|
ابي كليجا وحنيني
سلام لكل الموجودين
مين يعرف رقم طباخه ماهره ببريده تطبخ الحنيني والكليجا يجيب لي رقمه ولكم الف شكر |
انا اعرف وحده بس وشلون ارسل الرقم
|
وتين اسدحي الرقم ع مسؤليتـــــــي
|
هه ماحد يعرررف
|
وين الرقم
مشتهيه حنيني |
الكليجا ام صالح التويجري اللي بحي المنتزه الغربي يهبل ماشاء الله
اما الحنيني ماتوقع انه تزينه بس اسالي |
تجيدنه بمحلات المنتجات الشعبية
|
انا اعرف وحدة
تسوي حنيني ماشاء الله يجنن مرة |
والكليجا ناخذ من ام التويجري وام المطلق
|
الكليجا <ام زيااااد رووووعه ماشاء الله
|
جيبي الخبزة الكبيرة اللي مثل الكيك مدورة ومنفوخة وفيها نخالة (هرفي) افرميها و اضيفي التمر المعجون وزبدة وحميه على النار يطلع أحلى حنيني ولا تنسين تدعين لي |
اقتباس:
|
اقتباس:
بس وين احصل هالكيكة(f) |
أتوقع ببندة والعثيم تكون موجده من انتاج مخابز هرفي
|
ام صالح التويجري
|
اعرف وحده ساكنه بالحمر كانت تسوي كليجا جوناااااااااااااااااااان
بس ضاع الرقم الي عندي اذا احد يعرف يرسله لي كانت تبيع الكليجا عند رجل بالسوق بشارع الصناعه... |
ام عبد الله الحنيني
|
حنيني هرفي افضل شي
|
الكليجا ام المطلق بس منتالي قطااااااااارة بالموت ترد وتعطي
|
الله يعطيكن العافية ما قصرتن مع ان مدري وين صاحبة الموضوع صرت ارد بداله!!!!!
لقيت حنيني ابو صالح والله يهبل |
أم بدر (مراصيع + زنجبيل ابيض +) اللي تبي رقمه تقولي ارسله على الخاص... |
تلقينه بمحل شعبيات ولا هضيم..|| |
اللي تبي رقم ام فيصل
للحنيني ترسلي ع الخاص |
الحنيني أم العايد بحي الخليج أسألي عنه للأسف مامعي رقمهم |
اقتباس:
ماااااااااااااااااااااحد يعرفه يعطينا رقمه |
محلات الجزيييييره خيااااااال
|
حلمي الماستر بس حبيت اصحح لك معلومه ام المطلق حاليا تعبانه ادعوا له بالشفاء العاجل
|
عندك كليجا وحنيني ام خالد البطي مرررررررره خطيييييييير
|
مشكوووورين لكل الي ردوا من زمان عن النت
بس حلو كثير الي يسوون حنيني عندنا وام الزيد تعرفونه الي تسوي كليجا؟ |
ام خالد البطي هي الي تسوي خلطه النفاس عندنا؟؟
|
اكواس بنت حلالك الموضوع
انتي بمكاني |
الكليجا لاتعدى كليجا ام الزويد
|
يابعدي ياسويـــــــم
|
الكليجا عند العوس يجننننننننننننننننننننننن بصراحه وخفيف حتى ان كنت تبي بالتوفي والحنيني مااجربت الا هرفي
|
الاعضاء ماقصرو معك وعندك المحلات الشعبيه تحياتي للجميع بروووكي |
يسلمووو لكل الي ردوا
من الردود بانت شعبيه الحنيني والكليجا عندنا ههههههههههههههههه |
ياجمااااااااااااااعة .. انا ابي حنيني .. منهو اللي يبيع حنيني اولالالالالالاهـ .. قسمن بالله قطرن سعابيلي .. كزولي رقموهـ ,, ولا دلون بيتهم .. |
فيه محل عند الفاخريه يبيع تمر وحنيني
حلو ماعليه وسعرها عشرين ريال بس ابي ازين منه |
