حي الرفيعة أصبح حي صعب العيش فيه
 

ياناس مو معقول الي يصير بحي الرفيعة من ازعاجات أو دوران ويتم تطعيمها بتفحيط لكن الآن اصبح الوضع غير مع الدبابات والعالم التعبانه فعلاً لا بد من الرحيل للإسف حتى اذا تم الاتصال على الشرطه ما فيه فائده ما يجي صاحب الدورية الا بعد ما تمل من الازعاج لا وبعض المزعجين هم نفسهم بالمرور ولولا منع الاسامي في هذا المنتدى لسميتهم بأساميهم حسبي الله عليهم المفترض ينظمون الحي مو يسببون الازعاج .

الحي هذا يووووحش وشلووون تعيشون فيه
الكليه حطوني اطبق في احد مدارسه ورحت لمه مره وحده وخفت منه ونقلت
احسه بعالم اخر عن الناس والحياة

الله يعينكم وييسر امركم

من كبووو مبزرة العساكربـ الساحه والوضع كل ماله (مدحدر)! على طاري المرور وذا ربعنا ثنين مبطو الحريم متغطيات عنهم والحين يدبتسون بالمرور:s

^

يا شين اللي ما يدري وش السالفة :d

~

وش تسوي لا صار حاميها حراميها :)
دوك الموقف أجل ،ـ مرة وأنا جاي من الجامعة الساعة 2ونص ، وعند إشارة جامع الخليج ، الوكاد بزر من المبزرة قطع الإشارة ( عنوة ) يعني موب يبي يمكنه ، تلفت ومكعه ، ولا شاف راع المرور اللي قباله ! راع المرور لحقه ووقفه ، ( طبعاً كل الحادثة أمام عييناتي ) ، نزل البزر وهيئته ( موب هيئة رجال ) ! أنا قلت أقل شيء يبي يصقعه بـ قسيمة ، ولكن للأسف تبادل للضحكات ومدري وش بعد وأنتهت المشكلة :)
توقعون وش اللي شفع للهبزر من ( حجز ) وغرامة ( 1000 ) ؟؟ :confused:

تباً لهكذا ( مرور ) .. !!

الحي اذا ماصار فيه لجه موب حي

الله يعينكم يآبو فيصل ,
لكن نصحيه اذا تبي الحي الهادي والمحترم مآلك الا المنتزه الغربي بـ الشمآل .
:)

الله يعينكم ويسر امركم

كل الاحياء يوجد فيها ازعااااااااااااااااااااجاااااااااااااااااااااات من دوران وتفحيط و(سمرمدن) تعبانه

عليك بخب القبر والله ماتلقى أحد يوطوط حولك , جارو السعيد تسعد

الله يعينكم ..

الحي مافيه إلا العافية...........وهناك بعض الأمور ينبغي معالجتها

()الرفيعه تغيرت الحين هي وغنامه والربوه
كله شرطه لو يزعق واحد جت الشرطه
تقبل مروري
(h)

طيب ليه ما تنقل من الحي وتريح نفسك

العين بصيرة لكن ما باليد حيلة .

كلامك صحيح الوضع مدحدر بها الحي والغريب التجمعات للشباب التي بداء يتوافد لها أشخاص من غير الحارة ، حتى وصل بأحد المنازل بأن أزال حوض الاشجار التي حول البيت لكي لا يجلس هؤلاء المتجمهرين أمام منزله .

كلامك هذا غريب وعجيب ......... الحسد يكون بتمني زوال النعمة فهل هذه الفوضى نعمة لك .....
يجب الحذر قبل ما تتكلم لإنك تحط من قدرك .

سواد القلوب مردها لله وليس لك ............ لدينا آبناء نخاف عليهم وهناك اشياء تدور أنت لا تعلم بها أو مثل ما قلت لك صالح فيها كفانا الله شر من به شر .

يا طفل لا تفقه يا غير عاقل يا مستفيد من الوضع .
اتحدى عاقل يقول هذا الكلام .

عبدالآله بن فهد أقدر لك هذا الاقتراح واقول جزاك الله خير لكن ياليت استطيع الخروج .

لو علمت المقاصد من هذا الازعاج ما جسروك ، لخفت على نفسك .

قال تعالى( وَجَعَلُوا الْمَلَائِكَةَ الَّذِينَ هُمْ عِبَادُ الرَّحْمَنِ إِنَاثاً أَشَهِدُوا خَلْقَهُمْ سَتُكْتَبُ شَهَادَتُهُمْ وَيُسْأَلُونَ [الزخرف : 19]


يا عبدالله راقب ربك أي ما فيه عافيه الاطفال لم يستطيعو النوم وانت تنفي الواقع .
اذا منزلك سالم من ها المهازل احمد ربك .

