|
::: من اللي بيودينا اليوم للسوق :::( البنات و السوق )
http://sub3.rofof.com/img4/01mjgio3.jpg السوق و البنت .. شيء مقدس و مبدأ لا يُمكن التنازل عنه ، و الله يعين اللي له خوات أو بنات أو زوجة أو حتى ( أم ) مولعة بالأسواق .. يعني الوضع مجرد تمشية و لزوم هالدوام بالسوق و التمشي فيه .. يعني الوضع صار واجب عليك وجوبًا يا أيها ( الولد ) إنك توديهم للسوق حبة صباح حبة مساء .. :d و إذا ما وديتهم تراك ما تنفع و لا عمرك نفعت أصلاً .. :( و إذا كان فيه أكثر من أخ ، يحطن جدول .. حتى لو فيه السواق .. لازم الأخوان يدخلون ضمن الجدول ..! واحد مرة من المرات خطب من بعض العوائل ( المحترمة ) و عطاهم كلام و أنه يبي بنيتهم على سنة الله و رسوله ، و جاه رد بعد اسبوع أنهم موافقين .. الحمد لله موافقة .. بس مع التأكيد أن البنت تراه من النوع اللي يطلع للسوق <=== يعني هذا هو الشرط المقدس ، و الشيء اللي مضيق صدر البنت و بناء عليه تشوف الرجال يصلح ولالا ..! و الله يعين اللي ساكنين بجدة ولا بالرياض ، و يا حظ اللي ساكنين بالمدن الصغيرة .. يعني أهل القريات ناسين حاجه اسمها سوق .. ههه و بدون فلسفة زايدة و كلام كثير .. هم ماعندهم إلا سوقين ( سوق الحريم - سوق الرجال ) ههه ياسلام .. أحلى حاجة .. :( ليت بعض اللي البنات يشغلن أخوانهن يسكنن القريات عشان يتأدبن :d يعني مرة بالأسبوع .. و تصير ظهر الخميس .. و يحصل معها غداء و تغيير جو .. كذا مافيه مشكلة .. لكن سبحان الله بعض البنات تروح بتشري حاجة .. فتخلي اليوم الأول مجرد تمشية تشوف السوق و تحوس أم أمه .. و اليوم الثاني تروح عشان تشري .. لكن للأسف تشري كل شيء إلا هاللي جايتن عشانه .. و اليوم الثالث تغير السوق .. و بعد الضغوطات تشري اللي هي كانت تبيه من الأصل .. و اليوم الرابع .. تطلع القطعة مهب زينة .. فملزوم تروح للسوق ترجعه .. :( و نبتل ..! إيش القرف ذا .. :i121 و تضيع أعمارنا .. بالغاليري و حياة مول و غرناطة و العثيم يازين سوق حجاب و الشرقي و المجد بس مافيه أمل يقتنعون بهن .. و هكذا يضيع عمر الزوج أو الابن .. بالتودية و الجيبة و المكوث بالأسواق .. :eek5 أو الله سـ حالة .. :( يابنات خفن من الأسواق .. و كفاية امتصاص و تبديد لطاقات الأهل .. خصوصًا الطاقة المادية .. أخوكم / عبدالله |
أنا ماعندي مشكلة بالروحه لـ السوق بس البلا بالترجيع :(
متشكر أوي حبيبي عبودي :113: |
طرح جاء بوقته
الاسواق اصبحت ملتقى لتجمعات بين النساء وليس بغرض الشراء فقط للتسليه اصبحت فتنه عظيمه بهذا الزمن الله المستعان اعتقد العلاج هو الرقابه على الاهل والخروج للحاجه فقط بوركت |
فيه بنات مايحبوون السوق
وش فيه السوق اذا مااشتريت في بعض البنات يروحون للسوق تمشيه وعشاء فقط انا وخواتي مانطلع للسوق إلا مرتين او ثلاث بالصيف وكذا بالشتاء وانا اتوقع اللي عندهم زيادة بالعيال يبدون يتطلبون عليهم خواتهم ويسوون لهم جدول مثل ماذكرت ربي يوفق ويعين |
وععععععععععع من زين االسوق
عساي اروح اشري حاجتي موب عاد اتمشى صراحه السوق يوجع الراس ودوخه حتى بعض الامهات ماتحب تروح بس من يشري لبزرانه واذا راحت احيانا ماتلقى واذا لقت يبي ترجيع فتظطر تطلع اكثر من مره بس موب مبسوطه انه كل يوم طالعه وفيه اناس لا اعوذ بالله مفتونين بالسوق اربع وعشرين ساعه مايدرون انه اماكن الشياطين الله يهدي الجميع |
مو كل البنات مدمنات أسواق ... فيه بعضهن حتى ماتطيق أسمهـ .. بالنسبهـ لنا فـــ مانطلع السوق الا مرهـ بالشهر .. والترجيع الشهر الثاني هذا اذا حصل تروح علي القطعه هباء منثورا لأنه مافي أحد فاضي لنا يودي ويجيب:( .. |
اقتباس:
لكن تصير حلى كل شوي .. لا .. الله يعين .. شكراً لك أنت ووجهك .. |
اقتباس:
لكن والله بعض البنات يحللن أخوانهن من ناحية السوق .. و بعضهن تحقد على أخوها إذا رفض يوديها للسوق .. |
اقتباس:
توقعك في غير محله .. و ليت البنات مضبوطات مثلكم .. الله يوفقكم للخير .. |
اقتباس:
