|
رايكم يهمني0000
سلاااااااااااااااااام ع الجميع000حبيت اخذ رايكم بموضوع00مقلق صديقي الغااالي000هو عاااطل من سنتين يعني من الاستراحة للبيت مافية جديد بحياااتة000المهم00واحد من اصدقاي الثانين فتح مطعم وقالي اقولة يشتغل محاسب فية000طبعن عرضت الفكرة على العاطل00ورررررفض ليش؟؟؟ يقول صعبة مطعم مستحييييل وش يقلون عني الناااااس قلتلة وش عليك من الناس الرسول صلى الله علية وسلم كااان راعي غنم صفوة الخلق000رفففففض0000بسالكم00وش نظرتكم للسعودي الي يشتغل بمطعم000سواء محاسب اوغيرة000وع فكرة هو قاعد يشوف الردود وان شاءاللة يقتنع بدااال ها الضيااااع الي عايش فية0000دمتم بود000
|
اخــي الكريم اول شي تحيتي لك اخي الغالي مزيون بس مديون
ثاني شي سلملي على خوييك بالنسبة لنظرتي له نظره ايجابيه وبالعكس يكبر بعيني حتى لو يشتغل بمخبر مو محاسب بمطعم:) احسن من انه يتطبح بالبيت ومثل ماقلت من الاستراحه للبيت وترى ريال يحصله بجهد منه خيرا من خمسين ريال من احد ثاني شكرا لك اخي وشكرا لموضوعك لانه(رايكم يهمني) فهذا ان دل فهو يدل على تواضعك اخوي مزيون لو انك منتب غالي كان مارديت |
عادي مافيها عيب او نقص من قدره
حتى لو كان عمل اقل من هذا مافيها عيب وشلون يطلع وينجح بحياته إلا اذا ترك كلام الناس ورى واكمل مسيرة حياته بالنظر للامام بنظرة ملؤها التفاؤل والاصرار اكيد بيكون اول الشغل فيه تعب بس بعدين بيكون متعه ويكسب خبرة العمل في التجارة وبإذن الله يكون من اكبر التجااار ربي يوفقه ويرزقه واياك شكرا لك وتقبل مروري |
دام بالحلال فما في مشكله
يتوكل على ربه كل من يريد ان يعز نفسه عن الناس والناس مو نافعينك اذا جعت ولا عطشت ولا احتجت وكذا كذا الالسن ممدوده لو انك وزير وحبه حبه الانسان يبدأ يكون نفسه ويبني مستقبله |
الحلال حلو
وما فيه الذ من شغل اليد انا يوم عرفت ان واحد من قرايبي ترك العطالة واشتغل بمطعم ( يقلي ويوصل طلبات مو محاسب ) كبر بعيني وحسيت انه بدا يبني حياته لو بالشي القليل ما فيها شي شغل المطعم بالعكس يمكن هاذي بداية نجاحة بحياته قله يتوكل على الله ولا يضيع الفرصة واذا استلم الفلوس راح يذوق طعمهن قريبتي اشتغلت بجمعية براتب خمسمية ريال مع ان اهلها اغنياء وما هي بحاجة ريال لكن تقول استغل وقتي فتقول كانت الخمسمية فيها بركة غير عن الفلوس اللي اخذها باردة من ابوي من غير تعب الله يوفق صاحبك ويفتح له ابواب الرزق |
حياك الله أخوي
وقل لأخيك يستغل هالفرصة ويعمل وله في الأنبياء قدوة كما ذكرت عن النبي صلى الله عليه وسلم والأنبياء كان منهم خياط ونجار,,, لاتهتم لكلام ونظر الناس أهم شي انت أيش قاعد تعمل والحمدلله عملك إن شاء الله فيه خير لك وتوكل على ربك وسأله الرزق الحلال وفقكما الله |
دام بالحلال فما في مشكله
الله يوفقنا وياه |
طيب اشتغل محاسب او غيرها فيها شي .. .. * الشغل مافيه عيب * .. تحياتي للجميع برووكي |
أخوي ياليت تسأله ...... أيهم أفضل ياخذ فلوس من شقاء غيره ولا من شقاه...؟؟؟<< خله يفكر شوي يمكن يقتنع... الشغل مو عيب أبد لكن العاطل هو العيب .. إذا شفنا سعودي يشتغل بالمطاعم نفرح يقول لنا الوالد الله يحفظه هـــــذا الـــرجل العصامي الي عرف مصلحته وماهمه كلااااام الناس.... مزيون بس مديون ..يعطيك العافيه وجعله الله في ميزان حسناتك... .... |
لا والله ليش عيب بالعكس احسن من جلوسه بالبيت شكراً لك على طرحك |
خارق الجبال00والله اني انا اغليك بعد بدليل اني متابع مواضيعك المميزة وبانتظار المزيد شاكرلك اخوي000نالا00امييين شاكر مرورك00معلمة وفاء00صح لسانك00صافية00مشكورة ع الاضافة شاكر مرورك000شموخ انسان00امين صدقت اخوي000عزتي مالها حدود00امين شاكر مرورك000بروكي00شاكر مرورك اخوي00هيبتي بعثرتهم000شاكر مرورك000بشروه اني ابرحل00شاكر مرورك00
|
صررررراحة صديقك مدري وش يحسبة يوم الرزق طق بابة رفض حرررررررام علية يكفي انة يشتغل باالحلاااال ومن تابع الناس مااااااااااااااااااااااااااااااااااااااااااااات هم الله يوفقكم
|
الشغل عمرة ماصااااااار عيب00ولد جيرننا يشتغل بمطعم كودو يقطع بصل ويقلي ورااااضي ويقول الحمدلله اهم شي حلااااال ماهمني الناس00قل لصديقك تراها فرصتة لايضيعها علشان الناس اهم شي حللللللاال00الله يوفقكم000
|
القمرررر000بنوتة نااايس000شاكر الاضافة والمرور
|
نبيناداوود يأكل من عمل يدة
موسى رعى الأغنام عيسى كان يداوي محمدصلى الله عليه وسلم كان يرعى الغنم وذهب بتجارة خديجة بس شكل خويك لاقي أحديصرف عليه وهوياكل يعني مااحتد حاول بضرب الأمثلة |
بالعكسسسسسسسس العيب انة يجلس بالبيت لاشغل ولامشغلة ...فرصة لايضيعهااااااا وبالتوفيق ياااااارب
|
من يقووول الشغل عيب....؟!!!