لم أفهم قصدك قصدك أن الدوريات متواجده غير صحيح .

حتى الواحد بالبيت مايرتاااااااح الله يعينكم يارب

خلاص المرور هذاك اول اوما الحين ماعندك احد كل اللي بالمرور مبزره لوتبخبه هج

خخخخخخ

الله يكون بالعون للجمــيع ..

من زمان ونحن نعاني لكن مثل ها الفوضى ما شفت .

صحيح للإسف

الحل المطالبة بحل هذه المشكلة

آآمين

انا اقولك المرور مخصصين 4 سيارات مرور وفيه سريات
يدورون على ثلاث احياء الي هن
الرفيعه الربوه غنامه
يعني يروحون للربوه همن لرفيعه همن غنامه همن يعيدون الدور طول اليوم
عساك فهمت
تقبل مروري(h)

هههههههههههههههههههه
مو بس مبزره به شيبان(h)

فية حي جديد عند المستودع الخيري الي في حي الخليج عند الحديقة الجديدة مافية أزعاج أبد

أشكرك كبرياء الجرح لكن يوم الخميس والي صار يقول بالواقع ما فيه أي دورية مرت بالحي من شهر مو من ساعات ، الا اذا كان ما نسمع صحيح من أن بعض من في الدوريات من أهل الحي الشباب وهو الذي يساعد على هذه الفوضى (ج)


للعلم اليوم اشكر السلطات على وقفتها حيث وضعت تفتيش بوسط الحي حيث تفاجأت أول يوم أشوف ها الشارع بهذا الفراغ من سنوات .

اشكرهم مره آخرى لكن ياليت يكون الحل دائم مو دوريات مسجله أنها تراقب وهي ليست واقعيه وعذرني على كلامي لأن الواقع يقول هذا كيف أربع دوريات وهذا الاستهتار بالناس وبأهل الحي من هؤلاء الشباب

مرحبا في ابد
ابشرك ما فينا شيء ، وكلمة (فرح) كانت حجة تستخدم عندما يغيب الرد البين والإرادة من الخروج من الموضوع بإي شكل .

نعم أقول عسكري ولم أقل كل العساكر أما سالفة أخرب السمعه غير صحيح لم يكن يشك أي مواطن بفضل الله ثم الامن عندنا بسبب رجال الآمن لكن هذا العسكري شذ وإذا أخطاء ليس معناه يا ا ب د 7772 كل رجال الامن غلطانين إلا إذا كنت تريد الدفاع عنه هذا شيء ثاني .

أما فيهم الخير والبركة هذي يعرفها جدي وليست جديدة .
أما لماذا لا أقول موضف ؟ عجيب أمرك هل تقارن الموضف بالعسكري الموضف له عمله لكن خارج الوضيفه اختلف الامر اما العسكري هذا عمله هو ردع المزعجين ومحاسبتهم فهو قصر في هذا الأمر
فيجب محاسبته ولو وصل الأمر الى استأصالة حتى لا يخرب سمعة رجال الامن .

علماً أنه ليس هو السبب الرئيسي لكن هو أهما من الأسباب وهم اثنين ماهو واحد يا ابد .

وبإذن الله سيتم رفع شكوى ضدهم قريباً .

تبيه اذا ما يقراء دعاء السفر اقول الله يعينك ابوفيصل

عفوا تبيه اذا مشى

ياللي تقول خب القبر مااافيه ازعاااااااااج<<
أنا ساكنه فيك<<تقصد حناااااا:d
انواااااااااااااااااااااااااااااااااااااااااع الازعاجات.....
ياخي مايجيك راعي الدباب في الظهيره ويخوي رااااسك...<<:05:
والله ياهو يشب التسبد>>>:(
كل الضهر وهو يحوووس ويدوووس>>مادري وش يحس بووووه>:mad:
اكيد من هاالفوااااااااااااازن اللي مااالين الحااااااااره>>>توووف توووف:i121

ربي يعين الجميع .

عندكم ازعاج بالوسيطاء لكن مو مثل الرفيعة ولا يعني انه اقل من الرفيعة انه يكون ما فيه ازعاج المشكلة انا ما ادري كيف ما يخاف الله ها المزعج ما يدري فيه مرضاء وكبار سن وناس ما تقدر تنام الا بصعوبة ثم يجيء ينكد عليهم كيف ما يخاف من الدعوات الله لا يضلنا ويهديه لصراطه المستيقم واذا ما اراد الله له هداية عساه تحت تريله تفرمه فرم .