نموذج رائع .. موفقه لكل خير إن شاء الله .. |
انا صراحه مااحب شي اسمه سوق ولااروح له0
اقتباس:
وشف بعض العوايل يرحمون يعني ماعندهم لاطلعات ولاشي فا يروحون للسوق0 وبعدين ترا من جد اللحين انتم الرجال ماتجلسون باالبيت ولاربع ساعه دايم برا وراه بس على الحريم المساكين يحول0 |
اقتباس:
بس أحس ذي نوعية نادرة .. لكن فيهن الخير و البركة .. |
اقتباس:
هذا و أنا منب من النوع اللي ينبش .. لكن تجين العلوم .. و بعدين حنا ما قلنا أنه ممنوع الخروج أبد .. لكن فيه شيء معقول .. و فيه شيء يتعدى المعقول .. و بالنسبة للرجال .. من الخطا بعد أنه 24 ساعة برا .. خصوصًا اللي متزوج .. و كذلك المفترض يوم بالأسبوع الرجال هو من نفسه يبادر و يطلع بأهله .. لو ما طلبوا منه .. لكن كلامنا هنا على الطلعات للأسواق اللي تجاوز حد المعقول .. |
أعانك الله في نقاش هذا الموضوع
اقتباس:
اقتباس:
اقتباس:
اقتباس:
لابد مثل ماذكرت موازنة وحدود و لايصير الاسواق للتنزه أنما للحاجة ولاأظن ...السوق يصلح للتمشيه ابداً أنما هو وجع راس...الله المستعان أما للي تقول عنه اقتباس:
اقتباس:
|
عني انا مااحب اروح الا للحاجه مو مدح لنفسي بس اصدع يالله اجمع كل اغراضي اللي ابي واروح مرة وحده.. قبل شوي امي واختي راحوا للنخيل وقالوا لي ورفضت..قلت سلمولنا على اللي قدامكم..
اوانا لا اؤيد الاجتماع بالاسواق مثل اجتماع مع صديقات..استغرب؟؟اجتماع بالزحمه وبروح العب ولدي وابشتري من التخفيض وراحت الجلسه دوجه.. قبل اسبوع قلت لصديقتي تزورني قالت يقول زوجي اجتمعوا بالعثيم او بالنخيل قلت آسفه هذا مو اجتماع انا بشد حيلي وازورك ولانجتمع بسوق..احنا بنتشاوف على ركاد ليش الخبه والصداع والزحمه .. والله يشفي كل مريض مبتلى بالسوق واعتقد فيه علاج بامريكا لمرض هوس التسوق الله لايبلانا وسلامتكم |
عاد هذا وقت السوق أغلب الماركات مخفضه الله يعينكم ياالرجال وأستغرب ان بعض هالحريم يلتقون بعض في المولات ليه مايتقابلون في كوفي نسائي وياخذون راحتهم
|
هههههههههههههه اجل بتعاقب البنات وتسكنهن بالقريات عاد ابوي واخواني حاسدينكم ياسكان بريده مافيه الاسوقين وكل شي قريب |
انا عن نفسي عادي عندي السوق
لكن اطلع بوقت دخول الصيف واشتري كل لبسي للصيف واذا جاء الشتاء كذلك اشتري كل لبسي للشتاء واخلص كل حاجاتي وفقط واذا واذا اضطريت ابغى شي معين اروح مع اخوي وهو واقف واشتري وارجع يعني مرتين بالسنه |
اقتباس:
النوعية النادرة اللي أقصدها ، هي التي لا تحب الأسواق .. |
اقتباس:
الله يعافيهم ولا يبلانا .. |
اقتباس:
|
اقتباس:
|
ماشاء الله هذا وانت ماتحب التنبيش وشلون لو تحب التنبيش >>عاد صرفه هذي هههه هي مره وحده بدخول الشتاء ومره وحده بدخول الصيف.. |
حتى الرجااال الحين صاروا مدمنيين سوووق للأزياء والمغااازل
مــــــــــــــــــــــو بـــــــس البناات فاااااهم الاولاد والسووووووووووووووووووووووووووق الحمد الله والشكر ع الموضوع ع بالي شيء ثااني خطيييييير وصار هذا الموضووووووع |
اقتباس:
|
الاسواق ضروريه ولكن يكون الذهاب لها بالمعقول وليس باستمرار
|
استغفر الله
كثير من الناس كذا الحين يبي يتمشووون يروحون |
بصراحه ماعتقد فيه احد كثير يحب السوق
الا نادر لانه وجع رااااس وبالنسبه لامهات( اقصد اللي لهن اطفال ) تراهن والله انهن يعانن من كثرة الطلعه للسوق بس وش تسوي هذا مقاسه ماصلح وهذا ماناسب لكن مانقول الا الله يعيييييييييييين |
يالله من فضلك ياسسوق مايستاسع صدري الا لمن دخلت السسوق احسس بششعور غريب ماحسسه بمكان ثاني مير لصرت باسسوق الرياض هذي الفله موب هناا وصرت معي آلبطآقه (h):d |
اقتباس:
وينتس عن بريده شكلتس من زمان عنها اللحين كل شارع به سوق صار اشد من الرياض الله يعين اقتباس:
اه شف انت قلت من هواة التمشي ترا فيه بعضهم الحمدالله والشكر (بلوى )ترا ودايم باالسوق0 ويرجع للرجل اللي ماله شخصيه:eek5 وشف اذا كنت تعتبرها ظاهره مااتوقع ان شاءالله 0 |
استغفر الله
