|
طـــلـــب .. أريد متبرع يدفع قيمة ملابس مولودي فقط .
. السلام عليكم ورحمةالله أسعدالله اوقاتكم وملئها بالخير والطاعة أخواني وأخواتي تعددت الطرق والهدف واحد وأشتدت الحاجة وضعفة الحيلة وانتشر التسول ولانعلم من الصادق منهم من الكاذب حدث لي موقف أريد منكم تفسيره وماهي الطريقة التي اتصرف بها في هذه المواقف برأيكم ؟ عندما كنت في أحد المراكز التجاريه في مدينة الرياض وبالتحديد مركز الهرم وعندما كنت واقفة في انتظار دوري في طابور المحاسبه جاءت أمرأه ووقفت بجانبي وتكلمني بإنكسار وتقول أنا أم والشتاء دخل وتوي طالعه من نفاس وابي منك مساعدة باللي تقدرين عليه بس ابيك تحاسبين بس اللي بالعربيه وحلفت بالله العظيم انها محتاجه وحينما تذكرت حديث الرسول _ صلى الله عليه وسلم _ (لا تحلفوا بآبائكم، من حلف بالله فليصدق، ومن حلف له بالله فليرض، ومن لم يرض فليس من الله) قلت في نفسي هالمرأة مسكينة ما حلفت وأقسمت ووقفت في طوابير المحاسبه وأخذت ملابس تتقي بها البرد إلا صادقه رق قلبي لهذه الحرمة المسكينة وقلت في نفسي والله ماطلع هالحرمةالمسكينة إلا الحاجة وطاحت عيني على العربية اللي تبين أحاسبها . وش تتوقعون ؟؟!!! . وش كثر الملابس اللي بالعربية ؟ . والله ملابس قليلة وكلها ما تتعدى مئة ريال تقريبا لان المركز أسعاره رخيصة والله دمعت عيني وتمنيت بهذيك اللحظة أني موظفة حتى أقدر أساعد المحتاجين وقلت له أصبري أبشوف البوك وأساعدك باللي أقدر عليه شوي إلا أحس أحد يسحب البوك . أنهبلت وألتفت حسبته المرأة المسكينه لا لا ليست المرأة هذي أختي الصغيرة تقول خير إن شاء الله يالرحومه وكلن تصدقينه أنا سمعت أنهم إذا حاسبوا يرجعون الملابس ويأخذون الفلوس لا تعطينه قلت أستغفري وخافي ربك وطلعت له مبلغ بسيط متواضع وقلت لاختي خليها ترجع الملابس وتأخذ الفلوس . الله يرزقهم من واسع فضله . ـــــــــــــــــــــــ |
الله يعطيك على قد نيتك ...
ماندري يمكن محتاجه ,’ وحرام نظلمها بسبب إنه فيه متسولين كذابين ,’ وإذا هي كذابة اجرك ماضاع وهي بتلقى ماعملت ,’ |
:f:
شعور نبيل منكِ وإحساس المسلم بالمسلم .. رزقكِ الله على نيتكِ ورزق المرأة على نيتُها .. السؤال هُنا لماذا يوجد فقراء ؟!!! |
ابشري بالخير والاجر اختي الكريمه ...........ابكتني هذه القصه الله يديم علينا النعم ويغفر الخطايا.
