بريدة ستي - فستان للبيع

بريدة ستي (http://www.buraydahcity.net/vb/index.php)

- عَـالـمــ أنــثـى ~ (http://www.buraydahcity.net/vb/forumdisplay.php?f=73)

- - فستان للبيع (http://www.buraydahcity.net/vb/showthread.php?t=240010)

فستان للبيع

السلام عليكم ورحمة الله وبركاته

بما انو الأدارة وافقت على الموضوع :eek:
الحممممد لله

.
نرجع ونزل الموضوع من جد وجديد

عندي بنات فستان شبكه.. ويصلح عزيمة عروسه .. او لأخت العروسه لوونو سككككككري مع ذهبي
وفي فيونكه من جنب تحت الصدر صغيره
طبعا الذهبي بس من فوووق

الفستان ماسك على الجسم ونفاش من تحت الركبه نفشششه بسيطه
وفيه ذيل صغير موب كبير يعني مايبهذل
ولم يلبس الى مرتن واحده

ويلبس مديم وسمول وبه توسيعه بس مايلبس دبيييه :d

الي تبي تشوف صور الفستان تعلمني

والي تبي صوورة الفستان وهو ملبوس برضو تعلمني وما احلل الي موب صادقه ... :mad:

بنات مارح اقول ان الفستان حلو ... كلن وذوقه

وببيعه بالسعر االي تبونه

ربي يوفقك ويسهل دربك
كزززي الصوره يابعدي كوده يناسبنا
ونستريح

ان شاء الله اخت رجال ... اليوم ارسل لك الصوره

وأنا كمان بدي الصوره :")
الفستان لحالو طبعاً ؛ /

وأنا بعد أرسلي لي :)

وانا نغرت بعد خخ تصدقين عندي زواج ومحتاره وش افصل ارسليه لي

هونت

برسل الصورة بخمس ريال

ولمن اجمع المبلغ المطلوب

بسوي عليه مسابقه الي تفوز بعطيها الفستان هديه كريمه هديه هع

موفقه

هاه عاد ترسلينه اشوفه
اشراف بس :d
..

ممكن ترسلينه لي خيتووو

طيب

........................

’’

يآعمري آنتِ آختصآر نزلي آلصور هنّآ بدآل مآ ترسلين لكل وحده ., :S:p
إذآ مآ جآز لتس آقترآحي .. الله لآ يهينتس آبي صورته آجل .،:d:)
موفقه يآبعدي.،(h)(f)
= ) ..!!

’’
.

مادري جاني اقتراح ... انو محد يشوف الفتسان الا الي تبيه

عموما بنزل صورة وحده له وامري لله

ووووالي يعجبها وجاده ارسلته وهو ملبوس

وزي ماقلت لكم .... تراه يلبس سمول ومديم وبه توسيعه

ارسليه لي لو سامحتي الله يجزاك خير

حلوووووو

الله يوفقك

السلام عليكم
فستان حلو وانيق
لكن ياعزيزتي هل هو هكذا فقط ام لك تكمله وتستير الاكمام...؟

لاأريد الظن ولكن احببت ابداء رائي بالصوره وحكم لبسه هكذا

اقتباس:

السؤال:

يوجد ظاهرة عند بعض النساء وهي لبس الملابس القصيرة والضيقة التي تبدي المفاتن وبدون أكمام ومبدية للصدر والظهر وتكون شبه عارية تماماً ، وعندما نقوم بنصحهن يقلن إنهن لا يلبسن هذه الملابس إلا عند النساء وأن عورة المرأة للمرأة من السرة إلى الركبة . ما هو رأي الشرع في نظركم والاستشهاد بالأدلة من الكتاب والسنة في ذلك وحكم لبس هذه الملابس عند المحارم ؟ جزاكم الله خير الجزاء عن المسلمين والمسلمات وأعظم الله مثوبتكم .

الجواب:

الحمد لله
الجواب على هذا السؤال انه صح عن النبي صلى الله عليه وعلى آله وسلم أنه قال : ( صنفان من أهل النار لم أرهما بعد قوم معهم سياط كأذناب البقر يضربون بها الناس ونساء كاسيات عاريات مميلات مائلات لا يدخلن الجنة ولا يجدن ريحها وإن ريحها ليوجد من مسيرة كذا وكذا ) .
وفسر أهل العلم الكاسيات العاريات بأنهن اللاتي يلبسن ألبسة ضيقة أو ألبسة خفيفة لا تستر ما تحتها أو ألبسة قصيرة

هل لنا ياأحبه غير الجنه مطلوب...؟؟؟
وفقك الله ورزقك من فضله

بالتوووفيق

اهلين وانا بعد عندنا زواج بنت عمتي قريب ومتوهقه حيل ومالقيت شي يعجبني ابي له صوره بس انا مو نحيفه مره ولادبه مليانه يجي علي :061:

ضحكوا عليك خلوك تنزلين الصورة ؟

الحين تجيك دلوعة تقول شلون اشتريه وهو معروض اذ لبسته كلن بيقولي هذا من بريدة ستي .. !

روعه بس يصلح لعروس
بالتوفيق