كثير من الناس كذا الحين يبي يتمشووون يروحون للسوق يبي يجتمعوون يروحون للسوق :eek: اعوذ بالله وش دعوى يعني مايقدروون يعيشوون بدون السوق من ضروريات الحيااة من علامات التبرج والسفور كثرة الذهاب للأسواق و ابغض الأماكن الى الله السوق خوذي حاجتك وروحي على فكره ترا فيه منتزهاات وشاليهاات واستراحات قضن الأماكن علشان اروح للسوق اللهم عافي المبتلى ولاتبلانا تشكراااااتي |
***الله عزوجل يقول (أومن ينشَّــأ في الحلية وهو في الخصام غير مبين) طبيعة البنات يحبون الزين فمظطرين يواكبون التغير والتجديد <<بخلاف العيال ثوب وشماغ والحمد لله يعني ما يحتاج التكلف <<والبنت غير الولد تحب الزين بكل شي ...أما كثرة السوق فأنا أشوف ما فيها شي اذا كانت روحتها بالشهر ثلاث مرات أو أربع ؟؟؟لأنها بالمره الأولى من واقع تجربه ما تشتري الا لما تشيك على السوق تاخذلها فره ثم تروح بعده وتشتري ..وبعض البنات ذوقها يكون صعب فتظطر لكثرة روحتها السوق يعني أنا اعرف كثير لما تتقضى ما يعجبها الي عندها تروح للبحرين تتقضى <<<وبعدين الولد يفرح انه يخدم أهله!! بكرا اذا تزوج تلقاه معسكر بالسوق.. الله يوفق الجميع
|
والله أنك صادق الحين صايرات البنات كل يوم بالأسبوع يجتمعن باسوق هن وصديقاته ومره مع بنات خلاتهن ومره مع بنات أعمومتهن وهكذا ويبتلن
ياخي مايملن من السوق أنا الحين لارحت مره باشهر أو باشهرين مليت وطقت كبدي منه عااااد حتى أنتم ماتقصرون الوحده لابغت تروح لسوق مره وحده باشهر أطلعونه بطاعونه تقل نطلب أرواحكم |
الحمدلله فـ هو قد رزقني كرهـ الأسواق ..
ولكن في الحقيقة أنتم يـ الإخوان بعد طلعة الروح تذهبون بنا إلى الأسواق ودائماً تقولون :.أنتم يالبنات ماتشبعون من الأسواق )) وكانت تلك المرة التي ذهب بنا إليه قبل الـ 3 أشهر .. ×.×.×.×.×.×.× و ربماآ من خرجت إلى الأسواق لـ ترفه عن نفسها لاآ يوجد مكان ترفيه لها إلا السوق ربما تكون هي لاآ تدرس و الاجتماعات العائلية ناآدرة .. فـ الأسواق أعتبرهاآ مكان إزعاج وليست تسلية أبداً .. ومن يعود منها يبقى طريح الفراش لـ يومين وفعلاً أستغرب من الفتاة تلك التي تنام و تستيقظ بهاآ .. أماآ الذهاب لـ السوق لمرة آخرى لـ الترجيع أو التبديل فـ هذه تسمى حالة طارئة .. فمن الفسق أن أدعها مرمية في ( الدولاب ) أذهب وأتي بـ غيرهاآ أفضل .. الصمصاآم .. جزاك الرب خيراً |
من اللي بقى مادفع القطيّه ( الشباب والإستراحات )
موضوع مُمتع بالنسبة لي .. ودّي أرد بإختصار بجملة ( أصابعك مب سوا ) لكن مايطيعني قلبي أسكت هه |
اتوقع فيه حل اللي هو تحط لهن جدول يوم بالأسبووع تقضي حاجاتهم مثلا الأربعاااء اطلع من العصر ولا يردكم الا لا صكرت المحلات... هذا افضـــل حل أما مسأله كل يوم فهي صعبه.,,, |
.
موب من موآضيعكـ = ) .. |
مانروح الحمد لله الا بالشهرين والثلاثه ومافيه شي اسمه تمشي او ترجيع هي طلعة وحده نشري حاجاتنا وخلاص مابالسوق الا الصداع ووجع الرأس وتطيير الفلوس على غير سنع مع قلة الطلعات وكثرة اخواني الحمد لله الا اننا نتكسف من يودينا ومن يرجعنا كل واحد يرسلك للثاني لو هو واحد يمكن يصير أبرك |
يعني اروح اتمشى بس الحمدلله والشكر اروح لحديقه احسن مير أنا وامي وخواتي نطلع بالشهر مره وبطلعت الروح نلقا احد يودينا ولا نروح مع سواق الله يخلف اما الترجيع سالفه ثانيه اذا قلنا ودونا بنرجع قالو يعني ماتعرفون المقاس انا ابسأل الحين هالعيال ماشاء الله اذا شرو يعني مايرجعون مقيوس عليهم والله انهم يرجعون الف مره وحنا هوااااش اذا جينا نرجع ان شاء الله بالمستقبل نسوق ونريحكم بس اذا اذن لنا ابو متعب وحنا نلتزم باحجاب ومانطلع بالليل |
اذا كان هناك تفاهم تقل المشاكل ..والعكس ..!! |
أنا ماأروح للسوق الا اذا بغيت حاجه
فقط 00أدخل أقول بس متى أطلع منه والبعض يقولون بعضهم تتعشى وتتمشى فيه والله لو انه شاطيء 000 عاااد تمشي بالسووق وه بس 00 |
عااااااااااد الله وأكــبر هالســوق كلهن سوقين وكل اهل بــــريده فيه ..
