|
المدام بدت تشك إني متزوج مسيار والسبب سطام وش الدبره يالربع
السلام عليكم
أحد أصدقاء طفولتي اسمه ( سطام ) , وبيني وبينه صداقة قويه , أنا وسطام نفس الطول والوزن تقريباً , طبعاً أنا من طبعي التكشخ بالملابس , وأودي ثيابي وشمغي لمغسلة في الحارة , خويي سطام دايم إذا انزنق بمناسبة أو موعد يروح للمغسلة ويسأل عامل المغسلة إذا لي ( أنا سهيل ) ملابس في المغسلة , طبعاً العامل يقول موجود , صديقي سطام بدا ياخذ ملابسي , ويحط ملابسه وأنا ما آخذ ملابسه , والنتيجه نقصان عدد ملابسي من 9 ثياب إلى 4 ثياب فقط ومن 4 شمغ إلى شماغ واحد فقط وزيادة ملابس سطام , طبعاً أنا ما عملت حساب المدام , وفي أحد الأيام سألتني المدام سؤال مباشر : وين ثيابك وشمغك ؟ طبعاً ما قلت لها الحقيقة من البداية وبديت أختلق الأعذار , طبعاً المدام بدأت تشك أن ملابسي في ( بيت آخر ) نفيت هذا الأمر بشدة , وأخبرتها بالحقيقة , لكنها ماصدقت وقالت : أنا أروح لزوجة سطام وأسألها ولو وصل الأمر إني أدوّر ثيابك وشمغك عند زوجة سطام , طبعاً أنا منعتها وبشدة وقلت يامسلمة لا تفضحينا علشان كم ثوب , والموضوع لايزال حتى هذه اللحظة معلّق بيني وبين المدام , وباقي ما تحاسبت مع سطام لأن الأخ مسافر هو وعائلته ويتكشخ بملابسي . لكن هيّن يا سطام , مصيرك ترجع ويصير خير أنا وأنت وثيابي وشمغي والزمن طوييييييييييييييييل وش رايكم ياجماعة ؟؟؟ |
ههههههههههههههههههههههه ..!
بـ صراحه سطـاام هاذا تحفـة واهنيـك عليـــٌـه . من رايي تطول الثوب او تقصره شي بسيييط عشن يخاف ولا حاول تخليه يسمن عشان تفتك منـه ..} الله يكون بـ عون ام العيال .. ع فكـرة كلنـاا بـ الهوى سوى .. سآلفة المسيار كل يوم تطلع لي والله يستر شكلي بسويهاا هههههه لك كل الودِ ..} |
خخخخخخخخخخخخخخخ الله يعينك
:072::041::090: |
.
كان الله بعونك .. انتظر رجعت صاحبك وخل زوجتك تروح تتأكد إن ملابسك عندهم << عادي مافيها فشيله ولا فضيحه لأن زوجة صاحبك بتعذر زوجتك .. << وماراح يفشل إلا هي! إذا طلع شكّها بغير محلّه ..! بالتوفيق .. |
والله يابعض الحريم مادري من وين تفكر
انت اقنعه بالحقيقه ان ملابسك مع صديقك ان صدقت والا السلام عليكم وان جاء صديقك اشرح له حالك وقل شف وش سويت فيني:oo |
[size="6"]
مشكورييييييييييييييين ع المرور والتعليق [/sizeالله يعطيني خير المسيار ويكفيني شره والوعد قدام يا سطام الله لا يجيب لكم صديق طفوله مثل سطام تصدقون مرة كنت بالرياض وسطام في جدة ويدري إني في الرياض , اتصل بي وقال أنا جاي بكرة بالطايرة , انتظرني بأروح معك للقصيم بسيارتك , وأنا كنت ناوي أمشي , تدرون وش حصل ؟؟؟ تركت لسطام سيارتي بمواقف المطار علشان يرجع عليها للقصيم ثاني يوم وأنا رجعت للقصيم بتكسي في نفس الليلة ما قدرت أنتظره لأني طفشت من الرياض واشتقت لبريدة , ومن جهه ثانيه أبغى الفكه من سطام , ما أقدر أتحمله 300 كلم. |
هههههههههه
انا عندي صديق من ايام ماقبل الابتدائي الى الان .. والله الميانه امون عليه اكثر من اخوي للحين نتعاير بمعاييرنا القديمه ههههه |
أخوي سهيل لابد ان أقف معك بهذه الأزمة وخاصة شؤون الداخلية :confused: قرر مع صديقك بأنك سوف تدعوه لوليمة في بيتك , وجعله ينسق مع زوجته بالموافقه .. وانت أخبر زوجتك بأنك سوف تدعو صديقك لوليمة هنا في بيتك , وإن سألتك وش المناسبة ! فقل أبدا السبب دعاني فرفضت بأن اكون الأول ثم هو من بعدي مباشرة :confused: وتفق مع صديقك بأن يضع بعض ثيابك مع زوجته ويجعلها آخر الركوب بالسيارة في وقت الأتجاه إليك :confused: حتى لايكون في الأمر ادنى شكوك من الطرفين {الزوجتين}:confused: {وجعله يقووول أوووه نسيت ثيابه وينزل ويأتي بهن ثم يرضعهنّ بيدها ويقول عطيهن زوجته هذولي ألي نسيناهن بارك الله فيك }:confused::41 وبعد وصول الداخليتين والألتقى بينهما في منزلك , سوف تنجلي الغمة , وسحابة الصيف وسوف يحصحص :41 الحق وتكون أنت بها من الفائزين (h)(f) ^^^^^^^^^^^^^^^^^^^^^^^^^^ وسلامي العميق لك أخي سهيل وجمع الله بينكما بخير . |
×××××××××××××××××× ××××××××××××××××× |
ياخوي بحثت عن المسيار عجزت احصل
|
هاذي نهايه كسل زوجك وعجزه اساسا ليه تودي ثيابك للمغسله سواء غسيل او كوي وانت عندك زوجه ......
