|
جيب ربع + عقال + خاتم
السلام عليكم والرحمه من الله وبركاته .. فيه اشياء كثيره نلقى اهالينا يمنعوننا عنها وهي بالاصل مافيها شيء .. وإلا يمنعوننا بدون مايقولون لنا ليش لا بس كذا منع .. صراحه انا عن نفسي اي شيء اسويه مادامه مو مخالف لله والرسول اسويه لو إيش ماكان بلا عادات بلا خربطه .. صراحه منتالي وانا بزياده ضاربه بالعادات عرض الحائط .. انا ماانكر فيه عادات كويسه وماشيه عليها وفيه عادات ماانزل الله بها من سلطان .. هل هذه تعتبر جرأة مني ؟؟ مثل سالفة العقال في القديم كان اللي يلبس عقال وخاتم هذا وين هذا مايستحي وزي كذا .. واللي يسوق جيب الربع لازم يحكمون عليه وعلى تربيته بالخلل .. طبعا انا ماادري إذا هالمعتقدات المتخلفه موجوده لحد الحين وإلا تغيروا اهم شيء ابي ليه اللي معه ربع واللي يلبس خاتم وعقال يحكم عليهم بالسوء ؟؟ السؤال عالق في راسي من يوم انا صغيره .. وحان الوقت اللي الاقي اجابه منكم .. اشياء كثيره لعلي اتذكرها واكتبها لكم وانتوا كمان ذكروني فيها .. ممكن العقال ماعاد الناس متشددين فيه مثل اول .. لكن الربع ليه احسهم مازالوا شيل وحط عنده :d اشك ان هالربع فتنه بزاريننا يموتون بشيء اسمه جيب ربع طيب وش اللي يخليهم يحبونه اطفالنا ؟ تصدقون ماعمري ركبته ودي اركبه <<<< ضعيفه :d اخوي قبل فتره يبي جيب ربع يوم سألني قلت معجبك الربع قال ايه قلت اجل اجزم وتفاجأت ان ابوي رافض الربع يوم دريت قلت لاخوي لالا تشتري ربع اخاف ابوي يزعل طيب ليش مايبيه ؟ مع العلم ان امام مسجدنا وكثارين اعرفهم مستقيمين معاهم الربع ؟؟ انواع التناقض تحيتي (f)(h) |
لو كل الدنيا يتركون العادات والتقاليد بريدة مستحيل تتركها ..؟! مع الاسف |
^^^^^
واللي يحوم كبدي لاجاك واحد كاره العادات والتقاليد حقات بريده ويتبرى منها ومن اهلها وهو منهم .. وهو نفسه يسويها ربعا وانا اختك لو يخلون عنهم الانشغال بعيوب الناس وينشغلون بعيوبهم كان عشنا بسلامه طيب ماجاوب ع استفهاماتي ؟ تشكرآآآآآآآآآآآآآآآتي ع المرور |
عادي السيارات ما به عادات وتقاليد ربع أو غيره بس يمكن العقال عند المطاوعه ما يلبس << السبب أجهله والخاتم الرسول كان يلبس خاتم عليه الصلاة والسلام .. |
^^^^^^
والله مدري إذا السيارات واقتنائه داخله ضمن العادات والتقاليد وإلا لا .. بالنسبه لي لو انا ولد كان لبست خواتم ابو ريالين كله .. لا والله من جد لو انا ولد ومعجبني الخاتم والله مااناظر لهم لاالبس خواتم في يديني ورجليني .. تحيتي لكِ يابحبوحه |
طيب انا معي ربع ولابس عقال وخاتم مثلا عادي جدا الربع احس ان الي معه يفتخربه طيب راعي الكامري والاكورد والكرولا عادي يلبس عقال وخاتم اذا كان عادي فاراعي الربع عادي ان يلبس عقال وخاتم مثله مثل غيره واقول ان بعض الناس يحسب الربع حرام وهو سياره غير عن السيارات والربع مثل السيارات
تقبلي تحياتي كبرياء الجرح |