|
الله لايحرمك الأجر
|
فعلا" كلام أختك شوفي قصتي طلعت النخيل مره ورحت محل نيولوك واخذت لي بلوزه وبعده رحت سيتي ماكس واخذو مني الكيسه اللي عند الباب المهم يوم شريت من ماكس رحت باخذ كيستي من الامن وطلعت الكرت وعطيته وقعد يدور ومالقاه يوم فتح الدفتر قال من شوي جات مره واخذتها تقول كيستي قلت هذا الكرت معي شلون تعطيها وهي مامعاها كرت قال تقول انه ضاع كرتي وسألته وش بوسط الكيس قالت بلوزه رماديه وفعلا بلوزتي كانت رماديه ..؟ المهم رجع فلوسي يوم رجعت نيولوك بشتري بلوزه والقى بلوزتي مرجعه ..؟ شلون عرفته لان مافيه مقاس ميديم الا حبه وحده يوم اخذها ..! وسألت العامل قال تو يجي حرمه يرجع بلوزه ..؟ شوفي شلون لاحقتني بسم الله أشوا اللي جت ع البلوزه مو ع شئ ثاني لاكن على نياتكم ترزقون الله يكتب لك الأجر يارب والحين مانفرق بين الفقير والمتسول |
اقتباس:
ــــــــــــــــــــــــــــــــــــــــــــــــــ ــــ تصرفات البعض من الناس غريبه وما ذكرتي هذه ليست متسوله!! هذي حـــرامـــيــة الحمدلله الذي عافانا مما أبتلاهم به وفضلنا على كثيرا ممن خلق تفضيلا لـــكـــن عندي سؤال أختي من اللي رجع لك الفلوس ؟ لا يكون حارس الأمن ؟! وش ذنبه ياربيه تقطع قلبي اللي يعينهم حراس الأمن رواتبهم قليلة ومسئولياتهم كبيرة الله يرزقهم من واسع فضله ويوسع برزقهم . |
معاملتك الطيبة مع تلك المرأة يدل على خلقك الطيب و الذي هو خلق كل مسلم ..
أما بالنسبة للشك في نيتها فمن الصعب تأكيد مدى حاجتها من عدمه .. لكن هناك طرق حتى يرتاح البال و تهدأ النفس ونطرد الشيطان بعد أن نقوم بعمل الخير كسؤال المرأة عمّا إذا كانت بحاجة للمال أم الملابس أم لكليهما .. أيضاً كان بإمكانك أختي الكريمة نزع ورقة الباركود من على الملابس لأن معظم المحلات لا تقوم بعملية الترجيع بدونه .. عموماً .. ما ذكرته أعلاه مجرد أفكار لطرد وساوس الشيطان حتى لا يفسد عليك عمل الخير .. موفقة للخير بإذن الله .. |
[quote=شًقِـــآؤٍة صًِغَآرٍ;2658545]
فعلا" كلام أختك شوفي قصتي طلعت النخيل مره ورحت محل نيولوك واخذت لي بلوزه وبعده رحت سيتي ماكس واخذو مني الكيسه اللي عند الباب المهم يوم شريت من ماكس رحت باخذ كيستي من الامن وطلعت الكرت وعطيته وقعد يدور ومالقاه يوم فتح الدفتر قال من شوي جات مره واخذتها تقول كيستي قلت هذا الكرت معي شلون تعطيها وهي مامعاها كرت قال تقول انه ضاع كرتي وسألته وش بوسط الكيس قالت بلوزه رماديه وفعلا بلوزتي كانت رماديه ..؟ المهم رجع فلوسي يوم رجعت نيولوك بشتري بلوزه والقى بلوزتي مرجعه ..؟ شلون عرفته لان مافيه مقاس ميديم الا حبه وحده يوم اخذها ..! وسألت العامل قال تو يجي حرمه يرجع بلوزه ..؟ شوفي شلون لاحقتني بسم الله أشوا اللي جت ع البلوزه مو ع شئ ثاني لاكن على نياتكم ترزقون الله يكتب لك الأجر يارب والحين مانفرق بين الفقير والمتسول نيولوك مايرجع الابفاتورة وشكله مدبس لك الفاتورة بالكيس!!! خليك ذهينة مثلي واجمعي كل الفواتير بدرج الشنطة عشان مايضيعن ولاتحطينهن بالمحفظة عشان ماينتثرن وربي يعوض عليك |