ولاابعد حااااااااسديننا عليهن .. اجل خلونـــا نسوق أحسن ولااااانطلب منكم شي إلا الفلــوس ... |
اجل النكته اخوي يقول ان كان تبون السوق قومون الصبح الساعة 8 ولكم الى الظهر <<كثر الله خيرك طويلة الروحة لكن مانقول الا الله يصلحكم ويسخركم لنا<<وجه مطلع لسانهوين يالاخو بتودينا للبطحاء والله حتى البطحاء مايفتح ثمان |
بعيد عن مدح النفس بصراحه ماطيق شي اسمه سووووق
اذا صرت متضايقه وحالتي حاله عرفو الي حولي اني طالعه لسوق وفيه كثير من نوعية الي ذكرت |
اصراحه السوق للى عنده اطفال الله يعين اناا موب ذاك الزود لطلعت السوق واحب اذا طلعت وانا بالسياره مادور على كل المحلات واحب اطلع الصبح عشان مافيه احد وماانغث الى اذا جاء مصروف ملابس العيد قبله باربع ايام اكره السوق كره بس مضطرين ويارب يتوب علينا |
موضوع يستاهل النقاش.
|
مرحبا ..
أعجبني طرحك للموضوع .. و خاصه بنات القريات .. ليه عاد .. أو مسكت معك !! شووف .. المسأله بنظرتي .. أنا .. و ممكن توافقوني .. السوق الداخلي ... أو الوسعه يااه و ربي اياام مضت .. اقولكم .. قبه رشيد و ما حولها .. الكل يتسوق و يشوف أموره .. قضيتنا ....... بالمولات .. عثيم و نخيل ... صار الوضع .. يوم أربعاء و خميس ما عندنا طلعه .. خلاااص للمول هذي اشوفها .. بنسبه كبيره بعوائلنا .. .. |
اقتباس:
شكراً ,, |
اقتباس:
هذا اللي فهمته .. |
اقتباس:
عشان كذا صارت زحمة .. أنا أقصد الأسواق الكبيرة في الرياض .. |
اقتباس:
و التزين مافيه شيء ، لكن التمشي بالسوق هو اللي فيه شيء ..! و اللي يذوقها صعب الله يجزاها خير لازم تراعي الظروف .. |
اقتباس:
و بالنسبة للي ما يودون أهلهم للسوق .. صحيح بعضهم مخطئ .. لكن بعضهم من اللي شافه .. يعني الروحة تصير ساعة .. و سبحان الله بقدرة قادر تصير 4 ساعات .. هذا يصير كثير ، بل أنه هو الأصل .. :bad شكرا .. |
اقتباس:
يعني في أوقات يقل فيها الناس .. و لا يمنع في تلك الأوقات الهادئة من الجلوس في المطعم و التسلية مع الأخوان و الأخوات ، و تمكين الأطفال من اللعب .. شكراً .. |
اقتباس:
و أنا لا أحارب الطلعات للسوق ,,, إلا إذا تكررت بشكل مزعج ، و لم تحدد بأوقات .. و أما سالفة الاستراحات ، فهي كذلك خطأ .. و الاستراحات و الشباب موضوع آخر .. ربما أكتب عنه بنفس الطريقة .. أيها الكرام : أعتقد أنه يجب على الرجل وجوبًا سواء كان أخ أو زوج أنه هو من نفسه يبادر للترفيه عن أهله و خواته ، و لكن كذلك ما يوافق على كل طلب في الطلعات ، إلا إذا بيسددون فاتورة جواله المقطوع :d أقصد .. إلا إذا جاءت تعليمات من الجهات العليا كالأم او الأب .. هنا ينتهي الكلام .. |
اقتباس:
شكراً لك .. |
اقتباس:
ظاهرة اجتماعية تحتاج نقد .. مثل غيرها من الظواهر .. بس هالمرة بالعامية ..! |
اقتباس:
و إذا شهرين و ثلاثة .. المفروض يبادرون من أنفسهم .. و يحمدون ربهم على نعمة هالأهل .. |
اقتباس:
الظاهر التفكير واحد ..! جربوا طلعة منظمة بوقت الروحة و الجية ، و بدون ما ترصون إخوانكم ساعة و ساعتين .. و شوفوا هم يودونكم المرة الثانية ولالا .. |
اقتباس:
أشكرك .. |
اقتباس:
مجرد مقابلة كوارث أخلاقية ، خصوصًا أسواق الرياض .. |
اقتباس:
و السواقة إن شاء الله ما تسوقون ، و الله يسخر أهلكم و إخوانكم لكم .. |
اقتباس:
الله يخليه لكم .. و بالنسبة للتسوق الصباحي فهو طيب .. و إذا ما لقيتوا السوق فاتح روحوا للقرموشي و افطروا به .. لأن به قسم عوائل .. و لا روحوا لجافا تايم و خلو قهوة الصباح هناكـ .. و بالنسبة للبطحاء .. فأنا أنصح الجميع أنهم ما يودون أهلهم إلا للبطحاء .. و لا للحلة .. و الله يصلحنا و يسخرنا لكم .. |
