|
حبيبنا فيصل بن بندر: تفضل نبيك بكلمة رأس !!الوضع خطيررررر وماله إلا الله ثم أنت .
( اعذرني سمو الأمير خطابي لك بالعامية نزولا للظرف الي قاعد يزووود ).
مساؤك وصباحك سعيد أميرنا الغالي .. والله وربي ملينا من نثر الكلمات , وكتابة السطور ,وملء الأوراق , وربي ملينا من الشكاوى ملينا من الاستنجاد .. عارف تقول :وش تبي؟ . أقول سم ياغالي : باختصار ( نهبونا الي مايخافون ربهم من عيالنا , صرنا نخاف على محارمنا ولاعاد نفكر بحلالنا ) الناس كله تصرخ وتشتكي , كلن يقول : سرق بيتي وسيارتي والله يستر من غيره .. تكفى تكفى تكفى - ( ترى تكفى ...) - بعد الله شف لنا حل !! والله ما أنام إلا مسدسي <<المرخص طبعا بجانب راسي .. ابن سعود .. سرقت بيتي وبيت الوالد ثم جيراني بليلة وبوقت خرافي بظرف نصف ساعة أو أقل ..والقصص تملأ كتب . مو معقول هذا الي قاعد يصير .. والله أي حركة بالليل صرت آخذ احتياطي لها الله يستر.. لدرجة إن الوالد يقول تعال اسكن عندنا خلك عند خواتك الله يستر عليهن وعلى بنات المسلمين ... أميرنا الغالي .. ما أحدثك به والله من الواقع وهو على أغلب لسان أهالينا ببريدة .. أميرنا .. لو جاني السارق ببيتي وش أسوي ؟ تسمح لي أطلق عليه ؟ ولا أخليه ينهبني ولا يتعرض محارمي ؟ عندي كلاااااااام كثير ياسمو الأمير لكن ماودي أطول عليك وربي يحفظنا ويحفظك من كل شر. ابنك ومحبك .. |
قال رسول الله صلى الله عليه وسلم : ( سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة...)
يارب انك اتحفض اهلنا واخواننا و خواتنا |
يارب انك اتحفض اهلنا واخواننا و خواتنا
|
الله يستر علينا ...شكرا ومبدع دوما وبانتظار الأمير .
|
حسبي الله ونعم الوكيييييل يارب انا الحيييييييين جاي من مركز شرطة الشماليه التوقيت حاليا5:37ص وقبل ساعتين بالضبط 3:30حصل علي انااا اناا عملية سرقه عينك عينك وبعد في الشارع الي ورا العثيم العريض كنت ماخذ معي خوياي وموقفين سياراتهم بالملابق الي ورا يوم رجعت انزلهم وهم شغلو سيارتهم عشان تحتمي الا ويجي ذاك الطعس بمكسيما فضيه الموديل ماعرفه لاكنه قديم شوي ويقول وش عندكم موقفين عند حارتنا اشوف الا هالولد موب غريب علي ساكن في حاره حولنا واقول اسمه انت فلاان قال خلك من فلان وش عندكم هنا وقلت وش بغيت انت وينزل هو والسواق وكان معي بالسياره واحد راكب قدام ويجي لم دريشت خويي وانا كنت اسوق ونناظر الا وفي يده عصا اسود مربوط ربل كيبل حق اللحط واللحيط ويبي يضرب خويي وضرب سقف السياره ودخل على خويي طرف الربل ولحطه مع كتفه انا من شفت مشيهم واضح مو مضبوطين ياشاربين شي او من تأثير مخدر ويوم حركت الموتر بهج وينقز ويدخل ايده عند القير فيه 4 جوالاات وبوك يبي ينطل شي وخوي صبخ بيده الديكور وانا محرررك ماشي ساعدتنا بأسقاط الي فيده وخوياي الي يحمون سياراتهم هجو وديورت انا ولحقته واخذت رقم اللوحه وطرت للمركز الشرطه الشماليه وجيت انا وخوياي نقدم بلاغ وذكرت لهم اللوحه واسم المعتدي علي واخر شي شف وش يقول لك الضابط:070:
تبي نستدعيه وتاخذ تعهد انه مايجيك مره ثانيه ولو جاك مره ثانيه وتعدا عليك ندبسه مع ملفه الاول ونحولكم للتحقيق العام والمحاكم:112: اوعندك استعداد نرفع اعتدائه عليك لهيئة التحقيق من الحين وتلاحق وراه بالمحاكم واذا ماهتميت للمحاكم راح يطلقون المجني عليك:07: يحبط بك باتخاذ حقك من الجاني علييييك:011: يعني الشماليه بكبره لا عنده اشياء تخلي الواحد مايعيد كررته ثاني مره:oo يعني بس يدخل من هناا ويطلع من هنا بكفاله:mad: ويعود اللللص الى عادته:015: وتقولون ليش زايده السرقات والنهب و و و ... الخ:eek5 يعني معقوووووله انعدم الامن في الشوارع وفي بيتونا حسبي الله ونعم الوكيل:114: |
اقتباس:
لا حول ولاقوة إلا بالله.... زين معاه عصا ما معه شيء أقوى مثل سلاح... الله يستر... والله شيء يخوف..:eek5.. |
الله يستر بس علينا وعلى الناس اجمعين
بطالهـ + دجهـ = سرقهـ سرقهـ + فلوس = وظيفهـ قلت الدوريات داخل الاحياء هي سبب ذالك .. |
الله يعين والله المفروض الدورية بكل حاره ويشدد عليهم والمباحه العام ايضا |
اللهم اجعل هذا البلد امنا مطمئنا وسائر بلاد المسلمين
|
الله يستر علينا يارب..
ويارب احفظنااا من كل شششر.. ويارب اجعل هذا البلد امناً مطمئناً..وسائر بلاد المسلــــــــــــين.. |
البلى انهم يحتجزونهم عندهم يومين ويطلعونهم
|
والله العظيم كل مرة ادخل البيت
و انا مقبل على الباب الرئيسي اشوف هو مكسور او الا من كثر ما نسمع من السرقات |
اتمنى اطلاع سمو الحاكم الاداري حفظه الله
|
نسأل الله السلآمة
|
اللهم احفظنا واحفظ لنا اولادنا واموالنا واعرضنا
|
يا اخوي مادام الوضع وصل لهذا الحد من التأزّم يعني ماتنام الا والمسدس عند راسك
و تجاوزت المخاوف سلب الأملاك وانتهاك حرمة البيوت ووصلت التعدي على الأعراض ليش ماتروح انت أو أنت وابوك وجاركم لمكتب الامير بالاماره وتقوله اللي عندك؟ عادي ترى من حقك تقول شكواك .. والامير يستقبل المواطنين بالاماره أحسن من انك تكتب رساله بمنتدى ! لكي تضمن أن الوضع اللي تعاني منه انت وغيرك من السكان قد وصل للأمير والأمير بما أنه مسؤول تكون الشكوى وصلته ولاحجه له أمام الله وأمام عباده |
الله يدفع البلاء
|
اقتباس:
اقول والله يانت حبيب ..كان صدمه لي يطيح واخذت العصا اللي معه ورطبته لين يعض الارض ابن..... اجل يقول وش جايبك لحارتنا..كان قلت وين صك الحارة اغديه باسم ابوك لابوك لابوتسلب:d:d اخوياك المنذل ليش ما نزلوا يفزعون..قليلين الخاتمه..ولا خايفين:d\ حسبي الله على كل من سرق بيت وسيارة او غيرة..الله لايوفقهم دنيا واخرة لازم تشوفون لنا حل والا تبي تصير مشاكل ..الله يستر لا يجينا ما جاء مصر:bad |
من امن العقوبة اساء الادب
من وجهة نظري ان يعود شعبنا لتطبيق الشريعة الاسلامية بحذافيرها فتقطع يد السارق وتلغى حقوق الانسان فلن ترى سارق بعدها واذا لم يكن هذا الحل فعذرا سادتي سنرى هذه الاحداث بازدياد |