بالنسبة لاشكالية من نصدق فهذا امره في علم الغيب بس انتي تأكدي ان فيه ناس منسترين على حاجة ..قبل كم يوم وحدة اعرفهاتجمع ملابس مانبيها بس حلوة وراقية لوحدة راتب زوجها مايكفي الا للاكل ولانها تنعزم وماتبي يبين عليها او على اولادها نقص تأخذ من الناس بجحادة وسرية لان موب كل الناس يروحون للمستودع الخيري ويلبسون منه ماتسوى عليهم الستر احسن واعتقد هذي الحرمة صادقة ..اذكر برمضان طقت علينا حرمة تشحذ وقالت ابي اي شيء ياكلونه عيالي لو كيس مكرونة بالله احد يقدر يقول انها كذابه !والصراحة ماعطيناها فلوس عطيناها اكل ..والله يغنينا بفضله
|
اقتباس:
ــــــــــــــــــــــــــــــــــــــــــــــ الحمدلله يارب أرزقنا الشكر ماطلع هالمسكينة إلا الحاجة أذا تفكرنا في حديث الرسول _ صلى الله عليه وسلم - ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا )). فلنحمد الله سبحانه وتعالى اللهم أقنعنا بما رزقتنا وأرضنا به وأخلف علينا كل غائبة بخير وعلينا أننظر إلى من هم أسفل منا وأقل حالا . |
أيوا الامن اللي رجع لي الفلوس (يوم ادخل المحل مستعجله ونسيت ان معي كيس طايره ويصرخ قدام العالم يامره جيبي الكيس ويهاوش ) وبالاخير انسرقت وفرحت والله بردت تسبدي منه خخخ وفعلا" كانت الفاتوره مدبسه بالكيس ماأحب أنقل بالبوك فواتير ولاأحطه بوسط الكيسه |
قال تعالى (واما السائل فلا تنهر)
انتي باذن الله وقع اجرك والله يهدي اختك ماتمنع خير لأحد وتقطع رزق مساكين يقطع رزقها بسم الله عليه اما نم ناحية صادقة او كاذبة فهذا علم عندالله وان كانت كاذبة تتعرض هي لعقاب الله وبعدين حتى لو رجعت الملابس واخذت الفلوس فانتي نيتك مساعدتها لا غير ممكن تاخذ الفلوس تشتري اكل لأطفالها والله يافيه ناس تحت خط الفقر لا لباس يستر ولا اكل يشبع وبوسط بريدة وبوسط الرياض وبوسط المدن لا تقولون بالقرى وحنا الحمدلله شبعانين مستورين مانحس بهم يجب علينا جميعا ان لا نرد السائل قريب لي جعله الله من المقبولين زادت تجارته وتباركت من عطاء يده بارك الله له في ماله وولده |
ياسعدك بالاجر اختي .،‘ |
فائدة /:
الناس في الصدقة على نوعان : الأول يقول / الشر يعم والخير يخص و أن بعض المتسولين خرب على الفقراء .. الثاني /: فـ يقول (و أما السائل فلا تنهر) .. و ليس لك إلا الظاهر .. طبعا أنا مع الثاني إلا في حال تكررت من شخص واحد زيارة المسجد .. فاذكر أن أحدهم كل سنة في رمضان يمر علينا ويكرر نفس السيناريو : (توفي الوالد قبل شهر و ترك 16 نسمة) .. بحيث أنه جعل والده يموت في شعبان من كل سنة .. ** ولـ نتذكر (لست بالغب ولا الغب يخدعني) .. و نرد السرائر إلى الواحد الذي يعلمها -جل في علاه- .. دمتم بـ خير .. |
اقتباس:
لو انا مكانك كان سامحت الرجال وكل شي باجره......... وشو راتبه علشان يعطيك فلوس البلوزه...... .................................................. .................. أنت مثلي ماأتحمل أحد يطلبني ولا أعطيه.. الله يكتب لك الأجر(f)............ |
جزاك الله ألف خير وكثر الله من أمثالك هذا من صنائع المعروف ياسبحان الله لو راح الواحد لأحد المطاعم أوسافر تجد أموال تروح مايحسب فيها . وعند عمل المعروف تجي الشكوك وسوء الظن . والله إن الله يعلم ماعملتي وسيجزيك بإذنه تعالى على عملك خير الجزاء وسيجزيها على نيتها . لأن الموقف حقيقة صعب عليها إذا كانت محقة كان الله في عونها . أسأل الله العظيم أن يرزقك من حيث لاتعلمين |
جزاك ربي كل خير الاعمال باألنيات وانا اختك
|
الله يعطيكـ على قد نيتك ياأختي .. أناوالله ودي أتصدق بس في ها الزمن ماتعرفين الصادق من الكاذب ... وأغلبية ألي يشحذون يكونون تبع عصابات .. بس ألي يقهرني أنه يشحذ منك رجل عيب الصراحه المره ممكن أعطيها لأنها ماعندها أمكانيه أنه تشتغل أي شغله عكس الرجل ألي يقدر .. والرسول عليه الصلاة والسلام نهى عن سؤال الناس .. فيه سؤال بنفسي ؟؟.. عمال البلديه فيه أحد يتصدق عليهم كثير مثل أمي ؟؟.. أحساسي يقول أنهم مايستاهلون ...وأحساسي مايخيب :d |
الله يجزاك خير
واختي اهم شي انك حصلتي على الاجر وهذا اهم شي |
جزاك الله خير اختي
واتوقع الكذب كثير خلانا نخربط بينهم |
( إنما الأعمال بالنيات )
|
على أجر إن شاء الله .
الصدقه تُطفيء غضب الرب . وماتدرين وش البلا اللي ردته الصدقه عنك ؟ أستغرب من اللي يرفضون يعطون المتسولين بحجة أنهم نصابين طيب إنما الاعمال بالنيات , خلي نيتك إنها صدقة لانسانه محتاجه وراح تكتب لك حسنه والحسنه بعشر أمثالها والله سبحانه يضاعف العشر أضعاف .. ليش نحرم أنفسنا أجر صدقه بمجرد شك متسوله أو لا ؟! |
ياحبيــــلك الله يعطيـــــتس ع نيتتس
انا كنت بنفس المركز و جتني وحده شابه العباية كشخة والاظافر وخري عنها بس وطلبت مني نفس الطلب ورفضت عارفة ليش؟؟؟ لانها ماخذه بدل اطفال و فخمه كان ع العيد ونفس البدله بس الوان غير شكيت بمصداقيتها خاصة وانوه فعلا يرجعون البدل وياخذون الفلوس بعدين غاليتي صاحب مركز الهرم ماقصر يعطي المحتاجين كروت فيها مبلغ معين عشان يتقضون!!!!! |
لا ازيد على كلام من سبقوني
فكل مافي خاطري ذكرتموه وأن السائل لانرده وكلن حسب نيته ولسنا مأمورون دائما بالتحقيق والتدقيق فالصدقة مأمورين بإخفائها حرصا عليها من شوائب الرياء والسمعه وغيره ولكن أحب أن تنبهو أهلكم وأمهاتكم وأخواتكم ومن حولنا لنوصل لهم رسالة عن إعطاء العمال مثل عمال البلدية برأيي لاتعطوهم لأن إعطائهم يفسدهم. يفسدهم عن أعمالهم فيكون هذا العامل همه الوقوف عند إشارات المرور والسلام على كل أحد حتى ولو مع عائلة..وينظر مافي يديهم! أذكر مرة في أحد شوارع بريده سيارة لكزس وسيارة ونيت من النوع القديم ،فجاد العامل من بين السيارات ليسلم على صاحب اللكزس يترك عمله وينشغل بالتسول ولو لم تعطه ينظر لك بعين غاضبه أو ناقدة.. كل ماأريد أن أقول لاتفسدوهم عن أعمالهم .. |