عجيب!! كل أو أغلب بنات المنتدى لا يحبن السوق ! أجل من هن النساء اللاتي أمتلأت الأسواق منهن (: وأتوقع كثرة الخروج للسوق راجع على كثرة أفراد العائله يعني اللي عنده خوات او بنات كثار فالله يعينه ويعظم اجره أما بالنسبه لي فالحمدلله متفقه انا وأبي على طلعات محدوده بأوقات معلومه شكرا لك الصمصام موضوع رائع زاد من جماله بساطتك بالطرح .. |
بالنسبه لي ما اطلع الا اذا صار عندنا عزيمه طارئه او بغيت حاجه.. يعني من غير الطلعات الاساسيه مثل طلعه دخول الصيف ودخول الشتاء.. بس اذا تبي الصراحه بعض الاحيان نطلع اذا سمعنا انه فيه بضاعه جديده او محل توه فاتح.. نحن على روس اخواننا لين نروح.. اخي الصمصام:ابدعت بخط اناملك وابدعت بإسلوبك.. ..شاكره لك ومقدره.. |
كلام حقيقي للأسف وياكثر المصايب اللي صارت
من كثر طلعات الحريم للأسواق ولكن انا مع الأعتدال لاتفريط ولا افراط |
نعم أوافقك "في حال وجود السائق" أما إذا كانوا الاخوان هم اللي يودون ويجيبون ف يمكن يمر الشهر والشهرين بدون روحة سوق مو تقصير منهم الله يجزاهم خير ولكن لأننا نعلم يقينًا انه شي مكروه جدا جدا بالنسبة لهم ف نضطر لتوفيرهم للحاجة اللازمة !.. الأمر الآخر , كثير من الرجال شرط من شروطهم ان يكون التسوق صباحا و كان أحد اخوتي منهم حتى صار له محلات يتردد عليها والان لايمكن يسمح لنا بذلك معه أو مع غيره , والحمدلله .. أما بالنسبة لتمنيكم ان يكون المجد والشرقي والأسواق هذي هي المرغوبة والله ان المولات الكبيرة اهون واريح نفسيا من تلك الأسواق و يكفي خلوها تقريبا من العمالة اليمنية .. + أخيرًا ثقوا ان كثيــر من البنات يتمنون ان لنا زي موحد كـ حال الرجال لراحتهن أولا وأخيرا .. أعتذر على الإطالة.. طرح جميل ,شكرًا لكم .. |
والله الوحده ما تطلع للسوق الا للحاجه
صار السوق مكان تجمعات ومطاعم واكل وفساد وغييره بس الله يهديهن الوحده ترووح لم السوق بدوون اي حااجه بس توسع صدره ولا تستر او تحتشم تطلع متجمله ومتطيبه هذا صار مو سوق صار مكان فتنه وغييره بس الله يهديهن |
اقتباس:
يااصبااحيه يااا مافيه بس ترى الصبح شووي يعني يالله يومين بالاسبوع.. الاربعااء يمكن يكون أفضــل ولأن الليل طويل,,بيقضن حاجاتهن... |
انا من ناحيتي ما اصدق ان فيه عنصر نسائي مايحب السوق سواء انسات او سيدات واتحدا اي وحده تقول ما احبه
وبعدين ليش انا متوظفه الا عشان اطلع السوق واشتري كل اللي في خاطري بس اللي قاهرني ان السوق صار معياره لي من كثر ماتكلم عنه اخت زوجي مخزنه اسمي بالجوال ام الاسواق بس المشكله ماتشوف روحه اللي مخيمه بالسوق |
والله شيء مضحك :090:
اكثر الردود هنا يقولن والله نطلع بالشهر مره ! والي تكره السوق ولا تطبة إلا للحاجة ! اجل هالي يتخاطمن بالسوق وبشارع المشاغل منهن :confused: انا الي مستغرب منه شارع المشاغل لأني ساكن حوله امر من عندة اقل شيء خمس مرات باليوم وتشوف ما عمره فضى ينغش من هالحريم سواء بالاجازات ولا بأيام الاسبوع الله يكافينا الشر مشكور حبيبي ابو عبدالعزيز (h) |
اقتباس:
ظنّك تبي ترد و تقول انا احب السوق هههههه كم معياره تبي تجيه بعدين لا تنسون اننا في منتدى محافظ وحريم السوق ما تعجبهم هالمنتديات هذه ؟ |
والله أني أرررررررررررررررررررررررررحم قسم لي أكثر من أسبوعين وأنا أتطلب أخوي سلوم يودين لسوق
بس ماش قضينا من الإختبارات وجت الكشتات .. اليوم من كثر ماترجيته حول أصيييييييح .. ماأروح لسوق لا طالعة روحي ..عشرين مره من كثر الترجي ماعندنا تمشيه وبعدين أروح أشتري مره وحده وبس ... الأمنية الوحيدة .. اللي ودي به .. أني أسحب بيتنا وأحطه قبال النخيل.. |
أكثر الحريم السوق يجري بهن مجرى الدم بصراحة لو تفتح سوق بطايتهم قالن ودنا لمه ما هنا حبهم لتومر وخاصة على اخوانهن الله قل آمين يكرهّن بالسوق وما يطلبنه غلا بالسنة مرة او مرتين لا وازيد من الشعر بلكة اكثرهن قلة حياء لو تلاقيت انت وحده منهن لازم تبعد انت عنها والاصدمك ولا جابت خبر شكرا عبودي |
