ابي راقي .. شيخ يرقي ..
 

السلام عليكم ورحمة الله وبركاته ..

تكفون نبي شيخ يرقي ويا ليت يكون يرقي رقيه فرديه ..
اي احد عنده معلومه لو بسيطه يضيفها الله يجزاه خير
والوصف لو سمحتوا بدقه ..

* هل فيه احد يرقي رقيه فريه او لا ..؟

والله يجاكم خير ..

يا سبحان الله القرأت 44 ولا فيه ولا رد واحد لو على الأقل رفع ..

يارب سهل و وسع رزق الدال على الخير واعنه وكتب له بها صدقه جاريه الى يوم القيامه ..

طيب لو تكرمتوا سمعت بشيخ يقرأ في استراحه بس ما اعرف اسمه ولا ادري وين ، مين عنده علم يدلنا ..

عندك الشيخ العليط موقعه بسوق الخضرة ويقرا بمسجدة

الشيخ اللي بالسوق إلا رحنا له بس ماش زحمه ما ينفع يعني المريض ما ستفاد ..
لازم قرأه مطوله

مو لازم يكون شيخ هو يقراء على نفسه بس تكون بعزيمه و الحاح وشده
كم من شخص دعاء الله و شفها و لا ننسى ايوب يوم دعاء ربه انه مريض
لا تتعلق بالشخاص اطلب من الله صحيح القراء فيه شفاء بعد الله ولاكن لا تكون اشخاص بعينه له مواصفات معينه
انا لا اعاتبك اعرف انك بحاجه ماسه للشفاء ولاكن هنا تكون اقرب الى الله سبحانه وانت ضعيف مريض اطلب من الله و سوف يشفيك الله
والسلام عليكم ورحمه الله وبركاته

اللقاء

الله يجزاك خير .. صدقت
بس الواحد اذا كان لوحده يتهوان ويصيبه الفتور بعد فتره بسيطه
لو كان يروح لشيخ يتحمس و يكون عامل مساعد ..

فيه واحد بضاحى يقرا فى بيته

الشيخ عبدالرحمن الشاوي ساكن بحويلان ماشاء الله يقرا على الناس
رجل صالح انيسه القران دائما نحسبه والله حسيبه
الشيخ خالد الشاوي امام جامع حويلان ولده
والله اوصيكم تروحون له والله يعطيكم الصحه والعافيه

الله يشفي مرضى المسلمين

الله يجزاك خير .. وين بالضبط ما تعرف تدلني يعني بمسجد والا بيته وين نسأل فيه ..

الله يجزاك خير .. بس احيانا يصير مشغول ندور غيره ..

الله يجزاك خيير .. طيب هو وين يقرأ بالمسجد والا ببيته وكم ياخذ ..


الله يجزاك خير ويقبل منك ..

اقتباس
المشاركة الأساسية كتبها كلي تفائل




الشيخ عبدالرحمن الشاوي ساكن بحويلان ماشاء الله يقرا على الناس
رجل صالح انيسه القران دائما نحسبه والله حسيبه
الشيخ خالد الشاوي امام جامع حويلان ولده
والله اوصيكم تروحون له والله يعطيكم الصحه والعافيه



الله يجزاك خيير .. طيب هو وين يقرأ بالمسجد والا ببيته وكم ياخذ
يقرا ببيته وببلاش وان عطيته قروش مادري

وعندك بعد الشيخ العضيبي بالمذنب يقرا باستراحه برسلك رقمه على الخاص

للرفع

الله يجزاكم خير ما قصرتوا

الله يجزاك خير مشكوره ..

الله يجزاك خير وصلت رسالتك
والله ما قصرتي الله يجعلها في موازين حسناتك يارب وما تشوفين مكروه في غالي

ايه ذولي اللي ذكرتيها انا اتابع معاهم في المنتدى .. بس البخور اللي قالو عنه
البعض يقول مو زين مدري عاد انا خفت قريت هالكلام في حواء

عاد انا ما اقدر ارسلك علشان كذا كتبت هنا

الله يجزاك خير ما قصرتي

الرقيبة ممتاز
منزله يقع خلف مستوصف الفيحاء مباشرة اللي بشارع الثلاثين / الفايزية
وبالتحديد تخلين مستوصف الفيحاء على يمينك وأول شارع يدخل للحي أدخلي معه ثاني منزل على يسارك
أوقاته الصباح بين الساعة 10 / 12
مساءً والله مادري بالضبط
يقرأ على الرجال وعلى النساء
أسأل الله أن يشفي مرضانا ومرضاكم والمسلمين أجمعين

يا اختي صدقيني لا يوجدهناك افضل من قراه الانسان على نفسه واذا كان الشخص مسن او طفل فاامه او ابناءه افضل بكثير من ان تذهبي للرقاه عن تجربه شخصيه فلا يوجد اصدق من قلبك على من اردتي القراءه عليه
نسأل الله الشفاء لكل مرضى المسلمين

هل حصلتى احد ام لا

فيه شيخ يقرأ بمسجده بحي الساده
كل يوم بعد صلاة المغرب الايومي الخميس والجمعه
مسجده بجنب مستوصف الساده القديم
والله يشفي مرضاكم ومرضى المسلمين

القراءه على النفس ليست رقياء انما تحصين فقط والرقيا هي قرائة الشخص على شخص مريض وكان رسول الله عليه الصلاة والسلام يقراء وينفث على المريض ولم يقل اذهب واقراء

فيه شيخ أسمه أبراهيم الصنات
يقرأ بمسجده
بعد صلاه الاخير
ويجي للمستشفى يقرأ على المرضى
بس والله مدري مكانه وين الظاهر أنه بالمريدسيه

فيه راقي الله لايبارك فيه اه بس لو بيدي قتلته المشكله الناس طايرين فيه مو بس هو راقاه مخالفين لسنة الله ورسوله بس حتى التبليغ مانقدر تبلغ عنهم الله يكفينا شرهم
مو كلهم ولله الحمد لازال هنا راقاه يخافون الله وهذا مايطمن

هل يقرأ رقية خاصه او جميع النساء
وكم ياخذ على الجلسه