|
بدون موضوع .... 1مهستر
السلام عليكم ورحمة الله وبركاته اخواني الاعضاء : مرحبا بكم جميعا .. اتمنى ان تكونوا بصحه وعافيه اكتب لكم هذا الموضوع وانا جالس في مخيم بالطرفيه وتنقط علينا .. والجو رهيب مررره عسى الله يزيده ويجعله عطاء برضا منه .... >>> ماله دخل بس مستانس قوووووه نبدأ بالموضوع : الحقيقه مااعرف وشلون ومن اين ابدأ .. ولكن ي ابدخل بالموضوع بدون مقدمه .. حنّأ شلّة شباب ... ستة اشخاص .. رجال ولافيهم اي كلام .. مانب امدحهم عشانهم اصدقائي .. لانهم مهب هم الوحيدين لي .. والدليل انهم رجال .. واحد منهم حرم نفسه من سيارة يريده من زمااااان .. ولكن طلّع سيارة جيب آخر موديل لأهله عشان تنقلهم من مكان الى مكان >>>بلا منّة عيال الخالات ويتحمل على نفسه ثلث راتبه من أجل أهله .. أليس هذا رجلاً يستحق الأخوّة ..؟؟ وكلّهم والله كذلك ... وجميعهم متخرجين من الكليه وجامعيين ومثقفين .. الشّاهد من القصّه أن عيبهم الوحيد .. أن الخمسة جميعهم مدخنين عافنا الله واياهم... ماغير أنا ... تارك الدخان بفضل من اكثر من ثلاث سنوااات ... وأنا أعاني من تدخينهم عند الامرّين .. اتذكّر الريحه .. مع اننا من زمان نجلس مع بعض ... لكنّي الحمدلله مازلت تاركه هالطاعون .. ابي رايكم يااخواني .. اتركهم والا مااتركهم ..؟؟؟ يهمن رايكم ..:) |
تركهم سيعطيهم إنباع سيء ولو ناصحتهم وحذرتهم بطريقة أو بأخرى يكون افضل |
احد يكون معه اصدقاء ويرتاحلهم وبعدين يتركهم ؟
وبعدين الدخان تقدر تنصحهم بطريقه غير مباشره حافظ عليهم |
ايه صحيح لاتتركهم يمكن يكون تركهم للدخان على ايدكـ
|
< الله يحييك أنت و أصحابك ، وهذه من نعم الله عليك أن تجد أصدقاء بهرجولة > < لا أرى أن تتركهم إلا إذا يأست من نصحهم فتمام رجولتهم الابتعاد عن التدخين > < وأرى عند نصحهم أن تتجنب نصحهم في الجماعة وأن يكون نصحك على انفراد فعندما يجتمعون يتقون عليك > < ولعلي أدلك على نصيحة ذكرها الشيخ / خالد الجبير ، وهي نصيحة لكل مدخن عازم على تركه أو يتمنى الاقلاع عنه > < يقول حفظه الله : لكل مبتلى بالتدخين ، أن يعاهد نفسه إذا دخن سيجارة وانتهى منها أن يذهب مباشرة ويتوضأ ويصلي ركعتين > < ويستمر على هذا الأمر كلما دخن سيجارة واحدة يذهب يصلي ركعتين ، وعندما سئل الشيخ عن العلة وارتباط الدخان بالوضوء والصلاة > < أخبر بأن الشيطان يدفع الناس لشرب الدخان لحرمته وخبثه فعندما يدفع بالوضوء والصلاة فسوف يحاول الشيطان أن يبعد هذا الشخص عن الدخان حتى لا يكرر الوضوء والصلاة > < وأسأل الله تعالى أن يصلح شباب المسلمين ، والله أن العاقل يتركه بدون تفكير في طريقة تركه > < لك ودي وتقديري > |
هاي انت انت مهبوول تترك اصدقاء بهم الموصفات هذي
تدري عااد تحداك تلقى ولد مايتتن كل اعيال يدخنون الله يهديهم بس .. انا احسبهم راعين مخدرات <<<<بسم الله عليهم |
بالرغم انني لم ادخن ولا عبثا في حياتي ولله الحمد والمنة ولكن لا ارى ان تركهم سيزيدك شيئا ولا سينقصهم شيئا هي بلوى ابتلوا بها ادع لهم وبين لهم انك تكره الدخان ولكنك تحبهم من اسوأ الاشياء التي اجدها في مصاحبة المدخن حينما يكون اكبر مني وعزيز علي ويشب السيجارة في مكان مغلق كنت استحي ان اتكلم الان صار عادي لما نكون مثلا في سيارة او في مكتبي ويجيني زميل ويولعا اقوله معليش انا انحشر من الدخان عشان كذا اسمح لي ابطلع لما تخلص منها وبلاخير ما افي احد يدخن في سيارتي ولا مكتبي ومعلق لوحة اذا كان من حقك ان تدخن فمن حقي ان اتنفس الهواء النقي شكرا لطرحك هذا الموضوع وكفى بالمرء نبلا ان تعد معايبه |
تتركهم عشان مدخنين؟..!!
