أبي محلات ماركات رجالية(اللي يرد له دعوة خاصة)
 

أخواني أنا من سكان بريدة الجدد,وأبي محلات ماركات رجالية ..

جاكيتات وتيشرتات وعطورات وكنادر ومن هالكلام ..

ومثل ماإتفقنا اللي يرد له دعوة خاصة:d ..

أخوكم عبدالله في حاجتكم فلا تخذلوه ياأهل بريدة:cool: ..

محبكم:د.أبو ياسر

مشكورة ياأختي ..

سجل عندك الموسى بالخبيب:) ..

بس لو تقولين مكانه بالظبط يكون أحسن ..

دعوة خاصة للأخت وردة الجوري ..

الله يحييك ويبقيك يابعدي:) ..


مشكور يالغالي على الإفادة(f) ..

نرده لك بالأفراح:d ..

وأهل بريدة ماشفنا منهم إلا كل خير فديتهم(h) ..

فيه محل اسمه (شو اكسبرس) في النخيل حق كنادر
ومثل ماقالك فيه سنتر بوينت

مشكور يالغالي ماقصرت(f) ..

وكنادر :eek::eek:
ههههههههههههههههههههههههههه من وين جبتها اولاه :d:d

هذا اللي قدرت عليه؟:i121

أمزح يابعدي:d

بس ترا أنا من أهل بريدة بس من أول ماعرفت نفسي وأنا بالرياض(h) ..

مشكورة أختي بارعة ..

الله يعطيك العافية ..

اللهم اشف والد بارعة شفاء عاجلا لايغادر سقما ..
وأخرج لها وثيقتها غدا

هذا اللي قدرت عليه؟

أمزح يابعدي

بس ترا أنا من أهل بريدة بس من أول ماعرفت نفسي وأنا بالرياض ..

هههههههههههههههههههههههه يالبى قلبك انا من اهل القصيم ماقد سمعتها هههههههههههههه
احس اللي يقولونها ماتو هههههههههههههههههه

هههههههههههههه

ترا أنا الحين قايل كنادر عشان ماتستغربون:cool:

والشيء الثاني إحساسك خطأ لأن فيه ناس واجد يقولونها:d

حياك ياغالي شرفتني بمرورك(f)

مشكور أخوي جغمة على المساعدة ماقصرت والله(f) ..

يعني مايكفيك واحد بعد؟:confused:

دوعابة دوعابة:d

أشكرك مرة ثانية على ردك الأكثر من رائع ..

وماراح أنسى جميع من رد علي من الدعاء ..

محبكم

للرفع:)

شكلك انوااااااااااااااااااااااااع الجاملات ... لكن يوجد بمحلات الراجحي بطريق الشاحنات مطلبك يالذيب

مشكوور ياغالي(f) ..

بس مافهمت وش تقصد بأنواع الجاملات:confused:

محبك

الحسون اطلق من كل الماركات

لبى الحسون بث ..

المشكلة إن الحسون كبير ومالي نفس أقعد أدور فيه كله:cool: ..

نورت/ي موضوعي(f) ..

الموسى اشتريت منه والشهادة لله إنه حلو مررة ..

مشكورة أختي ماقصرتي والله ..

نورتي موضوعي(f) ..

اللهم يسر لأختي طموح مشرق أمورها ووفقها في الدنيا والآخرة وحقق لها كل ماتتمناه ..

هههههههههههههههههه
اما الخبيب ............. تدري وشو الخبيب !! مثل شسمه االبطحاء والبطحاء ازين بعد

مع انهم يقولون لاتستهونين فيه والله اعلم !!

اذا كنت تبي ماركات عالمية مثل بوما واديداس ومدري وش بعد

http://upload.alhilal.com/img/008/bf...7816e04c11.gif

هع نادر بتلقى بالقصيم
اما اذا تبي ماركات القصيم يعني لك عليك .. العثيم نادر تلقى فيه
يمكن النخيل تلقىا فيه اعتقد فيه ماركات عالميه


وفيه سوق قريب رررررررررررررحت له بصراحه الملابس الرجاليه عنده سبورتات وجنزات وكل انواع واشكال البدل عنده بصراحه اعجبتني حلوه
الي هو الشششششششششامل ..
بس الجزم وانت بكرامه مادري !!
خلك بالعثيم والنخيل ولا اي محل ياخوي انت بالقصيم تراك اهم شي تنقى الزين موب مهم ماركه

نفسي اروح اشوف القرعاوي !! يحكون فيه وبقوه انه ماررررررررررركات وحركات وكشخه

وشو على هويني
حنا اقصد يوم اني ساكنه بديرة غير ديرة القصيم كانت فيه محلات ماركات عالميه وكل محل متخصص بماركة مثلا بوما بولو . وكذا يعني
ويمكن الرجال متعود انه يشتري من ذا الأماكن ويحسب فيه موجود ببريدة يمكن محل به بقايا ماركات تجميع او تقليد ماركات تجميع بعد ومادري
عموما انا ما ادري عن القرعاوي ولا الموسى مع اني سمعت عنهم بس مازرتهم لين الحين
لأن المكان بصراحه موب حلو .

بعدين في ماركات كثيره او عفوا اقصد محلاااات معروفه دورتها بالقصيم مالقيت

وان شاء الله الأخو يلقى مررررراده

نكست بالنخيل
لبسهم مرررررررررررره رآآيق
أنصحك فيه

بوارث حلو .~

صادقة أختي أم عبدالله ..

بالقصيم مو أي شيء تبغاه تلقاه متوفر,بعكس الرياض اللي ببالك كله موجود ..

لكن فيه بالقصيم أشياء حلوة مثل سنتر بوينت والموسى حلو بعد ..

مشكورة أختي على مرورك وتشريفك لموضوعي ..

لبى قلبك أخوي بعثرات قلم وربي ماقصرت ..

الله يجزاك عني كل خير يالغالي ..

تقبل تحيتي على مرورك العطر(f) ..

محبك

متشكر أوي أوي روحي تحبك على الإفادة ..

صادقة نكست عنده أشياء رووعة ..

مشكورة ماقصرتي ..

ياليت تفيدنا أكثر عنه ..

وش سالفة اللي تحت بالأبيض؟:confused:

متشكر ياغالي ..