|
إلى متى يآ مـــرور بــريــدة ..~
بسم الله الرحمن الرحيم ..~ السلآم عليكم ورحمة الله وبركاته ..~ م / ص الخـــيـــر هلآ وغلآ ببريده الحبيبه وآهله بريده اللتي أسرة الناس بحبها وطيبة أهلها لآيستطيع لساني وصف حبي لك يابريده الحبيبه . ولاكن .!! إلى متى يامرور بريده الى متى إلى متى يـ آخوان انا كرهت اطلع من البيت وكرهت ادخل داخل بريده بسبب المرور وظلمهم لن اذكر مواقف كثيرة صارت لي ولاكن ابذكر موقف قريب قبل يومين في تفتيش قبل صناعية السليم وقفت عند العسكري طبعاً مامعي رخصه قال اوقف على جنب وقفت ونزلت واسأل كذا واحد جنبي قالو نفس الشي مامعنا رخصه قلت ماعليه حنا مخطين ولآكن اللي يقهر جاء واحد للعسكري وقال انا اعرف فلآن بن فلآن وجلس يضحك العسكري وقال توكل على الله وهذي اوراقك معقوله لهدرجه وصلت الواسطه والظلم عيني عينك ..! اخذنا المخالفات ودعينا عليهم بسبب ظلمهم وليس بسبب المخالفه .. وامس على طريق الفاخريه حجز اكثر من 20 موتر ليش ..؟ مجمل الموضوع الى متى هذا الظلم ممنوع التفحيط __ طيب ممنوع النصب __ طيب ممنوع الدوران __طيب ( نبي بـــديـــل ) نبي بديل هاللي منعتوه عنا .. مابي احد يقمز ويقول اجلس بالبيت ولا وش فايدة الدوران وهو تلقى عياله يدورون وكل شي خاصة ان الشباب السعودي اكثر وقت فضاوة .. وارجو عدم حذف الموضوع اذا مصلحة بريده تهمكم للمعلوميه ( بريده على ايام النصب انقطع التفحيط والهبال ) وبعد منع النصب كثر التفحيط والهبال ..~ ارجو الصراحه بالرد .. اخوكم راكــان .. |
الجواب على تسائلك في عنوانك يتفعيل دور رعاية الشباب والرياضة
بشتى مجالاتها ومن ضمن مجالات الشباب ما ذكرته بموضوعك عن السيارات لو وجدت نوادي مختلفة وتحوي جميع انشطة الشباب واحتوائها أفضل من ترك هذه الهوايات سواء الخطره او غيرها من الهوايات. ولو توجه بعض رجال الأعمال لهذا الإتجاه لضمنوا الاستثمارات الجيده في هذه الهوايات للشباب |
قد يكون الجواب على أسئلتك .. | صعب | .. لكن قد توضع البدائل .. كما قال أخي | ألم | من نوادي وأماكن .. لهذه الـ .. | لأ أجد ما أسميها به | .. لكن بالنهاية أشكرك على طرح الموضوع .. وبالتوفيق .. وإن شاء الله يوجد لها حل .. |
يارجال من يوم صار الخلف مدير المرور ووضع بريده دمااااااااار
عندك اثنين بيقضون على دوران الشباب بأيت طريقة وهم عمر العبداللطيف والخلف مدير المرور حسبي الله على الظالم ... الله يذكر ايام ابوسامي العجلان بالخيير .. |
مـرٍورٍ . برٍيدهَ ( ظـلمَ ×. ظـلمَ . ) |
:09:
سينظر في آمركم |
والله انا اقول انت وغيرك نيتكم صاااافيه ان شاء الله اما غيرك ماتدري
يدورون عشان اشياء البارح ممسوكين ناس بالربيعيه داخل النفود فسسساد في فسسساد ليييييييييييييييييش اسأل نفسك.؟ شلون تعرفووو ع بعض.؟ كله عن طريق الدوران ... |
اقتباس:
اقتباس:
ماعلينا من الممسوكين اللي يبي الرداء بكل مكان يلقاهـ سواء بدوران او بـ الاستراحه وكل مكان ومعرفة الرجال مكسب وكل العالم تدور للوناسه وتضييع الوقت لا لامكاسب اخرى ..~ اقتباس:
وكل اللي ردو على موضوعي اشكركم على الصراحه والردود الرائعه (f) |
الله يخسهم يارجال
انا حصل موقف شبه موقفك بس مافيه قسيمه الثلاثاء اللي راح وقفت عند تفتيش اللي عند الابراج قالي وقف على اليمين وقفت قال قشع التظيله قلت ابشر نادن جيت لمه قعد يسولف مع واااحد وهو يسولف ويمر ربع مظلل اللي قدام وبدون لوحه قدام قال العسكري الثاني وقفوه لانه مافيه لوحه قدام قال الثاني ووهو يضحك خله يارجال تبعنا ويمشيه وتمر سونتا مثل الطريقه مافيه لوحه قدام وخلها وانا اتفلت ياشين اللي مايعرف سلوتح |
ربك يعين .. هي واقفة ع المرور !!