صحيح انه بلوى لكن اسئل نفسك هل انت خالي من الذنوب؟..اكيد محد معصوم .. وهم كذلك لك انصحهم وحاول معاهم.. دوووم ان شاء الله جمعاتكم على الطاعه والوناسه ان شاء الله.. |
الله يهديهم و يعصمهم من الدخان وزي ما قال المشرف .. |
ارى ان لاتتركهم وحاول معهم بالنصح والارشاد وكما ذكر الاخوة قبلي حاول معهم باللين والتودد
وذكرهم بطريقة خالد الجبير التي ذكرها اخي يحيى فقيه,,, ادعيلهم بكل وقت بأن ربي يصرفهم عن هذا الخبيث وكن موقناً بالاجابة وتحرى دائماً اوقات الاجابة لان دعوة المسلم لاخيه المسلم في ظهر الغيب مستجابه وبإذن الله سيهتدوووون عما قريب ايضاً استغفر ربك في كل وقت واجعل لسانك دائماً يلهج بذكر الله فالاستغفار له فوائد عظيمه جدا وسترى ثماره قريبا عليك وعلى زملاؤك ,,, اسأل الله العظيم رب العرش العظيم ان يهديهم للصواب وان يعافيهم مما ابتلوا به لك ودي وتقديري وتقبل مروري دمت برضى الرحمن |
ههههههههههههههههههههه انت تتكلم من جد يعني تفكر تتركهم ع شانهم يدخنون ؟؟ انا ماني معك بهالفكره
لكن من ناحية الجو فأنا ابصم بالعشره انك صادق يا حبينيلك تقبل مروري |
اقتباس:
بصراحةً ياخوي انا ارتاح لهم .. لكني ماراح اتركهم مره .. بس ابتعد عنهم شوي .. يعني أخفف العلاقه شوي .. لاني اتأذى من الدخان .. والتدخين السلبي انا خايف يضرّن .. يعطيك الف عافيه ياخوي(h) |
الله مير يهديهم
وامطار خير وبركه وررر |
لاليش تتركهم بالعكس اقترب لهم اكثر وتلقاهم بعد اطهر وانقى قلوب من اللي مايدخنون الا من رحم ربي والدخان ليس حله المقاطعه للشخص ذاته ادامكم احباب فأنتم امل الامه بعد الله |
[mark="#000000"]اخــــــي 1مهستـــــــر اصحـــــاب مثــل هــــأولا صعــــب تركهــــــم ولاكــــــن حـــــاول بأن تأثـــــــر فيهـــــم بنصحــــــك الدائــــــم لهــــم وجــــلوسك معهـــــم ومنــــاصحتهـــم يمكـــن يكــــون بـــاب خيـــر لك ولهـــم امـــا تــــــركك لهـــــم مــــراح يعمـــــــل شــــي لافــــي مصلحتهـــــم ولا مصلحتــــك والله يعطيــــــك علـــــى قـــــد نيتـــــــــك}[/mark] |
أنا بصراحه عكسكم تماما ...........