الخاتم ما أشوفه يلبس بديرتنا العزيزة وما لي تعليق عليه
أما العقال فأشوف إن النظرة الخاطئة له موب مثل أول ! أما الربع فما زال فيه غموض حول ( ليش حقون نجد ) ينبذون الربع وراكبه ؟ ما ودي صراحة ً أفتح مجال للنقاش في الربع ونظرة الكثيرين له .. ، لأني سبق ورأيت قبل يومين موضوع طرح بهذا الشأن وأنتهى الموضوع بلا ولا شيء :) |
:confused::confused: ولا يهون اللي يفصل ثوبه كبك اعرف ناس للحين يستحقرون اللي يلبسون كبك .. نفس علامات التعجب..؟؟؟؟ |
ياحبيل الربع بعد
|
لا يوجد شعب على وجه هذه الأرض لا يعيش على العادات والتقاليد، والعادات والتقاليد تعتبر هي الصفة والسمة الأبرز لأي شعب وهي التي تميزه عن باقي الشعوب، فليس من الإنصاف أن ننسفها جميعها بدعوى أنها لا توافق أهوائنا أو متطلباتنا، صحيح أننا مسلمون ويجب أن نلتزم بمعيار الشريعة إلا أن ذلك لا يمنعنا من الارتكاز على العادات والتقاليد.
|
سبق وأن طرحت موضوع حول ( الربع ) قبل تقريباً أسبوع ( بإمكانك البحث عنه ) .. وأكتشفت أن له مؤيدين ومعارضين .، فأكتشفت أنه هالجيب سيارة مثل باقي السيارات ، ويوجد أقل قيمة منه وأفضل المواصفات ، وأن هذا الجيب لايملك مواصفات الأمان ، وسعره مبالغ فيه ومقاعده لاتكفي ، وحجمه وطريقة تصنيعه فيها من الخطورة الشيء الكبير ، بل أن البعض تطرق إلى ( سمعته السيئة ) والبعض قال أن له حكايات قذرة مثل اللواط والتفحيط وغيره ، ومن يمتلكون هذا الجيب لهم معاملة خاصة عند نقاط التفتيش . هذا مايخص البعض من ردود المعارضين ، فسؤالك سبب الإعتراض . طبعاً هي بالأول والأخير ( وجهات نظر ) ، لكن احياناً المجتمع يلزمك بأنك ( تضحي ) في بعض القرارات الشخصية ، كون أغلب سكان هذا المجتمع لهم رؤية أخرى .، :) أما بخصوص العقال ، فأعتقد هذا الزي الخاص ( بالمواطن السعودي ) فالواجهات لهذه الدولة يرتدون العقال والشماغ والغترة والثوب ،. كون هذا الزي يمثل المنطقة .، وأما بشأن الخاتم ( فلا أجد فائدة أو هدف أساسياً للبسه ) .. كل الشكر والتقدير .، |
وش حنا بلا عادات وتقاليد ؟"؟
|
اقتباس:
سجلو واحد داخل عرض ومافهم الموضوع هههه .. |
غريبه ما عمري سمعت عن الخاتم ابد
واصلا الخاتم كله قبيح ولا ادري وشوله يلبسونه والعقال ابدا لا ارى به اي شي وايظا من حولي مطاوعه او غيرهم صحيح ما يلبسونه لاكن اللي يلبسه عادي ما لبس شين محرم اما الربع عندنا نظره خاطئه ان او يواحد معه ربع راعي بلاوي وانتم تعرفون وش هي البلاوي لاكن ولله الحمد ايظا بدت هذه النظره تنمحي قليلا فمثل ما قال احد الاعضاء انا اعرف كثير من المطاوعه ومعهم ربع لوايظا بعض المواذنين والأئمه فيبدو انه خلاص النظر راح تزول مثل الدش قديم واوك ياللي ببيته دش قد يصل الى النفاق ببيته دش والعياذ بالله واللحين عادي جدا كل الناس عندهم دشوش لاكن المشكله ان الدش حرام اما جيب الربع والعقال والخاتم مباح لاكن لماذا تقولون العادات والتقاليد هذا لا يرتبط ابدا بالعادات والتقاليد |