|
داااااااااااااااااااااااامك تبي علوم الرجال افتح باب بيتك وحي بضيوفك
اما تدور المراجل بالدوران لاجت للكلام الصحيح ماهي مراجل هالسوايا ياخي تفرييييط بدراهم بنزين وكفرات ومن اللي يدفع ابوك ولا امك ياخي حسوووووا ياشباب المراجل ماهي بطرد السيارات واللي فيهااا ترا الناس لهااا عيون وتشوف هالاشكال اللي ماليه الدوران ليش الواحد مايجتمع هو وخوياه براس طعس ويشبون النار ويتعللون ويستفيدون من بعض بدل هالدوران اللي سرررررق منااااا اغلا الناس اخواننا راحوو بسبته وعيال الناس يبونهم اهلهم واكثر هاللي بالدوران مرااااااهقين يبون يفرغون عن هالكبت بهالطريقه... سامحوني بس جد هالموضوع استثارني.... |
هلآ والله بـ أبو الليد ابعلق على كلآمك وحدة وحدة
اقتباس:
ولله الحمد باب البيت مفتوح والله يحيي الرجال بـ أي وقت المراجل بكل مكان سواء بدوران اوغيرهـ والحاجه اللي ماتضر وتوسع الصدر نبي نسويه ونفس الحكايه الرداء بالدوران وبغيرهـ اقتباس:
بنزين اوكفرات اوغيره وش الفايده منه الا عشان تقضي اشغالك وتوسع صدرك وتتمشى اما من ناحية اللي يدفع ابوي ولاأمي على قولك ولله الحمد انا موضف و اكثر اللي يدورون موضفين وحتى العاطلين اكثرهم يصرفون على نفسهم بـ أي عمل حر اما ناحية الاشكال اللي تقول عنه سزاء بدوران اوغيره تبي تلقاهم .. اقتباس:
ابي افهم كيف راحو بسبب الدوران الا اذا كان يفحط ولا يسرع انا موضوعي محدد عن الدوران وبس اقتباس:
وحيآك الله اخوي احترم رايك ..~ (f) |
ليتهم بكل شارع تفتيش
ازعجونا ذا المبزره دوران وتفحيط وسرقات هولوكس وروبووع |
|.
سألت وهنا جوابي / من رآيي تمسك دروسك :re ولا تدور لك شغلة أزين لك من الدوران وتضيع الوقت :) وصدقن ما أحد بيزعجك ;) |
^^
انا معاك لكن أوقات الفراغ والعطل .. والمشكلة هذي بس ببريدة .. اما باقي المدن لاتذكر .. |
السلام عليكم ورحمته الله وبركاته "بصراحه الشباب الله هديهم على الدوران بصراحه تضيع وقت على غير فايده ولا بعد تفحيط وزعاج على الناس حتى في الليل الوقت متاخر يقوم يفرفر ويفحط بالاحياء يزعج خلق الله أو في الظهر الناس توه طالعه من المدارس أو الدوامات تعبانين يبون يريحون ويقوم هالشباب بالتفحيط """وأن اقول ماله داعي الدوران الي ماله فايده تضيع وقت وخساير""تبي توسع صدرك رح للبر وتمشى هناك وتطلع كل الطاقة مو بالاحياء تفحطون وتزعجون الناس
وأخير احب اقول ان لاتضيع شبابك بالدوران روح وأستغل الفرصه الشباب والنشاط( أما بحفظ القران او حضور الندوات والمحاضرات المفيده التى تستفيد منه بالدنيا والاخره (قال الرسول صلى الله عليه وسلم لاتزول قدما أبن آدم يوم القيامه من عند ربه حتى يسأل عن أربع وذكر منها عن شبابه فيما أبلاه) |
انا من رأيي يمنع الدوران مع إني شاب بالثنوي بس مالي خلق الدوران .. والله ان العيال دايم يقولون قوه ندور اقولهم لا الله مشغول مع اهلي ولا عندي اختبارات .. وانا اتسذب بس اذا قلتقهم مالي خلق الدوران اخذون غصب ..