الدخان بلاء عظيم ......ولو ماكنت تدخن الجو الي تعيشه معهم وتستنشق هواه بحد ذاته مرض ...والتدخين يتلف خلاياء المخ وبالإضافه أنك ماتضمن نفسك أنك ترجع للتدخين اذا كانت رفقتك كذا ..>>حماك الله لأن الشيطان يجي خطوات وحتى هم ماتضمنهم أنهم يأقفون على هالدخان >>لأن التدخين بوابة لكل بلاء ,,,,,,,, حتى لو كانت صفاتهم صفات رجال يبقى التدخين (حــــرام)....... وترى ماتاقف دنياك اذا تركتهم لأن أهل الخير واجد شرواك إن شاء الله....ويفرحون بالي تايب من تدخين وغيره ........ فأنا رايي تبتعد عنهم أحسن لك ........وربي يخلف عليك رجال خير منهم .... والصديق الي تمشي أنت واياه على استقامه وهدايه وتمشون على طريق الجنه أحسن لك....لأن الجنه حفت بالمكاره ,,والنار حفت بالشهوات >>والتدخين من الشهوات ...وابتعادك عنهم من المكاره ,,والله أعلم ....وفقك الله |
والله اخوي مهستر اشوف انك تقلهم وتظهر لهم انك مضااايق منهم عشانهم يدخنووون...............ووضح لهم مضااارة حتى ولو كاانو عااارفين...............واذا طلعتو سوااااااا.......سوى نفسك مكتووووم وكح بقوووة ..وكل مرررة سوى نفس الحركه...عشااان ماعاد يدخنوون هع:cool:
|
لالاتتركهم لاكن أنصحهم
وإذا بدوا يدخنون أطلع عنهم الله يهديهم ويهدي شباب المسلمين اجمعين |
ليه اغلب الاعضاء مستغربين انك تتركهم عشان الدخان ..؟؟ ياناس ترى اغلى مابالانسان صحته اذا دمرت وش يبغى به ؟؟ ابارك لك قوة ارادتك وتركك للدخان ..والله يثبتك وعقبال مايتركه اللي في بالي يااااارب.. انت خفف من طلعاتك معهم ..اما تقطع بهم لالا ماانصحك |
انا اقول اتركهم
عشان ما يهسترون :d |
اقتباس:
هلا أخوي يحيى .. بارك الله فيك ياخوي .. نصيحتك على راسي .. وطرية الشيخ خالد الجبير ممتازة .. لكني دائما أنصحهم باضرار الدخّان الصحّيه والاجتماعيه فقط ... لكن العواقب الدينيه ماعمري قلت لهم .. ولا من علم ديني عشان أقول بأضرار الدخّان والعقوبات الربّانيه .. واللي اعرفه ان المدخن غالبا مايكون ضعيف بالدين ورديئ في العلاقات الاجتماعيه وخصوصا مع الاقارب .. وانا الحقيقه ماعندي نيه اتركهم .. لكن اشوف ان افضل لي اني أخفف من الجلسه معهم وابتعد قليل .. بارك الله فيك ياخوي وشرفت الموضوع .. |
اذا كانت علاقتك بهم قويه فانت بتقدر تقنعهم بطريقه او بخرى
بس يبغالك شوي صبر ولا تيأس مهما حاولت وماقدرت لانك ان شاء الله بالاخير راح تقدر تقنعهم بس لما تنصحهم لا تنصحهم مع بعض امسكهم واحد واحد وجزاك الله كل خير .. تقبل مروري .. |
** لا والله لاتتركهم إذا هم مرضينك وبينكم عشره وزي كذا بس المفروض هم يحترمونك فليس من الذوق والادب التدخين .. المفروض يخافون على صحتك لان الدخان يدمر الصحه .. وليت الكل يعرف انو مو كل مدخن شيء الخلق بالعكس فيه منهم اخلاقهم عال العال .. بس لو يخلي الدخان كان يكمل .. |
شف اخوي مهستر اقطعه معهم وماجاك علي عبدالله صالح