بنسبــــه للخــاتم مابه شي االعقال مابه شي الكل يلبسه الربــــــــــع لو بنغير نظرتنا لـه عجزنا وشيكو على اصحاب الربوع وتلقون الاجـابه يااموقف ان له بزران ولا مركب له بزر! نسال الله العافيه |
اقتباس:
شكله ماحصلك الربع قلت خل نقول هالكلمتين:d |
نظريت الناس لربع <مركبت قوم لوط>
اما نظريتي انا موتر وبس خل عنك مواصفاته بسرعه يمشي ما تبلش تدور موقف ضغير حجمه نشيط بالبر ماتبلش بمديور نط رصيف الي اخره |
بصرااااااااااحه الي حيرني زيـــــــاده ان الي كتب الموضوع
انثى |
اقتباس:
مافكرت ليه .؟ شكرا ع المرور |
اقتباس:
طيب ليش اول يرفضونه ؟؟!! ليش يحكون على اخلاق صاحب الربع من خلال سيارته ؟ شكرا تو بي |
اقتباس:
اتمنى الاقي اجابه ؟؟ لكِ(f) |
وع يالربع بس العقال كلن يلبسه والخاتم بعد بس هذا ألي مشغلك عن نفسي كسل خاتم للرجال بس عاد مو عيب ولا حرام |
اقتباس:
|
بريده تشدد وانفلات
|
لأن الربع مايركبونه إلا المجذعية ويفحطون ويحوسون الدنيا
دوري رجل عاقل كبر أبوك معه جيب ربع فمايبي الربع إلا هالجذاعين ولا هالبنات ألي يقلدن هالمجذعية |
كل عمرن نسوق الربع..ولا يجين شي..
ونلمع..ونغبر.. هي الاساس مو بالمنع..بطريقة الاستخدام.. الاباء ينظرون للنوع السيارة..والغلبيه الي معهم نفس السيارة..وش اسدخدامهم له..شي طبيعي.. بـــــس الغريب..ان اهل بريدة استحاله نترك عادتنا ..الا القليل.. تقبلي مروريـ.. |
اقتباس:
مره واحده ..:d الصراااحة كلامك خطأ..:) |
اقتباس:
يافاضل : انا ماني ضد العادات والتقاليد كله .. لا انا ضد الإنصياع لاي امر انا ضد العادات والتقاليد اللي مالها داعي .. مثل اللي يستحقر الشخص اللي يلبس خاتم وهو بألاساس مافيها عيب ولا شيء .. انا ضد المنع بدون مانعرف السبب .. شكرا لمرورك الزاكي |
اقتباس:
جيب الربع تعارف عليه على أنه دابة قوم لوط، وأغلبية من يشترونه من اللوطية (البزرنجية)، وعلى هذا أصبحت سمعته سيئة خصوصاً في نجد. أما الخاتم والعقال فلا مشكلة فيهما، قد يكون في السابق هناك مشكلة لكنها لم تكن بذات الأهمية، على عكس جيب الربع الذي أصبحت سمعته يوماً بعد يوم أسوأ من ذي قبل. |
الخآتم والعقال مااشوف فيهم شي .. آما الجيب الربع أسالي آبوك ليش مايبغاه :) |
الخاتم يمكن مايبون تقالد بنساء احس انه مادري وشو لا لبسه الرجال>>ايقالوه جواب وعقال صراحه الرجل بدون اعقال شي له نظره بنسبه لي انا يعني اعقال بالمناسبات الكبيره فقط افضل وقالو ان اعقال من الكبــر>>من تواضع اللي فيهم مايلبسونه الله يرزقنا اتواضع والجيب الربع الله واعلــم |
هههههههههههههههههه عاد انا عشقي الوحيد الربع امنيتي اركبه واروح افحط وصدق بعد اللي لا بس هل حين كبك ما يدانونه الناس مدري ليش:oo
|
| الساعة الآن +4: 05:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.