|
الله يهديه مدير هالمرووووور
ياناس خلو اول شيء يشوف رجال المرور اللي حواليه والله منهم اللي راعي دوران ومنهم اللي يفحط وبعدين يمنع الشباب من الدوران والله صدق هالمثل ‘‘‘‘‘‘ حاميها حراميها ‘‘‘‘‘‘‘‘ يعني خلاص حجزتم الموتر راح اتوب عن الدوران ايه هااااااااااااااااااااااااااااااااين بس عنديلك حل يالخلف علشان ترتاح من الدوران افتح مكتب استخدام وزوج كل اللي يدورون حس ياخي شوي ياناس ماكو حريم ماكو حريم يمسكنى مثلكم الواحد 12 مايطلع من البيت وحنى لنى الله يالله يارب. انه يهديه ويفتح عقل شوي وان يفهم انا عيال مدينته مو اعدا |
يااخون انا اتكلم عن الدوران فقط ماقلت تفحيط بالعكس اذا منع الدوران بيكثر التفحيط
اما اللي يقول امسك دروسك انا موضف ولله الحمد ولاكن وقت الفراغ وش نسوي ماحد يبي الرداء ولا احد يبي يضر الناس واللي يقول ازعجونا بالتفحيط اقوله احسن عساكم من هالحاله وأرداء >> خربه الولد هع __ ماتبيه يفحط خله يدور بشويش ويزبط الموتر ومايضر احد كل اللي يدورون مايتعدون 80 ..~ بريده من منحدر الى منحدر ..~ |
اول شي .. وحبيلك وياحبيل بريده
لكن يابعد تسبدي ابقول لك شئ ولا تاخذ بخاطرك ودي لو تشيل فكرة الدوران كان تستريح وتدور لك على شي يفيدك بمستقبلك |
يارجال هينة مرة انا وعيال خالي بشارع النهضة بالثيل قاعدين نتعشى بعدين جتنا دورية
والنفس شينة وبدون تفاهم تقل طلاب اولى ابتدائي((يالله يالله قوموا بسرعة)) يابن الحلال تونا فاكين عشانا بعدين قال ((يالله قوموا قبل ما اجي ادعسكم)) تهديد لبزارين وقمنا قسم بالله العشاء بالثيل جديد ماذقنا ولاعود والمشكلة ماعلمنا ليش قومنا |
ما خرب هالبلاد الا انتم وافعالكم فكروا في امركم لو اشوي بس الله يهديكم ويعينكم |
فشلتونا ياشباب بريده سمعتكم بالدوران واصله وين الله لايبلانا انا لو اعرف اسوق مارحت ادور ولا الحس الكفرات مثل بعض ناس !! >> عارفه مالي دخل بالموضوع بس شي يقهر قلولي اولااه متى بتعقلون ؟؟؟! |
اول شي اشكرك يا شنب على الموضوع
الصراحة في خاطري الكثير الكثير الكثير الكثير انا شاب راعي دوران بتله + احب النصب ولكن تعذبت مثل ما تعذب غيري من المرور ... لا جيت ادور ما ادري إلا والمرور وراي وقف وقف ثم يالله خذ لك قسيمة ... مب معقوووولة والله مب حالة .. كرهونا العيشه قسم بالله .. حتى إذا نصبت يدورون على المواتر بقسسسسايم , حتى بالتوقيف ما سلمنا منهم .. اعرف واحد معطينه المرور قسيمة تغبير وهو موقف موتره هههههههههههههههههههه اجل عمرك شفت مرور يحط لك قسيمة وقوف خاطئ وانت موقف بملابق الفاخرية ههههههه والله شي يدع للضحك , هالسلاتييييييييح شف مواترهم هايلوكسات وربوع ودوران وازعاج خلق الله ولا مسك الدوريه جاء واشغلنا .. والله ياخوي هذي السالفة صايرتلي , واقفين انا وواحد بحارة بس الشارع عريض وبتله دوران المهم وحنا قاعدين نغبر بنفس الشارع , ويجي الدوريه ويوقف عندنا وقال ابيكم تغبرون لي ابجيب موتري , طبعاً وافقنا وراح , وحنا نحسبه يستهبل , طبعاً ابطينا نغبر , المهم ويجي بهايلوكس غمارة ويوقف عندنا قال يالله غبرولي , قلنا له على بلاطه .. يوم كان معك موتر المرور وافقنا علشان ما ناخذ قسايم اما الحين لا , قال هو زين زين .. والله بعد يومين وانا داخل حارتنا واشوفه وراي يوم نزلت واثر الخشه خشته :d , قلت يالليل وش جابه ذا :confused: المهم قالي مسح الغبار عييت وعطان قسيمة غبار وقالي ساده هذا اللي ما يغبرلي .. قسم بالله ياناس مهزلة , والله مهزلة , استغل موتر الدولة .. وتسد شفت مرور يجاكر راعي هايلوكس غمارة !!! والقصص وانا اخوك كثيرة وكلنا صاير لنا مواقف مع المرور وانت عارف مثل هالأشياء .. انا ودي اسأل وش فيها الدوران .. انا اشوف تغيير جو وتفضيت هموم وفراغ .. ومنها التفرج بالشوارع :d حتى الدوران عند المدارس ما سلمنا منهم , كل ما جينا ندور عند المدرسة يجيك المرور :i121 والله العظيم مب حالة ياناسسسسس , إلى متى الخلف قاعد على قلوبنا .. شي يبط التسبد ويقهرك , لا دوران لا نصب لا تجمعات , حتى تجمعات النصب ممنوع .. وحنا ماغير نلحط من القسسسسسايم , حتى بالحارات ما سلمنا منهم .. حتى عيال الذين ما يمديك تطب الفاخرية ولا النهضة إلا وهم لاقطينك .. انا استغرب على اللي يقول فض روحك بشي ينفعك !! مع احترامي لك هذا مب جواب يابعدي كل وقتي لازم يكون بشي ينفعن , حتى الدوران ينفع بنظري , نص العلاقات مع الناس تجنيها من الدوران .. والدوران ظاهره صحية ومافيها شي , واللي يقول فقدنا ناس , اقوله اغلب اللي يدورون يتمشون بالشوارع وهادين ... متى نتطور ياعالم , متى يفكونا من المرور :d قسم بالله ياصاحب الموضوع ودي افض فض لك بهالموضوع من اليوم إلى باتسر بس ماله داعي نطول عليك .. لإني الصدز منقهر مليت من القسايم ومليت من كل شي .. اكرر شكري لك (h) |
اقتباس:
|
الله يهدكم ياشباب الأمه~
بقولك ياأخي عن قريب لديه فراغ بعد العمل أذا كان وقت الخميس والجمعه خروج لرحلات البريه وأيام الأسبوع حضور دروس علميه~ محاضرات ~تحفيض~ وهو لم يتزوج ولديه الصدقاء كثيرين ممن هم على شاكلته الله يثبته~ |
مداخله مداخله
ياناس حنى شباب وعارفين وش اللي نهتم فيه طيب طيب ورى ما تساعدونى مادامكم شايفين الظلم مع رجال المرور مع العلم انهم هم لهم يد بهالي يصير من رجه ببريده خلونى من الدوران بس نبي نصب وشوفو بريده كيف تتغير والله ان كل الطرفين يرتاحون لا من المرور ولا من شباب بريده وبالنسبه للدوران يسمحلي صاحب الموضوع والجميع اللي مرتاح بالدوران اللي رخصته بوجهه [الزين] اما اللي متبهذل و معذبينه والله [ الشين ] الشي ذا مااااايخفاااااااكم |
المثل المصري يقول
( إمشي عدل يحتار عدوك فيك ) وأتوقع لو تكمل كل شي تمام ( الرخصه موجوده والإستماره ،وما تضلل ، وتمشي صح ) وتخش بعين أي عسكري ، ولو وقفك رغم ذلك فلكل حادث حديث ، أشكر طرحك المهم .. |
كل ما حاولوا يضيقون على الشباب .. زادو الشباب هبال ... واذكركـ
|
يـإُ رجإُلَ آلله يقطُع أبليسُهمَ ،
خلُك ببيتُكمَ وعلىُ هالُنتَ وشفُ درٍإُستُكَ إُحسنُ لكُ منُ ألدورٍإُنَ وغيرُهَ ، بسَ ألقهرُ لآ صرٍتُ منتبُ رأًعيُ دورٍإُنً وخرٍبطهُ وطلعتُ لمشوُإُرٍ ومسكتُ وعطوُكَ مخآإُلًفهَ هذيُ إُلي ُتغثنُ دإُيمُ ، ملُيتً وأنأ أسددُ قسإُيمُ قسمُ بآللهًُ كلهً من المروٍرٍ ولآ وٍحدهُ من سـإُهرٍ ، لكنُ ، رٍبكُ يعينُ ، اِشكرٍكُ يإ بعديُ ع طرٍحُ الموَضوَعُ ، |