|
انا مستغربه من الاعضاء على تهاونهم بالدخان ليه خطر على الجسم وتدرون ماهي عواقبه الله لايبلانا ويكفينا شره وتقولون عشان دخان يتركهم ايه اجل عشان ايش هو متوذي من الدخان ويخاف على نفسه وكل العيال يدخنون ماهو صحيح الحمدلله والشكر اقولكـــ اخوي من تركـ شيا لله عوضه الله خيرا منه اتركهم وان شاء الله تلقى افضل منهم يدلونكـ على الحق الصحيح والله اني خايفه عليك يأثرون فيكـــ وانت ناصحهم ولا تنسى تدعيلهم باوقلت الاستجابه وتذكر من تركـ شيا لله عوضه الله خيرا منه اللهم اهديهم وثبت دينك على الحق |
ورآك مآ عزمتن معكـم :i121 صرآحة آلجو أمس جنآن :41 صآحي أنت تكتب موضوع وانت بآلبر <<ذذ:113: أيه بآلنسبة لربعك الله يشفيهم ;) أنصحك تبعد شوي عنهم لأنه صحتك مهمه لك ولعمرك بس لآتقطع بهم وحآول ترسل لهم رسآيل بين كل فترة وفترة تنصحهم وتذكر قصص وأدلة على التدخين هذي آلطريقة ممتازة قووة وكم وآحد سويت معه هآلحركة وبعضهم تركه وبعضهم قلّ شربه للتبغ :d الحمد لله بس بشرط تكون آلرسآيل قصيرة وآلنصيحة تصيغه بأسلوب حلو ويحمس :) وعآآدي تذكر لهم هآلنكته :052: بوه ضابط يحقق مع محشش الضابط / إذا كآن آلتدخين محرم وش تتوقع يكون آلحشيش ؟؟ آلمحشش / آتوقع يكون ذو آلقعده ذذذذذذ :113::113: وقبل أخلص فيه وآحد مدخن وتآيب << الله يثبته يقول أني قبل مآ اترك آلدخآن إذآ نصحون أخوآني وإلا ربعي أحس بشيء يخنقن :eek5 لأني ودي أتركه بس هي بلوى وآلحين آلحمد لله شديت :020: وقدرت أتركه بسهولة :) يعني آلدخآن يبيله شوي ضغط ع آلنفس وبس سلآآم تشكر ع آلموضوع آلمميز يآمميز (h) |
... بالبدايه اهنئك للتركك هذا الخبيث وانصحك ان تتمسك بهم لان في هذا الزمن قله من هم بحق اسم الرجوله وعليك نصحهم ربما ان يهدي الله بك رجلا خيرلك من حمر النعم .... |
اقتباس:
غلطاااانه .. فيه شباب وااااجد مايدخنون ابد ابد ابد .. لاتكون نظرتك سلبيه .. أنا قصدي اني اتركهم عشاني لاجلست معهم تصير الغرفه تقل سُحب ركاميه .. اصير اتنفّس دخّان .. ولاهوب قصدي اني اقطعه معهم .. بس اخفّف منهم .. بارك الله فيك |
انت اصدقاك مثل اصدقاي بالضبط
المشكله اذا دخن واحد دخنوا كلهم بوقت واحد وانا ولله الحمد مادخن ولا قد دخنت وان شاء الله ما دخن اللي صار اني قطعت بهم مرتن وحده عن الاستراحه وعن الطلعات واذا دقوا علي قالو وراك ماتجي قلت الصراحه انذبحت بالدخان وبحكم الصداقه القويه بيننا ثم طبعا قدرو موقفي بس ماتركو الدخان وصارو ما يدخنون جميع بوقت واحد ولله الحمد حتى هم ارتاحوا يالله لك الحمد ولكن للاسف انا ماقدرت اكمل بس صرت اجيهم بالاسبوع مره واوقات بالشهر مره والصراحه انه ماودي اتركهم بس ماقدرت بالاخير اقولك ان تركتهم وللاسف الشديد ولكن ما باليد حيله |
اقتباس:
لست تاركهم يااخي الكريم .. بل اخفف من الجلسه معهم .. ولكن يااخي لو كل واحد سوى مثلك .. كان انقسم المجتمع الى قسمين : قسم مدخنين قسم غير مدخنين واعتقد ان الانقسام مهب من صالح المجتمع .. بارك الله فيك اخوي |
اقتباس:
بارك الله فيك يااخت نالا .. حاولت معهم مرارا وتكرارا .. ودائما اذكرهم باضرار التدخين .. بس كل مرة انصح واحد منهم على جنب .. ويقتنع بكلامي .. بس عقب فترة يرجع للدخّان .. يقول عجزت ... بعضهم له اكثر من خمس سنوات .. فصعب شوي انه يتركه .. لكن طريقة الدكتور خالد الجبير اعتقد انه هي الافضل ... ابحاول معهم اغاديه تجيب نتيجه .. اخوياي طيبين ومابه شيء .. بس انهم يدخنون .. والدخّان مأثر عليهم بالصلاة والعلاقه مع ربي وربك.. صايرين ضعيفين بالدين مرّه... حتّى اني صاير مطوّعهم .. اذا بغوا فتوى جو لمّي يسألونن .. الله يهديهم ويعافيهم ولايبلانا .. بارك الله فيك اختي نالا.. |
اخ 1 مهستر .. حاول انك انت تأثر بهم وانشاء الله يهديهم على ايدينك... الحق مهما طال الوقت لابد ان ينتصر... |
اقتباس:
ياحبي لك وياحبي لمرورك..:)(f)(f) |
اذا مسكوا السيجاره اثناء جلوسكم ابتعد عنهم لين يخلصون ثم ارجع للمجلس <<وحده ذكيه
|
اقتباس:
بارك الله فيك يااختي .. لكن مافي احد خالي من الشهوات والذنوب .. يوجد لدي أصدقاء ملتزمين ومطاوعه كثيير .. بس هذولا اصدقاي منذ الصِغر .. وتركهم ماتشوفين انه صعب جداً ..؟؟؟ والافضل اني أخفف منهم قليلا جداً .. |
يأخي حاول تتركهم من ترك شيئاً لله عوضه الله خير منه
اتركهم واذا ماتقدرتتركهم قلهم كان انت غالي عليهم قلهم تراي اتضايق من الدخاااااان فيمكن اقطع بكم واخفف من زيرتكم واذا رحت لمهم خل معك فصفص ومسواك لانه يلهي عن الدخان الله يكفينك شره انا عمي كذا تركه بعد الله ثم علاج المستشفى والفصفص والمسواك ملازمات معه 24ساعه يفصفص الله يثبتك ويعصم جميع الشباب من هذا السم الخبيث |
الله يكتبلك الي فيه الخير... |
الدخان بلوى وشر على شباب المسلمين زوجي ترك الدخان 11 سنة ورجعلة صارلة سنة ويستحيل ان يتركة الان ويشربة بشراهة الله يبعدة عنة يارب |
× سسلآم من الله أليك,,~ الحمدلله الذي من عليك بتركه~..(أسسأل الكريم أن يثبتك ) وطرحك لهذا الموضوع دلالة وعيك بلآشك هو بلاء عظيم وأمر محرم لــكن .. الحل هو ( أنك تخفف من الجلوس معهم وتبين لهم أنك متضآيق من هالششي ..!) وأسسأل الله أن يجعل ماعملت في ميزآآن حسنآتك.. + |
لا وانا اخوك خلك معهم اهم شي اخلاق الشخص يمكن تلقى لك اصدقاء غير مدخنين لكن الاخلاق دمااار >> وياكثرهم |
الله يثبتكــ
طيب فيه كبسولات بالصيدليه تخفف او تساعد على تركه تبرع لهم وتصير كسبت اجرهم.. |
شكرامشكوراا
|
(h)
اقتباس:
حاولت مرارا وتكرارا .. انت المميز(h) |
اقتباس:
يعني رايك اسوي نفس طريقك ..؟؟ بس صعبه .. |
| الساعة الآن +4: 11:24 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.