تعالوا الى كلمه سواء لازم الرجل يفهم طبيعه البنت ولازم البنت تفهم طبيعه الرجل يارجل افهم البنت مخلوق يحب السوق غصب عليها لانها تحب الزين والشراء واللي يقول ساعه بالسوق ماتكفي يالله اربع ساعات(وشلون تقول ساعه بعدين لاقالت لك من بكرا ابروح للسوق قلت بس تترددين عليه كل يوم اوديك) لان البنت اكثر حاجات (مب لازم اعددهن ) الرجل(ثوب+شماغ+طقيه)بس وان كشخ اخذ كبك :d وحاجاتها بااشكال والوان يعني يبيلها وقت تتخير وزود على كذا اغلى من حاجات الرجل يعني تبي تتأني اكثربـالاختيار حتى ماتضطر انها ترجع همن تاقف ببلعومه وتنسى انك تلاحقه بسرعه بسرعه والبنت المفروض ماتروح للسوق الا لحاجه يعني مره كل شهر اوشهرين وبس وياعرب صلوا عليه...صلوات الله عليه |
اقتباس:
ادعوولي أولآه به عرس قريب , الله يعين على فلتته الاعصاب :eek5 والله يصلح بناتنا على هالطفّه اللي صارت هوايه ذذ وُفقــت عبدالله (f) |
ذكرتوني با خوي الله يخليه لنا اذا شاف أحد تعبان من العنصر النسائي يسألها مالك خاطر بالسوق واذا قالت ايه قال منتب تعبانه !!! وبعدين انتم ياهل القصيم كله سوقين على ما سمعت العثيم والنخيل , يعني المفروض ما يتضايقون وأسواقكم أكيد غالبها الستر ,يعني مافيه شي يضيق الصدر, وشلون لو أنتم بالشرقية أو الرياض وش بتسون !!!أنا من رأي ان كل بيت المفروض فيه سوااااااااق أولاً يقضي حاجاتكم لان يندر بها الوقت تلقين عيال ينفعون الا ما رحم ربي ,, |
أكيــــــــــــــــد أحب السوق لا صار عندي حاجة .. وإذا صار ماعندي حاجة ما أحبـــــــــــــــه .. مثــــــــــــــــال عزيمة زواج جت فجأة ومابقى عليه إلا يومين ؟ ولا عندي لبس عزيمة زواج بهالحالة أبي السوق لو وشو بس .. يعني إذا صار عندي حاجة وضرورية رحت للسوق وإذا ماعندي حاجة ومثلا قلت بروح للسوق بدأ التحقيق من حضرة ألي بيودين وش بقول أقول ماعندي شيء كان يدفنن .. كود قبل ماأروح أقدم موجز بأهم المشتريات لحضرة أخوي ثم يدرس الموضوع مدة يوم ثم يرد علي بالنتيجة وماعلي إلا الرضاء بها سواء كانت إيجابية أو سلبية .. ياحليلهم القصمان من هرجة تقولين ذا مايقوى يحك رأسه وهو أنواع الخربطه .. شكرا أخي حمده من الأعماق أدري إني شغلة بس تبي أخت بلاش كم من شخص وشخص يتمنى له أخت مهمة مثلي ... |
اقتباس:
هههههههههههه اما ينغشن حلوووووه.. بعدين لاتضن بالشباصات يمكن رايحات للدار تحفيظ:d |
ياليت يحصل والله:d
بس اخواني داقميننا مافيه الا لضروره:oo عاد تعالو شوفو اذا رحنا برا بريدة تقل بنطلع من سطح الارض مافي محل مانروح له معطيننا كامل الحريه بس الشي اذا زاد عن حده انقلب ضده:f: |
ماشاء الله عليك يابوعبدالعزيز وهذا أنت ما أعرست .. أكيد كسبت خبره من العائلة .. الحل معهن .. ممكن يكون تفاهم مع الأهل أو الزوجة بإقناعها وتحديد موعد للسوق .. مثلاً يوم كذا تروحين فقط وتشرين حاجتك أنا الحقيقة متفق مع زوجتي أي شيء ناقصها أحدد يوم ونروح أما نفتح سكه للسوق .. هذا أمر صعب للرجال .. ! .............. والمرأة بلا سوق كالجسم بلا عظام >> هههههه تحريف ..! عشقهن الأول والأخير السوق .. .................. إلا على طاري السوق .. يوم كنت بالحائط .. أهل الحائط يروحون لسوق حائل .. وأهل حائل يروحون لسوق بريدة .. وأهل بريدة يروحون لسوق الرياض .. وأهل الرياض وين يروحون يابوعبدالعزيز .. ههههههه .......... والسلام مسك الختام .. |
انا ابغئ اعرف ليش انتم تضاااااايقون لاقلتلكم خواتكم نبغئ السوق
ياخي نزله هي وامك او وحده من خواتك الكبار ورح وخلهن لخلصن تعال وخذهن وتأكد ان ما عليك تعب التعب ع السياااااااره ومن حق اي بنت انه تطلب السوق لان اغراض البنات مااااااااااااااتقضي من لبس واكسوارات وجزم وغيره وكل وحده بمحل عكسكم الي محل واحد فيه كل اغراضك تاخذهن وقضت ساااااالفك |
.