الله يستر
|
اقتباس:
والمشكله خوياي الي نزلتهم ولد عمتي فرح جاي من الشرقيه بيفله ببريده ويشوف هالمناظر المخزيه ولا يعني بزارين وذروقين هذا جايب اخوه الصغير مابهم دبره زين سلمو منهم مع الهجه لانو لو بكامل عقله يمكن ينتفاهم معهم بس يهايطون علينا وشكلهم في تأثير مخدر:oo يعني ذبحتي زي السلام عليكم مير الحمد لله ستر الله صفة على عصى مانزل بمسدس وهالمشكله هالايام اقرى بالمنتدى مشاكل اسلحه ماخذت احتياطي:d وهالوقت بجمب قير الموتر مسدسك وعساك سالم: 12 |
اقتباس:
|
اقتباس:
موضوعي وشكواي مو معناته لازم أروح وأشكو من السرقة لا لا !! موضوعي موجه ضد المسؤولين رجال الأمن ومن يهمهم الأمر وين الإخلاص وليش ما يشتغلون زي العالم الثانية وليش هالنووووم واللعب ؟؟. عتب ولسعة وأنا أخوك ولعل الأمير يوريهم العين الحمراء .وأيضا دعوى لكبار الأهالي لبحث الموضوع . لو رحت أنا وخمسة وأنا نكرة مو زي رجالات بريدة المعتبرين ولايعني انتقاص شخصيتي لا ولكن أهل المنزلة لهم كلمة أقوى |
اقتباس:
وراك خفت؟ أنا ماقلت انك تقول الامير مقصر .. أدري ان قصدك التقصير من رجال الامن والامير مادام صوتك ماوصل له وشلون تبيه يوريهم (العين الحمرا) على كلامك ؟ وبعدين لاتقول على نفسك نكره . انت مواطن زيك زي الرجالات المعتبرين اللي تقول عنهم لك حق العيش بسلام في وطنك وأن تأمن على بيتك وأهل بيتك وممتلكاتك. |
الله يستر علينا
|
لا تُقللوا من شأن دُعاء الإستيداع فالله سبحانه لن يُضيع أماناتكم |
والله الامر زاد عنن حده المشكلة في تطبيق الشرع بحق المجرم للاسف وهيئة الادعاء ما قصرت كفالة وامش للاسف نطلب الغائها والله افراد الشرطه يشكون بانفسهم يقولون نمسك الحرامي وهئية الادعاء يطلعونه حتى وصل الامر انهم يهددون الشرطه لازم حل سريع وجذري بس ما يكون مثل حلول جده |
السيف الأملح |
الله يستر بس بعض ناس عنده حراسه 24 ساعه ما نقدر نقووووووول شي
لاكن لا تنام الا المسدس بجمبك والله يكون بالعووووووووووون اتعضووووا بي مصرررررررررررر مصر ياناس اتقوا الله |
ليش ما تحطون مثلنا اتفقنا انا واخواني اننا نصير حراس على بيتنا مناوبه بيني وبين اخواني حراس عند باب بيتنا كل يوم على واحد يحرس البيت ومعه ام ستمه ههههههه المانية 27 هلا بالرجال<<<< وراه الي يبي يسرق دخله ولى قميرية هههههه |
والله ياخي احسن حل قفل بيبان بيتكم زين
ودخل موترك وسط الحوش واذا تبي نصيحتي بدل المسدس اشتري صاعق كهربائي اللي على شكل مسدس وخله معك الله يحمينا والمسلمين اجمعين |
اقتباس:
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه :d:d:d تكرم الدخله والقميريه من هالاشكال:41 |
وش الفايده ما راح يسمع هرجك
|
العاطل الداج الفقير
الي ماتربى على الخوووووووف من الله هم السبب موضوع يستاهل التثبيت يامراقبنا |
اقتباس:
|
الله يستر علينا |
| الساعة الآن +4: 03:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.