ام عبد الله بالتغيره عنده حنيني على كيف كيفك ومطازيز ومرقوق ومراصيع وقرصان بيتي طحين ديره وتسويه طازج على الطلب وتحطينهن بالفريزر بس لا بغيتيهن اطبخيهن 3698736
|
ام صالح عنده كليجا بس
ماتسوي حنيني اليوم اخذت منها |
انا ابيع حنيني
واللي يبي اسوي له واحطه بمحل جنوب بريده |
اوك سمو الكلمه
ابي شى زين لاهنت وكم سعرها شلون اتواصل معك ابي يكون حار عشان اكله بسرعه ماله داعي اطبخه اقين |
عندكم ام عادل كليجا على كيفك على ضمانتي والله نظافه وطعم ما اخذ الا من عنده وطازج تلقينه عند امه في السبره قبال المواقف اللي عند مرايا الصغير قولي وين ام القبلان وساليه وين حق بنته والله ما تندمين :41
|
اقتباس:
انت حدد اليوم والوقت وانا احطه لك ببقالة القفاري اللي بحي الابراج ويكون حار |
وبما أنك أول وآحد يشتري لك خصم نصف السعر
عشرهـ ريـال / |
تسلم والله
خلاص الاسبوع الجاي بيكون وقته المغرب بس بحدد لك الموعد السبت او الاحد او الاثنين انزين ياخلفهم |
السلام عليكم فيه أم عادل تسوي المراصيع والمطازيز والكليجا والحنيني وبرضو خلطة القهوه نعبي فريزرنا منه :) مووووفقين |
مشكورين لكل الي تفاعلوا مع الموضوع
والله يوفقك ياسمو الكلمه (كذا نبي بنات ديرتنا تبيع لنا وتصير لها كلمه عندنا مو كل شي اجانب ) |
سمو الكلمه وينك
والله مدري انت بنت ولا ولد وصف لي بقاله بالتمام بطلب بكره عقب المغرب موعدنا وش قلت ياخوي |
وانا ابي كليجه وحنيني ابي اخذه هديه لهلي في حائل
تكفون اللي عنده رقم يرسلي على الخاص وياليت تكون في شمال بريده لأني مأدل |
انا انثى
الوصف عز الله تهت من وصف حريم عموما البقاله على الشارع العام وهي تابع لمحطه بنزين بحي الابراج (الشروق ) اسال وان شاء الله تدل احطه لك بعد صلاة المغرب مباشره غدا الاحد ان شاء الله ان بغيت |
يعطيك العافيه اختي نوربريدة معليش ما أقدر ارسل رساله خاصه
لكن اللي يعرف وحده تسوي كليجا طازجه ويفضل في شمال بريده بليز ارسلو لي الرقم |
الحين مهرجان الكليجا اللي في مركز الملك خالد خلص ولا باقي
|
باقي حتى يوم الاربعاء
|
^^^
يعطيك العافيه |
كليا أم صالح التويجري
يهبل وبشهادة الجميع دايم ياخذون منه إذا افتحت الجنادريه تبين رقمه |
^^^
اذا ماعليكي امر ارسلي لي رقمها |
الحنيني ام فهد الجطيلي وااااااااايد حلو
وبصراحة عليها طلبية كبيرة راسليني ع الخاص واعطيك رقمها |
اقتباس:
خلين اول شى اشوف محل بقاله وارد لك خبر ياليت يكون ردك سريع وتكتب وقت كتابه ردك عشان اعرف |
لا يفوتكم حنيني ام فيصل
رووووووووووووعه 0533577847 |
راح اوصف لك بعد ما سألت وان شاء الله صحيح
تدخل الشارع بين مصنع البيبسي والحديقه يكون المصنع يسارك وتطول لحد ما يجيك حرف t تلف يمين اجباري لحد ماينتهي بك الشارع تلقى البقاله (بقالة القفاري ) وحدد اليوم والوقت وأحطة أن شاء الله لك حار |
تيب
انتظر مني خبر |
اللي يقولون من هرفي وين احصله ؟ اي هرفي المطعم ولا غير
|
انامتابعه ابو أسامه