. . . . | التسوق | عندي من الكماليات المهمه , |
اقتباس:
اجل إذا طلب مني اخوي ششي وسويت له , يكون مآلي شخصيه ! |
اولآلآلآلآلآلآلآلآه وش تحسسون بووه
تبونا ننحجر بالبيت اي ابطلع اتمشى واشري وارجّع وان ماوديت اختك من يوديها الجيران:i121 وش ذا شتبووون انتم ننتحر مثلا عششان ترتاحون:i125 خلاص نسووق ولا تودنا ابببببببببببببببد بلا منتكم اكيد بتقولون لا اجل انطقوا وودوا امهاتكم وخواتكم بسسعة صدر وسسمحة نفس:(:i121 والا بنسوووق وتكلموا ذذيك الساعه صدز تخلف :oo |
اقتباس:
أجل هاللي مآ ينفعون منهم ! |
في ظل الضغط الدراسي المتسبب في كبت الإنسان وتقييده أشد مايكون التقييد , أعتبر السوق متنفس أكثر من كونه مكان لقضاء الحوائج , فهو بوجهة نظري مناسب جداً للجلسات الأخوية السريعة كقهوة أو عشاء أو لمجرد السواليف , أما للتسوق فقط لاوالله أشيل هم إذا براسي أغراض , فيها ألقاهن وفيها أرجع خاوية اليدين , لذا ماأطلع للسوق إلا إذا كسلانة كثيراً ومحبطة أيضاً , علشان تعتبره نفسي مكان ترفيهي لها , وعلشان لو خذلتني البضاعة أسلي نفسي بالساعات المؤنسة التي قضيتها مع أخوات أو صديقات , ماعليه كله كم سنة ومانسوق . .. |
أكـــــــــــــره السوق و إذا تذكرت السوق يضيق صدري >>> وطلعاتي قليلة
لأني ببساطة أتعب لين أحصل اللي يعجبني لذلك لا تعممون ع كل البنات |
اقتباس:
ايه ان كانت شبه يومي تروح يوقفها عندحدها0 اقتباس:
الله يهديك هذا شي وانا اتكلم عن شي ثاني انا اقصد الحريم اللي كل النهار باالسوق اقصد السبب الرجل اللي يوديها المفروض يتفاهم معها0 اقتباس:
اقتباس:
مافيه شي يحد اننا نكذب:( وبعدين كم رد باالموضوع 5او6 واللي برا كم وبعدين ترا الاسواق موكلهم من نفس بريده يجون من قرى 0 |
الصراحه أني من عشاق التسوق وأموت فيه:0:107: :يعني لو وحده من خواتي تبي السوق لازم أرافقه لو ماأبي شئ:048: لأني أكره الطلعات اللي فيها تلبس وأعشق العباءه والتمشي فيها يعني مثلا مالي الا اخوين الصغير ماينفع ابد اليوم اقوله بعد صلاة المغرب ابي السوق ضروري يقول بعد الصلاة خليتس والمه امير استانس صدقت وقرب العشاء وأنا أتصل ولا حياة لمن تنادي امير اروح الساعه 9 مع الكبير الله يسعده ويحقق أمانيه ويرزقه الزوجه الصالحه وهذي معاناتي:eek5:eek5:048 |
اقتباس:
و الله أحيانا السوق يضايق .. لكن مجبورين .. شكرا لك .. اقتباس:
و المشكلة الثانية تعويد الأطفال على حب الأسواق .. اقتباس:
اقتباس:
و الله ييسر لنا الرجعة لديارنا .. شكراً لك .. اقتباس:
شكراً لك .. اقتباس:
و أحينا للتمشي بس بالمعقول .. نورتي الصفحة .. اقتباس:
اقتباس:
و بعض السواقين أخس من الأخوان .. أوافقك في كل ما ذكرتيه .. تحيه طيبة .. |
أنا من وجهة نظري السوق يعتبرأفضل مكان للتمشيه أو تغييرالجو والجلسه الرايقه سوى مع العائله اوالصديقات , أنا الصراحه لو الود ودي كان حتى الشهريه تصير بسوق (الشهريه = اجتماع العائله)
|
الحمد لله ان عندنا سواق
ولا اخوانا مستحيل يودوني |
موضوع رائع جدآ
بس الوتسسآد مااروح الا لضروره وحمس شغلي حمس اما البنات الثانيات الله مير يهديهن :) |
عاد من زين السوق .... لاحسيت اني صدز صدز متكسسفه ومجمعه الدراهم اروح واشري كل حاجتي محب اللي تروح علشان شباصه:d
بس يحطن من العصر الى العشاء لين اخلص غريضاتي >>> عنيفه .....:( عاد الصدز اني محب السوق :oo بس ماعندي خوات يشرن لي :eek5 |
وكلــــــــــه كـــــــــوم واللي تشوفينه بالسوق كـــــــوم ثاني
قسم بربي اني انغث ويضيق صدري < الحمدلله الذي عافنا مما ابتلاهم به وفضلنا على كثير ممن خلق تفضيلا > ياربي صار السوق مكان استعراض تصدقون قبل كم اسبوع رايحين انا وامي للسوق .. نص اللي بالمجمع كاشفين يامال اللي الله يهديم بالأخص إذا جت من جنسية عربية ولا لبست طرحة وفاكة هالشعر لا بعد قاعدتن تزينه وتسرحه بالحمامات الله لايبلانا ومكياج وكحل ..!!!!! والله اني اشوفهن بالحمامات يحطن أرواج ويزينن شعورهن ليــــــــــــــــش والله العظيم اني انقهرت وتمنيت ان معي خيزرانة لا أجلده جلــد يعني وش قصدهن ياناس!! وين الهيئة ؟؟ وينه عن هالأشكال ... حتى الأمريكيات يلبسن طرح بالأسواق يراعن المجتمع >> حتى لو مالبسن مانشره عليهن لأنهن أجنبيات بس ذولي عربياااااات !!! حسبي الله ونعم الوكيل بس عذراً حطيت حرتي بكم |