مع اجمل تحيه / ياحبيلك والله ودي ولآكن مابوهـ بديل يوسع الصــدر اقل شي يسمحون بالنصب لاضرر ولا شي .. محب حماة الفضيلة / حاميها حراميها ونا آخوك أتعشى مافيها شي ع الاقل من باب الاحترام قل تعشى وامش بس ماحولك احد .. رمز الرموز / الله يهديك وش مسوين بالبلآد ههههه الله يجزآك خير .. زهرة الياسمين / يمدحون الطبخ وكنس الحوش هع :( .. عبدالله الخالدي / أدري والله فيك وماكتبت هالموضوع ألآ من قهري لو نظام تقدر تسكت وتمشى بس الدعوهـ لعب بلعب الله لايوفقهم بس وآشكرك على صراحتك يالغآلي .. احساس يؤلمني / جزاك الله خير .. زمن عجيب / كلامك سليم مليون بالميه نبي النصب اقل شي ومثل ماقلت يالغلا العسكر لآعابين لو انت زين ولا تعرف احد منهم خلوك تمشي .. الكمكمه / من اسمك عرفت بكبر عقلك .! صدق من قال لكل داء دواء يستطب به .. الا الحماقة اعيت من يداويها .. أكره البنغاليين / كلآمك سليم وهذا اللي صاير هاللحين .. القنزهـ / والله اني قليل دوران ولآكن أكثر المخالفات ظلم بظلم وعلى قولك ربك يعين .. اشكر كل من رد على موضوعي .. |
الله يعين بس ؟؟؟؟
وتقبل مروري |
فتى اي والله
الله يعين .. |
صدق رضى الناس غاية لاتدرك 0
|
اقتباس:
الصدز قعدت ادور بس ماش مالقيت :d:d |
ياأخي (ألا بذكر الله تطمئن القلوب)
عليك بذكرالله وطلب العلم وتذكر ليس والله هناك سعادة وانشراح في الصدور إلا بهجر المعاصي والأ قتراب من الطاعات والخلوة مع ربك روح الحياة وحياة الروح فلقد قال: أحد السلف لو علم الملوك وأبناء الملوك مانحن فيه من سعادة لجالدونا عليها بالسيوف. جرب ليله قم فيها لربك وشوف انشراح الصدر كيف يجيك إن شاء الله تدعي لي: 12 أنا أعرف راح يجي أحدهم ويقول ياأخي ساعة وساعة لكن أبناءنا اليوم ولا ساعة يقضونها لله. |
اقتباس:
صز غير نكك من الكمكمه إلى الكمخه انا اقــدر اجادلك واعرف لك انت واشكالك من الطبقة الدنيئه ولاكن انا اكبر من كــذا لآحترآمي لـ هـالمنتدى بكل اعضاء ومشرفين وادريين .. قال الامام الشافعي رحمة الله : إذا نطق السفيه فلا تجبه .. فخير من إجابته السكوت فإن كلمته فرجت عنه .. وإن خليته كمدا يموت .. اذا الموضوع مخالف ينحذف ولاكن الموضوع للنقاش ..~ |
اقتباس:
جزاك الله خير وكثر الله من آمثالك ...~ |
وين بيته بس مدير المرور خلنا نسوي مساابقة نصب وتفحيط
|
اقتباس:
هههههه :d :41 |
اكبر دخل لبرييده ساهر والقساايم اللي يعطوونهن عيالنا هالمسااكين الله يكون بعوونهم بس |
اقتباس:
اي والله والله يكون بالعون ..~ |
كلام كبير
ومانقول الا الله يعين |
الصدق تركم اشغلتونا ياخي محد قالك لا تدورون وليش مفحطين وليش مضلل وليش مغبرين
لان عرفين ان الواحد يمر بالمرحله هذي وماتتغير الا مع الوقت وهو يتركها مستقبلا حتى لو صرت موظف او طالب. بس كونك تطلب الدوله تفتح لك المجال على رغباتك اسمح لي اجل واحد يقوول بالردود حتى الدوران بالمدارس ممنوع اي ممنوع ونص وش عندك تدور بس تفحيط واستهبال وازعاج للحي وعلى بلاطة مسوويين يدورون الصيدة والصيدة بظهورهم |