الله يعينكم على هالحي

والله اني ماواطنه

الله يصلح الشباب ويشغلهم بالطاعه

ويكفينا شر من فيه شر

الله يعيينك

بصرااااااااااااحه يخووووووف هالحي


ضيااااااااااع

اللهم آمين

يعين الله .

يازين الشمال بس

وانت الصادق انواع الازعاج والصراحة ناس من غير الحاره يجون ويزعجون انا اعرف شياب وعجايز بس يدعون عليهم لكن مافاد والمشكلة نتصل على المرور وساالني يقولي انت كبير اوصغير انا توقعت انه يبي يناسبن ويقول طيب جاين ولا يجون الا بعد مايتقطعن كفرات اللي يفحط ويخلص بنزين راعي الدباب يجون واذا جاء انا اناظره امس كان يدور معهم واليوم جاي بدوريه يعني يعرفهم يننننننننننناس والله تعبانا ماتقول عندنا حكومة

المشكلة أن المربع ينقسم الى ثلاث اقسام :
حي المالك وهو قديم وعشوائي ويسكنه كل أحد ولم يتبقى من أهله الا القليل .
حي الرفيعة وهو حي قبل عشرين سنه وما زال أهله في الغالب متواجدين مع أن هناك من رحل وهرب من الواقع المرير لأحياء أخرى .
العكيرشة : وهو حي قديم وجديد ............. فالحي الآن أزداد عدد ساكنية ولا رقابة تذكر بالإضافة الى تجمعات تأتي من خارج الحي بالإضافة الى تشجيع شخصين من المرور حيث أول ما يسلم يجي بربعه ويدور معهم حسبي الله عليه .

يعني الحي متعدد الطبقيات والأهل والتوجهات والغريب أن أفضل مركز حلق هو جامع حي الرفيعة :41
لكن للأسف اسئل أي طالب عما يواجه من الجهه الأخرى تجد العجب :oo:i121

اي والله لكن ما بليد حيلة .

الله يكون بعونكم جميع الاحياء القديمه يكثر فيها التجمهر والازعاج والتفحيط والسبب هم اعيال الحاره نفسهم يكدد رويسه ويلبس بنطلون جنز ويبدا يرزز اخشيشته تقل مطيار اكيد يبي يجون الحونشيه العرابجه اصحاب الجيب الربع و العرابجه اصحاب النقل الهايلكس يدور الشحم والشحم بظهره

الحقيقة يشكر المسؤولين الرفيعة يتواجد فيها دوريات بشكل مستمر امس واليوم فجزاهم الله عنا خير .

اليوم دوران وتواجد دبابين للاسف .

وش ذاا حي ولا طعس

اشكي همك لله

الله يعينكم يااارب

سبحان الله وبحمده سبحان الله العضيم

لو طعس كان عبيت لهم بنزين لكن الله يرحم الحال .

ونت الصادزوقسمـ:41

مرحبا الفضي شكراً لمرورك والله يقبل منك .

الله يكون بالعون

الله يوفق
ويسترعلينا وعليكم

لو يطبقون الاحياء المغلقة كان يريحون العالم من المبزرة ومن السرقات

لا يعلم الكافر الضلام الذي عاش فيه الا بعد اسلامة ولا يعلم الكاذب راحة الصدق الا بعدما يصدق ولا يعلم الجهال جهله الا بعد تعلمه ولا يعلم المريض مدى مرضه الا بعد شفائه ولا يعلم الذي لم يتربى على الاخلاق الا بعد ما يعلم الاخلاق ولا يعلم الذي يفحط ومشغل نفسه بربع ودوران الا بعد ما يتعلم الدين والاخلاق ويطبقهما على الواقع .
وأما التنكيت الذي لا يكون بمحلة فهو نكته مالغة لا قيمة لها الا الحط بصاحبها فحذاري يا من كان ابوها بريدة .

اذا مازحفت وش الفايده ولعلمك انا من الي يدورون وخوالي معهم دبابات
وانا كد اخذت الدباب ورحت لرفيعه

حق الوناسه وش نسوي
وكل الي يدرون اعرفهم واحد واحد

الحي اذا ماصار فيه لجه موب حي <<< كلام كليم

اهنيك ع الرد اخوي

النك يخالف كلامك والسبب هو راعي المركيز اشتهر بالثقل وليس الزحف لكن لكل قاعدة شواذ

عبارة (إذا ما زحفت وش الفايدة) تعبير عميق صادر من صاحب عقل اكبر من الكبير والواقع أعلاه شاهد بعكسه ;) الناس تطلب القمم وناس تطلب الفائدة من ضياع اللهم عافهم ولا تبلانا ولا ذرارينا .
عبارة (ولعلمك) كأنك سويت شيء يوم أفصحت عن نفسك الي يدورون معروفين ولا هم خافين لا على اهل الحي ولا على الجهات الأمنية لذا ماجبت جديد حاول مرة اخرى
عبارة (خوالي معهم دبابات ) لكن ليه ما لك دباب يا خسارة مسكين تروح تشحذ دباب وانت صاحب الهمم العالية وملاء وقت فراغك بما يفيدك ويفيد والديك ومجتمعك .
(كد اخذت دباب ورحت للرفيعة) احلا تعرف تسوق من قدك .