الله يرحم ضعفكن ياهالبنيات
اذا شريت تنورة ولابلوزة وماجت قدي وقلت ابرجعه قوموا الدنيا وقاااالوا انتم 24ساعة بسوق يحسبووووووننا زيهم ثوووووووب وشماغ وخلصنا البنات احتياجاتهم كثيررررررة مو زيكم فهتموووووا والله شكله بيجي القرن 45وهم للحين يهرجوووووون بالحريم ببريدة ستي |
يأخي يالصمصام :d
لوتصور مع شوي وخلك عن موضوع البنات والسوق لوتلاحظ الفروق بينك وبين أختك مثلا بالمشتريات والحاجيات البنت تغلب وأحسب هالشي من شباصة بالشعر اوربطة الى القدم ...وأنت أيها (الرجل )الشي اللازم خلينا انقول (شماغ _طاقية _ملابس داخلية _ثوب_وشوز )وتكميلة 2 او 3 وكبك ومديلية والحركات الخفافي هذي من جهة الحاجات العامة __أفرض فرضنا ooo1 الحاجات الخاص مثل المناسبات >>الرجل نفس الاغراض اللي فوق تقريبا البنت >>>لا عكس يعني الروحات العادية في الباس تختلف عن المناسبات أو العزايم الكبيرة ومثل المدارس أو الجامعات >>برضو نفس الحكاية احتياجات الرجل نفسها اللي فوق>>فية بعضها تطلب نوع من البدل بالوان محددة البنات لبس الروحات وطلعات الدورية يختلف عن لبس المدرسة تحت ضوابط والكليات نفس الشي الالوان محددة والبلايز تكون أكثر رسمية وكذللك لبس البيت والزواجات تصورت معي الحين النقطة هذي :d>>اللي بعدة لو تبصر النعمة اللي عايش فيها انك تقود نفسك لاشغالك وتزين حاجاتك وانت بتم شبابك وصحتك وماوراك احد يمنعك هذي أعتبرها في حد ذاتها نعمة كبيرةومن أكبر النعم عطاها ربي أياك لاتصبح في مذلة أحد >>>>>أغبط الشباب من هذة الناحية :eek5 بتقول وش دخل هذا الكلام في صلب الموضوع :ooأنا أقول لك .. تخيل طلبات البنات وكثرهن ماتنجزهن هي بنفسها وذي ملكات من الله وحنا مسلمين هالشي(وراضين بحكم الله )والبنت مسكينه تشحد أخوانها والا أبوها والا عمها أو زوجها :d وأن أي غرض أوحاجه سواء لمناسبة أو لمدرسة أو طلعات عادية أوملابس للبيت بأكملها لابد من مشارك يشاركها وهو صاحب السيارة وبالحنة والرنه وبطلعة الروح تجيب أغراضها ...ويأتي الرجل ويقول وببساطة ,,ياحبكم للسوق والله يشهد ..لاتحسبن أني أقارن لأجل ..أسوي بلبلة والا جدال بالفاضي ...بس أبيك وأنت تودي مشاور أحد من خواتك أومحارمك ..أنك تحط الشي نصب عينك ...وتخيل أنك مكانها ....وأبيك تحس بالرحمة للضعيفات ماتمن ولاتهاوش وتقدر المعاناة :eek5 أمي بجنبي وتقول .......كفاك تخيل ..يابنيتي ..ماذبحتس غير التفكير..:d اقتباس:
|
والله خلني اكــــــــــــــون صريحه معكـــ
بالنسبه لي احب طلعه الســــــوق لاكن بمعقـــــول مثـــل عندكـ الرياض غاليري سوق روعـــه تتمشى فيه اكثر من انكـ تتسوق وسنتيرا سنتـــر فيه كافي فــــــــوق شي خيــــال وغيرها وغيرها يعني الحين الاســـواق صارت تصمايمها تفتح النفس منها تسوق ومنها نتمشــــي ونغير جو مع الاهـــــــــل عــــــــاد الحين الاسواق مزحومه لانه موسم التخفيضــــات الله يخلي لي اخوي اهو الي يطلعنا معنى وع قولتك يكره شي اســـمه نرجع الي نشتريه موفق يارب شــــــــــــــــهقه فــــــــــراق |
السلام عليكم ..~
/،ْ.. |
اقتباس:
شكراً لك .. اقتباس:
و بعدين نستغل الإجازات للتسوق .. اقتباس:
حاولي تقللين ، و إذا كان لك أولاد أو بنات لا تخلينهم يتأثرون بهالشيء .. ما قلنا شيء في الشراء ، لكن الشغل الشاغل السوق ..! مشكلة .. اقتباس:
أنا مثلك تفاجأت بعدد الأخوات اللي ما يحبن السوق .. تشكرات حبيبي .. اقتباس:
عاد الواحد بعد ما يهمل أهله .. اقتباس:
تضيق الصدر .. ياخي تخيل .. والله صارن البنات يغازلن العيال ..! و يجدعن عليهم كلام قلة حياء .. والله إن الولد على جفاسته يستحي ..! تستغرب من هالعيانات ، و والله لو ما يجي من السوق إلا أن الوحدة تشوف هالنوعيات كان يكفي ..! لكن الله يصلح الحال و يهدي الجميع .. اقتباس:
بس إذا كان غرض بسيط .. خلاص ساعة و تمشي .. بعضهن إذا ما لقت هالغرض لازم تاخذ لفة على السوق كامل ..! و يضيع الوقت ، لا هب اللي شرت اللي تبي ، و لا هب اللي راحت لسوق ثاني تاخذ حاجتها منه ..َ! شكراً .. اقتباس:
اقتباس:
والله يا أختي أنا بالرياض .. و للأسف الأسواق إذا دخلتها بالليل أتعذب من اللي أشوف من ضياع شباب و بنات المسلمين في المولات الكبيرة .. شكرا لك ... |
| الساعة الآن +4: 04:58 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.