العماله المصرية تحل محل السعوديين في محلات الخضار00 فلـ00000
 

لايخفى على الجميع القرار الصادر بمنع بيع غير السعوديين في محلات الخضار وذلك لإتاحة الفرصة للشباب والمواطنين السعوديين للاستفاده وفتح مجال لكسب الرزق الحلال من خلال العمل في محلات الخضار وأستفاد من هذا القرار الكثير من المواطنين وحصلوا خيرا كثيرا ولكن ماأشاهده في الاونة الاخيره أنه إنقلب الوضع وحلت العماله المصريه أو (التجار المصريون) إحلالا شبه كاملا لمحلات الخضار في شمال بريده محل الشباب السعوديين متخفين بتوظيف احد الشباب ليكون بالواجهه ويحاسب وهم يتابعونه وعندما يرى احدا قادما للمحل يتظاهر انه يرتب الخضار وعينه على الزبون والشاب الذي يعمل لديه حيث ان اغلبهم مزارعين ويعرفون بكم يبيعون في سوق الجمله ويرون كم يباع في محلات الخضار التي كان يمتلكها سعوديون فتركوا المزارع واتجهوا لإصحاب محلات الخضار من السعوديين وأغروهم وحلوا محلهم

ومن هذا المنبر ندعوا من يهمه الامر بتشديد الرقابه على محلات الخضار ليتم تطبيق القرار في صالح المواطن والوطن

وأدعوا الاخوه لشراء الخضار والفواكه من الاسواق الكبيره مثل بنده والعثيم وبركتين إلى أن نرى الشباب السعودي يحل محلهم

لا تحسدون خلق الله

حتى سوق الخضره ماسلم منكم :(

الحين قبل لاتكتب موضوع من راسك رح وشف كم بنغالي وكم باكستاني بسوق الخضره

تدري انك هاوشت واحد من المصاريا وجيت تحط حرتك بوه

أنا معك فيما يخدم المواطن لكن انك تخص واحد أو اثنين بعكس الواقع اسمحلي هجت بك هذي المره

وبعدين من يدري من يكون كفيل هالمصاريا ؟ يمكن يكون عاطل من هوامير الفيز وبياعين التأشيرات ؟

القربون اولى بالمعروف

حبه حبه على قلبي حبه حبه

خلهم يترزقون الله حتى على كذا لك الحمدبس

لو انت ببلدهم ماحصلت وظيفه وانت تدافع عنهم بس اكيد لك نصف الغله

الشباب السعودي اولئ

الله يكون بعون السعوديين

أخ بس.
لذلك الغير سعودي حسب الاحصاء الاخير هم ثلث عدد السكان من السعوديين.
نعم هناك شباب غير جاد ولكن الجاد أكثر . وفيهم الخير والبركة بس نريد دور المسؤال يتم كما ينبغي.
لمذا خيرنا لغيرنا .نعم هذا السؤال الكبير ذبحتنا" السعودية المقنعة "ومن يرتدي ويعمل في أسم السعودي.
الي متى الي متى الي متى.

دائما بعض الاعضاء يبعث التفائل بان هناك من يستحق الكتابة او المناقشة

يعني كل ذا حسسسسسسسسسسسسسسسسسد
شوف غيرهم
وقفت على المصاريا
طيب وغير الخضار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عندي أكثر من محور
1- السوق للكل
2-اللي يبقى في السوق هو القوي
3-ليس من المعقول ان تفيز للناس وتجيبهم من بلدهم وتشتمهم .
4-رايي نقسم الايام يوم للسعوديين ويوم للاجانب(الوافدين التسمية الصحيحة) ويوم للنساء والفتيات ويوم للبزران ويوم للعجز وخميس وجمعة عطلة وخلاص .

لحظه اذا امكن

والا جنبي من جابه للعمل الا بفيزا للكفيل السعودي والسعودي مهما كان ماعنده وقت 000الاستراحه 000المكشات 00متابعة الانديه الرياضيه الهابطه 000السهر بالمقاهي والمعسل والشيشه 00الدوران بالشوارع والتفحيط 000 واخر العنقود السفر للخارج مع الشله 00
اقول الحمد لله ان فيه ناس يشتغلون ولو من بنجلاديش المهم ان السوق موجود ومتوفر الطلبات والا لو سعودي 00كيف الحال والله الا تشوف الضيعه الحقيقيه بكل صراحه وشفافيه شبابنا ماهم كفو شغل 00الواحد لومه على الدوله يبي وظيفه ويجيه الراتب وهو بفراشه

شكرا على الطرح وشكرا ياكاتب الموضوع