كريستال تلقينه عند بنده |
عن الكليجا
محل الشعبيه اما الحنيني ما ادري ؟ |
شكل حنيني ام فيصل زين :)
|
طيب والمعمول؟؟
|
أكوس بنت فيه وحده بالرياض يمدحونه للمعمول وتوصل للقصيم
|
السلام عليكم عندي رقم وحده تسوي الي طلبتي ارسله لك على الخاص
|
اقتباس:
|
سموووووووووو
اليوم الاحد بعد المغرب وش قلت الله يستر لا اضيع بالوصف بكون قبلها العصر ادور |
خلاص ان شاء الله احطه لك بعد صلاة المغرب مباشره
ان اعجبك لاتنسى الدعايه دعواتك لعيالي ربي يوفقهم ويسهل عليهم الامتحانات وجميع الطلاب |
هههههههههههههههه
سمو الله يحرم وجهك على النار جد طعمه يجنن وحار بالحيل شف وش سوى بي العامل والله ياقصتي معه قصه ياشيخ جيت قبل الصلاه عند بقاله++لاني ماشي على الوصف بالتمام وصليت بالمصلى يوم خلصت كملت راعي بقاله قلت مايجي اغراض فيه نفر كلم عشان رز ابغى رز قلت اي رز انت وخشتك وين انت عايش قلت اغراض ثانيه مو رز بالمغرب قال روح بقاله ثاني وميرالله ينكب شيطانه..حسسني اني غلطان بالبقاله ودان بقاله يم طريق حائل حسيت نفسي ماوكلي الصغير حسبي الله عليه مادري وراه وصف لي هالبقاله فرع ثاني اسمها قفاري ودرت بالبقاله الثانيه لين ماطفشت وراح الوقت وانا ادور دوران بالدائري اخر شى قلت بروج لنفس بقاله غديه حطوا شى ويمكن عامل غلطان...بس متى رجعت عقب ماداخ راسي وامحط للبقاله بعد معاناه يوم شافن العامل بدا يركض عرف انه غلطان وافك الباب قلت وراه تقلعن بحايل قال اغرض الحين يجي هههههههههههههههههههههههه يالله حسيت بشعور غريب يوم شفت الاغراض؟ ضيوفي بالبيت ينتظرون ويدقون علي وانا لابسهم واخذه قال وش ذا صديق ايش ذا قلت هذا رز مافيه معلوم رز بخاري هههههههههه واخذه وادوس للبيت والحمد لله صح اني تاخرت عليهم بس سالون من وين شريته قلت سر المهنه قالوا يبون يتعاملون معك عموما الله يوفقك جد يجنن الحنيني اضغط على نكي وسو لي طلبات صداقه عشان بروفايل يتفعل معي البروفايل غير الخاص لان صعبه كل شوي بكتب بالموضوع ذا واتوقع بيقفلونه بالبرفايل يكون بنفس صحفتك طلبات صداقه see you |
جزاك الله خير
انا أرسلته على الموعد بعد الصلاة مباشره وقال لزوجي انه جاء قبل المغرب وحقيقه العتب علينا ماحطينا خبر عند البقاله والحمدلله انه اعجبك لكن المبلغ كثير عليه الله يجزاك خير ويبارك لك فيما اعطاك |
اسأل الله ان يبارك في عيالتس ومالتس
واٍسأله باسمائه الحسني وصفاته العلى ان يكتب لكم الخير اينما كنتم وان يسدد خطاكم ويعلي حسناتكم ويكفر خطيئتاكم اواٍسأله باسمه الاعظم ان يرزقك صلاح ابناءك امين ماجان طلبات صداقه مدري وراه اتوقع عشان مشاركات انت تعرف كيف البروفايل يتفعل بالمنتدى؟ |
اتوقع عشان مشاركات انت تعرف كيف البروفايل يتفعل بالمنتدى؟
ربما لابد من وصول المشاركات لـــ 70 |
| الساعة الآن +4: 09:47 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.