بغض النظر عن صدق هذه المرأة أو كذبها كثير من الناس في حاجة فمثلا من راتبه 5000 ريال وعنده 7 أطفال لننظر كيف يعيش: وسأذكر أقل الأحوال أجرة البيت: 1000 ريال شهريا الكهرباء والهاتف والمياه والجوالات: 1000 ريال شهريا الطعام وملحقاته: 1000 ريال شهريا ملابس الأولاد وأدواتهم المدرسية ومصاريف السيارة : 1000 ريال شهريا أمثلة على المصاريف: الرز:220 ريال للكيس الخبز: 60 ريال الجبن: 5*30= 150 ريال الطماطم: 70*3= 210 ريال الدجاج: 10*30= 300 ريال (طبعا نقول دجاجة واحدة لتسعة أشخاص!!) اصلاح السيارة مع قطع الغيار: 500 ريال الشاي السكر الهيل الزيت الصابون .. . .. .. إلخ ساهر: 300*2=600 ريال (من قالهم يسرعون!!!!!) ملابس البنات: 150*3=450 (حد أدنى للغلابة!!!) ومصاريف البنات تزداد مع كبرهن وكذلك الأولاد وهناك مصاريف أخرى لم أذكرها, لأني كتبت هذا الرد على عجالة, لعلنا لا ندخل فيمن قال الله فيهم ((ولا يحض على طعام المسكين)) يعني في النهاية هذه العائلة تستحق العطف والصدقة وقد تستحق الزكاة ولذا لا نستغرب من كثرة التسول, فكثير من الناس في حاجة ماسة, والذين يتعففون ولا يسألون ينبغي البحث عنهم, و لا يتركون. فلنتفقد الجيران والأقارب, وكل يؤدي ما بوسعه, فالذي لا يستطيع الصدقة يبلغ أصحاب الحاجة بعد التأكد من حالهم لمن يستطيع معونتهم, وله مثل أجره, فالدال على الخير كفاعله. ولا يقول الواحد منا هناك جمعيات خيرية تقوم بالواجب, فالجمعيات الخيرية تقوم بالكثير, لكن الحاجة أكبر بكثير من امكانياتها, واسألوا الجمعيات عن ذلك, فلنكن جمعيات خيرية متنقلة. والسلام |
لكن ولي الأمر يطلب عدم إعطاؤهم فالصدقة منظمة في هذا البلد وهناك جمعيات خيرية مسؤولة عن هذه الفئات ..
|
اقتباس:
هههههههههههههه حاس انها طالعه من قلبك لكن بالنسبه للفقراء مثل ما تفضل احد الاخوان وسبقني بمعلومه تنص على ان ولاة الامر أمروا بعدم اعطاء الصدقه للمتسولين في الشوارع العامه ومن يريد ان يتصدق فهناك جهات حكومية مؤثقه تعمل على جمع الصدقات من المتصدقين وإعطاءها للمحتاجين وسأذكر لكمـ قصة حدثت لي بما ان المجال مفتوح للقصص كنت اقف عند احد صرافات البنوك وظهرت لي امرأة ما ادري من وين طلعت قعدت تشكي لي حالها وبيدها فاتورة كهرب وكانت تريد مني ان اسددها فقلت لماذا لا تذهبي الى الجمعيات الخيرية وبإذن الله راح يتكفلون بمصاريفك فقامت بنت الناس تدعي علي تقول < الله لا يوفقك ولا يطول في عمرك > انا بأول الامر لم اسمعها جيدا لاني لم اتوقع ولو بـ1 % ان تدعي علي ولكن بعد تكرارها سمعتها فسكت وتركتها لاني لم اعرف بوقتها ماذا اقول * يسعدني ان يكون هناك اعضاء مشاركين بهذا المنتدى وهم من خارج مدينه بريده |
| الساعة الآن +4: 09:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.