن !! هل وصل بنا الحال إلى هذا الوضع ! ان يوضع كميرات مراقبة بالمنازل والشوارع وتحد من الحريات لكف شر السرقات! |
شكرا اخوي بروفيسور ملتمس
|
| الساعة الآن +4: 10:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.