|
هههههههههههههههههههههههههههههههههههههههههه
بيني و بينك زوجتك تستحق من يتزوج عليها .. ليييييييش ...؟؟ لأنك متزوج و تغسل ثيابك بالمغسلة .. بنااااااااااااااااااات آخر زمن .. و مع الأسف ماودي أقولها بس لازم تنقال "رجاااااااااااااال آخر زمن" .. |
والله أحرجتيني يا أم جهاد أنا أغسل ملابسي الداخليه في البيت , والثياب والشمغ أغسلها في المغسلة علشان الكوي بس لكن تدرين بأخليك تتفاهمين مع زوجتي يمكن تنسى مشكلتي مع سطام |
طيـَب
خذ زوجتَك ورح للمغسله وخلها تسأل العـَامل <<<عليك تفكيـَر سطام خويـَك احس انه يموُن عليك اقوى شي لارجع بالسلامه يمديك تعدل الوضع وتاخذ ملابسك والمدام قلها الحقيقه واذا ماصدقت جدران بيتكم كثيرهـ .. صح |
مشكوووووووور أخوي أبو نادر الاجتماعي على وقفتك الصادقة معي ولابد أن يحصحص الحق |
ترى ما يصلح تكب عشاك بالمنتدى
|
أخوي خلفان المسؤول الأول والأخير هو سطام وأنا كتبت الموضوع علشان أعضاء المنتدى الكرام يساعدونني ويساندونني للعمل يداً بيد ضد سطام وأنا بأقنع سطام ينظم لهذا المنتدى والله يعينكم عليه |
[]
اقتباس:
:41:41:41 أسأل أهل الإختصاص العقول هنا مختلفة ومن طرح رأي مش ولابد لهذا الموضوع الزم الصمت قبل أن تخرب بيوت المسلمين شكر لأبو نادرعلى الفكرة |
وين أهل الاختصاص يا بسمة ( أهل الاختصاص ما علا وجيههم وسم ) علشان أعرفهم على طول وأعضاء المنتدى فيهم الخير والبركه |
اقول مهب علينا شكلك لاعاب وانت ما حطيت ها القصه الا اكيد زوجتك تدخل لهاذا المنتدا علشان تشوف كاتب مشكلتق اقالك اجل تخليله السياره وترجع بتكسي اجل صديقك يسافر ويروح ويجي بها الطيارات ولالالالالالالالالالامعه افلوس يشري ثياب ارخص مايباع ويشرا هن لالالالالالالالالالاكن اقول يحول يا مرك
|
أهل الإختصاص أقصد التربويين أهل العلم مثل غازي الشمري وجاسم المطوع وغيرهم كثييير إذا كانت فعلاً المشكلة بالنسبة لك كبيرة وتؤرقك
أجل بنظرك من يقول لك : وشوله متزوج إذا كنت بتودي ملابسك للمغسلة واللي يقول الجدران كثيرة هذا رأي أنا أقول لاتفسدوا على الرجل حياته والله يهنيه مع زوجته ودامهم متفاهمين الحمد لله نتمنى لهم التوفيق وزيادة (بس قولوا خيراً لعله يصيب رأيكم ) |
أحترم وجهت نظرك يا بسمة لكن الشكوى لله سطام ما فيه حيله |
اتركه علي وانا اربيهـ لك
|
كفو يا سوسو , الله يبيّض وجهك |
اختلاقك للاعذار هو السبب الرئيسي لو انت في البداية صرحت لها وبدون اخفاء لصدقت بسرعه
كل وحده تتكلم عن نفسها..يابنات لاتشبون الرجال على حريمهم تجيكن دعوة ليل..والله لو يجي زوجي يقول تراي غيرت رائيي انتي غسلي واكوي اول شي راح اقوله له حسبي الله على من قلبك علي.. انا عن نفسي اغسلهم بس كوي الثياب والشمغ برا.. لان المرأة مش اله تنتج بس ومايسمح لها الوقت تعتني بنفسه واطفالها وبيتها وطلعاتها ف لازم الزوج يتعاطف معها ويهون عليها ويخفف عنها الشغل لانه بتتحسن نفسيتها وهو الكسبان في الاول والاخر... |
. الله يعينك :113: . |
اقتباس:
اقتباس:
لا فض فوكي:d |
نصيحه لكم جميعا انتبهوا من غسل ملابسكم بالمغاسل امراض ووساخه اذا لازم يعني وعندكم ناس عجازين:d اغسلوا بالبيت والكوي عند المغسله.