بالعكس يشتغل بمطعم ازين من قعدته بالبيت ومَن الناس عليه ..الى مايفرجه ربكـ ويرزقه بالوظيفه السنعه إن شاء الله.. |
قديم هالحتسي الحين عااااادي كثير اعرف صار يطنشون نظرة العالم ويشتغلون بأبسط شغل
قل لخويك تعوذ من ابليس وخلك واثق من روحك وقدوتك الرسول يوم انه رعى الغنم وخصف نعله .. دام طريقك بالسليم كمله وطنششش بالاخير انت الرابح والناس خلهم يحتسون لين يملون *_* |
عاااااادي مافيه شى
انا اعرف واحد كان فراش والحين ماشاءلله من اغناء الاغنياء |
بالنسبة لرأيي..أحس إنو الأمر عاادي جداً وهذا يزيدك خبرة في هذا المجال بما إنك عملت محاسب في المطعم بعدين رااح تكتسب خبرة وبعدين يكون لديك عائد مالي وراح أنت تفتح مشروع مطعم... رزقك اللــه من فضله... |
اخوي انا اشتغلت بـ بقاالة .. و اشتغلت بمحل ملابس .. واشتغل بمستوصف .. وراتبي والله ما تعدى 1500 ريال .. والحمد لله .. ما يشرون الا من انا .. وتخيل اصدقاء الوالد .. مايجون الا عندي .. يقولون السعودي به بركه اكثر من غيره .. وهذا دليل انه مو عيب .. بالعكس تكبر بعين الناس .. وتخيل اخوي .. ان الراتب الواحد يقعد معي فوق الشهر .. يعني الحمد لله .. تحس ان الريال جايك من تعب .. وقل لخويك يشتغل بالمطعم .. وصدقني انا اول شخص ابشري منه .. وابشحطه .:) |
والله اللي يشوف كلام الناس ماراح يفلح في شى وش فيها مو عيب الشغل
|
السلام عليكم للجميع
قل لخويك ولا اقول اقراء الرد ياخوية انا تزوجت طالب بالجامعة بعد سنة جتن وضيفة وشي فراش مسجد وافقت ما قلت عيب وبعد ثلاث سنوات من الوضيفة الاولى جتن وضيفة بشركةوراتبها ولله الحمد4000 مع التامين لجميع المستشفيات الاهلية |
حب لاخيك ماتحب لنفسك00شاكر اضافتك المميزة والمرور00رقة انفاس00مافي شي اسمة محال000شاكر الاضافة والمرور00
|
سماوة الخيال00جمال انثى00طموح مشرق00شاكر المرور
|
ساندرا00جذاب لاكن00شاكر المرور00اجهلك00الله يهنيك اخوي بشغلك الجديد وفعلن الشغل موعيب00وهذا انت قاعد تفتخر باالاشياء الي سويتها وماشاءالله الراتب فية بركة عندك0000شاكر مرورك اخوي0000
|
اخوي ترا المجتمع تغير
بصراحة ربع محلات بريدة الي يشتغلون به محاسبين وماأتوقع انه عيب |
والله فرصـه حلوه وحرام يضيعها من يـده
وعمر الشغل ماكان يعيب او ينقص من قدر الواحد لانه شوفه عينك الحين مابه وظائف ولا شي |
بالعكس مافيها شيء .. الشغل مو عيب .. بعدين صديقك إذا هو خايف من كلام الناس قسم ماراح ينفعونه ولايساعدونه لو يبي منهم اي خدمه .. انا بصراحه الشاب السعودي لو اشوفه يبيع خرده افضل اشتري منه افضل من الاجنبي .. ليس تقليل من الاجنبي ولكن ابن البلد اولرى من غيره .. خل صديقك يشتغل بنقل الطالبات .. سواء بالكليات او الدور قسم شغله مربحه .. الله يوفقه ويكتب له الرزق الحلال ويفتح له ابواب رزقه .. |
السلام عليكم ,,
بصراحه أعجبني موضوعك .. وماعندي إلا شي بسيط يكون بعلمه خويك لاشفت سعودي انا ولا أميمتي((الله يحفظه)) ندعيله بالتوفيق والرزق وننبسط والله ماتصدق دعواتنا له ــــــــ والشغل فخر مو عيب . .. لايــــــتــــــردد .. خله يـــجـــزم |
مجرد عمل في أي مجال يعتمد على مقابلة الجمهور هذا مكسب كبير جداً نحن لا نقدره أو نجهله هذا المجا يسصل الشخص و ينمي فيه طريقة التعامل مع جميع شرائح المجتمع و معرفة الشخصيات و الأذواق و طلاقة اللسان الشعب السعودي خجول بزياده و فن التواصل يكاد يكون معدوم لدى الشباب للجنسين .
فأنا أعتقد إنها فرصه مفيده جداً و حنى تملكتنا هذه الفكره أنه لزم الشخص يتوظف في الحكومه و راتب صح او يتبطح في البيت و الإستراحات و الوقت الضايع نبي نحاسب عليه . . |
| الساعة الآن +4: 09:25 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.