ياناس والله جايين نبي حل مو معقوله الحاله هاذي
قلتو ان عقولكم عقول صغار ــــــ ماقنى شي وقلتو انـــــا في سن المراهقه ــــ مـــــــاشي طيب وين الناس اللي عقولهم كبار ورى مايعطونى الحل وين الناس اللي تعدو سن المراهق ورى مايقدرون حالنى اقول الله يوفق مطاوعة مدينة الرياض وعلى راسهم ابو زقم ورى مانشوف زيهم بدورانى ورى كل شيء تشدد ببريده اقل شيء تسوونه حديقة الرفيعه اقلبوها للشباب بدل العوايل اللي وين ماتروح مكان تحصله عوايل واقسم بالله كثرة مجمعات العوايل زاد هبال البنات ودشارتهم وروحو وشوفو بعيونكم ماقول الا الله يعين |
اقتباس:
(f) |
اقتباس:
يآخوي ليتك تقراء الموضوع زين عشان تعرف ترد انا اقول ليش ظلم المرور وليش ممنوع الدوران ماقلت تفحيط التفحيط عساهم يحجزون اللي يفحط لآنه يستاهل وانا من الناس اللي اكـرهـ التفحــيط مـرهـ ولاكن مجمل الموضوع نبي ندور ومحد ضار احد ومن ناحية الدوران عند المدراس ماايدهـ ابد انا قصدي الدوران بغـرض التـمشيه ooo1 فقط ..! |
اقتباس:
|
يا ابو الليبد والله كلامك مب محله بس وش تقول شغل ما فيه وين تبينا نروووح
نسرق مثلا والمرور مشغلنا كل لفه طالع بوجهي |
اقتباس:
لقد اسمعت ولو ناديت حياً ولكن لا حياة لمن تنادي :d:d |
اقتباس:
هههههههههههههههههههههههههههههههههههههههههههه ياخي مشكلتكم تسمعون كلام المجآآلس وتحسبونه موجود بالواقع :( اجل يدورون الصيدة والصيدة بظهورهم .. ما اقول إلا الله يخلف عليك :d اللي يبي الصيدة على قولتك جابها . ياخي الدوران عن المدارس مافيه اي ازعاج ولا شي |
آبوووك يالدعدعه ببعض العيال اللي ينصبوون حافي منتف وينصب ويدور يمكن العشره ياخذه من آمه عششانه يعبي بانزين ..! الله يخلف على شباب الائمه بسس شباب فاضيه وعله على المجتمع المرااهقه تراءلهاا حدود مب تسوون اللي تبون ولا تبالون بغيركم..! يعني يجي ينصب عمره 27 بالله للحين مراهق طيب فييه عيال مرو على مرحلة المراهققه بس ماسسو الشي هذا .. واكيييد 90 % من اللي ينصبون مب عيال حماايل ..! ولاآحد يزعل |
اقتباس:
ههههههه وش دخل الاصل بالنصب والله يانت مضيع شكلك داخل المنتدى بالغلط الله يصلحك بس ..~ :d |
اقتباس:
والله صدق وش دخل عيال الحمايل ياشيخ اكبر شوي يعني خلاص اذا كبر الواحد تبغاه يرابط ببيتهم ولا يسوي شيء حبيبي افهم ان هالشي هوايه وحب ماله دخل كبر العمر وصغره |
اقتباس:
بعدين وشوله تدور يوميا انتظر يوم الخميس ورح للنقا بالثويرات تطعيس ومقاوم وناس حيه ووناسه وتجمعات بالنفود واذا تقول ماودي الله يعين أهلك عليك |
اقتباس:
ههههـ مو مشكله نروح على قولك للنقا ولاكن ايام الاسبوع بهالملل والمـرور ماتمشي متر الا مخالفك والدوران مابوه ضرر يابعدي خل الشباب ترفه عن نفسه شوي ..~ (f) |
ههههههههههههههههههه متعقد من المرور
|
اقتباس:
اي والله وبقوهـ بعد :eek5 (f) |
| الساعة الآن +4: 04:05 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.