|
صديقي على العين والراس
أما يأخذ ملابسي لا.. واااااااو وين عايشين... |
شف اهم شي
لا تخلي رفيدزك ذاا وايظا لا تنسى عامل المغسله وان انحلت المشكله خل مرتك هي اللي تغسل وتكوي <<< قله عشان ما تسببين لنا مشاكل اقتباس:
الصديق اللي ما تمون عليه ويمون عليك مهب صديق خصوصا اذا صار صديقه من زمان قد يكون من يوم انه يطلع من بيتهم قد يكون بالابتدائي او قبل الابتدائيه وهم اصدقاء فيصير مثل الاخ او اكثر قرب من الاخ الاخ تلقاه يوف كل اسبوع مرتين وصديقه يوميا يشوفه |
الله يعينك ع النفسيه ها اليومين
بس تحمل انت الغلطان ليش من اول ما قلتلها انا حلمت ان ابو العيال لا قيله مسيار كرهته شهر فما بالك الثياب تنقص:i125 |
اقتباس:
|
|
انا اقوول ان الحياة تووهـ تصير صح
يوم ان سطام اخذ ملابسك همن عاد يكافي خويك وعشرة عمر وسنين المفروض تقوله اليووووم يومك ياسطام وما اخذت الا حلالك وانا وانت واحد ،،، مهب تحتريه يجي من السفر علشان تعطيه العين الحمراء ،، ترااا راس مالهن ثياب ومرتك قله اني طلعت ثيابي من المغسلة أمر يآقف بجنبي فقير ويقول عطن لبس اتستربه وانا مالقيت غير ثيابي والباقيات بهن بركة ترى الحريم يحبن الصدقة →→→ــــــــــلالالالالالالالالام |
فهم المدام بالسالفه واكيد راح تتفهم واذا
ماصدقتك الله يعينك |
بعذررررر زوجتك000مااااالومها000تفقد ملاابسك ولا تبيها تسالك000علمها السالفة ترى والله قطعت قلبي تلقى بالها راح بعيد000والي يقولك خلها تكوي وتغسل هي خلك منه 000باالعكس انت قاعد تساعد زوجتك000مافيهاااااا شي000
|
هههههههههههههههههههههههههه موقف قوي
بس انت السبب لأنك تلككت بالبدايه بعدين قلت الصدق امار مايمدي خلاص شكت بالوضع |
آيييييييييييييييييييييييييييييييه ياسهيل .. الله يذكر عضويتك الاولة بالخير ..:d
والله يافيك صبر مهب باحدن أبد ..ماشاء الله عليك عين عليك باردة لكن قصة المدام حلوووه ;) م,ن |
اول شي وشلون العامل يعطي زميلاك الملابس ثانيا دبرنا مسيار اذا كان موجود اصلا
|
عندي لغز
كم مره ذكر اسم سطام بالموضوع؟؟؟؟؟؟ |
وبهدين بعذر زوجتك يوم تشك بك سالفة ان رفيقك ياخذ ملابسك ولاتعلمه وتلف وتدور وهو شي سخيف اجل العرس وش بتسوي بتحلف بالقران؟؟؟؟
|
عندي لك رايين فخم
اذا رحت للمغسله طبعا بعد ماتحل المشكله .. ود زياده ثوب ماتبيه واحرص انه يكون يا منقطع او حردز من التسوي .. وقل لحق المغسله اذا جاء خويي يسال عن الثياب عطه ذا بس ... وخله يكون درس له |
| الساعة الآن +4: 02:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.