آمل من الأعضاء الكرام عدم مؤاخذتي على الرد السابق لكن يلزم أن نرد بعقليته حتى يفهم ..
اعلم انه يا طفل واذا كبرته صار مراهق لإنه لو يميز ما ازعج الناس وجعل الأيدي ترفع عليه داعية .

ابو محمد اشكر مرورك وتعليقك الوافي ونؤمن على دعوتك آآمين

الله يعينكم يا ابو فيصل وييسر امرنا وامرك ويعينك

ويشيل هالمبزرة لاهاليهم ويلعبون بدبابات خوالهم بصالت بيتهم

تحياتي لك يا ابو فيصل(رفع الله قدرك)

انا ساكن بالرفيعه وانواع الآزعـآج الله لايوفقهم مبزره

كل الاحياء يوجد فيها ازعااااااااااااااااااااجاااااااااااااااااااااات من دوران وتفحيط

شف ابو فيصل اما ذي كلمت اشحذ موب انا الي اشحذ كل واحد يناظر الناس بعين طبعه
وبعدين احد قاالك اسكن با الرفيعه دوار الربيعية صاله في عين امك

بعدين ندور حق الضحك و الوناسه وكما قال{لحي اذا ماصار فيه لجه موب حي}

سمعنا عبارة : شين وقوي عين ، المال مال ابونا والقوم طردونا .

موب : تفيد أن ناطقها مهذب ومتطور سلوكياً وحضارياً وجتماعياً .
انا الي اشحذ : الدنيا في محلها ياما ناس فوق حتى وصل بهم المكابرة وقال كلمته المشهورة : الفقر لا يستطيع أن يلحقني ولا بصاروخ ، والآن يشحذ قيمة فواتيرة .

كل واحد يناظر الناس بعين طبعة : هذا ينطبق على الردي يرى الردي متميز لإنه ردي مثله ، وعلى الطيب انه طيب لانه طيب فالاستشهاد بهذا المثل غير واقعي لانه ينطبق على كلا الحالتين فمن الطيب ومن الردي هل هو المفحط أم الذي دفع دم قلبه لكي يتملك منزل .

احد قالك : للإسف لو علمت أنك موجود لأتيت لأستشير جنابك .
بعدين ندور حق الضحك والوناسة : عجيب أمرك كأنه لا ضحك الا بإزعاج الناس أين انت عن من أزال غصن شجرة عن طريق المسلمين فدخل الجنه فإليك الحديث :عن النبي صلى الله عليه وسلم قال : لقد رأيت رجلا يتقلب في الجنة في شجرة قطعها من ظهر الطريق كانت تؤذي المسلمين رواه مسلم . وفي رواية مر رجل بغصن شجرة على ظهر طريق فقال والله لأنحين هذا عن المسلمين لا يؤذيهم فأدخل الجنة . وفي رواية لهما : بينما رجل يمشي بطريق وجد غصن شوك على الطريق فأخره فشكر الله له فغفر له ) اين انت عن هذا الرجل فكر بتعقل وليست الوناسة بكد قصيصه وفتح خشه .

تقول اني اقول لا تضحك لا اقول اضحك ونبسط لكن ليس على حساب دينك قال تعالى : وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ (65) لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ (66 ..
ولعلمك هؤلاء الذين ذكرهم الله في القرآن ولا تخفاك قصتهم كانو يضحكون استهتاراً بالدين فليس كل ضحك محمود فمثلا تضحك لان صاحب بيت خرج من بيته ولم يلبس ثوبه بسبب ازعاجكم غاضباً منكم الا تخاف دعوة تستجاب فتحطم دنياك وآخراك ففكر بها قبل ما تنوي الازعاج .
ولا تضحك على حساب مصالحك ولا وطنك ولا على حساب الجد والاجتهاد الدنيا ساعة وساعة لكن للإسف كيف لا نعرف كيف نضحك شيء عجيب .



انبسط لكن هناك اماكن وطرق غير اذية الناس الناس تبحث عن الاحسان لكي تنال الجنان وانت تسيء ، ووالله الذي لا اله الا هو ياما رأيت كبار سن يدعون ونحن ندعي لكن الله يستر عليك .

اتوقع هؤلاء عاله حتى على خوالهم لكن الله يرحم الحال .